নহারোল অমসুং শান্ন-খোৎনবগী মন্ত্রালয়
দা. মন্সুখ মান্দবিয়ানা ভারতপু শান্নখোৎনবগী পাৱর হাউজ ওইহন্নবগীদমক তেলেন্ত শেমগৎকদবনি হায়খ্রে
কেন্দ্রগী মন্ত্রীনা কির্তি প্রোগ্রামগী অনিশুবা তাংকক হৌদোকখ্রে
"ভারত্তা মখল অমসুং শক্তি কয়া লৈ। ভারত্তা ব্রেনপাৱর, মেনপাৱর, নৎত্রগা তেলেন্ত অমত্তা ৱাত্তে" – দা. মান্দবিয়া
"মচীন তুমখৎলক্লিবা নহা ওইরিবা এথলেত লাখ অমা হেন্না নুমিৎ ১০০গী মনুংদা কির্তি প্রোগ্রামগী মখাদা খঙদোক্কনি"
Posted On:
19 JUL 2024 3:08PM by PIB Imphal
কেন্দ্রগী য়ুথ এফিয়র্স অমসুং স্পোর্ত অমসুং লেবর অমসুং ইমপ্লোইমেন্ত মন্ত্রী দা. মন্সুখ মান্দবিয়ানা ঙসি নৈ দিল্লীগী জৱাহর্লাল নেহরু স্তেদিয়মদা কির্তি (খেলো ইন্দিয়া রাইজিং তেলেন্ত আইদেন্তিফিকেসন) প্রোগ্রামগী অনিশুবা তাংকক হৌদোকখ্রে। ইকাইখুম্নজরিবা পার্লিয়ামেন্তকী মেম্বর শ্রী মনোজ তিৱারী অমসুং শ্রীমতি কমলজীত সেহরাৱত, শক্নাইরবা এথলেত, য়ুথ এফিয়র্স অমসুং স্পোর্তস অমসুং স্পোর্তস ওথোরিতী ওব ইন্দিয়া (সাই)গী সেনিয়র ওফিসিএলশিং অমসুং এম.সি.দি. স্কুলগী মহৈরোইশিংনা থৌরম অদুদা শরুক য়াখি।
তিল্লিবা মীয়ামদা ৱা ঙাংলদুনা, দা. মান্দবিয়ানা হায়খি "ভারত্তা মখল কয়া অমসুং শক্তি কয়া লৈ। ভারত্তা ব্রেনপাৱর, মেনপাৱর, নৎত্রগা তেলেন্ত অমত্তা ৱাত্তে। শহরশিংদতা নত্তনা অৱাং নোংপোক লমদম, শমুদ্র খোঙবাল, হিমালায়ন অমসুং ত্রাইবেলগী লমশিংদসু মগুন লৈরবা শান্নরোইশিং লৈ। কির্তিনা হায়রিবা হৈশিংলবা এথলেতশিং অসিবু থিদোক্নবা অমসুং মখোয়গী হৈশিংবশিংবু শেমগৎনবা পান্দম থম্লি।"
"ঐখোয়গী ইকাইখুম্নজরিবা প্রধান মন্ত্রী নরেন্দ্র মোদীজিনা ঐখোয়গী পুন্সিদা শান্নখোৎনবা কয়া য়াম্না মরুওইবগে হায়বদু হন্না হন্না ফোংদোকখ্রে। ভারতপু মালেমগী শান্নখোৎনবগী সুপরপাৱর অমা ওইহন্নবগীদমক, লৈঙাক অসিনা মপুং ফানা হায়রিবা হৈশিংলবা এথলেতশিং অসিবু শেমগৎনবা থৌরাং কয়া অমা লৌখৎলে। লৈঙাক্কী পান্দম অমগা লোইননা থাংজিল্লিবা খোঙথাং অসি ওলিম্পিক য়াওনা হন্দক্তা পাঙথোকখিবা তোঙান-তোঙানবা মালেমগী চেম্পিয়শিপ্সহিংদা লৌরকখিবা মেদাল তেল্লিশিং অসিদা উবা ফংলে। ঐখোয়না হায়রিবা হায় পার্ফোরমিং এসেতশিং অসিবু নীংথিনা পুশিনবীবা অমা চঙই অমসুং মসিদনি শান্নখোৎনবগী এক্সিলেন্সতা অহানবা খোংথাং অমা ওইগদৌরিবা কির্তিগী থৌদাং অসিনা লাক্লিবসি" হায়না দা. মান্দবিয়ানা ফোংদোকখি।
হৌদোকপগী থৌরম অদুদা শরুক য়াবা লাকখিবা নহা ওইরিবা মহৈরোই লিশিং কয়াদা ৱা ঙাংলদুনা দা. মান্দবিয়ানা হায়খি, "নখোয়গী মরক্তা, শোইদনমক্কী ওলিম্পিক চেম্পিয়ন অমদি য়াওগনি। নখোয়গী ইমা ইপাশিংনা লাকপীদুনা নখোয়বু শান্নখোৎনবদা শৌগৎপীবগীদমক পুক্নিং থৌগৎচরি।" নোংমদি নখোয়না ওলিম্পিক মেদল অমা লৌদুনা নখোয়গী ইমা ইপাশিংনা জে.এল.এন. স্তেদিয়মদা ঙসিগী মীকুপ অসি শোইদনা নীংশিংলক্কনি হায়না কেন্দ্রগী মন্ত্রী অসিনা খা তাখি।
দা. মান্দবিনা মখা তানা হায়খি, লৈঙাক অসিনা মচীন তুমখৎলক্লিবা নহা ওইরিবা এথলেত লাখ অমা হেন্না নুমিৎ ১০০গী মনুংদা কির্তি প্রোগ্রামগী মখাদা খঙদোক্নবা ৱারেপ লৌরে। মহাক্না মখা তারদুনা হায়খি মদুদি কির্তি প্রোগ্রাম অসিগী মখাদা, মীপুম খুদিংমক্তা খুঙ্গংদগী নৎত্রগা শহরদগী ওইজসনু, অমসুং মখোয় লাইরবা নৎত্রগা অমহেক্তদগী হৌরকপা ওইজসনু মখোয়গী শান্নখোৎনবগী হৈশিংবশিংবু হেন্না ফগৎনবা খুদোংচাবা পীগনি।
ঙসিগী থৌরম অসিনা ভারতপু ২০৪৭ ফাওবদা ওলিম্পিক গেম্সতা মকোক থোংবা লৈবাক ৫গী মনুংদা চন্নবগী অহানবা খোংথাং ওইরগনি। নুংঙাইরিবদি, ভারতপু পেরিস ওলিম্পিক্তা মহুৎ শিন্দুনা চৎকদবা এথলেত ১১৭ অসিদা ২৮ অমদি খেলো ইন্দিয়া ইকোসিস্তেমদগী লাক্লি।
কির্তিগী তেলেন্ত খঙদোক্নবা মোদেল অসি আই.তি. তুল অমসুং মালেমগী খ্বাইদগী ফরবা থবকশিং পায়খৎতুনা সাইন্তিফিক ওইনা থৌরাং তৌরিবনি। কির্তি প্রোগ্রাম অসিনা হায়রিবা অহাংবা অসিবু মেনশিন্নবা অমসুং নহা ওইরবা মচীন তুমখৎলক্লিবা এথলেতশিংদা মখোয়গী হৈশিংবশিং শীজিন্নদুনা পুন্সিগী লম্বী অমা শেমজনবা মায়কৈ পীনবা পান্দম থম্লি।
প্রোজেক্ত কির্তিনা দিসেন্ত্রেলাইজ অমসুং পোকেত বেজ তেলেন্ত খঙদোক্নবগীদমক পান্দম অনি ফংনবা হোৎনরি – মীয়াম শরুক য়াহনবা অমসুং শান্নখোৎনবদা মাঙজিল থাবা। কির্তি প্রোগ্রামগী থৌরাং অসি নুমিৎ ১০০নিগী মনুংদা মফম ১০০দা এসেস্মেন্ত লাখ ১ পায়খৎপনি, মসিনা তেলেন্ত খঙদোক্নবা অমসুং কোন্না চহি অমগী মনুংদা এসেস্মেন্ত লাখ ২০ পায়খৎনবা হোৎনরি।
দিল্লীদা, স্পোর্তস ওথোরিতী ওব ইন্দিয়ানা ম্যুনিসিপাল কোর্পোরেসন ওব দিল্লী (এম.সি.দি.)গা খুৎশম্নদুনা মফম ১২দা এম.সি.দি. মহৈরোই ২৫০০০ লোমদা কির্তি এসেস্মেন্ত তৌখ্রে। হায়রিবা এসেস্মেন্তশিগ্ন অসি নুমিৎ ২৭ নি চত্থখিগনি অমসুং তোঙান-তোঙানবা মরুওইবা দিসিপ্লিন ৫ কোনশিনগনি হায়বদি, এথলেতিক্স, ফুতবোল, ভোল্লীবোল, কবাদ্দি, অমসুং খোখোনি।
ম্যুনিসিপাল কোর্পোরেসন ওব দিল্লীনা ২০২২-২৩দা মখোয়গী পাইলত প্রোজেক্ত ওইনা দিল্লীগী মফম কয়াদা এম.সি.দি. মহৈরোই চহি ৬-১০ ফাওবদা লৈবা অঙাংশিংদা শান্নখোৎনবগী কেম্প তৌদুনা ফুৎবোল, ভোল্লীবোল অসিনচিংবা য়াওনা পাঙথোকখ্রে।
৩শুবা তাংকক্কী ওইনা কির্তি প্রোগ্রাম অসিদা কির্তিগী মখাদা খেলো ইন্দিয়া স্কিমগী দিসিপ্লিন ২০ য়াওহনগনি।
কির্তিগী অহানবা তাংকক অদু চান্দিগরদা চহি অসিগী মার্চ ১২দা হৌদোকখি।
কির্তি ফেস II হৌদোকপা য়েংনবগীদমক মফম অসিদা নম্বীয়ু।
কির্তি প্রোগ্রামগী এক্সপ্লেনর পানবগীদমক মফম অসিদা নম্বীয়ু।
***
(Release ID: 2034408)
Visitor Counter : 57
Read this release in:
Khasi
,
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam