بھوٹان کی شاہی حکومت کے ایک وفد نے، جس کی سربراہی بھوٹان کی حکومت میں توانائی اور قدرتی وسائل کے وزیر جناب ر جیم شیرنگ کررہے تھے۔ جناب کیرتی وردھن سنگھ، مرکزی وزیر مملکت برائے ماحولیات، جنگلات اور موسمیاتی تبدیلی سے ملاقات کی اور ہوا کے معیار ، آب وہوا کی تبدیلی ، جنگلات، قدرتی وسائل، جنگلی حیات اور قابل تجدید توانائی سے متعلق مسائل پر تبادلہ خیال کیا۔

جناب کیرتی وردھن سنگھ نے بھوٹان کے وزیر کا بین الاقوامی بگ کیٹ  اتحاد میں شامل ہونے پر شکریہ ادا کیا، جو کہ ہندوستان کی ایک عالمی پہل ہے۔ انہوں نے کہا کہ دونوں ممالک کا جغرافیہ، ماحولیاتی نظام اور ساتھ  ہی ساتھ جمہوریت کی مشترکہ اقدار  ہیں۔ انہوں نے مزید کہا کہ آب وہوا کی تبدیلی دونوں ممالک کے لیے مشترکہ تشویش کا معاملہ ہے۔

جناب شیرنگ نے اپریل 2024 میں پارو میں پائیدار فنانس فار ٹائیگر لینڈ اسکیپ کانفرنس کی کامیابی کے ساتھ  میزبانی انجام دینے کے بارے میں مطلع  کیا۔ انہوں نے کہا کہ بھوٹان پہلے سے ہی کاربن کے صفر اخراج والا ملک ہے اور توانائی کا بڑا حصہ اسے پن بجلی سے حاصل کرتا ہے۔

دونوں فریقوں نے آب وہوا تبدیلی، ہوا کے معیار، جنگلات، جنگلی حیات کے  بندوبست  اور ماحولیات نیز آب وہوا کی تبدیلی کے شعبے میں استعداد کار بڑھانے کے شعبوں میں مل کر کام کرنے پر اتفاق کیا۔ بھارت نے  مشترکہ ورکنگ گروپ  اجلاس منعقد کرنے کی تجویز پیش کی  تھی ۔

*****

U.No:8272

ش ح۔ش م۔رم