ঙসি নিউ দিল্লিদা পাংথোকখিবা মীফম অমদা, ত্রাইবেল এফেয়ার্সকী য়ুনিয়ন মিনিস্তর শ্রী জুৱাল ওরাম অমসুং রাজ্য মন্ত্রী শ্রী দুর্গাদাস উইকেনা মথং নুমিৎ ১০০দা মিনিস্ত্রিনা পাংথোক্কদবা স্কিমশিং অমসুং মরুওইবা থবকশিংগী খুমাং চাউশিনবা হন্না য়েংশিনখ্রে।

মিনিস্ত্রিগী স্কিমশিং অমসুং থবকশিংগী মতাংদা অপুনবা ফিবম অমা পাউদম্বগা লোয়ননা মীফম অদু হৌদোকখি, তুংদা বজেতকী মতাংদা খন্ন-নৈনবা অমা পাংথোকখি।

মীফম অদুদা খন্নখিবা মরুওইবা স্কিমশিং অমসুং থবকশিং অদুদি :

• ত্রাইবেল মহৈরোয়শিংগী স্কোলারসিপ স্কিমশিং
• প্রধান মন্ত্রী জনজাতি অদিবাসি মহা অভিয়ান(পি.এম-জনমন)
• প্রধান মন্ত্রী অদি অদর্স গ্রাম য়োজনা(পি এম এ এ জি ৱাই)
• এক্লাব্য মোদেল রেসিদেন্সিএল স্কুল(ই এম আর এস)
• লাইফলিহুদ স্কিমশিং
• সংবিধানগী আর্তিকল ২৭৫(১)গী মখাদা গ্রান্তশিং পীবা
• ত্রাইবেল রিছার্স ইন্সতিতুসনশিংদা মতেং পাংবা
• এন.জি.ওশিংদা শৌগৎপা
• হকশেলগী লমদা মরুওইবা থবকশিং পায়খৎপা, অমসুং
• মিনিস্ত্রিগী তোঙান-তোঙানবা দিবিজনশিংনা পায়খৎপা অতোপ্পা থবকশিং

শ্রী ওরামনা হায়খি মীওই খুদিংমক কোনশিনবা অমসুং খুদোংচাবশিং চপ মান্ননা ফংমিন্না খুন্নাই অমা শেমগৎনবা হায়রিবা থবকশিং অসি য়াম্না মরুওই। শ্রী উইকেনা হায়খি হায়রিবা থবকশিং অসি মপুংফানা পায়খৎনবা পুন্না থবক তৌমিন্নবা দরকার ওই। ত্রাইবেল এফেয়ার্সকী সেক্রেতরি শ্রী বিভু নায়ার অমসুং সেনিয়ার ওফিসারশিংনা মতম চানা অমসুং মপুংফানা থবকশিং পাংথোক্নবা অকুপ্পা থৌরাংশিং অমসুং নুঙগী ওইবা ৱাখল্লোনশিং ফোঙদোকখি।

ত্রাইবেল মীয়াম চাউখৎনবা পান্দমশিং ফংনবা চোকথবা নাইদনা থবক তৌনবা মিনিস্ত্রিগী অমতা ওইবা ৱারেপ অমা লৌদুনা মীফম অদু লোইশিনখি।

***