অতৈ লৈবাকশিংগা চাংদম্নবদা য়ুনিসেফকী হন্দক্তা ফোংবা রিপোর্ত অমগী মতুং ইন্না  ভারতনা 'জিরো দোজ চিলদ্রেন' – তিকা অমত্তা থাদ্রিবা অঙাং মশীং খ্বাইদগী য়াম্না লৈ হায়না মীদিয়া রিপোর্ত খরনা ফোংলি। রিপোর্তশিং অসিনা লৈবাক অসিগী ইম্ম্যুনাইজেসনগী থৌরাংদা মপুং ফাদবা শক্তম অমা উৎলে, মরমদি মখোয়না লৈবাক অসিগী অমসুং অতৈ লৈবাক্কী মীশিং অমসুং তিকা থাখ্রবা মশীং চাংদম্নদুনা পাদে।

মরীক চুম্বা অমসুং মপুং ফাবা লৈঙাক্না তিকা থাবগী ৱারোলদি মরী লৈনবা দেতা অমসুং প্রোগ্রামেতিক ইন্তর্ভেন্সনশিং মুন্না খঙলগা ফংগনি।

গ্রাফ ১ না ভারত্তা লৈবা এন্তিজেন খুদিংমক্কী কোনশিল্লিবা চাদা পাবা শরুক অসি ব্লু লাইন অসিনা উত্তুনা ভারতনা মালেমগী চাংচত্তগী খ্বাইদগী ৱাংই হায়বা তাক্লি। ভারত্তা, এন্তিজেন অয়াম্বগী ওইনা, কোনশিল্লিবা চাং অসি ৯০% নি, মসি অতৈ চাগা ৱাংবা লৈবাকশিং হায়বদি ন্যু জিলেন্দ (দি.তি.পি. -১ ৯৩%), জর্মনি অমসুং ফিনলেন্দ (দি.তি.পি. ৩ ৯১%), স্বেদেন (এম.সি.ভি.) – ১ ৯৩%), লকজেম্বর্গ (এম.সি.ভি. – ২ ৯০%), আইয়র্লেন্দ (পি.সি.ভি. – ৩ ৮৩%), য়ুনাইতেদ কিংদম ওব গ্রেত ব্রিতেন অমসুং নোরদর্ন আইয়রলেন্দ (রোতাসি ৯০%)গা চাংদম্নবদা নোপতে।

ভারতকী ৮৩%গী কভরেজ অসিনা ন্যুমোকোকেল কঞ্জুগেত ভেক্সিন (পি.সি.ভি.)গী ওইনা চাংদম্নরবসু, মসি মালেমগী ৬৫%দা লৈরিবা চাং অসিসগী অদুমক হেন্না ৱাংলি।

গ্রাফ ১: এন্তিজেনগী ওইনা ভারত অমসুং মালেমগী কভরেজগা চাংদম্নবা (%)

(WUENIC ২০২৩)

গ্রাফ২না ভারতকী দি.তি.পি.-১ (পেন্তা-১) অমসুং দি.তি.পি.-৩ (পেন্তা-৩) কভরেজগা জিরো দোজ অমসুং তিকা থাদ্রিবা অঙাংশিংগী বর্দন ৱাংবা অতৈ লৈবাকশিংগা চাংদম্নরি। গ্রাফ অসিনা ভারতপু মীশিং য়াম্না লৈবগা লোইননা খ্বাইদগী য়াম্না তিকা থারি হায়বা তাক্লি। ভারতকী তার্গেত কোহোর্ত অসি গ্রাফ অসিদা চাংদম্নরিবা অতৈ লৈবাক মাপনদগী শরুক অহুম হেল্লি। চাংদম্নরিবা লৈবাকশিং অসিদগী, ভারতনা দি.তি.পি.-১ (পেন্তা-) কভরেজ ৯০%গী মথক্তা লৈবা লৈবাক ওইরি অমসুং দি.তি.পি (পেন্তা) অহানবা দোজ কাপ্লগা অহুমশুবা দোজ কাপতবা অঙাংশিং অসিনা ২% ওইরি, মসিদা লৈরিবা অহাংবা অসি চাংদম্নরিবা অতৈ লৈবাকশিং অসিদগী কা হেন্না কান্নরি। হায়রিবা ফিগরশিং অসি সোসিও-জিওগ্রাফিকেল ওইনা পাক চাউবা লৈবা লৈয়াক্কী প্রোগ্রামেতিক ইন্তর্ভেন্সন্দা মীৎয়েং চংলি হায়বা তাক্লি।

গ্রাফ ২: ভারত অমসুং দি.তি.পি. য়াওবা তিকাদা জিরো দোজ চিলদ্রেন মশীং য়াম্বা লৈবাকশিংগা চাংদম্নবা (%)(WUENIC ২০২৩)

গ্রাফ ৩না ভারত্তা লৈবা মীশিংগা চাংদম্নবদা লৈবা জিরো দোজ চিলদ্রেন অসি ০.১১% নি হায়বা উৎলি।

গ্রাফ ৩: অপুনবা মীশিংগী চাদা পাবা জিরো দোজ চিলদ্রেন

হায়রিবা স্তেতিস্তিক্স অসিনা লৈঙাক্কী হনবা লৈতনা লৈবাক অসিদা ইম্ম্যুনাইজেসনগী থৌরাং মফম খুদিংদা য়ৌহন্নবা হোৎনরিববু তাক্লি। লৈবাক অসিগী য়ুনিভর্সেল ইম্ম্যুনাইজেসন প্রোগ্রাম অসিনা মালেমদা খ্বাইদগী চাউবা পব্লিক হেল্থ ইনিসিএতিব ওইরি, মসিনা অঙাং মশীং করোর ২.৬ অমসুং মীরোনবী মশীং করোর ২.৯ চহি খুদিংগী ওইনা তিকা থাবগী সেসন করোর ১.২দা কাপথোক্নবা পান্দম থম্লি। লৈবাক অসিগী শেনবা চহি ২০২৩-২৪গী ফুল ইম্ম্যুনাইজেসন কভরেজ অসি ৯৩.২৩%দা লৈ। কাপ্পা য়ারবা অঙাং খুদিংমকপু ঙাকথোকপা য়াবা লায়নাশিংদগী ঙাকথোক্নবা তিকা কাপ্নবগীদমক, লৈবাক অসিনা অন্দর-৫ মোর্তালিতী রেত (U5MR) অসি ২০১৪দা হিংনা ১০০০ পোকপদা ৪৫ লৈরম্বদগী হিংনা ১০০০ পোকপদা (এস.আর.এস. ২০২০) ৩২ দা হন্থরে। মসিগী মথক্তা ভারতনা ২০১৪ দগী হৌদুনা ঙাকথোকপগী চাং হেনগৎনবা য়ু.আই.পি.গী মখাদা অনৌবা তিকা তরুক অমগা পুথোক্তুনা তিকাগী মশীং হেনগৎহল্লে।

জিরো দোজ অমসুং তিকা কাপত্রিবা অঙাংশিংদা য়ৌহন্নবগীদমক, ভারতনা মিসন ইন্দ্রধনুশ অমসুং ইন্তেন্সিফাইদ মিসন ইন্দ্রধনুশকী মখাদা থৌরাং কয়া লৌখৎলে, মসিবু রাজ্যশিংনা শৌগৎলি। মসিনা ২০১৪-২০২৩গী মরক্তা জিরো দোজ চিলদ্রেনগী অঙাং মশীং অসি ৩৪% হন্থহল্লে। ২০১৪দগী হৌদুনা, মিসন ইন্দ্রধনুশকী তাংকক ১২ দি জিল্লা খুদিংমক্তা পাঙথোকখ্রে, মসিদা অঙাং করোর ৫.৪৬ অমসুং মীরোনবী করোর ১.৩২না তিকা থাখি।

অতৈ লৈবাকশিংগা চাংদম্নবদা, ভারতনা দব্ল্যু.ঐচ.ও.না রিকমেন্দ তৌবা তিকা মশীং য়ু.আই.পি.গী মখাদা খ্বাইদগী য়াম্না পীরি। ভারতকী মিন কভরেজ অসি ৮৩.৪% নি, মসি মালেমগী কভরেজগী চাদা ১০ দগী হেল্লিবনি। ও.পি.ভি. অমসুং আই.পি.ভি.গী কভরেজ ৱাংবগা লোইননা, ভারতনা ২০১১দা পোলিও কেস লৈখিবা অদুগী মতুংদা চহি ১৩ লেপতনা পোলিও লৈত্রবা লৈবাক অমা ওইবগী থাক মায় পাক্না ঙাক্না লাক্লি।

দি.তি.পি (পেন্তা-১) ৯৩% অহানবা দোজ কভরেজ অমসুং ৯৩% মিজল অমসুং রুবেল্লা ভেক্সিন ১বা দোজ কভরেজগা লোইননা লৈবাক অসিগী দ্রাইব অসি জিরো দোজ চিলদ্রেন হন্থহনবা অমসুং মিজল অমসুং রুবেল্লা মুৎথৎনবা হোৎনরি। লেপা লৈতনা মিজল অমসুং রুবেল্লা মুৎথৎনবা হোৎনরিবা অসিদা ভারতপু দি মিজল অমসুং রুবেল্লা পার্তনরশিপ (অমেরিকান রেদ ক্রোস, বি.এম.জি.এফ., গাভি, য়ু.এস. সি.দি.সি., য়ু.এন.এফ., য়ুনিসেফ, অমসুং দব্ল্যু.ঐচ.ও.)না দি অমেরিকান রেদ ক্রোস হেদক্বার্তর, ৱাসিংতন দি.সি., য়ু.এস.এ.দা মার্চ ৬, ২০২৪দা মমল য়াম্লবা মিজল অমসুং রুবেলা চেম্পিয়ন এৱার্দ পীদুনা ইকাইখুম্নবা উৎখি। 

***