ভারত-রুসিয়া: মতম কুইরবা অমসুং মশা-মরেং ফন্দোরক্লিবা মরী

1. ২২শুবা ভারত-রুসিয়া চহিগী মীফমগীদমক রুসিয়াগী রাস্ত্রপতি ব্লাদিমির পুতিন্না চেবাউ পীরকপদগী ভারতকী প্রধান মন্ত্রী শ্রী নরেন্দ্র মোদী সরকারগী খোঙচৎ অমদা জুলাই ৮-৯,২০২৪ দা রুসিয়াদা চৎখি।

2. খোঙচৎ মনুংদা রাস্ত্রপতি ব্লাদিমির পুতিন্না রুসিয়াগী খ্বাইদগী চাউবা সিবিলিয়ান মনা “ওর্দর ওফ সেন্ত এন্দ্রিয়ু এপোস্তল” প্রধান মন্ত্রী শ্রী নরেন্দ্র মোদীদা পীখি। মনা অসি শ্রী মোদীনা ভারত অমসুং রসিয়াগী মরক্তা লৈনরিবা অখন্নবা অমসুং অচেৎপা মরুপ-মপাং ওইবা মরী অমসুং লৈবাক অনিগী মীয়ামগী মরক্তা লৈনরিবা মরুপ-মপাং ওইবা মরীশিং চাউখৎনবা হোৎনবদা মতেং পাংখিবা অদু ইকায়খুম্নবা উৎপা ওইনা পীবনি।

রাজনিতিগী মরীশিং

3. ভারত অমসুং রসিয়াগী মরক্ত লৈনরিবা অখন্নবা অমসুং অচেৎপা মরুপ-মপাং ওইবা মরী অসি মখা তানা হেন্না মপাঙ্গল কনখৎহন্নবা অমসুং চেৎশীনহন্নবা লুচিংবশিংনা য়ানখ্রে।

4. থাজবা, অমনা অমবু মশক খঙনবা অমসুং অরুবা থবকশিং পুন্না পাংথোকমিন্নবদা য়ুম্ফম ওইবা মতম কুইরবা মরী অসিগী তোপ-তোপ্পা মশক অসি লুচিংবশিংনা থাগৎপা ফোঙদোকখি। ২০২৩দা ভারতনা এস.সি.ও অমসুং জি-২০গী প্রসিদেন্ত ওইরিঙৈ মনুং অমসুং ২০২৪দা রুসিয়ানা ব্রিক্সকী চিয়ার্মেন ওইরিঙৈ মনুং য়াওনা থাক খুদিংমক্তা চাংনাইনা লৈবাক অনি ৱারি শানখি, মসিনা লৈবাক অনিগী মরী মখা তানা চেৎশীনহনবা অমসুং পাকথোক-চাউথোকহনবদা মতেং পাংখি।

5. রাজনিতি, মিলিতির অমসুং সেকুরিতি, ললোন-ইতিক অমসুং শেন থাদবা, ইনর্জি, সাইন্স অমসুং তেক্নোলোজি, ন্যুক্লিয়ার, স্পেস, নাত, লাইরিক-লাইশু অমসুং অৱা-অনাগী মতেং পাংনবা য়াওনা হিরম কয়াদা লৈবাক অনিমক খুদোংচাবা ফংনরিবা ভারত-রুসিয়াগী মরীশিং লুচিংবা অনিনা খন্নখি। মমাংঙৈদগী লৈরক্লবা মরীশিং মখা তানা মপাঙ্গল কনখৎহন্নবগা লোয়ননা নাকল অনিমক্না অনৌবা হিরমশিং থৱায় য়াওনা মশক খঙদোকপদা লুচিংবশিংনা অপেনবা ফোঙদোকখি।

6. হৌজিক মালেমগী ওইরিবা অরুবা ফিবম, শিংনবা অমসুং তম্বা ঙমদবা ফিবমশিং অসিদা ভারত-রুসিয়াগী মরীশিং অৱাবা কয়া মায়োক্নরিবা অদু নাকল অনিমক্না খঙজিনখি। মতম অসিগী ওইবা, খল মান্নবা, নাকল অনিমক খুদোংচাবা ফংবা, তুংকোইনা চৎনবা য়াবা অমসুং মতম শাংবা মরুপ-মপাংগী মরী অমা শেমগৎনবা নাকল অনিমক্না ফোঙদোক্নখি। মতেং পাংনবগী হিরম কয়া কোনশীন্দুনা ভারত-রুসিয়াগী মরীশিং চাউখৎহনবা অসি লৈবাক অনিমক্কী মপান লৈবাক্কী থৌশিলগী মরুওইবা অমনি। অচেৎপা মরী অসিগী কান্নবা মপুংফানা লৌনবা পায়খৎপা য়াবা থবকশিং পায়খৎনবা লুচিংবশিংনা য়ানখি।

ফোরেন মিনিস্ত্রিশিংগী থাক্তা মতেং পীনবা

7. ফোরেন মিনিস্তরশিংগী মরক্ত মতেং পাংনবা অমসুং য়াম্না তোইনা মীফমশিং পাংথোকপা অমসুং লেপ্তনা হোংলক্লিবা মালেমগী ফিবম অসিগী মতুংইন্না নাকল অনিগী মরী য়োকখৎনবা অমসুং মমাই চুম্নবা ফোরেন মিনিস্তরশিংগী মরক্তা চৎথোক-চৎশিন তৌনবা অমসুং হোংলক্লিবা ফিবমশিংদা চুনশিন্ননবা হোৎনরিবা অসিদা লুচিংবশিংনা থাগৎপা ফোঙদোকখি। চাংনাইন নকশিন্ননা থবক তৌমিন্নবা অসিনা মালেমগী ওইবা ৱাফমশিংদা লৌরিবা ফিরেপশিং অমসুং তোঙান-তোঙানবা মালেমগী লুপশিংগী মতাংদা অমনা অমগী  মরুওইবা ৱাফমশিং মশক খঙবা অমসুং থাগৎপদা মতেং পাংলে।

8. ভারতকী এক্সতর্নেল এফেয়ার্স মিনিস্ত্রি অমসুং রুসিয়াগী ফোরেন এফেয়ার্স মিনিস্ত্রিগী মরক্তা দিশেম্বর ২০২৩দা খুৎয়েক পীনখিবা ২০২৪-২৮গী ফোরেন ওফিস কন্সলতেসনগী প্রোতোগোল লুচিংবশিংনা তরাম্না ওকখি। মসিনা লৈবাক অনিগী, মালেমগী অমসুং লমদম-লমদমগী ৱাফমশিংদা খন্নবা অমসুং ৱারি শান্নবগী য়ুম্ফম থোল্লে। নাকল অনি ফোরেন ওফিস কন্সলতেসন চাংনাইনা পাংথোকপা, য়ু.এন, কাউন্তর-তেরোরিজম, কন্সুলর অমসুং লন-থুমগা মরী লৈনবা ৱাফমশিং অমসুং নাকল অনিমক্না পাম্নবা লমদম-লমদমগী অমসুং মালেমগী ওইবা ৱাফমশিং খন্নবদা লুচিংবশিংনবা অপেনবা ফোঙদোকখি।

সংসদকী থবকশিংদা মতেং পাংনবা

9. সংসদ অনিগী মরক্তা নকশিন্ননা থবক তৌমিন্নবা অমসুং ভারত-রুসিয়াগী মরীশিংগী মরুওইবা শরুক অমা ওইনা হাওস অনিমক্কী  ইন্তর-পর্লিয়ামেন্তরি কম্মিসন অমসুং পর্লিামেন্তরি ফ্রেন্দসিপ গ্রুপকী মীফমশিং চাংনাইনা পাংথোকপগী মরুওইবা অদু লুচিংবশিংনা থাগৎখি। ৯শুবা জি-২০ পর্লিয়ামেন্তরি স্পিকরস সম্মিৎ শরুক য়ানবা ওক্তোবর ২০২৩দা নিউ দিল্লিদা রসিয়াগী স্পিকর লাকখিবা অদু মখোয়না থাগৎপা ফোঙদোকখি। 

নেসনেল সেকুরিতি কাউন্সিলশিংগী মরক্তা মতেং পীনবা

10. লৈবাক অনিগী অমসুং লমদম-লমদমগী ওইবা ৱাফমশিংদা নেসনেল সেকুরিতি এদভাইজরশিং অমসুং নেসনেল সেকুরিতি কাউন্সিলশিংগী থাক্তা সেকুরিতিগী ৱারি শানবগী মরুওইবা অদু লুচিংবশিংনা থমখি অমসুং লৈবাক অনিমক্না দরকার ওইবা মালেমগী অমসুং লমদম-লমদমগী ৱাফমশিং অমসুং লৈবাক অনিগী ওইবা ৱাফমশিংদা ৱাখল তামিন্নবা অমসুং মতেং পাংনবা হেনগৎহন্নবা চাংনাইনা উনবদা মখোয়না তরাম্না ওকখি অমসুং অপেনবা ফোঙদোকখি।

ললোন-ইতিক অমসুং শেন-থুমগী মরী

11. লুচিংবশিংনা ২০২৫ ফাওবগী মনুংদা য়ু.এস.দোল্লর বিল্লিয়ন ৩০গী নাকল অনিগী ললোন-ইতিক্কী পান্দম অমা থমখিবা অদু ২০২৩দা লৈবাক অনিগী ললোন-ইতিক শিংথাবা য়ানা চাউখৎলকপদা নাকল অনিনা অপেনবা ফোঙদোকখি। মতম শাংনা লৈবাক অনিগী ললোন-ইতিক খল চানবা অমসুং তুংকোইনা লৈহন্নবা, উদ্যোগকী মতেং পাংনবা হেনগৎহন্দুনা, অনৌবা তেক্নোলোজি শীজিন্নদুনা অমসুং অৱাংবা থাক্কী তেক্নোলোজিগী হিরমশিংদা পুন্না শেন থাদমিন্নদুনা অমসুং মতেং পাংনবগী অনৌবা হিরমশিং অমসুং মওংশিং খঙদোক্তুনা ভারতনা রুসিয়াদা পোৎ-চৈ য়োনবা হেনগৎহনবগী দরকার ওইবা অদু লুচিংবশিংনা তকশিনখি।

12. লৈবাক অনিগী ললোন-ইতিক্কী থবক মখা তানা য়াংখৎহন্নবা অমসুং চাউখৎহন্নবা, ২০৩০ ফাওবদা য়ু.এস.দোল্লর বিল্লিয়ন ১০০গী লৈবাক অনিগী ললোন-ইতিক্কী পান্দম থম্নবা লুচিংবশিংনা য়ানখি।

13. এপ্রিল ২০২৩দা নিউ দিল্লিদা পাংথোকখিবা ইন্দিয়া-রুসিয়া ইন্তরগভর্নমেন্তেল কম্মিসন ওন ত্রেদ, ইকোনোমিক, সাইন্তিফিক, তেক্নিকেল এন্দ কলচরেল কোওপরেসনগী ২৪শুবা মীফম অমসুং ইন্দিয়া-রুসিয়া বিজিনেস ফোরম অমসুং ত্রান্সপোর্ত, অর্বান দিবলপমেন্ত অমসুং রেলৱেজগী ৱার্কিং-গ্রুপস অমসুং সব-ৱার্কিং গ্রুপশিংগী মীফমশিং লুচিংবশিংনা তরাম্না ওকখি। লৈবাক অনিগী শেন-থুমগী মরীশিং মখা তানা পাকথোক-চাউথোক্নবা অমসুং মখল কয়া থোকহন্নবা পাংথোকপা থবকশিং মখোয়না থাগৎপা ফোঙদোকখি। রুসিয়াদা ২০২৪দা ইন্দিয়া-রুসিয়া ইন্তরগভর্নমেন্তেল কম্মিসন ওন ত্রেদ, ইকোনোমিক, সাইন্তিফিক, তেক্নিকেল এন্দ কলচরেল কোওপরেসনগী মথংগী মীফম পাংথোকপদা মখোয়না য়ানখি।

14. ললোন-ইতিক অমসুং শেন-থুমগী মতেং পাংনবা মখা তানা ফগৎনবা অহেনবা থবক অমা পায়খৎপা অমসুং লৈবাক অনিগী মরক্ত পোৎ-চৈ অমসুং থবকশিংদা ললোন-ইতিক চাউখৎনবা খোঙজেল অমা লেংহন্দনা থম্বা অমসুং মসিগী ভোলুম শিংথাবা য়ানা হেনগৎহন্নবা, ২০৩০ ফাওবদা হিরম কয়াদা রুসিয়া-ভারত শেন-থুমগী মতেং পাংনবা চাউখৎহন্নবা থৌরম শেম্নবা মরী লৈনবা এজেন্সিশিংদা পাউতাক পীনবা লুচিংবশিংনা ফোঙদোকখি। মসি থবক ওইনা পাংথোক্নবা থবক খুদিংমক ইন্দিয়া-রুসিয়া ইন্তরগভর্নমেন্তেল কম্মিসন ওন ত্রেদ, ইকোনোমিক, সাইন্তিফিক, তেক্নিকেল এন্দ কলচরেল কোওপরেসন্না পাংথোক্কনি।  প্রোগ্রাম-২০৩০ মমুৎ তানা য়েংশিন্নবা, লাকশিন্নবা অমসুং শৌগৎনবা মসিগী ৱার্কিং-গ্রুপস অমসুং সব-ৱার্কিং গ্রুপশিং, লৈবাক অনিগী মরী লৈনবা এজেন্সিশিংদা পাউতাক পীখ্রে।

15. জাতিগী করেন্সিশিং শীজিন্নদুনা লৈবাক অনিগী মরক্তা শেন পীথোক-পীশিনগী থবকশিং চাউখৎহন্নবা মখা তানা থবক তৌমিন্নবা হায়না নাকল অনিনা য়ানখি। মখোয়গী ফাইনান্সিএল মেসেজিং সিস্তেমশিং লৈবাকশিংগী মরক্তা শীজিন্নবা য়ানবা মখা তানা খন্নবা হায়না মখোয়না য়ানখি। ইন্সুরেন্সকী ৱাফমশিং অমসুং নাকল অনিগী ললোন-ইতিক মখা তানা হেনগৎহন্নবা অমুক হন্না থাজবা পীনবগী মতাংদা লৈবাক অনিনা য়ানবা পাম্বৈশিং পুথোক্নবগী মরুওইবা অদু মখোয়না খঙজিনখি।

16. কনখৎপগী থবকশিং অমসুং লৈঙাক্কী অথিংবশিং য়াওনা, ললোন-ইতিক্তা লৈরিবা নন-তারিফ/তারিফ অথিংবশিং লৌথোক্নবা, ভারত অমসুং য়ুরেসিয়ান ইকোনোমিক য়ুনিয়নগী মরক্ত পোৎ-চৈগী ফ্রি ত্রেদ এগ্রিমেন্ত অমা লৈনবা মপুংফানা ৱারি শানবা হৌনবা ২০২৪দগী মীফম পাংথোকপা হৌবদা লুচিংবশিংনা তরাম্না ওকখি। সর্বিসেস অমসুং ইনভেস্তমেন্তশিংদা লৈবাক অনিগী ফ্রি-ত্রেদ এগ্রিমেন্ত অমা খুৎয়েক পীন্নবা ৱারি শানবা হৌনবা ওইথোকপা য়াবশিং মশক খঙদোক্নবা লুচিংবশিংনা মখোয়গী মরী লৈনবা ওফিসিএলশিংদা পাউতাক পীখি।

17. লৈবাক অনিগী মরীশিং ফগৎহন্নবা উদ্যোগকী মতেং পাংনবগী মরুওইবা পল্লদুনা, ত্রান্সপোর্ত ইঞ্জিনিয়ারিং, মেতাল্লুরজি, কেমিকেল ইন্দস্ত্রি অমসুং নাকল অনিনা পাম্নবা অতোপ্পা হিরমশিংদা মেনুফেকচরিংগী মতেং পাংনবা হেনগৎহন্নবা মখোয়গী অপাম্বশিং নাকল অনিনা থমখি। মরুওইবা হিরমশিংদা অপুনবা প্রোজেকশিং পায়খৎনবা খুদোংচাবা ফিবমশিং শেমগৎনবা মখোয়গী অনিংবশিং থমখি। উদ্যোগকী পোৎথোকশিং লৈবাক অমনা লৈবাক অমদা য়োনবা হেনগৎহনবা অমসুং মখোয়গী ললোন-ইতিক্কী থবকশিং হেনগৎহনবগী মরুওইবা অদু মখোয়না থমখি।

18. ওথোরাইজ ইকোনোমিক ওপরেতরগী মরী লৈনবা ইন্সতিতুসনশিং লৈবাক অমনা লৈবাক অমগী শকখঙনবা রুসিয়াগী ফেদেরেল কস্তমস সর্বিস অমসুং ভারতকী সেন্ত্রেল বোর্দ ওফ ইন্দাইরেক্ত তেক্সেস এন্দ কস্তমসগী মরক্তা মে ২০২৪ দা খুৎয়েক পীনখিবা অদুনা নোমেনক্লেচর পাকথোক-চাউথোকহনবা অমসুং রুসিয়া-ভারতকী ললোন-ইতিক হেনগৎহনবা অমসুং সপ্লাই চেনশিংগী সেকুরিতি হেনগৎহনবদা অহেনবা ইথিল অমা পীগনি হায়না নাকল অনিমক্না অমুক হন্না থমখি।

19. রুসিয়া সরকার অমসুং ভারত সরকারগী মরক্তা মাইক্রেসন অমসুং মোবিলিতি পার্তনরশিপ এগ্রিমেন্তগী মতাংদা মখা তানা খন্নবা হায়না নাকল অনিনা য়ানরে।

20. হারগী মতাংদা অপুনবা ভারত-রুসিয়া কম্মিতিগী ঙাক্লৌ মনুংদা কম্পেনি অমদগী কম্পেনি অমদা মতম শাংবা কন্ত্রেকশিংগী খুৎথাংদা ভারত্তা তুংকোইনা হারশিং ফংহন্নবা মখা তানা মতেং পাংনবা হায়না লৈবাক অনিনা য়ানরে।

21. এপ্রিল ২০২৪দা মোস্কোদা পাংথোকখিবা অহানবা ইন্দিয়া-রুসিয়া ইনভেস্তমেন্ত ফোরম অমসুং মরুওইবা ইনভেস্তমেন্ত প্রোজেকশিংগী ৱার্কিং গ্রুপকী ৭শুবা মীফম লুচিংবশিংনা তরাম্না ওকখি অমসুং মীফম অদুদা “মেক ইন ইন্দিয়া” অমসুং “অত্মানির্ভর ভারত” থৌরমশিংদা রুসিয়াগী ললোন-ইতিকশিং শরুক অমসুং রুসিয়াদা ভারতকী কম্পেনিশিং শেন থাদবা হায়না নাকল অনিনা য়ানখি। ভারত সরকারগী ইন্দস্ত্রিএল কোরিদোর প্রোগ্রামগী মখাদা গ্রিনফিল্দ ইন্দস্ত্রিএল সহরশিংদা মেনুফেকচরিং য়ুনিতশিং লিংখৎনবা রুসিয়াগী কম্পেনিশিং ভারতনা চেবাউ পীখি।

22. তেলিকম্মুনিকেসনশিং, সেতেল্লাইত কম্মুনিকেসনশিং, লৈবাক ঙাকপা অমসুং সহরগী থবকশিংদা দিজিতেলগী থবকশিং, মোবাইল কম্মুনিকেসনশিং অমসুং ইনফোর্মেসন সেকুরিতি য়াওনা কম্মুনিকেসনগী তেক্নোলোজিশিংগী লমদা মতেং পীনবা হেনগৎহন্নিংবগী অপাম্বা নাকল অনিনা থমখি।

ত্রান্সপোর্ত অমসুং চৎথোক-চৎশিন

23. তুংদু-লৈতাবা অমসুং মতিক চাবা ত্রান্সপোর্ত কোরিদোরগী অনৌবা ফিবম অমা শেমগৎনবা থবকশিং পায়খৎনবা লৈবাক অনিনা ৱাফমশিং খন্নখি অমসুং গ্রেতর য়ুরাসিয়ান স্পেস অমগী ৱাখল্লোন থবক ওইনা পাংথোক্নবা খন্নবা য়াওনা য়ুরোসিয়াদা পোৎথোক পুথোকপা অমসুং মার্কেত্তিং চেনশিং চাউখৎহন্নবা পুক্নিং চঙনবা খন্নখি। হিরম অসিদা, চেন্নাই-ব্লাদিভোস্তোক ইস্তর্ন মেরিতাইম কোরিদোর অমসুং ইন্তরনেসনেল নোর্থ-সাউথ ত্রান্সপোর্ত কোরিদোর অমসুং নোর্থন সি রুতশিং থবক ওইনা পাংথোক্নবা কেপাসিতি হেনগৎহন্নবা অমসুং লোজিস্তিক্স লিঙ্কশিং পাকথোক-চাউথোকহন্নবা থৱায় য়াওনা থবক তৌনবা থৌরাং তৌরে হায়না নাকল অনিনা ফোঙদোকখ্রে।

24. কার্গো চৎথোক-চৎশিনগী মতম অমসুং শেল হন্থহন্নবা অমসুং য়ুরাসিয়ান লমদমদা চৎথোক-চৎশিন হেনগৎহন্নবা আই.এস.এস.তি.সি লম্বী শীজিন্নবা হেনগৎহন্নবা অপুনবা থবকশিং নাকল অনিনা মখা তানা পায়খৎকনি।  অরোন-অথুপ লৈতবা, পাক-শন্না শরুক য়াবা, লমদম অমগী মরুওইবশিং, তুংকোইনা চৎনবা য়াগদবা শেন-থুমগী ফিবম অমসুং লৈবাক খুদিংমক্কী মনিংতম্বা অমসুং অপুনবগী ঙমখৈ ইকায়খুম্নবদা য়ুম্ফম ওইদুনা ত্রান্সপোর্ত অমসুং লোজিস্তিক্সকী লমদা মতেং পাংনগনি।

25. অৱাং থংবা সমুদ্রগী লম্বী ফাওরবা ভারত অমসুং রুসিয়াগী মরক্ত জহাজ চৎথোক-চৎশিন হেনগৎহন্নবা মতেং পাংনবা নাকল অনিনা শৌগৎখি। মসিগীদমক, অৱাং থংবা সমুদ্র লম্বীগী মনুংদা মতেং পাংন্নবা ইন্দিয়া-রুসিয়া ইন্তরগভর্নমেন্তেল কম্মিসন ওন ত্রেদ, ইকোনোমিক, সাইন্তিফিক, তেক্নিকেল এন্দ কলচরেল কোওপরেসনগী মনুংদা অপুনবা ৱাকিং বোদি অমা লিংখৎনবা থৌরাং তৌরিবা অদু মখোয়না ফোঙদোকখ্রে।

26. মোস্কোদা পাংথোকখিবা সিবিল এভিএসনগী সব-ৱার্কিং গ্রুপকী মীফম(ফেব্রুৱারি ২০২৩)গী ফলশিংদা নাকল অনিনা অপেনবা ফোঙদোকখ্রে। সিবিল এভিএসন অমসুং সিবিল এভিএসন সেকুরিতিগী লমদা মতেং পাংনবদা মখোয়না অয়াবা পীখ্রে।
 

ইনর্জিগী মতেং পাংনবা

27. অখন্নবা অমসুং অচেৎপা মরুপ-মপাংগী মরীগী মরুওইবা য়ুম্বী অমা ওইনা পাক-চাউনা অমসুং হিরম কয়াদা ইনর্জিগী মতেং পাংনবগী মরুওইবা নাকল অনিনা অমুক হন্না নিংশিংখি। হিরম অসিদা, ইনর্জিগী মচাকশিং নাকল অনি ললোন-ইতিক পাংথোকপগী থবক মখা তানা পাংথোকপগী মরুওইবা লুচিংবশিংনা পনখি অমসুং অনৌবা মতম শাংনা চৎনগদবা কন্ত্রেকশিং মশক খঙদোকপা হায়না য়ানরে।

28. কয়লাগী সেক্তরদা হৌজিক মতেং পীনরিবা অসি নাকল অনিনা থাগৎপা ফোঙদোকখি অমসুং ভারত্তা কোকিং কোয়েল পীবা হেনগৎহন্নবা অমসুং রুসিয়াদগী ভারত্তা এন্ত্রাসাইত কোয়েল থাদোক্নবগী খুদোংচাবশিং খঙদোক্নবা ওইথোকপা য়াবশিং মশক খঙদোকপা হায়না য়ানরে।

রুসিয়াগী ফার ইস্ত অমসুং আর্তিক্তা মতেং পীনবা

29. রুসিয়াগী ফার ইস্ত অমসুং আর্তিক জোন্দা ললোন-ইতিক অমসুং শেন থাদবগী মতেং পাংনবা হেনগৎহন্নবা নাকল অনিনা য়ানরে। হিরম অসিগী মতাংদা, ২০২৪-২০২৯ ফাওবগী ওইনা রুসিয়াগী ফার ইস্ত লমদম অমসুং আর্তিক লমদমদা ললোন-ইতিক, শেন-থুম অমসুং শেন থাদবগী লমদা মতেং পীন্নবা ভারত-রুসিয়া খুৎয়েক পীনবদা নাকল অনিনা তরাম্না ওকখি। মতেং পীন্নবা থৌরম অসিনা ভারত অমসুং রুসিয়াগী ফার ইস্ত লমদমদা লৌউ-শিংউ, ইনর্জি, মাইনিং, মেনপৱার, দাইমন্দ, হিদাক-লাংথকশিং অমসুং সমুদ্রদা চৎথোক-চৎশিনগী লমদা মখা তানা মতেং পীন্নবা দরকার ওইবা ঙাক্লৌ পীগনি।

30. রুসিয়াগী ফার ইস্ত অমসুং ভারতকী রাজ্যশিংগী মরক্ত ৱারি শানবা হেনগৎহনবগী মরুওইবা অদু নাকল অনিনা থমখি অমসুং ললোন-ইতিক, লাইরিক-লাইশু, নাত খঙহনবা অমসুং প্রোজেকশিং চাউখৎহন্নবা মরীশিং শেমগৎনবা পুক্নিং থৌগৎখি।

31. রুসিয়াগী ফার ইস্ত লমদমদা অৱাংবা থাক্কী চাউখৎ-থৌরাংগী হিরমশিংদা অৱাংবা তেক্নোলোজিগী ইনভেস্তমেন্ত প্রোজেকশিং পায়খৎনিংবা ভারতকী ইনভেস্তরশিং রুসিয়ানা চেবাউ পীখি। জনুৱারি ২০২৪ দা ভাইব্রেন্ত গুজরাত গ্লোবেল সম্মিৎতা রুসিয়াগী ফার ইস্ত অমসুং আর্তিক দিবলপমেন্ত মিনিস্ত্রিগী মীহুৎশিং শরুক য়াখিবদা ভারতনা থাগৎপা ফোঙদোকখি। সেন্ত পেতর্সবগ ইন্তরনেসনেল ইকোনোমিক ফোরম(জুন ২০২৩) অমসুং ইস্তর্ন ইকোনোমিক ফোরম(সেপ্তেম্বর ২০২৩)দা ভারতকী মীহুৎশিং শরুক য়াখিবদা রুসিয়ানা তরাম্না ওকখি। লৈবাক অনিগী মরক্ত ললোন-ইতিক, শেন-থুম অমসুং শেন থাদবগী লমদা মতেং পীনবা চাউখৎহন্নবা হায়রিবা ইকোনোমিক ফোরমশিংগী নাকলদা ভারত-রুসিয়া বিজিনেস দাইলোগনা লৌখিবা থৌদাংশিং নাকল অনিনা পনখি।

32. ইস্তর্ন ইকোনোমিক ফোরমগী ফ্রেমৱার্ক মনুং য়াওনা, এসিয়া-পেসিফিক লমদমদা মরুওইবা ললোন-ইতিকশিংদা মতেং পীনবা হেনগৎহনবগী মরুওইবা অদু নাকল অনিমক্না খঙজিনখি।

সিবিল ন্যুক্লিয়ারগী মতেং পীনবা, স্পেসকী মতেং পীনবা

33. অচেৎ মরুপ-মপাং ওইবা মরীগী মরুওইবা শরুক অমা ওইনা ন্যুক্লিয়ার ইনর্জি শান্তি ওইনা শীজিন্নবগী মতাংদা মতেং পীনবগী মরুওইবা নাকল অনিনা থমখি। কুদানকুলমদা লেমহৌরিবা ন্যুক্লিয়ার পৱার প্লান্তশিং শেমগৎপা খুমাঙ চাউশিনবদা লৈবাক অনিনা তরাম্না ওকখি অমসুং সপ্লাইশিং ফংহনবগী মতম য়াওনা য়ানখিবা মতমদা থবক লোইশিনবা হায়না য়ানরে। হান্না খুৎয়েক পীনখিবা য়ানচেশিংগী মতুংইন্না ভারত্তা অনিশুবা মফম অমা শেমগৎনবা মখা তানা খন্নবগী মরুওইবা অদু নাকল অনিনা ফোঙদোক্নখি। ভি.ভি.ই.আর ১২০০গী রুসিয়াগী দিজাইন, খুৎলায়শিং থমফম অমসুং এন.পি.পি মচাকশিং পুন্না পুথোকমিন্নবা অমসুং চাউখৎত্রিবা লৈবাকশিংদা মতেং পীবগী হিরমদা মখা তানা তেক্নিকেলগী খন্ন-নৈনবা লুচিংবশিংনা য়ানরে। ফ্যুএল সাইকল, কে.কে.এন.পি.পিশিং থবক তৌনবা লাইফ সাইকলগী মতেং অমসুং নন-পৱার এপ্লিকেসনশিং য়াওনা ন্যুক্লিয়ার পৱারদা মতেং পীনবা হেনগৎহন্নবা মখোয়গী অপাম্বা অদু নাকল অনিমক্না ফোঙদোক্নরে।

34. স্পেসকী লমদা মতেং পীনবগী মরুওইবা অদু পল্লদুনা, মীওইবা য়াওবা স্পেসকী খোঙচৎশিং, সেতেল্লাইত নেভিগেসন অমসুং গ্রহ থিদোকপগী হিরম য়াওনা শান্তি ওইনা স্পেস শীজিন্ননবা ইন্দিয়ান স্পেস রিছার্স ওর্গনাইজেসন অমসুং রুসিয়ান স্তেৎ স্পেস কোর্পোরেসন “রোসকোসমোস”গী মরক্তা পুন্না থবক তৌমিন্নবা হেনগৎলকপদা লৈবাক অনিনা তরাম্না ওকখ্রে। স্পেসকী লমদা থিজিনবগী মাইপাকপা ওইনা চন্দ্রয়ান-৩ মাইপাক্না তাখিবদা রুসিয়ানা ভারত থাগৎপা ফোঙদোকখি অমসুং তুংদা মতেং পাংনবদা লৈবাক অনিমক কান্না ফংবা য়ারবা সাইন্স অমসুং তেক্নোলোজিদা ভারতনা শিংথাবা য়ানা চাউখৎলকপদা অপেনবা ফোঙদোকখি। রোক্কেত ইঞ্জিন শেমগৎপা, পুথোকপা অমসুং শীজিন্নবদা লৈবাক অনিমক কান্নবা ফংনবা খুদোংচাবশিং মশক খঙদোকপা হায়না লৈবাক অনিনা য়ানরে।

মিলিতরি অমসুং মিলিতরি তেক্নিকেল মতেং পীনবা

35. মিলিতরি অমসুং মিলিতরি তেক্নিকেল মতেং পীনবা অসি মমাংঙৈদগী হৌনা ভারত অমসুং রুসিয়াগী অচেৎপা মরুপ-মপাং ওইবগী মরীগী য়ুম্বী অমা ওইদুনা লাক্লি অমসুং মসি ইন্তরগভর্নমেন্তেল কম্মিসন ওন মিলিতরি এন্দ মিলিতরি তেক্নিকেল কোওপরেসন (আই আর আই জি সি-এম এম তি সি)না লমজিংবা চহি কয়াগী অপুনবা থবকশিংদগী মপাঙ্গল কনখৎলকপনি। এস.সি.ও দিফেন্স মিনিস্তরশিংগী মীফমগী নাকলদা এপ্রিল ২০২৩ দা নিউ দিল্লিদা দিফেন্স মিনিস্তরশিংগী মীফম য়াওনা চাংনাইনা দিফেন্স অমসুং মিলিতরিশিংগী মীফমশিং পাংথোকপা অমসুং লৈবাক অনিগী আর্মদ ফোর্সশিংগী অপুনবা এক্সরসাইজশিং পাংথোকপদা লৈবাক অনিনা অপেনবা ফোঙদোকখ্রে। ২০২৪গী তঙ্খায় চল্লকপদা মোস্কোদা ইন্তরগভর্নমেন্তেল কম্মিসন ওন মিলিতরি এন্দ মিলিতরি তেক্নিকেল কোওপরেসনগী ২১শুবা রাউন্দ পাংথোকপদা লুচিংবশিং য়ানরে। অৱাংবা থাক্কী দিফেন্স তেক্নোলোজি অমসুং সিস্তেমশিং পুন্না পুথোক্নবা হৌজিক লৈরিবা অপুনবা রিছার্স অমসুং দিবলপমেন্তগী থবকশিং হন্না য়েংশিন্নবা ভারতনা পুখৎখি। অপুনবা মিলিতরিগী থবকশিং মতেং পাংনবা অমসুং মিলিতরিগী মীহুৎশিং চৎথোক-চৎশিনগী থবকশিং হেনগৎহন্নবা নাকল অনিনা থাজবা পীনখি।

36. তেক্নোলোজি পীনবা খুৎথাংদা মেক-ইন-ইন্দিয়া থৌরমগী মখাদা রুসিয়ানা শাবা খুৎলায়শিং অমসুং ঙাক-শেনগী খুৎলায়শিং শেমজিন-শাজিন্নবা অহেনবা পার্তশিং, মচাকশিং অমসুং অতোপ্পা পোৎথোকশিং ভারত্তা পুন্না মেনুফেকচরিং তৌমিন্নবা লৈবাক অনিনা পুক্নিং থৌগৎখি অমসুং ভারতকী আর্মদ ফোর্সশিংগী দরকার ওইবশিং ফংনবা অমসুং মখা তারকপদা লৈবাক অনিমক্না মরুপ-মপাং ওইবা চাউখৎত্রিবা লৈবাকশিংদা য়োন্নবা অপুনবা ভেঞ্চরশিং লিংৎপা হায়না য়ানরে। মসিগী মতাংদা, মথংগী ইন্তরগভর্নমেন্তেল কম্মিসন ওন মিলিতরি এন্দ মিলিতরি তেক্নিকেল কোওপরেসনগী মীফমদা খন্নবা তেক্নোলোজিকেল কোওপরেসন অমসুং খন্ন-নৈন্নবগী অনৌবা ৱার্কিং গ্রুপ অমা শেমগৎপদা লৈবাক অনিনা য়ারে।

লাইরিক-লাইশু অমসুং সাইন্স অমসুং তেক্নোলোজিদা মতেং পীনবা

37. সাইন্স, তেক্নোলোজি অমসুং ইন্নোবেসন, ইজুকেসন অমসুং সাইন্তিফিক ওর্গনাইজেসনশিংগী মরক্তা নাকল অনিমক্না পাম্নবা হিরমশিংদা মতেং পীনবা হেনগৎহনবা, তোঙান-তোঙানবা লাইরিক-লাইশু তম্বগী চৎথোক-চৎশিনগী থবকশিং পাংথোকপা, লাইরিক-লাইশু অমসুং রিছার্সকী প্রোজেকশিং অমসুং রুসিয়াগী লাইরিক-লাইশু অমসুং সাইন্তিফিক ওর্গনাইজেসনশিংগী মশা লোয়শঙশিং ভারত্তা হাংদোক্না মতেং পীনবগী মরুওইবা নাকল অনিনা ফোঙদোকখি।

38. লৈবাক অনিগী মিনিস্ত্রিশিং অমসুং সাইন্তিফিক ফাউন্দেসনশিংগী খুৎথাংদা রুসিয়া-ইন্দিয়া রিছার্স প্রোজেকশিং পায়খৎপা য়াওনা, ২০২১দা রুসিয়াগী সাইন্স অমসুং হয়ার ইজুকেসন মিনিস্ত্রি অমসুং ভারত সরকারগী সাইন্স অমসুং তেক্নোলোজি দিপার্তমেন্তগী মরক্তা মাইপাক্না রোদমেপ থবক ওইনা পাংথোকপদা নাকল অনিনা থাগৎপা ফোঙদোকখি।

39. সাইন্স, তেক্নোলোজি অমসুং ইন্নোবেসন্দা পুন্না রিছার্স তৌমিন্নবগী মরুওইবা পল্লদুনা, লৈবাক অনিগী মরক্তা ইন্নোবেসনগা মরী লৈনবা পুন্না থবক তৌমিন্নবা হেনগৎহন্নবা ২০২১গী সাইন্স, তেক্নোলোজি অমসুং ইন্নোবেসনগী রোদমেপকী ঙাক্লৌদা পুন্না থবক তৌমিন্নবা হায়না নাকল অনিনা য়ানরে অমসুং শেন-থুম অমসুং খুন্নাই চাউখৎনবা অপুনবা প্রোজেকশিং মপুংফানা শৌগৎপা অমসুং তেক্নোলোজিশিং শেন তাবদা শীজিন্নবদা মীৎয়েং চঙলে। তেক্নোলোজিগী মতেং পীনবা ফগৎহন্নবা ইন্নোবেতিপ ওন্ত্রেপ্রেনিউয়রসিপ অমসুং ইন্তর-ক্লস্তর ইন্তরেক্সনশিংগী ইন্তরনেসনেল সেন্তরশিং শেমগৎনবা হোৎনবা নাকল অনিনা য়ানরে।

40. লৌউ-শিংউ অমসুং ফুদ সাইন্স অমসুং তেক্নোলোজি, জহাজ শাবা অমসুং শেমজিনবা, ব্লু ইকোনোমি, মেরিতাইম ইন্দস্ত্রি অমসুং সমুদ্রগী লন-থুমশিং, কেমিকেল সাইন্স অমসুং তেক্নোলোজি, ইনর্জি, ঈশিং, ক্লাইমেত, অমসুং মহৌশাগী লনশিং, হকশেল অমসুং মেদিকেল তেক্নোলোজি, মেতরিএল সাইন্স অমসুং তেক্নোলোজি, ফিজিক্স অমসুং এস্ত্রোফিজিক্স, পোলার রিছার্স অমসুং নেনোতেক্নোলোজিগী হিরমশিংদা মতেং পীন্নবা খুদোংচাবশিং নাকল অনিনা মশক খঙদোক্লে।

41. ভারত সরকারগী সাইন্স অমসুং তেক্নোলোজি দিপার্তমেন্ত অমসুং রুসিয়াগী সাইন্স অমসুং হয়ার ইজুকেসন মিনিস্ত্রি অমসুং রুসিয়ান সাইন্স ফাউন্দেসন্না লৈবাক অনিনা পাম্নবা হিরমশিংদা অপুনবা রিছার্স প্রোজেকশিংগীদমক অপুনবা বিদশিং মাইপাক্না পাংথোকপদা নাকল অনিনা থাগৎপা ফোঙদোকখি। 

42. হিরম অসিদা থেংনরিবা মরুওইবা ৱাফমশিংগী মতাংদা খন্ননবা লৈবাক অনিমক্কী থৱায় য়াওবা দিপার্তমেন্তশিং অমসুং লুপশিংগী মীহুৎশিং শরুক য়াদুনা আই.আর.আই.জি.সি-তি.ই.সিগী মনুংদা হয়ার ইজুকেসনগী ৱার্কিং গ্রুপ অমা লিংখৎনিংবগী মখোয়গী অপাম্বা অদু নাকল অনিমক্না থমখি।

43. লৈবাক অমনা অমগী ইজুকেসন অমসুং একাদেমিক দিগ্রিশিং মশক খঙনবগী মখোয় খন্ন-নৈনবা মখা চৎথবা হায়না নাকল অনিনা য়ানরে।

44. লৈবাক অনিগী ওইবা ইজুকেসন অমসুং সাইন্তিফিক মরীশিং হেনগৎহন্নবা রুসিয়া-ইন্দিয়া রাউন্দ তেবলশিং, সেমিনারশিং, কনফরেন্সশিং অমসুং অতোপ্পা থবকশিং পাংথোকপদা নাকল অনিনা শৌগৎনবা থাজবা পীখ্রে।

45. ইজুকেসনগী লমদা ভারত অমসুং রুসিয়াগী মরক্ত মমাংঙৈদগী অকনবা মতেং পাংনবা অমা লৈরক্লিবা অদু খঙলে, য়ুনিভর্সিতিশিং অমসুং মহৈলোয়শঙশিংগী মরক্তা মরী লৈনবা হেনগৎহন্নবা মখোয়গী থবকশিং মখা চৎথবা হায়না নাকল অনিনা য়ানরে অমসুং হিরম অসিগী মতাংদা ভারতনা শীন্দুনা এপ্রিল ২০২৪দা পাংথোকখিবা ইজুকেসন সম্মিৎতা রুসিয়াগী য়ুনিভর্সিতি ৬০ হেন্না শরুক য়াখিবা অদু তরাম্না ওকখ্রে।

নাতকী মতেং পীনবা, তুরিজম অমসুং মীগা মীগা চৎথোক-চৎশিন তৌনবা

46. নাতকী ওইবা থৌরমশিং পাংথোকপা অসি রুসিয়া-ভারতকী অচেৎপা মরীগী মরুওইবা শরুক অমনি হায়না নাকল অনিনা য়ানরে। এনসেম্বলশিং, থিয়েতরশিং, লাইব্রেরিশিং, ম্যুজিয়মশিং, ক্রিয়েতিপ য়ুনিভর্সিতিশিং অমসুং লৈবাক অনিগী অতোপ্পা নাতকী মহৈলোয়শঙশিংগী মরক্তা শম্নবা অমসুং মখা তানা মতেং পীনবা নাকল অনিনা পুক্নিং থৌগৎলে।

47. ২০২১-২০২৪গী ওইনা রুসিয়াগী কলচর মিনিস্ত্রি অমসুং ভারতকী কলচর মিনিস্ত্রিগী মরক্তা নাতকী ওইবা থৌরমশিং মাইপাক্না পাকথোকপদা নাকল অনিনা থাগৎপা ফোঙদোকখ্রে অমসুং মসিনা মীগা মীগা লৈনবা মরী ফগৎহনবদা মরুওইবা থৌদাং অমা লৌরে। মখা তানা নাকল অনিমক কান্নবা ফংবা নাত অমসুং ফিল্ম ফেস্তিবেলশিং পাংথোকপা হায়না নাকল অনিনা য়ানরে। নাতকী থৌরমশিং পাংথোকপদা লমদম কয়া কোনশিনবা অমসুং নহারোলশিং অমসুং ফোক আর্ত গ্রুপশিং হেন্না শরুক য়াহনবগী মরুওইবা পনখি। সেপ্তেম্বর ২০২৩দা রুসিয়াগী সহর ৮দা ভারতকী কলচরগী ফেস্তিবেল পাংথোকখিবা অমসুং ২০২৪দা ভারত্তা রুসিয়ান কলচর ফেস্তিবেল পাংথোকখিবদা নাকল অনিনা অপেনবা ফোঙদোকখি।

48. লৈবাক অনিগী মরীশিং ফগৎহন্নবা নহারোলশিংগী থৌদাংগী মরুওইবা পনবগা লোয়ননা মার্চ ২০২৪ দা পাংথোকখিবা সোচি ৱার্ল্দ য়ুথ ফেস্তিবেলদা ভারতকী মহৈরোয়শিং অমসুং নহা ওইরিবা ওন্ত্রেপ্রেনিউয়রশিং শরুক য়াখিবা অমসুং মার্চ অমসুং জুন ২০২৪ দা কাজান্দা গেমস ওফ ফ্যুচর অমসুং ব্রিক্স গেমসতা ভারতকী শান্নরোয়শিং শরুক য়াখিবদা লুচিংবশিংনা অপেনবা ফোঙদোকখি।

49. নাতকী থৌরমশিং একচেঞ্জ তৌনবগী মথক্তা সাইন্স অমসুং তেক্নোলোজি, গ্রিন ইনর্জি, স্পেস অসিনচিংবা হিরমশিংদা অৱাংবা থাক্কী একজিবিসনশিং অমসুং একচেঞ্জশিং পাংথোক্নবা নাকল অনিনা তকশিনখি। হিরম অসিগী মতাদা, মীগা মীগা উনবা হেনগৎহন্নবা অমসুং ইকোনোমিক, ইজুকেসন, সাইন্তিফিক অমসুং সিবিল সোসাইতিশিং পুনশিন্নবা লৈবাক অনিমক্তা “ক্রোস/মল্তি-সেক্তোরেল এয়ার্স ওফ একচেঞ্জ” পাংথোক্নবা নাকল অনিনা য়ানরে।

50. ভারত্তা রুসিয়াগী লোল চাউখৎহন্নবা অমসুং রুসিয়াদা ভারতকী লোল চাউখৎহন্নবা মখোয়গী অপুনবা থবকশিং মখা চৎথবা হায়না নাকল অনি য়ানরে। 

51. রুসিয়া অমসুং ভারতকী অখঙ-অহৈশিং, থিঙ্ক-তেঙ্কশিং অমসুং মহৈলোয়শঙশিংগী মরক্তা উনবা অমসুং চৎথোক-চৎশিন তৌনবা হেনগৎলকপদা নাকল অনি অপেনবা ফোঙদোকখ্রে। চহি কয়া মসিগী ৱারি শান্নবগী খোঙচৎ অসিনা ভারত অমসুং রুসিয়াগী মরুওইবা অমসুং থৌশিল শেম্বা অমসুং ললোন-ইতিক্কী লমদা অমনা অমবু কুপ্না মশক খঙবা হেনগৎহল্লে।

52. রুসিয়া অমসুং ভারতকী মরক্তা তুরিজম হেনগৎলকপদা নাকল অনিনা থাগৎপা ফোঙদোকখ্রে। তুরিজমদা মতেং পীনবা মখা তানা হেনগৎনবা অমসুং লমকোয়বা মীওইশিং লাকপা হেনগৎহন্নবা পান্দমগা লোয়ননা সরকার অমসুং অমসুং লনাইগী থাক অনিমক্তা মতেং পীনবা নাকল অনিনা য়ানরে। রুসিয়াগী মমিং লৈরবা তুর একজিবিসনশিং হায়বদি মোস্কো ইন্তরনেসনেল তুরিজম এন্দ ত্রাবেল এক্সপো ২০২৩ অমসুং ২০২৪ অমসুং ওতদিখ-২০২৩ দা ইনক্রেদিবল ইন্দিয়া তিমগী মখাদা ভারতকী তুর ওপেরেতরশিং, ভারতকী রাজ্যশিংগী তুরিজম দিপার্তমেন্তশিং শরুক য়াখিবা অদু নাকল অনিনা খঙলে।

53. লৈবাক অনিমক্না ই-ভিসা চৎনবা য়াওনা ভিসাগী থবকশিং লাইথোকহনবদা নাকল অনিনা তরাম্না ওক্লে। তুংদা ভিসাগী থবকশিং মখা তানা লাইথোকহন্নবা মখা তানা থবক তৌনবা মখোয়না য়ানরে।

য়ু.এন অমসুং মালেমগী তোঙান-তোঙানবা লুপশিংদা মতেং পীনবা

54. য়ু.এনদা ৱাফম কয়াদা লৈবাক অনিগী মরক্তা অৱাংবা থাক্কী রাজনিতিগী ৱারি শানবা অমসুং মতেং পীনবা নাকল অনিনা খঙলে। মালেমগী থৌদোকশিংদা য়ু.এন্না মরুওইবা থৌদাং লৌবগা লোয়ননা মালেমগী লুপশিংগী থৌদাং অমুক হন্নবা খন্নবগী মরুওইবা অদু নাকল অনিনা তকশিনখি। মেম্বর লৈবাকশিংগী মখোয়গী ওইবা ৱাফমশিংদা খুৎ থিংজিন্দবা য়াওনা য়ু.এন চার্তরদা পল্লিবা পান্দমশিং ঙাক্নবগা লোয়ননা মালেমগী আইনশিং ইকায়খুম্নবগী মরুওইবা অদু নাকল অনিনা থমখি।

55. য়ু.এন সেকুরিতি কাউন্সিলদা নন-পর্মনেন্ত মেম্বর ওইনা ভারতকী ২০২১-২২ তার্ম অমসুং মালেমগী লুপশিং অওনবা পুরক্নবা, য়ু.এন পিছকিপ্পিং অমসুং তেরোরিজম থেংনবগী থবকশিং অমসুং য়ু.এন.এস.সিদা ভারতকী মরুওইবশিংগী মতাংদা রুসিয়ানা থাগৎপা ফোঙদোক্লে। ভারতনা য়ু.এন.এস.সিদা শরুক য়াবা অসিনা মখা তানা মরুওইবা ৱাফমশিং য়ু.এনদা পুখৎনবগী মমল য়াম্লবা খুদোংচাবা অমা পীরে হায়না নাকল অনিনা থমখি।

56. মালেমগী হৌজিক ওইরিবা ফিবমগী অশেংবা মমি তানবা য়ু.এন.এস.সি অমুক হন্না শেমদোক্নবা অমসুং মালেমগী শান্তি অমসুং সেকুরিতিগী ৱাফমশিং মপুংফানা খন্ননবা অহেনবা মীহুৎশিং শরুক য়াহন্নবা নাকল অনিনা তকশিনখ্রে। শেমদোক্লবা অমসুং পাকথোক-চাউথোক্লবা য়ু.এন সেকুরিতি কাউন্সিল অমদা ভারতনা লেংদবা মেম্বর ওইনবা রুসিয়ানা অমুক হন্না শৌগৎপা ফোঙদোক্লে। 

57. ২০২৩ দা ভারতনা জি-২০গী প্রসিদেন্ত  ওইবগী মখাদা অইং-অশাগী খল হোংলকপা থেংননবা প্রধান মন্ত্রী শ্রী নরেন্দ্র মোদীগী লাইফস্তাইল ফোর স্তেনেবল দিবলপমেন্ত(লাইফ)গী থবকশিং মাংদা থমদুনা মাইপাক্না মতেং পীনখিবা অদু নাকল অনিনা ফোঙদোক্নখি। প্রধান মন্ত্রী নরেন্দ্র মোদীগী লমজিং মখাদা মাইপাক্না জি-২০গী প্রসিদেন্ত ওইখিবা অদুদা রাস্ত্রপতি ব্লাদিমির পুতিন্না থাগৎপা ফোঙদোকখি অমসুং দিজিতেল পব্লিক ইনফ্রাস্ত্রকচর(দি পি আই) য়াওনা মীওইবগী য়াইফনবা অনৌবা অমসুং দিজিতেল তেক্নোলোজি কয়া পায়খৎলকপদা থাগৎখি। ভারতনা মাইপাক্না জি-২০গী প্রসিদেন্ত ওইখিবদা রুসিয়ানা মপুংফানা শৌগৎপদা ভারতকী মাইকৈদগী থাগৎপা ফোঙদোকখি।

58. ভারতনা জি-২০গী প্রসিদেন্ত ওইবদা গ্লোবেল সাউথকী লৈবাকশিংগী মরুওইবশিং খন্নখিবা অমসুং অফ্রিকান য়ুনিয়ন ফোরমগী মেম্বর ওইখিবা অদু নাকল অনিনা ফোঙদোক্নখি। ভারতনা জি-২০গী প্রসিদেন্ত ওইবগী মখাদা ভোইস ওফ গ্লোবেল সাউথ সম্মিৎ পাংথোকখিবা অদু নাকল অনিনা তরাম্না ওকখি। মালেমগী শেন-থুমগী অৱাবশিংগী অপুনবা পাম্বৈশিং পুথোক্নবা, ক্লাইমেত ফাইনান্সকী শেন খোমগৎপা হেনগৎহন্নবা অমসুং নিউ দিল্লি জি-২০ লিদরস দিক্লারেসনগী য়ানখিবশিংগী মরক্তা গ্রিন দিবলপমেন্ত পেক থবক ওইনা পাংথোক্নবা অমসুং মালেমগী শেন-থুমগী লুপশিং অওনবা পুরক্নবা জি-২০গী মনুংদা মখা তানা মতেং পীনবা হায়না মখোয়না য়ানরে।

59. জোহান্নেসবার্গতা পাংথোকখিবা ১৫শুবা মীফমদা ব্রিক্সকী মেম্বর হেনগৎহন্নবা লৌখিবা ৱারেপ নাকল অনিনা তরাম্না ওকখ্রে। অমনা অমবু ইকায়খুম্নবা,চপ মান্নবা, অমতা ওইবা, মনিংতম্বা, অপুনবা অমসুং য়ানবা পুরকপদা য়ুম্ফম ওইবা ব্রিক্সকী ৱাখল্লোন মখোয়না তরাম্না ওকখি। ২০২৪দা রুসিয়ানা ব্রিক্সকী চিয়ারমেন ওইবদা শৌগৎপগীদমক রুসিয়ানা ভারত থাগৎপা ফোঙদোকখি।

60. ব্রিক্সকী অনৌবা মেম্বর লৈবাকশিং নাকল অনিনা তরাম্না ওকখ্রে। “মালেমগী চাউখৎনবা অমসুং সেকুরিতিগীদমক মালেমগী লুপশিং মপাঙ্গল কনখৎহনবা” পান্দমদা রুসিয়ানা ২০২৪ দা ব্রিক্সকী চিয়ারমেন ওইরিবা অসিদা ভারতনা মপুংফানা শৌগৎপা ফোঙদোকখ্রে।  ওক্তোবর ২০২৪দা কাজান্দা ১৬শুবা ব্রিক্স মীফম মাইপাক্নবা পুন্না থবক তৌমিন্নবা হায়না লৈবাক অনিনা থাজবা পীনরে।

61. ভারত অমসুং রুসিয়াগী মরী হেন্না ফগৎনবা সংহাই কোওপরেসন ওর্গনাইজেসনগী ঙাক্লৌ মনুংদা পুন্না থবক তৌমিন্ননবা লৈবাক অনিনা খন্নরে।

62. তেরোরিজম, তোখাই তাবা, দ্রগ পুথোক-পুশিন তৌবা, ঙমখৈ ৱাংমদগী ক্রাইম চৎথরকপা অমসুং ইনফোর্মেসন সেকুরিতিগী শিংনবশিং থেংননবা এস.সি.ও মনুংদা মতেং পাংনবদা লৈবাক অনিনা অপেনবা ফোঙদোকখ্রে। ভারতনা ২০২২-২৩দা এস.সি.ওগী চিয়ারমেন ওইবদা রুসিয়ানা থাগৎপা ফোঙদোকখি। এস.সি.ওগী অনৌবা মেম্বরশিং ওইনা মখোয়না ইরান অমসুং বেলারুস তরাম্না ওকখি।

তেরোরিজম থেংনবা

63. মখল খুদিংমক্কী তেরোরিজম, তেরোরিস্তশিং লমখৈ লান্না চৎথোক-চৎশিন তৌবা, তেরোরিজমদা শেন থাদনবা নেতৱার্ক অমসুং চঙজফম পীবগী মায়োক্তা মখোয়না য়ানিংদবা ফোঙদোকখি। জুলাই ৮,২০২৪দা জে অমসুং কেগী কাথুৱাদা, জুন ২৩দা দাগেস্তান্দা অমসুং মার্চ ২২ দা মোস্কোগী ক্রোকস সিতি হোলদা তেরোরিস্তশিংনা লান্দারকপা অদু লুচিংবশিংনা য়াম্না কন্না য়ানিংদবা ফোঙদোকখি। মালেমগী আইনশিং অমসুং য়ু.এন চার্তরগী মখাদা মখল খুদিংমক্কী তেরোরিজম থেংননবা মতেং পীনবা হেনগৎহনবগী  মরুওইবা অদু লুচিংবশিংনা থমখি। য়ু.এন.এস.সি, য়ু.এন,জি.এ অমসুং য়ু.এন গ্লোবেল কাউন্তর-তেরোরিজম স্ত্রাতেজিগী মরী লৈনবা ৱারেপশিং মপুংফানা থবক ওইনা পাংথোকপগী মরুওইবা লুচিংবশিংনা থমখি।

64. মালেমগী আইনশিং ঙাক্না তেরোরিজম থেংননবা লৈবাকশিং অমসুং মখোয়গী ওথোরিতিশিংগী মরুওইবা থৌদাং লুচিংবশিংনা ফোঙদোকখি। তেরোরিজমগী মায়োক্তা তুমিন্না খাংদুনা লৈতনবা মখোয়না তকশিনখি অমসুং মখল খুদিংমক্কী তেরোরিজম থেংননবা য়ু.এনগী মখাদা য়ু.এন.জি.এ অমসুং য়ু.এন.এস.সিগী ৱারেপশিং থবক ওইনা পাংথোক্নবা তকশিনখি।

65. তেরোরিজম অসি লাইনিং, জাতি, সভেত্য নত্ত্রগা ফুরুপ অমতা মরী লৈনহল্লোইদবনি অমসুং তেরোরিস্তকী থবকশিংদা শরুক য়াবশিং অমসুং মখোয় শৌগৎপশিং মরম চানা থবক লৌখৎকদবনি অমসুং মালেমগী আইনগী মতুংইন্না অচুম্বা পুরক্কদবনি হায়না লুচিংবশিংনা অমুক হন্না তকশিনখি।

66. ভারতনা লুচিংদুনা ওক্তোবর ২০২২দা ভারত্তা য়ু.এন.সি.এস কাউন্তর তেরোরিজম কম্মিতিগী অখন্নবা মীফম পাংথোকখিবা অদু লৈবাক অনিনা থাগৎপা ফোঙদোকখ্রে অমসুং তেরোরিজম থেংননবা অনৌবা তেক্নোলোজিশিং শীজিন্ননবা দিল্লি দেক্লারেসন অমতা ওইনা য়ানখিবদা থাগৎপা ফোঙদোকখি। পেমেন্ত তেক্নোলোজিশিং, সোসিএল মেদিয়া প্লেতফোর্মশিং অমসুং য়ু.এ.ভিশিং লান্না শীজিন্নবা থিংনবা দেক্লারেসন্না পান্দম থম্লিবা অদু মখোয়না পনখি।

67. লৈবাক অমদগী লৈবাক অমদা ফত্তবা থবক পাংথোকপা, মনি লাউন্দরিং, তেরোরিজমদা শেন থাদবা অমসুং দ্রগ পুথোক-পুশিন থিংনবা মালেমগী লুপশিংগী মরক্তা মতেং পাংনবা হেনগৎহন্নবা নাকল অনিমক্না মখোয়গী থাজবা অমুক হন্না পীখি।

68. ওক্তোবর ১৫,২০১৬ দা লৈখিবা মালেমগী ইনফোর্মেসন সেকুরিতিগী লমদা মতেং পাংনবগী য়ানচেদা য়ুম্ফম ওইদুনা আই.সি.তিশিং শীজিন্নবী সেকুরিতিগী লমদা ৱারি শান্নবা মখোয়না থৌরাং তৌরিবা অদু থমখি। লৈবাকশিংগী মনিংতম্বা অমসুং লৈবাক মনুংগী থবকশিংদা খুৎ থিংজিন্দবগী মরুওইবশিং মখোয়না পনখি। আই.সি.তিগী ক্রাইমশিং লাকশিন্নবা মালেমগী য়ানরবা আইনগী থবকশিং শীজিন্ননবা মখোয়না তরাম্না ওকখি।

69. তুংকোইনা চৎনবা য়াবা সুন্দ্রংগী থবকশিং পাংথোকপা য়াওনা য়ু.এন কম্মিতি ওন পিছফুল য়ুজেস ওফ আউতর স্পেস(য়ু এন কোপৌস) মনুংদা মতেং পাংনবা হেনগৎহন্নবা নাকল অনিনা মখোয়গী অপাম্বশিং ফোঙদোক্নখি।

70. পাক-শন্না মাঙহনবা ঙম্বা খুৎলায়শিং শীজিন্নদনবা মালেমগী থবকশিং মখা তানা মপাঙ্গল কনখৎহন্নবা নাকল অনিমক্না মখোয়গী থাজবশিং অমুক হন্না থমখি। ন্যুক্লিয়ার সপ্লাইয়র গ্রুপতা ভারতনা মেম্বর ওইবদা রুসিয়ানা শৌগৎপা ফোঙদোকখি। মালেমগী শান্তি অমসুং সেকুরিতি হেনগৎহন্নবা অমনা অমবু থাজবা হেনগৎহন্নবা মাইকৈদা থবক তৌনবা লৈবাক অনিনা মালেমগী লৈবাকশিংদা তকশিনখি।

71. রুসিয়ানা ইন্তরনেসনেল সোলার এল্লাইন্স(আই এস এ), কোলিএসন ফোর দিজাস্তর রিসিলিয়েন্ত ইনফ্রাস্ত্রকচর(সি দি আর আই) অমসুং ইন্তরনেসনেল বিগ কেত এল্লাইন্স(আই বি সি এ) শরুক য়ানবা ভারতকী মাইকৈদগী থাজবা থমখি।

72. লৈবাক অনিগী সেকুরিতি কাউন্সিলশিংগী খুৎথাংদা ৱারি শান্নবা য়াওনা অফগানিস্থানগী মতাংদা ভারত অমসুং রুসিয়া নকশিন্ননা থবক তৌমিন্নবদা লৈবাক অনিনা তরাম্না ওকখ্রে। অফগানিস্থান মনিংতম্বা,অপুনবা অমসুং তেরোরিজম, লান, দ্রগশিং লৈতবা, য়ুম্লোন্নরিবা লৈবাকশিংগা শান্তি ওইনা লৈমিন্নবা অমসুং মীওইবগী হকশিং ইকায়খুম্নবা লৈবাক অমা ওইহন্নবা মখোয়না তকশিনখি। অফগান খুন্দা-লৈতানবা মোস্কো ফোর্মেত মীফমশিংগী মরুওইবা থৌদাং মখোয়না পনখি।

73. আই.এস.আই.এস য়াওনা মালেমগী তেরোরিস্ত কাংবু অমসুং অতোপ্পা কাংবুগী মথক্ত তেরোরিজম থেংননবা থবকশিং পায়খৎপদা লুচিংবশিংনা তরাম্না ওকখি অমসুং অফগানিস্থান্দা তরোরিজম থেংবগী থবক অপুনবা অমসুং মতিক চাবা থবক ওইগনি হায়বগী থাজবা ফোঙদোকখি। রাজনিতিগী তকশিনবা অমতা য়াওদনা অফগানগী মীয়ামদা অথুবা ওইনা অমসুং অপনবা লৈতনা মীওইবগী অৱা-অনাগী মতেং পাংবগী দরকার ওইবা অদু মখোয়না তকশিনখি।

74. নাকল অনিমক উনবা য়াওনা শান্তি ওইনা ৱারি শান্নবা অমসুং দিপ্লোমেসিগী খুৎথাংদা য়ুক্রেনগী মুক্নবা শান্তি ওইনা ৱারোইশিন পুরক্নবা লৈবাক অনিনা খন্নখি। মালেমগী আইন অমসুং য়ু.এন চার্তরগী মতুংইন্না মুক্না অসি শান্তি ওইনা য়ানবা পুরক্নবা পায়খৎলিবা থবকশিং মখোয়না তরাম্না ওকখি।

75. গাজা য়াওনা মিদল ইস্তকী ফিবমদা লুচিংবশিংনা নুঙনাংবা ফোঙদোকখি। গাজা স্ত্রিপ ফাওরগা পেলেস্তানগী মীচম মীয়ামদা মতেং পাংনবা য়ু.এন.জি.এ ৱারেপশিং অমসুং য়ু.এন.এস.সি ৱারেপ ২৭২০ থবক ওইনা পাংথোক্নবা লুচিংবশিংনা তকশিনখি। তুংকোইনা নোংমৈ কাপ্নবা লেপ্নবা য়ু.এন.এস.সি ৱারেপ ২৭২৮ মপুংফানা থবক ওইনা পাংথোক্নবা মখোয়না তকশিনখি। খুদক্তা অমসুং কন্দিসন অমতা য়াওদনা ফাজিন্দুনা থম্লিবা মীওইশিং থাদোক্নবা অমসুং মখোয়গী দরকার ওইবা মেদিকেলগী মতেং পীনবা লুচিংবশিংনা তকশিনখি। পেলেস্তাইন্না মপুংফাবা য়ু.এনগী মেম্বর ওইবদা মখোয়না শৌগৎপা ফোঙদোকখি অমসুং মালেমগী য়ানবদা য়ুম্ফম ওইদুনা লৈবাক অনি থোক্নবা শেম্নবগী ৱারোইশিন অদুদা মখোয়না অমুক হন্না চিংনবা লৈতনা মখোয়গী থাজবা পীখি।

76. গ্রেতর য়ুরাসিয়ান লমদম অমসুং ভারত অমসুং পেসিফিক মহাসাগর লমদমদা সেকুরিতি পুরক্নবা অমসুং চাউখৎ-থৌরাংগী থবকশিং পায়খৎনবা অপুনবা থবকশিং পায়খৎমিন্নবা হায়না লৈবাক অনিনা য়ানরে।

77. ইস্ত এসিয়া সম্মিৎ, অসিয়ান রিজনেল ফোরম ওন সেকুরিতি, অসিয়ান দিফেন্স মিনিস্তর মিতিং প্লস য়াওনা, শান্তি অমসুং সেকুরিতি হেনগৎহন্নবা পান্দমদা, তোঙান-তোঙানবা লুপশিংগী মনুংদা মতেং পাংনবা হেনগৎহনবগী মরুওইবা অদু নাকল অনিমক্না থমখি।

78. অইং-অশাগী খল হোংলকপা থেংননবা থবকশিং হেনগৎহনবা অমসুং য়ুনাইতেদ নেসন্স ফ্রেমৱার্ক কনভেন্সন ওন ক্লাইমেত চেঞ্জ(য়ু এন এফ সি সি সি) অমসুং পেরিস এগ্রিমেন্তগী পান্দমশিং ফংবগী মরুওইবা অদু নাকল অনিনা থমখি। হিরম অসিগী মতাংদা, গ্রিন হাওস ইমিসন কোতা সিস্তেমগী মতাংদা থবক তৌবগী লৌশিং পীথোক-পীশিন তৌনবা, কার্বোন য়াম্না থাদোক্তবা চাউখৎ-থৌরাংগী মতাংদা অপুনবা রুসিয়ান-ইন্দিয়ান ইনভেস্তেমেন্ত প্রোজেকশিং থবক ওইনা পাংথোকপা অমসুং “গ্রীন ফাইনান্সিং” অমসুং তুংইকোইনা চৎনবা থবকশিং য়াওনা অইং-অশাগী খল হোংলকপা মাঙজৌননা ঙাকথোক্নবগী হিরমদা মতেং পাংনবা হেনগৎহন্নবা নাকল অনিমক্না য়ানখি।  

79. তুংকোইনা চৎনবা য়াবা হেনগৎহনবা অমসুং মালেমগী সপ্লাই চেনশিং খুদোংচাদবা মায়োক্নবা ঙম্বা হেনগৎহনবা, মনিংতম্বা অমসুং অচুম্বা ললোন-ইতিক্কী নিয়মশিং ঙাকপা অমসুং অইং-অশাগী খল হোংলকপা য়াওনা মরুওইবা ৱাফমশিং জি-২০, ব্রিক্স এস.সি.ওদা মখা তানা খন্নবা হায়না লৈবাক অনিনা য়ানখি। ২০২৪দা রুসিয়ানা ব্রিক্সগী প্রসিদেন্ত ওইবগী মখাদা ইনভাইরোনমেন্ত ৱার্কিং গ্রুপকী ফ্রেমৱার্ক মনুংদা অইং-অশাগী খল হোংলকপা অমসুং তুংকোইনা চৎনবা য়াবা চাউখৎ-থৌরাংগী মতাংদা ব্রিক্স কন্তেক গ্রুপ হৌদোকপদা মখোয়না তরাম্না ওকখি।

80. ভারত-রুসিয়া অখন্নবা অমসুং মরুওইবা মরুপ-মপাং ওইবা মরীগী অৱা-অনা কয়া মায়োক্নবা ঙম্বা অমসুং মখোয়গী মপান লৈবাক্কী থৌশিলগী মরুওইবশিংদা অমনা অমগী মতেং পাংনবা অমসুং মসি মখা তানা মপাঙ্গল কনখৎহন্নবা মখোয়না অমুক হন্না থাজবা পীনবদা নাকল অনিমক্না অপেনবা ফোঙদোকখি। ভারত অমসুং রুসিয়া অচৌবা শক্তি লৈবা লৈবাকশিং ওইনা মালেম অসিদা শান্তি অমসুং তুংদু-লৈতাবা পুরক্নবা মখা তানা থবক তৌগনি হায়না মখোয়না ফোঙদোকখি।

81. মহাক অমসুং মহাক্কী মীহুৎ কাংবু মোস্কোদা তরাম্না ওকপগীদমক প্রধান মন্ত্রী শ্রী নরেন্দ্র মোদীনা রাস্ত্রপতি ব্লাদিমির পুতিন থাগৎপা ফোঙদোকখ্রে অমসুং ২৩শুবা ভারত-রুসিয়া মীফমগীদমক ভারত্ত লাক্নবা মহাক্না রাস্ত্রপতি পুতিনদা চেবাউ পীখি।

***