“মালেমগী ফার্মাসী’ হায়না ঐখোয়গী মালেমদা লৈরিবা মীংচৎ অসিগা চান্ননবা ভারতনা দ্রগস রিগ্যুলেসন্দা মালেমগী লুচিংবা ওইনবা ঐখোয়না মালেমগী থাক্কী রিগ্যুলেতরী ফ্রেমৱার্ক লৈবা মথৌ তাই “। ৱাফম অসি কেন্দ্রগী হকশেল মন্ত্রী শ্রী জে.পি. নদ্দানা ঙসি মফম অসিদা দ্রগস, কোস্মেতিক্স অমসুং মেদিকেল দিভাইসশিংগী রিগ্যুলেসন য়েংশিনবদা ফোঙদোকখিবনি। কেন্দ্রগী হকশেল সেক্রেতরী শ্রী অপুর্বা চন্দ্র, দ্রগস কন্ত্রোল্লর জেনরেল ওফ ইন্দিয়া (DCGI), দা. রাজীব সিংহ রঘুবন্সি অমসুং সেন্ত্রেল দ্রগস স্তেন্দর্দ কন্ত্রোল ওর্গনাইজেসন (CDSCO) অমসুং হকশেল মন্ত্রালয়গী মকোক থোংবা ওফিসরশিংনা অৱাংবা থাক্কী য়েংশিন মীফম অসিদা শরুক য়াখি।

ভারতনা মালেমগী ওইনা মরুওইবা দ্রগ পুথোকপা অমসুং এক্সপোর্ত তৌবা লৈবাক অমা ওইরি হায়না পল্লদুনা শ্রী জে.পি. নদ্দানা হায়খি CDSCOনা মাগী মেন্দেৎ এক্তিবিতীশিংদা গ্লোবেল স্তেন্দর্দশিং ফংনবা তাইমলাইনশিং য়াওবা রোদমেপ অমা শেমগদবনি। মহাক্না হায়খি মদুদি অপস্কেলিং অসি য়ুনিফোর্মিতী, তেক্নিকেল অপগ্রেদেসন অমসুং ফ্যুচরস্তিক এপ্রোচকী খ্বাইদগী ৱাংবা স্তেন্দর্দশিংদা মীৎয়েং থমদুনা সিস্তেমদা য়ুম্ফম ওইবা মথৌ তাই। হিদাক-লাংথকশিং অমসুং ফার্মাস্যুতিকলশিং এক্সপোর্ত তৌনবগীদমক্তা, সিস্তেম অসি এক্সপোর্ত তৌরিবা হিদাক-লাংথকশিংগী ক্বালিতী ঙাক-শেনবগীদমক্তা মতিক চাবা ইন্তর্ভেন্সনগীদমক দিজাইন তৌগদবনি হায়না মহাক্না ফোঙদোকখি।

শ্রী নদ্দানা CDSCOগী থবকশিংদা ত্রান্সপরেন্সীগী মরুওইবা অদু পনখি। মহাক্না হায়খি মদুদি "গ্লোবেল স্তেন্দর্দশিং ফংনবগীদমক, ঐখোয়গী মীৎয়েং অসি CDSCO অমসুং দ্রগ অমসুং মেদিকেল দিভাইস ইন্দস্ত্রীগী মনুংদা লৈরিবা থৌওংশিংগী ত্রান্সপরেন্সীদা থমগদবনি।" দ্রগ রেগুলেতরী বোদী অমসুং ইন্দস্ত্রী অনিমক্না ভারতনা শাবা অমসুং য়োল্লবা পোৎলমশিং অসি গ্লোবেল ক্বালিতী স্তেন্দর্দশিংগী অৱাংবা ইন্দেক্সশিং ফংহন্নবগীদমক ত্রান্সপরেন্সীগী খ্বাইদগী ৱাংবা প্রিন্সিপলশিংদা থবক তৌগদবনি হায়না মহাক্না হায়খি।

কেন্দ্রগী হকশেল মন্ত্রীনা হায়খি মদুদি CDSCO না দ্রগ অমসুং মেদিকেল দিভাইস ইন্দস্ত্রীগা লেপ্পা লৈতনা ৱারী শানদুনা মখোয়গী ৱাফমশিং খঙমিন্নবা অমসুং CDSCO গী ক্বালিতীগী আশা অমসুং স্তেন্দর্দশিং মপুং ফাহন্নবগীদমক মতেং পাংনবা মরু ওই। “রেগুলেতরীগী মথৌ তাবশিংগী মনুংদা দ্রগ ইন্দস্ত্রীগীদমক্তা ললোন-ইতিক তৌবদা লাইথোকহনগদবা মেকানিজমশিং শেমগৎপদা ঐখোয়না মীৎয়েং থমগদবনি। মসিগীদমক্তা CDSCOনা মালেমগী থাক্তা লৈবা অত্যাধুনিক ফেসিলিতীশিংগা লোইননা শীজিন্নবদা লায়বা ওর্গনাইজেসন অমা ওইগদবনি," হায়না মহাক্না ফোঙদোকখি।

দ্রগ মেনুফেকচরিংদা মাইক্রো, স্মোল এন্দ মেদিয়ম ইন্তর্প্রাইজ (MSME) সেক্তরগী হীরম অমসুং ক্বালিতী লৈবা স্তেন্দর্দশিং ফংনবগীদমক অপীকপা ইন্দস্ত্রীশিংনা থেংনরিবা ইসুশিংগী মতাংদা, কেন্দ্রগী হকশেল মন্ত্রীনা হায়খি, "ঐখোয়না MSME সেক্তরনা থেংনরিবা ইসুশিং অদু খঙমিন্নসি অমসুং নাকল অমরোমদা মখোয়গী কেপাসিতী অমসুং পোত্থোকশিংগী মগুন হেনগৎহনবদা মতেং পাংসি, অমসুং নাকল অমরোমদা রেগুলেতরীগী মথৌ তাবশিং ফংনবা মখোয়বু পুক্নিং থৌগৎসি।"

CDSCO গী থবক থৌরমশিং, মসিগী মাইপাকপশিং, তুংলমচৎকী থৌরাংশিং অমসুং CDSCOনা থেংনরিবা তোঙান তোঙানবা ইসুশিং অমসুং শিংনবশিংগী মতাংদা শ্রী নদ্দাদা পাউদমখি। মন্ত্রীনা রাজ্যগী দ্রগ রেগুলেতরী সিস্তেম মপাঙ্গল কনখৎহন্নবগীদমক লুপা করোর 850গী বজেৎগা লোয়ননা 2016তা মহাক্কী মমাংগী মতমগী মতমদা হৌদোকখিবা স্কিমগী খোংজেলগী মতাংদা পাউদমখি।

কেন্দ্রগী অমসুং রাজ্যগী দ্রগ রেগুলেতরী বোদীশিংগী থৌ অমসুং থৌদাংশিং অমসুং মখোয়গী মরক্তা লৈনরিবা শিংনবশিংগী মতাংদা কেন্দ্রগী মন্ত্রীদা পাউদমখি। রাজ্যশিং অসি ঐখোয়গী রেগ্যুলেতরী ভেল্যু চেনগী ইন্তিগ্রেতেবল ওইবা শরুক অমনি হায়না পল্লদুনা শ্রী নদ্দানা রাজ্যশিং অসিগা লোয়ননা থবক তৌমিন্নবগী মরুওইবা অদু ফোঙদোকখি। মসিনা মখোয়গী স্কিল অমসুং কেপাসিতী হেনগৎহনগনি অমসুং মখোয়বু সেন্ত্রেল গবর্নমেন্তকী ক্বালিতী স্তেন্দর্দশিংগা মান্ননবা পুক্নিং থৌগৎকনি। CDSCO না হৌদোক্লিবা গুদ মেনুফেকচরিং প্রেক্তিসপু মালেমগী থাক্তা ওন্থোকপদা মসি মরুওইবা অমনি," হায়না মহাক্না মখা তাখি।

****