নহারোল অমসুং শান্ন-খোৎনবগী মন্ত্রালয়
দা. মন্সুখ মান্দবিয়ানা নেসনেল য়ুথ এৱার্দ ফংলকখ্রবা অমসুং নেসনেল সর্ভিস স্কিম মনা ফংলকখ্রবশিংগা উনখ্রে
মাই ভারত ফম্বাকপু হেন্না নহাশিংগী ওইহন্নবগী মতাংদা খন্নখ্রে
ভারতকী নহাশিং অসিনা ঐখোয়গী তুংগী ৱারেপ লৌগদবশিংনিঃ কেন্দ্রগী মন্ত্রী
Posted On:
17 JUL 2024 2:12PM by PIB Imphal
য়ুথ এফিয়র্স অমসুং লেবর অমসুং ইমপ্লোইমেন্তকী কেন্দ্রগী মন্ত্রী দা. মন্সুখ মান্দবিয়ানা নেসনেল য়ুথ এৱার্দ ফংলকখ্রবা অমসুং নেসনেল সর্ভিস স্কিম (এন.এস.এস.) মনা ফংলকখ্রবশিংগা ঙসি নৈ দিল্লীদা উনখ্রে। সেসন অদুদা নহা লুচিংবশিং অসিগী মায় পাকপবু হরাওবা ফোংদোক্নবা অমসুং মাই ভারত ফম্বাকপু ভারতকী নহাশিংগী হেন্না নুংঙাইবা ওইহন্নবগী মতাংদা খন্নখি।
দা. মান্দবিয়ানা ৱারী ৱাতাই শানবগী থৌরম অদু ভারতকী তোঙান-তোঙানবা রাজ্যশিংদগী হৌরকপা মনা ফংলকখ্রবশিং অদুগী অখন্নবা থবকশিংগী মতাংদা ফোংদোকপগা লোইননা হৌদোকখি অমসুং সস্তেনেবল দিবেলপমেন্ত গোল্স (এস.দি.জি.), ক্লাইমেত চেঞ্জ, অর্বান প্লান্নিং, য়ুথ এম্পৱারমেন্ত, দ্রগ এব্যুজ ঙাকথোকপা, অতৈ কয়াগী মতাংদা পীখিবা কয়াবু শীংথাখি। লৈবাক অসিগী মতীক লৈবা তুংলমচৎ অমা শেমগৎনবগীদমক নহা ওইরিবা তেলেন্ত কয়াবু খঙদোকপা অমসুং য়োকখৎপগী তঙাইফদবগী মতাংদা ফোংদোকখি।
শরুক য়াখিবশিংদা ফোংদোক্লদুনা, দা. মান্দবিয়ানা হায়খি, "ভারতকী নহাশিং অসিনা তুংগী ৱারেপ লৌগদবশিংনি, অমসুং মখোয়বু শক্তি পীনবগীদমক ঐখোয়গী অপুনবা খোঙচৎশিং অসিগীদমক হরাওবা ফাওই।"
খন্ননৈনবদুগী অয়াম্বা শরুকশিংদি মাই ভারত ফম্বাক্তা লৈরিবা নহাশিংবু শরুক য়াহন্নবগী অনৌবা অমসুং অপুনবা ৱাখল্লোনশিংগী মতাংদা হেন্না খন্নখি। দা. মান্দবিয়ানা ফম্বাক অসিবু হেন্না নুংঙাইনবা, ঈ পাউ পীবা হেনগৎনবগীদমক মনা ফংলক্লবশিং অসিদগী ৱাখল্লোনশিং ফোংদোক্নবা পুক্নিং চিংশিনখি। মনা ফংলক্লব্লশিংনা দিজিতেল তুল হেন্না হাপচিন্দুনা নহাশিংগা মরী লৈনবা থৌরাংশিংগী পুম্নমক ফংফম অমা ওইহন্নবা অমসুং নহা ওইরিবা লুচিংবশিংবু লমজিংনবা মেন্তরশিপ অমসুং ইন্তর্নশিপ প্রোগ্রামশিং শেম্নবগী ৱাখল্লোনশিং পুখৎখি।
দা. মান্দবিয়ানা নহাশিং অমসুং মন্ত্রালয় অসিগী মরক্তা ভারতকী নহা ওইরিবশিংবু মতীক চানা লমজিংবীনবগীদমক মখা তানা ৱারী শাননবগী অপাম্বা থমখি।
দা. মান্দবিয়ানা নহাশিংবু তোঙান-তোঙানবা থৌশিল থৌরাং কয়াগা লোইননা হেন্না শক্তি পীনবা হোৎনরিবা লৈঙাক্কী ৱারেপকী মতাংদা ফোংদোকখি। ৱারী ৱাতাই শানবদু মাই ভারত ফম্বাকপু নহাশিংগীদমক হেন্না নুংঙাইবা মফম অমা ওইহন্নবগী অপুনবা মঙলান অমগা লোইননা লোইশিনখি। দা. মান্দবিয়ানা ভারতপু হেন্না চাউখৎপা অমসুং ইন্নোভেতিব ওইনবগী মায়কৈদা লৈরিবা নহাশিংগী শক্তি অমসুং তুংলমচৎতা লৈরিবা থাজবদু থমখি।
ৱারী ৱাতাই শানবা অদুদা দিপার্তমেন্ত ওব য়ুথ এফিয়র্সকী সেক্রেতরী অমসুং য়ুথ এফিয়র্স অমসুং স্পোর্তস মন্ত্রালয়গী মকোক থোংবা ওফিসিএলশিংগা লোইননা শরুক য়াখি।
***
(Release ID: 2033904)
Visitor Counter : 4