মালেমগী মীশিংগী নুমিৎকা ইরোইননা, কেন্দ্রগী হকশেল অমসুং য়াইফ-য়ুম্বাল মন্ত্রী শ্রী জগত প্রাশ নাদানা কেন্দ্রগী হকশেল অমসুং য়াইফ য়ুম্বাল মন্ত্রী শ্রীমতি অনুপ্রিয়া পতেল অমসুং রাজ্য/য়ু.তি.শিংগা লোইননা ফেমিলী প্লান্নিং অমসুং পোপুলেসন কন্ত্রোলগী মতাংদা পাঙথোকপা ভর্চুএল দিস্কসন অমা পাঙথোকখ্রে। থৌরম অদুগী থিমদিঃ "মমা অমসুং মচাগী য়াইফনবগীদমক মীরোনবগী অতীক চাবা মতম অমসুং নাওরোল"নি।

মালেমগী মীশিংগী ১/৫তি ভারত্তা লৈ হায়রদুনা মহাক্না মালেমগী মীশিংগী নুমিৎ অসি মী মশীং চাং অমদা থম্বা ঙম্নবগী অচেৎপা ফিরেপ অমা লৌমিন্ননবা পালন তৌবা তঙাইফদবনি হায়খি। "ভিক্সিত ভারতকী পান্দম অসি ভারতকী অপীকপা ইমুং কয়ানা ফংবা ঙমগদবা ইমুং কয়াগী হকশেলবু চাং চানা লৈহল্লবা মতমদা ওইগনি" হায়না মহাক্না হায়খি।

কেন্দ্রগী হকশেল মন্ত্রীনা কেন্দ্র অমসুং রাজ্যশিংদা নুপীশিংবু ফেমিলী প্লান্নিংগী অপাম্বা হক মশানা পাঙথোকচনবগী মতাংদা ওমসুং পামদবা মওংদা মীরোনবগী অৱাবা পীদনবা অমসুং কা হেন্না অৱাবা রাজ্যশিং, জিল্লা অমসুং ব্লোকশিংদা কন্ত্রাসেপ্তিব শীজিন্নবা ঙমদবগী সমশ্যা কোক্নবা পুন্না হোৎনমিন্নবগী তঙাইফদবগী মতাংদা ফোংদোকখ্রে। "এফ.পি. থৌরম অসিগী পান্দম অসি "ইশানা পাম্না পোকপা অমসুং ভাপ তানা লৌজবা" হায়বসিনা ওইগনি, হায়না মহাক্না ফোংদোকখি। লৈঙাক অসিনা "হেন্না ফবা, নহাশিং, ইনখৎলকপশিং, নুপী অমসুং অহলশিং য়াওনা পুম্নমক্কী হকশেল ফনা থম্বা"গী পান্দমদা "পুন্না হোৎনমিন্নবা হায়বসি ঐখোয়না লাক্কদবা দাইতশিং লৌমিন্ননবা অমসুং ফেমিলী প্লান্নিং অমসুং রিপ্রদক্তিব হেল্থকপু তঙাইফদবা অমনি হায়বা খঙহন্নবা মরুওইবা মচাক অমনি" হায়না কেন্দ্রগী হকশেল মন্ত্রী অসিনা ফোংদোকখি। "মতম চানা অমসুং নাওরোন চানা চাবোকপা, চপ চাবা ইমুংগী চাংদা থম্বা অমসুং মশা কন্ত্রাসেপ্তিব শেজিন্নবগী শক্তি হেনগৎহনবনা হেন্না মশা মউ ফবা অমসুং নুংঙাইবা ইমুং হায়বদু ওইহল্লি, মসিনা লৈবাক অসিবু হেন্না লংহনবদা মতেং পাংই" হায়না মহাক্না ফোঙদোকখি।

হায় ফোকস ওইবা রাজ্য তরেতকী হায় প্রাইওরিতী দিস্ত্রক্ত ১৪৬ অমসুং তুংদা হায়রিবা রাজ্যশিং অমসুং অৱাং নোংপোক লমদমগী রাজ্য তরুক্কী জিল্লা খুদিংদা পাকথোকখিবা নেসনেল ফেমিলী প্লান্নিং প্রোগ্রামগী থৌশিলশিং মরক্তা অমা ওইরিবা "মিসন পরিবার ভিকাস" (এম.পি.ভি.)গী মতাংদা ঙাংলদুনা, শ্রী নাদানা থৌশিল অসিনা পুরকখিবা কান্নবশিংগী মতাংদা হায়খি অমসুং হায়রিবা রাজ্যশিং অসিদা কন্ত্রাসেপ্তিব শীজিন্নবা হেনগৎলকপা অমসুং মমা, মচা অমসুং চহি মঙাগী মখাদা শিবগী চাং হন্থরকপগী মতাংদা ফোঙদোকখি। "জিল্লাশিং অসিবু থৌশিল অসিগী প্রাইমরী ফোকেল পোইন্ত অমা ওইনা শেম্বনা রাজ্যশিং অসিদা তি.এফ.আর. হন্থহনবদা মতেং পাংই। মিসন পরিবার ভিকাসনা রাজ্যশিংগী তি.এফ.আর. হন্থহনবদা নত্তনা জাতি অসিগী তি.এফ.আর.দসু মতেং পাংই," হায়না মহাক্না ফোঙদোকখি। ঐখোয়না মাংজৌননা এফ.তি.আর. ফংখ্রবা রাজ্যশিংদা নেম্না থম্নবা অমসুং অতোপ্পা রাজ্যশিংদা ফনহন্নবা হোৎনগদবনি হায়না মহাক্না মখা তাখি। মাহক্না রাজ্য/য়ু.তি.শিংদা লৈবাক অসিগী মফম খুদিংদা তি.এফ.আর. হন্থহন্নবা হোৎনগদবনি হায়খি। "ঐখোয়না রাজ্যশিংগী ইম্পুত অমসুং এন.এফ.ঐচ.এস. দেতাদা য়ুম্ফম ওইদুনা তি.এফ.আর. ফগৎতবা মফমশিংদা মীৎয়েং চঙগদবনি" হায়না মহাক্না ফোংদোকখি।

শ্রী নাদানা হেল্থকেয়র অমসুং ফ্রন্তলাইন ৱার্করশিং অমসুং খ্বাইদগী অরোইবা মাইল ফাওবা ফেমিলী প্লানিং অমসুং সর্ভিস দেলিভরী য়ৌহন্নবা হোৎনরিবা তোঙান-তোঙানবা লাইন দিপার্ত্মেন্তশিংবু শিংথাখি।

শ্রীমতি অনুপ্রিয়া পতেলনা হায়খি "ভারতকী মীশিংগী ৬৫%না মচা পোকপা য়াবা চহি কাংলুপতা লৈরি, মসিনা মখোয়দা অপাম্বা করিনো হায়বদু খঙহনবা চঙই অমসুং পামদবা মওংদা ইমুং মশীং হেনগৎপদগী কন্নবা হোৎনগদবনি"। কেন্দ্র সরকারনা পাকথোক চাউথোক্না ফেমিলী প্লান্নিংগী মতাংদা লৌরিবা থৌরাংশিংগী মতাংদা পল্লদুনা মহাক্না হায়খি "মমাংদদি মসি তাংকক অনিগী থৌরাং ওইরম্মি, অদুবু হৌজিক্তি মসি তাংকক অহুমগী থৌরাং ওইরেঃ শেম শাবগী তাংকক, মীয়াম্না শরুক য়াবা অমসুং সর্ভিস পীবা।" মহাক্না হায়খি মদুদি ইমুং মনুংগী থৌরমশিংগী চহি হুমদ্রা অসিনা হৌজিক্তি রাজ্য/য়ু.তি. ৩৬কী মনুংদা ৩১দি তি.এফ.আর. মহুত শিনবগী চাংদা লৈরে। মহাক্না য়ু.পি. বিহার, ঝার্খন্দ, মেঘালয় অমসুং মনিপুরবু তি.এফ.আর. হন্থহন্নবা থৌরাং লৌখৎনবা পুক্নিং থৌগৎখি।

শ্রীমতি পতেলনা মসিমসু তমখি মদুদি এম.পি.ভি.গী থৌশিলশিং অসি হান্না জিল্লা ১৪৬ ওইরম্বদগী জিল্লা ৩৪০দা পাকথোক চাউথোক্লে। "মসিমসু পনবা য়াই মদুদি লৈবাক অসিদা অনৌবা মখলগী কন্ত্রাসেপ্তিব শীজিন্নবগী চাং অসি ৫৬% য়ৌরে" হায়না মহাক্না হায়খি। নেসনেল ফেমিলী প্লান্নিং প্রোগ্রাম, এম.ও.এস. (ঐচ.এফ.দব্ল্য.)গী মায় পাকপশিং পল্লদুনা হায়খি মদুদি অনৌবা মখলগী কন্ত্রাসেপ্তিব শীজিন্নবগী চাং অসি ৪৭.৮% (এন.এফ.ঐচ.এস.) দগী ৫৬.৫% (এন.এফ.ঐচ.এস.) দা হেনগৎলে। "এন.এফ.ঐচ.এস. ৫ দেতানা উৎলি মদুদি মপুং ওইনা মমা অমসুং অঙাং লৈতবা অমসুং মোর্বিদিতীগী চাংদা কা হেন্না শাফু পীরিবা স্পেসিং মেথদ অসিদা হোংলক্লি। অন্মেত নীদ ফোর ফেমিলী প্লান্নিং অসিসু ১৩.৯ দগী ৯.৪ (এন.এফ.ঐচ.এস. IV) দা হন্থরে, মসি য়াম্না শিংথানিংঙাই অমনি" হায়না মহাক্না হায়খি।

থৌরম অদুদা, অনৌবা ফেমিলী প্লান্নিং দিস্প্লে মোদেল "সুগম" অমসুং হন্দক্কী ৱার্ল্দ পোপুলেসন দে ২০২৪গী থিম য়াওবা হিন্দি, ইংলিশ অমসুং রিজনেলগী লোলশিংদা নম্বা ফেমিলী প্লান্নিং পোস্তরশিংসু ফোংখি। সুগম অসি  ফেমিলী প্লান্নিং সর্ভিস প্রোভাইদরশিং, RMNCHA (রিপ্রদক্তিব, মেতর্নেল, ন্যুবোর্ন, চাইল্দ, এদোলেসন্ত হেল্থ এন্দ ন্যুত্রিসন) কাউন্সেলর, গ্রাসরুত হেল্থ ৱার্কর, অমসুং বেনিফিসরিশিংনা শীজিন্নগদবা অখন্নবা অমসুং অনৌবা ফেমিলী প্লান্নিং দিস্প্লে মোদেলনি। মসি তোঙান-তোঙানবা হেল্থ ফেসিলিতীশিংদা থেৎপা য়াই। 'সুগম'না ময়াম্না কান্নবা ফিভম অমা পুরক্নবা অমসুং ফেমিলী প্লান্নিংগী মতাংদা মীয়াম ভাপ তাহন্নবা হোৎনরি। মসিনা ফেমিলী প্লান্নিংদা নুপী অমসুং নুপা অনিমক্কী চপ মান্ননা শরুক য়ামিন্ননবা তঙাইফদবা মরোলশিং থম্লি, মাংজৌননা লেপ্লবা মমা মপা ওইবা, পোকপগী মতম অমসুং নাওরোল চাবা, অমসুং ফংলিবা কন্ত্রাসেপ্তিবশিংগী মতাংদা হায়রি। নৌনা শেম্বা রেদিও স্পোতশিং অমসুং জিঙ্গলশিইংনা ফেমিলী প্লান্নিংগী মতাংদা ভাপ তাহন্নবা হোৎনদুনা হৌদোক্লে।

থৌরম অদুদা ভর্চুএল ওইনা শরুক য়ারদুনা রাজ্য অমসুং য়ুনিয়ন তেরিতোরীশিংগী  হকশেল অমসুং মিসন দিরেক্তর প্রিন্সিপাল সেক্রেতরীশিংনা মখোয়না থেংনরিবা অৱাবশিং য়াওনা খ্বাইদগী অরোইবা মাইল ফাওবদা ফেমিলী প্লান্নিং সর্ভিসশিং পীনবা হোৎনরিবা কয়াগী মতাংদা থমখি। ঝার্খন্দ অমসুং উত্তর প্রদেশনা মশাগী "সা বহু সম্মেলন"গী মতাংদা পনখি, মসিদসু ইমুং অদুগী নুপাশিংনা কম্ম্যুনিতী ভাপ তাহন্নবা হোৎনবদা শরুক য়ারি। তেলঙ্গানানা মখোয়গী অখন্নবা "অন্তরা দে"গী মতাংদা পুখৎখি, মসিদা মখোয়না কাপশিনবা য়াবা কন্ত্রাসেপ্তিবশিং মতৈ মনাওদা পীরি। রাজ্যশিংনা ভারত সরকারবু ফেমিলী প্লান্নিংগী থৌরাংদা মতেং কয়া পীবীবগীদমক থাগৎনখি।

শ্রী অপুর্ব চন্দ্র, কেন্দ্রগী হকশেল সেক্রেতরী শ্রীমতি অরাধনা পতনাইক, এ.এস. অমসুং এম.দি. (এন.ঐচ.এম.), হকশেল মন্ত্রী, শ্রীমতি মীরা শ্রীভাস্তব, জে.এস. (আর.সি.ঐচ.), পব্লিক হেল্থ এক্সপর্ত, দিবেলপমেন্ত পার্তনর, সিভিল সোসাইতীশিং, রাজ্যশিংদগী মীহুৎশিং অমসুং কেন্দ্রগী হকশেল মন্ত্রালয়দগী মকোক থোংবা ওফিসিএলশিংনা থৌরম অদুদা ভর্চুএল ওইনা শরুক য়াখি।

***