पंतप्रधान कार्यालय
बिमस्टेक सदस्य देशांच्या परराष्ट्र व्यवहार मंत्र्यांनी घेतली पंतप्रधान नरेंद्र मोदी यांची भेट
विविध क्षेत्रांत प्रादेशिक सहकार्य आणखी मजबूत करण्याबाबत पंतप्रधानांनी केली चर्चा
बिमस्टेकप्रती भारताच्या वचनबद्धतेची पंतप्रधानांकडून ग्वाही
आगामी बिमस्टेक शिखर परिषदेसाठी पंतप्रधानांचा थायलंडला पूर्ण पाठिंबा
Posted On:
12 JUL 2024 1:57PM by PIB Mumbai
बिमस्टेक (बहु-क्षेत्रीय तांत्रिक आणि आर्थिक सहकार्यासाठी बंगालच्या उपसागराचा पुढाकार) सदस्य देशांच्या परराष्ट्र मंत्र्यांनी आज पंतप्रधान नरेंद्र मोदी यांची एकत्र भेट घेतली.
संपर्क, ऊर्जा, व्यापार, आरोग्य, कृषी, विज्ञान, सुरक्षा आणि लोकांचा लोकांशी संवाद यासह विविध क्षेत्रांत प्रादेशिक सहकार्य अधिक मजबूत करण्यासाठी पंतप्रधानांनी मंत्र्यांच्या गटाशी फलदायी चर्चा केली. आर्थिक आणि सामाजिक वाढीचे इंजिन म्हणून बिमस्टेकच्या भूमिकेवर त्यांनी भर दिला.
शांततापूर्ण, समृद्ध, लवचिक आणि सुरक्षित बिमस्टेक क्षेत्रासाठी भारताच्या वचनबद्धतेची त्यांनी ग्वाही दिली. भारताची नेबरहुड फर्स्ट आणि लुक ईस्ट ही धोरणे तसेच सर्वांसाठी सुरक्षा आणि विकासासाठीच्या सागर व्हिजनमध्ये त्याचे महत्त्व त्यांनी अधोरेखित केले.
सप्टेंबरमध्ये थायलंड येथे होणाऱ्या आगामी बिमस्टेक शिखर परिषदेला भारताचा संपूर्ण पाठिंबा असल्याचे पंतप्रधानांनी सांगितले.
***
S.Kakade/P.Jambhekar/P.Kor
***
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2032736)
Visitor Counter : 68
Read this release in:
English
,
Manipuri
,
Urdu
,
Hindi
,
Hindi_MP
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam