মাননীয় অধ্যক্ষ মহোদয়,

মই ৰাষ্ট্ৰপতি মহোদয়াই প্ৰদান কৰা ভাষণৰ প্ৰতি কৃতজ্ঞতা জ্ঞাপন কৰিবলৈ থিয় দিছো। 

মাননীয় অধ্যক্ষ মহোদয়,

আমাৰ সন্মানীয় ৰাষ্ট্ৰপতি মহোদয়াই উন্নত ভাৰতৰ সংকল্প সন্দৰ্ভত তেওঁৰ আলোচনাত বিস্তাৰিত বিশ্লেষণ দাঙি ধৰিছে। ৰাষ্ট্ৰপতিয়ে গুৰুত্বপূৰ্ণ বিষয়সমূহ উত্থাপন কৰিছে। সন্মানীয় ৰাষ্ট্ৰপতিয়ে আমাৰ সকলোৰে লগতে দেশখনক পথ প্ৰদৰ্শন কৰিছে, ইয়াৰ বাবে মই ৰাষ্ট্ৰপতিৰ প্ৰতি আন্তৰিক কৃতজ্ঞতা জ্ঞাপন কৰিছোঁ।

মাননীয় অধ্যক্ষ মহোদয়,

সদস্যসকলে ৰাষ্ট্ৰপতিৰ ভাষণৰ সন্দৰ্ভত কালি আৰু আজি তেওঁলোকৰ মতামত প্ৰকাশ কৰিছে। মই, বিশেষকৈ যিসকলে প্ৰথমবাৰৰ বাবে সাংসদ হিচাপে আমাৰ মাজত আহিছে আৰু সেই সন্মানীয় সহকৰ্মীসকলৰ কিছু সংখ্যকে সংসদৰ সকলো বিধি-নিয়ম অনুসৰণ কৰি তেওঁলোকৰ মতামত ব্যক্ত কৰিছে, তেওঁলোকৰ আচৰণ একোগৰাকী অভিজ্ঞ সাংসদৰ দৰেই আছিল। আৰু সেয়েহে প্ৰথমবাৰৰ বাবে অহা স্বত্বেও তেওঁলোকে সদনৰ মৰ্যাদা বৃদ্ধি কৰিছে আৰু তেওঁলোকে তেওঁলোকৰ মতামতৰ দ্বাৰা এই বিতৰ্কক অধিক মূল্যৱান কৰি তুলিছে।

মাননীয় অধ্যক্ষ মহোদয়,

সফল নিৰ্বাচনী প্ৰচাৰক অতিক্ৰম কৰি ই যে বিশ্বৰ সৰ্ববৃহৎ নিৰ্বাচনী প্ৰচাৰ আছিল সেয়া দেশখনে বিশ্বক প্ৰদৰ্শিত কৰিলে। বিশ্বৰ আটাইতকৈ বৃহত্ নিৰ্বাচনী প্ৰচাৰ দেশৰ জনতাই আমাক নিৰ্বাচিত কৰিছে।

আৰু সন্মানীয় অধ্যক্ষ মহোদয়,

মই কিছু সংখ্যক ব্যক্তিৰ বেদনা বুজি পাওঁ যে নিৰন্তৰ মিছা কথা প্ৰচাৰ কৰা স্বত্বেও তেওঁলোক পৰাজিত হৈছিল আৰু ভাৰতৰ জনসাধাৰণে আমাক এই অভিযানত তৃতীয়বাৰৰ বাবে দেশৰ সেৱা কৰাৰ সুযোগ দিছে, গণতন্ত্ৰৰ সন্মানীয় অধ্যক্ষ। আক্ষৰিক অৰ্থতে এয়া গণতান্ত্ৰিক বিশ্বৰ বাবে এক অতিকে গুৰুত্বপূৰ্ণ ঘটনা, এক অতিকে গৌৰৱান্বিত কৰিব পৰা ঘটনা।

মাননীয় অধ্যক্ষ মহোদয়,

আমাক প্ৰতিটো ক্ষেত্ৰতে কঠোৰ তুলাচনিৰে চালিজাৰি চাই দেশৰ জনসাধাৰণে এই আদেশ প্ৰদান কৰিছে। ৰাইজে আমাৰ ১০ বছৰৰ ট্ৰেক ৰেকৰ্ড দেখিছে। মানুহে দেখিছে যে আমি দৰিদ্ৰ লোকসকলৰ কল্যাণৰ বাবে যি সমৰ্পণেৰে জনসেৱাই প্ৰথম সেৱা এই মন্ত্ৰেকে সাৰোগত কৰি আমি যিসমূহ পদক্ষেপ গ্ৰহণ কৰিছো, তাৰ বাবে ১০ বছৰত ২৫ কোটিৰো অধিক দুখীয়াৰো দুখীয়া লোক দৰিদ্ৰতাৰ পৰা মুক্ত হৈছে। দেশৰ স্বাধীনতাকালত ইমান কম সময়ৰ ভিতৰতে ইমান সংখ্যক লোকক দৰিদ্ৰতাৰ পৰা উলিয়াই অনাৰ এই সফল প্ৰয়াস এই নিৰ্বাচনত আমাৰ বাবে আশীৰ্বাদৰ কাৰণ হৈ উঠিছে।

মাননীয় অধ্যক্ষ মহোদয়,

যেতিয়া আমি ২০১৪ চনত প্ৰথমবাৰৰ বাবে জয়ী হৈছিলো, নিৰ্বাচনী প্ৰচাৰৰ সময়তো আমি কৈছিলো যে দুৰ্নীতিৰ প্ৰতি আমি শূণ্য সহনশীলতাৰ নীতি সাৰোগত কৰিম। আৰু আজি মই গৌৰৱান্বিত যে আমাৰ চৰকাৰে দুৰ্নীতিৰ ফল ভুগি থকা দেশৰ সাধাৰণ মানুহখিনিক, দেশখনক দুৰ্নীতিয়ে উঁইপোকৰ খুলি খুলি ফোপোলা কৰি পেলাইছে। এনে প্ৰেক্ষাপটতে দুৰ্নীতিৰ প্ৰতি আমি শূণ্য সহনশীলতা নীতি গ্ৰহণ কৰিছো, আজি দেশখনে আমাক ইয়াৰ বাবেই আশীৰ্বাদ প্ৰদান কৰিছে।

মাননীয় অধ্যক্ষ মহোদয়,

আজি সমগ্ৰ বিশ্বতে ভাৰতৰ বিশ্বাসযোগ্যতা বৃদ্ধি পাইছে। আজি বিশ্বত ভাৰত গৌৰৱান্বিত হৈছে আৰু ভাৰতলৈ চোৱাৰ দৃষ্টিয়ো প্ৰতিগৰাকী ভাৰতীয়ই অনুভৱ কৰিছে।

মাননীয় অধ্যক্ষ মহোদয়,

দেশৰ জনসাধাৰণে দেখিছে যে আমাৰ একমাত্ৰ লক্ষ্য হৈছে প্ৰথমে ৰাষ্ট্ৰ, ভাৰত প্ৰথম। আমাৰ প্ৰতিটো নীতি, প্ৰতিটো সিদ্ধান্ত আৰু প্ৰতিটো পদক্ষেপ একেই পদক্ষেপ যিটো আমি প্ৰথমে ভাৰত আৰু ভাৰতৰ প্ৰথমৰ চেতনাৰে দেশত প্ৰয়োজনীয় সংস্কাৰ অব্যাহত ৰাখিছো। যোৱা ১০টা বছৰত আমাৰ চৰকাৰে 'সবকা সাথ সবকা বিকাশ' মন্ত্ৰেৰে দেশৰ সকলো জনসাধাৰণৰ কল্যাণৰ বাবে নিৰন্তৰ চেষ্টা চলাই আহিছে।

মাননীয় অধ্যক্ষ মহোদয়,

আমি সেই সমূহ সিদ্ধান্তৰ প্ৰতি সমৰ্পিত যত ভাৰতৰ সংবিধানৰ চেতনাক সাৰোগত কৰি সকলো ধৰ্মৰ সমতাৰ ধাৰণাক সৰ্বোপৰি বুলি গ্ৰহণ কৰি আমি দেশৰ সেৱা কৰিবলৈ প্ৰয়াস কৰিছো।

মাননীয় অধ্যক্ষ মহোদয়,

এইখন দেশে দীৰ্ঘদিন ধৰি তোষণৰ ৰাজনীতিও দেখিছিল, এইখন দেশে দীৰ্ঘদিন ধৰি তোষণৰ শাসনৰ আৰ্হিও দেখিছিল। প্ৰথমবাৰৰ বাবে দেশে ধৰ্মনিৰপেক্ষতাৰ এক সম্পূৰ্ণ আমি যি প্ৰয়াস কৰিছো আৰু সেয়া আমি  তোষণৰ ধাৰণাৰে নহয়, সন্তুষ্টিকৰণ আৰু সন্তুষ্টিকৰণৰ ধাৰণাক সাৰোগত কৰি আমি আগবাঢ়িছো। আৰু যেতিয়া আমি সন্তুষ্টিৰ কথা কওঁ, ইয়াৰ অৰ্থ হৈছে প্ৰতিটো পৰিকল্পনাৰ সংপৃক্ততা। শাসনৰ অন্তিম গৰাকী ব্যক্তিৰ ওচৰলৈ যোৱাৰ আমাৰ দৃষ্টিভংগী সেয়া পৰিপূৰণ কৰা। আৰু যেতিয়া আমি সংপৃক্ততাৰ নীতি অনুসৰি আগবাঢ়ো তেতিয়া সংপৃক্ততা হৈছে প্ৰকৃত অৰ্থত সামাজিক ন্যায়। সংপৃক্ততা হৈছে প্ৰকৃত অৰ্থত ধৰ্মনিৰপেক্ষতা আৰু দেশৰ মানুহে আমাক তৃতীয়বাৰৰ বাবে শাসনত উপৱিষ্ট কৰাই আমাক অনুমোদনৰ মোহৰ মাৰিছে।                   

মাননীয় অধ্যক্ষ মহোদয়,

তোষণে এই দেশখনক ধ্বংস কৰি পেলাইছে আৰু সেয়েহে আমি সকলোৰে বাবে ন্যায়ৰ নীতিৰে আগবাঢ়িছো, কাকো তোষণ নকৰোঁ।

মাননীয় অধ্যক্ষ মহোদয়,

আমাৰ ১০ বছৰীয়া কাৰ্যকালছোৱাক চালি-জাৰি পৰীক্ষা কৰাৰ পিছত ভাৰতৰ জনসাধাৰণে আমাক সমৰ্থন জনাইছে।

মাননীয় অধ্যক্ষ মহোদয়,

আমি আকৌ এবাৰ ১৪০ কোটি দেশবাসীক সেৱা আগবঢ়োৱাৰ সুযোগ পাইছো।

মাননীয় অধ্যক্ষ মহোদয়,

ভাৰতৰ জনসাধাৰণ যে কিমান পৰিপক্ক, ভাৰতৰ জনসাধাৰণে যে কিমান ন্যায়সঙ্গতভাৱে আৰু ইমান বোৰ উচ্চ আদৰ্শৰ সৈতে তেওঁলোকৰ জ্ঞান যে কঠোৰভাৱে ব্যৱহাৰ কৰে এই নিৰ্বাচনে এই কথাকে প্ৰতিপন্ন কৰিছে। আৰু তাৰ ফলস্বৰূপেই আজি তৃতীয়বাৰৰ বাবে আমি আপোনালোকৰ সন্মুখত, দেশৰ জনসাধাৰণৰ সন্মুখত বিনম্ৰতাৰে সেৱা কৰিবলৈ উপস্থিত হৈছোহি।

মাননীয় অধ্যক্ষ মহোদয়,

দেশৰ মানুহে আমাৰ নীতিসমূহ দেখিছে। দেশৰ জনসাধাৰণে আমাৰ উদ্দেশ্য, আমাৰ আনুগত্যক বিশ্বাস কৰিছে।

মাননীয় অধ্যক্ষ মহোদয়,

এই নিৰ্বাচনত, আমি আশীৰ্বাদ বিচাৰি দেশৰ জনসাধাৰণৰ ওচৰলৈ গৈছিলো। আৰু আমি উন্নত ভাৰতৰ সংকল্পৰ বাবে আশীৰ্বাদ বিচাৰিছিলো। সাধাৰণ মানুহৰ কল্যাণৰ বাবে কাম কৰাৰ উদ্দেশ্যৰে আমি এক উন্নত ভাৰত গঢ়ি তোলাৰ প্ৰতিশ্ৰুতিৰে ৰাইজৰ কাষলৈ গৈছিলো। উন্নত ভাৰতৰ সংকল্পত যোগ দি আমাক আকৌ এবাৰ বিজয়ী কৰি দেশৰ জনসাধাৰণৰ সেৱা কৰাৰ সুযোগ ৰাইজে আমাক প্ৰদান কৰিছে।

মাননীয় অধ্যক্ষ মহোদয়,

যেতিয়া দেশৰ বিকাশ হয় তেতিয়া লাখ লাখ লোকৰ সপোন পূৰণ হয়। যেতিয়া দেশৰ বিকাশ হয় তেতিয়া লাখ লাখ লোকৰ সংকল্প পূৰণ হয়।

মাননীয় অধ্যক্ষ মহোদয়,

যেতিয়া দেশৰ বিকাশ হয়, তেতিয়া আহিবলগীয়া প্ৰজন্মসমূহৰ বাবে এক শক্তিশালী ভেটি তেওঁলোকৰ সপোন পূৰণ কৰিবলৈ সাজু হৈ উঠে।

মাননীয় অধ্যক্ষ মহোদয়,

উন্নত ভাৰতৰ প্ৰত্যক্ষ লাভ, আমাৰ দেশৰ নাগৰিকৰ মৰ্যাদা, আমাৰ দেশৰ নাগৰিকসকলৰ জীৱনৰ মানৰ উন্নয়ণ আমি এখ উন্নত ভাৰত লাভ কৰিব পাৰিলে দেশৰ কোটি কোটি লোকৰ ভাগ্যলৈ স্বাভাৱিকভাবেই আহে। স্বাধীনতাৰ পিছৰে পৰা মোৰ দেশৰ সৰ্বসাধাৰণ মানুহে এইবোৰৰ বাবে ব্যাকুল হৈ আছে।

মাননীয় অধ্যক্ষ মহোদয়,

যেতিয়া ভাৰত বিকশিত হব তেতিয়া আমাৰ আমাৰ গাঁওসমূহৰ অৱস্থা, আমাৰচহৰসমূহৰ অৱস্থাও ব্যাপক ৰূপত সলনি হব। উন্নত ভাৰতত আমাৰ চহৰসমূহৰ উন্নয়নো এক সুযোগ হিচাপে উদ্ভৱ হব, তেতিয়া ভাৰতৰ চহৰসমূহেও বিশ্বৰ উন্নয়নযাত্ৰাত সমানে সমানে আগবাঢ়িব পাৰিব আৰু এয়াই হৈছে আমাৰ সপোন।

মাননীয় অধ্যক্ষ মহোদয়,

উন্নত ভাৰত মানে লাখ লাখ নাগৰিকে পৰ্যাপ্ত সুযোগ লাভ কৰা। বহুতো সুযোগ উপলব্ধ কৰা আৰু তেওঁলোকে তেওঁলোকৰ দক্ষতা, তেওঁলোকৰ সামৰ্থ্য আৰু সম্পদ অনুসাৰে বিকাশৰ নতুন সীমা প্ৰাপ্ত কৰিব পৰাটো।

মাননীয় অধ্যক্ষ মহোদয়,

মাননীয় অধ্যক্ষ মহোদয়,

মাননীয় অধ্যক্ষ মহোদয়,

আজি আপোনালোকৰ জৰিয়তে মই দেশবাসীক আশ্বস্ত কৰিব খুজিছো যে এখন উন্নত ভাৰতৰ যি সংকল্প পূৰণৰ বাবে আমি আগবাঢ়িছো সেই সংকল্প পূৰ্ণৰ বাবে আমি সকলো প্ৰয়াসেই কৰিম, আমি সম্পূৰ্ণ নিষ্ঠাৰে, সম্পূৰ্ণ সততাৰে সেই কাম কৰিম আৰু আমি আমাৰ সময়ৰ প্ৰতিটো মুহূৰ্ত আৰু আমাৰ শৰীৰৰ প্ৰতিটো কণাকে এখন উন্নত ভাৰতৰ সপোন পূৰণ কৰিবলৈ ব্যৱহাৰ কৰিম। আমি ২০৪৭ চনৰ ভিতৰত দেশক উন্নত কৰাৰ বাবে দেশৰ জনসাধাৰণক সপ্তাহৰ প্ৰতিটো দিনৰ প্ৰতিটো ঘণ্টাই কাম কৰিম কৈছিলো। আজি মই এইখন সদনত সেই প্ৰতিশ্ৰুতিকে দোহাৰিছো যে আমি সেই কাম নিশ্চিতভাবেই সম্পূৰ্ণ কৰিম।

মাননীয় অধ্যক্ষ মহোদয়,

যদি আমি ২০১৪ চনৰ সেই দিনবোৰ মনত পেলাওঁ, ২০১৪ চনৰ সেই দিনবোৰ মনত পেলাওঁ তেতিয়া আমাৰ দেশৰ মানুহে তেওঁলোকৰ আত্মবিশ্বাস হেৰুৱাই পেলাইছিল, দেশখন হতাশাৰ গৰ্তত ডুব যাবলগীয়া হৈছিল। এনে পৰিস্থিতিত, ২০১৪ চনৰ আগতে দেশখনে আটাইতকৈ ডাঙৰ ক্ষতিৰ সন্মুখীন হৈছিল, যিটো সম্পদ দেশবাসীয়ে হেৰুৱাইছিল সেইটো হৈছে দেশবাসীৰ আত্মবিশ্বাস। আৰু যেতিয়া বিশ্বাস আৰু আত্মবিশ্বাস হেৰুৱাবলগীয়া হয়, তেতিয়া সেই ব্যক্তিগৰাকী, সেই সমাজখন, সেই দেশখন পুনৰাই থন্ ধৰি উঠাটো কঠিন হৈ পৰে। আৰু সেই সময়ত সাধাৰণ মানুহৰ মুখে মুখে এইযাৰ কথাই ওলাইছিল যে এইখন দেশৰ আৰু একোৱেই নহ'ব, সেই সময়ত এইকেইটা শব্দ সকলোতে শুনিবলৈ পোৱা গৈছিল। এইখন দেশৰ আৰু একো নহ'ব। এনেবোৰ শব্দই ২০১৪ চনৰ আগতে শুনিবলৈ পোৱা গৈছিল। ভাৰতীয়সকলৰ হতাশাৰ এইকেইটা শব্দ এক প্ৰকাৰে এক পৰিচয় হৈ উঠিছিল। সেই সময়ত, যেতিয়া আমি প্ৰতিদিনে বাতৰি কাকত মেলিছিলো, কেৱল কেলেংকাৰীৰ বাতৰিহে পঢ়িবলৈ পাইছিলো। আৰু শ শ কোটি টকাৰ কেলেংকাৰী, প্ৰতিদিনে নতুন নতুন কেলেংকাৰী, কেলেংকাৰীৰ কেলেংকাৰীৰ সৈতে প্ৰতিযোগিতা, এই কেলেংকাৰীকাৰীসকলৰ কেলেংকাৰী আছিল, এওঁলোকৰে আছিল এইছোৱা সময়। আৰু নিৰ্লজ্জভাৱে এই কথা ৰাজহুৱাভাৱে স্বীকাৰ কৰিও লোৱা হৈছিল যে যদি দিল্লীৰ পৰা এটকা ওলাই যায় তেন্তে ১৫ পইচাহে আচল ঠাই পাইগৈ। এটকাত ৮৫ পইচাৰ কেলেংকাৰী। কেলেংকাৰীৰ এইখন পৃথিৱীয়ে দেশখনক হতাশাৰ গাঁতত পতিত কৰাইছিল। নীতি বিপৰ্যস্থ হৈছিল। স্বজনতোষণ ইমানেই বিস্তাৰিত হৈছিল যে সাধাৰণ মানুহেযুৱক-যুৱতীসকলেতো আশাকে এৰি দিছিল যে যদি কোনোবা চিফাৰিছ কৰোতা নাথাকে তেন্তে জীৱনটোৱেই আবদ্ধ হৈ ৰৈ যাব। এনে পৰিস্থিতিৰ উদ্ভৱ হৈছিল। দৰিদ্ৰসকলে এটা ঘৰ পাবলৈকে হাজাৰ হাজাৰ টকা উৎকোচ দিব লগা হৈছিল।

মাননীয় অধ্যক্ষ মহোদয়,

সামান্য গেছ সংযোগ এটাৰ বাবেও বিয়াগোম বিয়াগোম মানুহেও সাংসদসকলৰ ওচৰলৈ বাটকুৰি বাবলগীয়া হৈছিল। আৰু সেইটোও দীঘলীয়া শাৰীত থিয় নিদিয়াকৈ গেছৰ সংযোগ উপলব্ধ নহৈছিল।

মাননীয় অধ্যক্ষ মহোদয়,

বিনামূলীয়া ৰেচনেও নাজানে যে কেতিয়া ব'ৰ্ডখন বজাৰৰ দোকানত ওলমি যায়। ৰাইজে পাবলগীয়া ৰেচন পোৱা নাছিল, তাৰ বাবেও তেওঁলোকে উৎকোচ দিব লগা হৈছিল। আৰু আমাৰ বেছিভাগ ভাই-ভনী ইমানেই হতাশ হৈছিল যে তেওঁলোকে তেওঁলোকৰ ভাগ্যকে দোষাৰোপ কৰি, তেওঁলোকৰ কঁপালকে দোষাৰোপ কৰি  জীৱন অতিবাহিত কৰিবলৈ বাধ্য হৈছিল।

মাননীয় অধ্যক্ষ মহোদয়,

২০১৪ চনৰ আগতে এনে এটা সময় আছিল যেতিয়া সেই সাতটা শব্দ ভাৰতৰ জনসাধাৰণৰ মনত স্থায়ী হৈ পৰিছিল। হতাশাত এখন সমাজ পতিত হৈছিল। তেতিয়া দেশৰ মানুহে আমাক সেৱা কৰাৰ বাবে নিৰ্বাচিত কৰিছিল আৰু সেই মুহূৰ্ততে দেশৰ পৰিৱৰ্তিত যুগৰ আৰম্ভ হৈছিল। আৰু ১০টা বছৰত, মই ক'ম যে মোৰ চৰকাৰৰ বহুতো সফলতা আছে, মোৰ চৰকাৰৰ বহুতো সিদ্ধি আছে। কিন্তু প্ৰতিটো সফলতাক শক্তিপূৰ্ণ কৰি তোলা এটা সফলতা হৈছে দেশখন নিৰাশাৰ গাতৰ পৰা ওলাই আহিছিল আৰু আশা আৰু আত্মবিশ্বাসেৰে থিয় হৈছিল। দেশৰ আত্মবিশ্বাস উচ্চস্তৰত উপনীত হৈছিল আৰু ইয়াৰ ফলতে সেই সময়ৰ সেইবোৰ কথা দেশৰ যুৱ প্ৰজন্মৰ অভিধানৰ পৰা নোহোৱা হবলৈ ধৰিলে। লাহে লাহে দেশৰ মন স্থিৰ হৈ পৰিল। যিসকলে ২০১৪ চনৰ আগতে কৈছিল যে দেশে একো কৰিব নোৱাৰিব বুলি কৈছিল তেওঁলোকেও ক'বলৈ আৰম্ভ কৰিছিল যে এতিয়া এইখন দেশত সকলো কথাই সংঘটিত হব পাৰে, এইখন দেশত সকলোৱেই সম্ভৱ হব পাৰে। এই আত্মবিশ্বাস প্ৰকট কৰাৰ কাম কৰিছিলো আমি। সকলোৰে আগতে দ্ৰুতগতিৰে ৫জি ৰোল আউট কৰি দেখুৱাইছিলো আমি। আজি দেশখনে ক'বলৈ আৰম্ভ কৰিছে যে দ্ৰুত গতিৰে ৫জিৰ ৰ'ল আউট হোৱাৰ দৰেই ভাৰতে যিকোনো কামকে কৰিব পাৰিব বুলি দেশখনে গৌৰৱেৰে ক'বলৈ আৰম্ভ কৰিছে।

মাননীয় অধ্যক্ষ মহোদয়,

সেয়া এক সময় আছিল যেতিয়া কয়লা কেলেংকাৰীত বাঘা-বাঘাসকলৰ হাত ক'লা হৈ পৰিছিল। আজি, কয়লাৰ সৰ্বাধিক উৎপাদন আৰু কয়লাৰ সৰ্বাধিক বিতৰণৰ হাৰ ব্যাপক হাৰত বাঢ়িছে। আৰু ইয়াৰ বাবে, দেশখনে এতিয়া ক'বলৈ আৰম্ভ কৰিছে – এতিয়া ভাৰতে যিকোনো কাম কৰিব পাৰে।

মাননীয় অধ্যক্ষ মহোদয়,

২০১৪ চনৰ আগতে এনে এটা সময় আছিল যেতিয়া ফোন বেঙ্কিং কৰি ডাঙৰ বেংক কেলেংকাৰী কৰা হৈছিল। তেওঁলোকৰ ব্যক্তিগত সম্পত্তিৰ দৰে বেংকৰ কোষাগাৰ লুটি পেলাইছিল।

মাননীয় অধ্যক্ষ মহোদয়,

২০১৪ চনৰ পিছত নীতিৰ পৰিৱৰ্তন, সিদ্ধান্তত গতি, নিষ্ঠা প্ৰামানিকতাৰ দিহা কৰা হল আৰু ইয়াৰ ফলাফল হিচাপেই আজি বিশ্বৰ সৰ্বশ্ৰেষ্ঠ বেংকসমূহৰ ভিতৰত ভাৰতীয় বেংকসমূহে স্থান দখল কৰিবলৈ সক্ষম হৈছে। আজি ভাৰতৰ বেংক আটাইতকৈ লাভজনক বেংক হৈ উঠিছে। আৰু ৰাইজৰ সেৱাত ব্ৰতী হৈছে।

মাননীয় অধ্যক্ষ মহোদয়,

২০১৪ চনৰ আগতে এনে এটা সময় আছিল যেতিয়া সন্ত্ৰাসবাদীয়ে যেনেকৈয়ে বিচাৰে, যতেই বিচাৰে তালৈকে আহি আক্ৰমণ কৰিব পাৰিছিল। ২০১৪ চনৰ পিছত পৰিস্থিতি এনেকুৱা হল যে ২০১৪ চনৰ আগতে যেতিয়া নিৰীহ লোকক হত্যা কৰা হৈছিল। ভাৰতৰ কোণে কোণে লক্ষ্য কৰি লোৱা হৈছিল আৰু চৰকাৰবোৰ শান্ত হৈ বহি থাকিছিল, আনকি মুখ খুলিবলৈও সাজু নাছিল। আজি, ২০১৪ চনৰ পিছত ভাৰতে ঘৰতে গৈ নিপাত কৰেগৈ,  ছাৰ্জিকেল ষ্ট্ৰাইক, বিমান আক্ৰমণেৰে অভিযান চলায় আৰু সন্ত্ৰাসবাদৰ দৈত্যহঁতকো পৰাক্ৰম প্ৰদৰ্শন কৰিছে।

আজি, সন্মানীয় অধ্যক্ষ মহোদয়,

দেশৰ প্ৰতিগৰাকী নাগৰিকে জানে যে ভাৰতে ইয়াৰ নিৰাপত্তাৰ বাবে যিকোনো কাম কৰিব পাৰে।

মাননীয় অধ্যক্ষ মহোদয়,

অনুচ্ছেদ ৩৭০, যিসকলে ইয়াক উপাসনা কৰিছিল, যিসকলে ৩৭০ক ভোট বেংকৰ ৰাজনীতিৰ অস্ত্ৰ কৰি তুলিছিল, তেওঁলোকে জম্মু-কাশ্মীৰৰ যি অৱস্থা কৰিছিল, তাত থকা লোকসকলৰ অধিকাৰ কাঢ়ি লোৱা হৈছিল, ভাৰতৰ সংবিধান জম্মু-কাশ্মীৰৰ সীমাত প্ৰৱেশ কৰিব নোৱাৰিছিল আৰু ইয়াত সংবিধান মূৰত তুলি নৃত্য কৰা লোকসকলে জম্মু আৰু কাশ্মীৰত সেইখন সংবিধানকে কাৰ্যকৰী কৰাৰ সাহস কৰিব পৰা নাছিল। বাবা চাহেবে আম্বেদকাৰক অপমান কৰিছিল আৰু এয়া ৩৭০ চনৰ যুগ আছিল, সৈন্যবাহিনীৰ ওপৰত শিল নিক্ষেপ কৰা হৈছিল আৰু সৰ্বসাধাৰণ ৰাইজ হতাশাত ডুব গৈছিল আৰু কৈছিল যে এতিয়া আৰু জম্মু আৰু কাশ্মীৰত কোনো থাকিব নোৱাৰে। আজি অনুচ্ছেদ ৩৭০ৰ দেৱাল খহি পৰিছে, শিল নিক্ষেপৰ পৰম্পৰা বন্ধ হৈছে, গণতন্ত্ৰ শক্তিশালী হৈছে আৰু ভাৰতৰ সংবিধানৰ প্ৰতি বিশ্বাস কৰি, ভাৰতৰ ত্ৰিৰংগা পতাকাত বিশ্বাস ৰাখি, ভাৰতৰ গণতন্ত্ৰত বিশ্বাস ৰাখি বৃহৎ সংখ্যাত ভোট দিবলৈ মানুহ আগবাঢ়ি আহিছে, এনে পৰিৱৰ্তন স্পষ্টভাৱে দৃশ্যমান হৈছে।

মাননীয় অধ্যক্ষ মহোদয়,

যেতিয়া ১৪০ কোটি দেশবাসীৰ মাজত এই আত্মবিশ্বাস সৃষ্টি হয়, এই আশা আৰু আত্মবিশ্বাস উদ্ভৱ হয়, ই উন্নয়নৰ চালিকা শক্তি হৈ উঠে। এই বিশ্বাসেই বিকাশৰ চালিকা শক্তি হিচাপে কাম কৰিছে।

মাননীয় অধ্যক্ষ মহোদয়,

এই বিশ্বাস হৈছে উন্নত ভাৰতৰ বিশ্বাস, সংকল্পৰ পৰা সিদ্ধিৰ বিশ্বাস।

মাননীয় অধ্যক্ষ মহোদয়,

যেতিয়া স্বাধীনতা সংগ্ৰাম চলি আছিল আৰু যি ভাৱে দেশত বিৰাজ কৰিছিল। আমি স্বাধীনতা লৈহে এৰিম বুলি যি উৎসাহ, যি বিশ্বাস দেশৰ লাখ লাখ লোকৰ মাজত উদ্ভৱ হৈছিল, যি বিশ্বাসৰ পৰিণতিত আজি উন্নত ভাৰতৰ এক শক্তিশালী ভেটিৰ এক প্ৰকাৰে এই নিৰ্বাচন আধাৰশিলা স্থাপিত হৈছে। যি আকাংক্ষা স্বাধীনতা আন্দোলনত আছিল, উন্নত ভাৰতৰ এই সপোনটোক বাস্তৱায়িত কৰাৰ ক্ষেত্ৰতো সেই একেই আকাংক্ষা আছে।

মাননীয় অধ্যক্ষ মহোদয়,

আজি ভাৰতৰ লক্ষ্য বহুত ডাঙৰ আৰু আজি ভাৰতে ১০ বছৰৰ ভিতৰত এনে এক পৰ্যায়ত উপনীত হৈছেহি যে আমি নিজৰ সৈতেই নিজে প্ৰতিযোগিতা কৰিব লাগিব, আমি আমাৰ পুৰণি অভিলেখ ভংগ কৰিব লাগিব আৰু আমি আমাৰ উন্নয়নৰ যাত্ৰাক পৰৱৰ্তী পৰ্যায়লৈ লৈ যাব লাগিব। ভাৰতে ১০ বছৰত যি উন্নয়নৰ উচ্চতাত উপনীত হৈছে সেয়া আমাৰ প্ৰতিযোগিতাৰ এক চিহ্ন হৈ উঠিছে, এক মানক হৈ উঠিছে। যোৱা ১০টা বছৰত আমি যি গতি লাভ কৰিছো, এতিয়া আমি সেই গতিতকৈ অধিক গতিবেগেৰে লৈ যোৱাৰ প্ৰতিযোগিতা কৰিছো আৰু আমি নিশ্চিত যে সেই গতিৰেই আমি দেশৰ আকাংক্ষা পূৰণ কৰিমগৈ।

মাননীয় অধ্যক্ষ মহোদয়,

আমি প্ৰতিটো সফলতাকে, প্ৰতিটো খণ্ডকে পৰৱৰ্তী স্তৰলৈ লৈ যাম।

মাননীয় অধ্যক্ষ মহোদয়,

১০ বছৰত ভাৰতৰ অৰ্থনীতিক ১০ বছৰতকৈ কম সময়ৰ ভিতৰতে আমি ১০ নম্বৰৰ পৰা পাঁচ নম্বৰলৈ লৈ গৈছিলো। এতিয়া আমি যি গতিত পৰৱৰ্তী স্তৰলৈ যাবলৈ ওলাই আহিছো, এতিয়া আমি দেশৰ অৰ্থনীতিক ৩ নম্বৰলৈ লৈ যাম।

মাননীয় অধ্যক্ষ মহোদয়,

১০ বছৰত আমি ভাৰতক মোবাইল ফোনৰ এক মুখ্য নিৰ্মাতা কৰি তুলিছো। ভাৰত মোবাইল ফোনৰ এক মুখ্য ৰপ্তানিকৰ্তা হৈ উঠিছে। এতিয়া আমি আমাৰ কাৰ্যকালত অৰ্ধপৰিবাহী আৰু অন্যান্য ক্ষেত্ৰতো একেটা কামকে কৰিবলৈ গৈ আছো। বিশ্বৰ গুৰুত্বপূৰ্ণ কামত ব্যৱহাৰ কৰা চিপবোৰ মোৰ ভাৰতৰ মাটিত প্ৰস্তুত কৰা হ'ব। এয়া মোৰ ভাৰতৰ যুৱপ্ৰজন্মৰ বুদ্ধিৰ সাফল্য হ'ব। ভাৰতৰ যুৱপ্ৰজন্মৰ কঠোৰ পৰিশ্ৰমে ফল লাভ কৰিব, এই বিশ্বাস মোৰ হৃদয়ত আছে।

মাননীয় অধ্যক্ষ মহোদয়,

আমি আধুনিক ভাৰতৰ দিশেও যাম। আমি উন্নয়নৰ নতুন উচ্চতা অৰ্জন কৰিম, কিন্তু আমাৰ শিপা মাটিৰ সৈতে সংযুক্ত হৈয়ে থাকিব, আমাৰ দুভৰি দেশৰ সৰ্বসাধাৰণ মানুহৰ জীৱনৰ সৈতে সংযুক্ত হৈ থাকিব, আৰু আমি চাৰি কোটি দৰিদ্ৰ লোকৰ বাবে ঘৰ নিৰ্মাণ কৰিছোঁ। আগন্তুক কাৰ্যকালত দ্ৰুত গতিত আৰু তিনি কোটি ঘৰ নিৰ্মাণ কৰি এই দেশৰ কোনেও যাতে ঘৰ অবিহনে থাকিবলগীয়া নহয়, এই কথা আমি দেখিবলৈ সক্ষম হম।

মাননীয় অধ্যক্ষ মহোদয়,

যোৱা দহটা বছৰত আমি মহিলা আত্ম-সহায়ক গোটৰ অধীনত দেশৰ কোটি কোটি ভগ্নীক উদ্যমশীলতাৰ ক্ষেত্ৰখনত এক বৃহত্ সফলতাৰে আগবাঢ়িছো। এতিয়া আমি ইয়াক পৰৱৰ্তী স্তৰলৈ লৈ যাম। এতিয়া আমি আমাৰ মহিলা আত্ম-সহায়ক গোটসমূহত কাম কৰি থকা ভগ্নীসকলৰ অৰ্থনৈতিক কাৰ্যকলাপ বৃদ্ধি কৰিব বিচাৰিছো আৰু ইয়াক ইমান পৰিমাণে সম্প্ৰসাৰিত কৰিব বিচাৰো যে আমি অতি কম সময়ৰ ভিতৰতে এনে তিনি কোটি ভগ্নীক লাখপতি দিদি কৰাৰ সংকল্প লৈ আগবাঢ়ি যাম।

মাননীয় অধ্যক্ষ মহোদয়,

মই এই কথা আগতেও কৈছো, আজি মই ইয়াৰ পুনৰাবৃত্তি কৰিছো – আমাৰ তৃতীয় কাৰ্যকালৰ অৰ্থ হৈছে আমি তিনিগুণ গতিত কাম কৰিম। আমাৰ তৃতীয় কাৰ্যকালৰ অৰ্থ হৈছে আমি কামত তিনিগুণ শক্তি ব্যৱহাৰ কৰিম। আমাৰ তৃতীয় কাৰ্যকালৰ অৰ্থ হৈছে যে আমি দেশবাসীক তিনিগুণ সাফল্য আহৰণ কৰি দিম।

মাননীয় অধ্যক্ষ মহোদয়,

এন ডি এ তৃতীয়বাৰৰ বাবে শাসনলৈ অহাটো হৈছে এক ঐতিহাসিক ঘটনা। স্বাধীনতাৰ পিছত দ্বিতীয়বাৰৰ বাবে এই সৌভাগ্য এই দেশলৈ আহিছে। আৰু ৬০ বছৰৰ ব্যৱধানত আহিছে। ইয়াৰ অৰ্থ হৈছে এই সফলতা কিমান কঠোৰ পৰিশ্ৰমৰ পিচত লাভ কৰিব পৰা যায়। কিমান অভূতপূৰ্ব বিশ্বাস সম্পাদনা হোৱাৰ পিছত এয়া সম্ভৱ হয়। কেৱল ৰাজনীতিৰ খেল খেলিয়েই এয়া সম্ভৱ কৰিব নোৱাৰি। জনতা-জনাৰ্দ্দনৰ সেৱাৰে আহৰণ কৰা আশীৰ্বাদেৰেহে এয়া আহৰণ কৰিব পাৰি।

মাননীয় অধ্যক্ষ মহোদয়,

ৰাইজে আমাক স্থিৰতা আৰু ধাৰাবাহিকতাৰ বাবে জনাদেশ দিছে। লোকসভা নিৰ্বাচনৰ মাজতে সন্মানীয় অধ্যক্ষ মহোদয়, জনসাধাৰণৰ চকুৰ আগৰ পৰা কিছুমান বস্তু যেন আঁৰ ৰৈ গৈছে। লোকসভা নিৰ্বাচনৰ লগতে আমাৰ দেশৰ চাৰিখন ৰাজ্যতো নিৰ্বাচন অনুষ্ঠিত হৈছিল আৰু সন্মানীয় অধ্যক্ষ মহোদয়, এই চাৰিখন ৰাজ্যত এন ডি এ-য়েই অভূতপূৰ্ব সফলতা, অভূতপূৰ্ব সফলতা অৰ্জন কৰিছে। আমি এক দৰ্শনীয় বিজয় সাব্যস্ত কৰিছো। মহাপ্ৰভু জগন্নাথজীৰ দেশ উৰিষ্যাই আমাক যথেষ্ট আশীৰ্বাদ প্ৰদান কৰিছে।

মাননীয় অধ্যক্ষ মহোদয়,

অন্ধ্ৰ প্ৰদেশত এন ডি এ-য়েই ক্লিন ছুইপ কৰিছে। সূক্ষ্ম দৰ্শন যন্ত্ৰৰেও এইবোৰ কথা নজৰলৈ নাহে।

মাননীয় অধ্যক্ষ মহোদয়,

অৰুণাচল প্ৰদেশত আমি আকৌ এবাৰ চৰকাৰ গঠন কৰিম। ছিকিমত, এন ডি এ-য়েই আকৌ এবাৰ চৰকাৰ গঠন কৰিছে। মাত্ৰ ৬ মাহ আগতে, সন্মানীয় অধ্যক্ষ মহোদয়, আমি আপোনাৰ গৃহৰাজ্য ৰাজস্থান, মধ্য প্ৰদেশ আৰু ছত্তীশগড়ত বিপুল বিজয় লাভ কৰিছো।

মাননীয় অধ্যক্ষ মহোদয়,

আমি নতুন নতুন ক্ষেত্ৰত আমি ৰাইজৰ মৰম আৰু আশীৰ্বাদ লাভ কৰিছো।

মাননীয় অধ্যক্ষ মহোদয়,

বিজেপিয়ে এইবাৰ কেৰালাত একাউণ্ট খুলিছে আৰু কেৰালাৰ আমাৰ সাংসদে আমাৰ সৈতে গৌৰৱেৰে শাৰী পূৰাইছেহি। তামিলনাডুত বিজেপিয়ে বহুকেইখন আসনত শক্তিশালী উপস্থিতি সাব্যস্ত কৰিবলৈ সক্ষম হৈছে। কৰ্ণাটক, উত্তৰ প্ৰদেশ আৰু ৰাজস্থানত, যোৱাবাৰৰ তুলনাত বিজেপিৰ ভোটৰ শতাংশ বৃদ্ধি পাইছে। আগন্তুক সময়ত তিনিখন ৰাজ্যত নিৰ্বাচন অনুষ্ঠিত হ'ব। মই তিনিখন ৰাজ্যৰ কথা কওঁ য'ত নিৰ্বাচন আছে। মহাৰাষ্ট্ৰ, হাৰিয়ানা আৰু ঝাৰখণ্ড... এইকেইখন ৰাজ্যলৈ নিৰ্বাচন আহি আছে।

মাননীয় অধ্যক্ষ মহোদয়,

যোৱা বিধানসভাত আমি এই তিনিখন ৰাজ্যত যিমান ভোট পাইছিলো এইবাৰৰ লোকসভা নিৰ্বাচনত আমি এই তিনিখন ৰাজ্যত তাতোকৈয়ো অধিক ভোট লাভ কৰিছো।

মাননীয় অধ্যক্ষ মহোদয়,

পঞ্জাৱতো, আমি এক অভূতপূৰ্ব প্ৰদৰ্শন দাঙি ধৰিছো আৰু আমি এক অগ্ৰগতি লাভ কৰিছো। ৰাইজৰ আশীৰ্বাদ আমাৰ সৈতে আছে।

মাননীয় অধ্যক্ষ মহোদয়,

এই দেশৰ ৰাইজে ২০২৪ চনৰ নিৰ্বাচনত কংগ্ৰেছৰ বাবেও জনাদেশ দিছে আৰু দেশৰ এই জনাদেশ হৈছে যে আপোনালোক তাত বহিব, বিৰোধীৰ আসনতে বহিব আৰু যদি তৰ্ক শেষ হৈ গলে চিঞৰি থাকক, হূলস্থূল কৰি থাকক।

মাননীয় অধ্যক্ষ মহোদয়,

কংগ্ৰেছৰ ইতিহাসত এয়া প্ৰথম বাৰৰ হৈছে যে কংগ্ৰেছে একেৰাহে তিনিবাৰকৈ ১০০ৰ সীমা অতিক্ৰম কৰিবলৈ সক্ষম হব নোৱাৰিলে। কংগ্ৰেছৰ ইতিহাসত এয়া হৈছে তৃতীয়টো সৰ্ববৃহৎ পৰাজয়। তৃতীয়টো আটাইতকৈ বেয়া প্ৰদৰ্শন। কংগ্ৰেছে এই পৰাজয় স্বীকাৰ কৰিলে ভাল হ'লহেঁতেন, জনতা-জনাৰ্দ্দনৰ আদেশ নতশিৰে গ্ৰহণ কৰি,  আত্মমন্থন কৰাহেঁতেন... কিন্তু তেওঁলোকে তাকে নকৰি মূৰে-ভৰি কাঢ়িবলৈহে ধৰিছে আৰু কংগ্ৰেছ আৰু ইয়াৰ পৰিস্থিতিতন্ত্ৰই দিনি-ৰাতিয়ে বিজুলি জ্বলাই ভাৰতৰ নাগৰিকসকলৰ মনত প্ৰতিষ্ঠা কৰিবলৈ চেষ্টা কৰি আছে যে তেওঁলোকে আমাক পৰাজিত কৰিছে।

মাননীয় অধ্যক্ষ মহোদয়,

এনে কথানো কিয় হৈ আছে? মই মোৰ তেনেই সাধাৰণ জীৱনৰ অভিজ্ঞতাৰ পৰা কওঁ। এটা সৰু শিশু চাইকেল লৈ ওলাই গৈছিল আৰু যদি সেই শিশুটো বাগৰি পৰে, চাইকেলৰ পৰা বাগৰি পৰে, কান্দিবলৈ আৰম্ভ কৰে, তাৰ পিছত কোনো ডাঙৰ ব্যক্তি যদি শিশুটোৰ ওচৰলৈ গৈ তেওঁক যদি কয় চোৱাচোন পৰুৱা মৰি গৈছে, চোৱাচোন চৰাইটো উৰি গৈছে, হেই চোৱাচোন তুমিতো সুন্দৰকৈ চাইকেল চলাইছিলা, হেই তুমি দেখোন পৰি যোৱাই নাছিলা... এনেবোৰ কথাৰে তেওঁৰ মনটো ভাল লগাবলৈযে চেষ্টা কৰা হয়। পৰি যোৱা কথাৰ পৰা তেওঁৰ মনোযোগ আঁতৰাইযে শিশুটোক ভুলাবলৈ চেষ্টা কৰা হয়। সেইৰেই আজিকালি শিশুৰ মন ভুলুৱাৰ প্ৰয়াস চলি আছে আৰু কংগ্ৰেছৰ লোকসকল আৰু তেওঁলোকৰ পৰিস্থিতিতন্ত্ৰই আজিকালি এই ধেমালিকে কৰি আছে।

মাননীয় অধ্যক্ষ মহোদয়,

১৯৮৪ চনৰ কথা মনত পেলাওকচোন, তাৰ পিছত দেশত ১০ লোকসভাৰ নিৰ্বাচন অনুষ্ঠিত হৈছিল... ১০ লোকসভাৰ নিৰ্বাচন... ১৯৮৪ চনৰ পিছত ১০-১০ লোকসভা নিৰ্বাচন হোৱা স্বত্বেও কংগ্ৰেছে ২৫০ৰ সংখ্যা স্পৰ্শ কৰিবলৈ সক্ষম হোৱা নাই। এইবাৰ কেনেবাকৈ ৯৯ ত আবদ্ধ হৈ ৰৈছে।

মাননীয় অধ্যক্ষ মহোদয়,

মোৰ এটা উপাখ্যান মনত পৰিছে... ৯৯ নম্বৰ পোৱা এটা শিশু অহংকাৰত ঘূৰি ফুৰিছিল আৰু তেওঁনো কিমান নম্বৰ পাইছে সকলোকে দেখুৱাই ফুৰিছিল, সেয়েহে যেতয়া মানুহে ৯৯ পোৱা বুলি শুনি তেওঁক প্ৰশংসা কৰিছিল, হাততালি দিছিল আৰু তেওঁক যথেষ্ট উৎসাহিত কৰিছিল। পিছে, তেওঁৰ শিক্ষক আহি সুধিলেহি  "আপোনালোকেনো কিহৰ বাবে মিঠাই বিতৰণ কৰি আছে?" তেওঁ ১০০ ৰ ভিতৰত ৯৯ নম্বৰ পোৱা বাবে। শিক্ষকজনে তাকে শুনি কলে যে শিশুটোৱে এই নম্বৰ ১০০ৰ ভিতৰত নহয়, বৰং ৫৪৩ ৰ ভিতৰতহে পাইছে। এতিয়া, বিফলতাৰ বাবে যে বিশ্ব অভিলেখ গঢ়িছে এই কথা বাৰু সেই বালক-বুদ্ধিক কোনে বুজায়? কংগ্ৰেছ...

মাননীয় অধ্যক্ষ মহোদয়,

কংগ্ৰেছৰ নেতাসকলৰ কথাবতৰাত, এই কথাকাণ্ডই শ্বোলে চলচ্চিত্ৰখনকো পিছ পেলাইছেহি। আপোনালোক সকলোৰে চাগৈ শ্বোলে ছবিৰ সেই মৌছীগৰাকীৰ কথা মনত আছে... তৃতীয়বাৰৰ বাবে পৰাজিত হৈছে, পিছে মৌছী এই কথাটো হয় বাৰু, পিছে তৃতীয়বাৰৰ বাবেহে পৰাজিত হৈছে, কিন্তু মৌছী নৈতিক বিজয়তো হৈছে, নহয় জানো?

মাননীয় অধ্যক্ষ মহোদয়,

১৩ খন ৰাজ্যত ০ আসন আহিছে, হেই মৌছী, ১৩ খন ৰাজ্যত জিৰোখন আসন আহিছে, কিন্তু হিৰোতো হৈছো, নহয়নে বাৰু?

মাননীয় অধ্যক্ষ মহোদয়,

পাৰ্টী বাৰু ডুবিছে ঠিকেই, আৰে মৌছী এতিয়াও কিন্তু পাৰ্টীয়ে উশাহ লৈয়েইতো আছে। মই কংগ্ৰেছৰ লোকসকলক ক'ম, ভুৱা বিজয় উদযাপনৰে জনসাধাৰণৰ আদেশক দমন কৰিবলৈ নাযাব। ভুৱা বিজয়ৰ নিচাত জনাদেশক মিছা উদযাপনেৰে ঢাকিবলৈ চেষ্টা নকৰিব। দেশবাসীৰ আদেশ সততাৰে বুজিবলৈ চেষ্টা কৰক আৰু ইয়াক গ্ৰহণ কৰক।

মাননীয় অধ্যক্ষ মহোদয়,

কংগ্ৰেছৰ মিত্ৰশক্তিয়ে এই নিৰ্বাচনৰ বিশ্লেষণ কৰিছেনে নাই মই নাজানো। এই নিৰ্বাচন এই বন্ধুসকলৰ বাবেও এক বাৰ্তা।

মাননীয় অধ্যক্ষ মহোদয়,

এতিয়া কংগ্ৰেছ দলটো ২০২৪ চনৰ পৰা পৰজীৱী কংগ্ৰেছ দল হিচাপে পৰিচিত হ'ব। ২০২৪ চনৰ পৰা কংগ্ৰেছ হৈছে এক পৰজীৱী কংগ্ৰেছ আৰু পৰজীৱী হৈছে যিটো শৰীৰৰ সৈতে বাস কৰা সেই শৰীৰটোকে খাই নিজে জীয়াই থাকে। কংগ্ৰেছে যি দলৰ সৈতে মিত্ৰতা কৰে সেই দলটোৰ ভোটো খায় আৰু ই ইয়াৰ সহযোগী দলৰ শক্তিৰে নিজে ফলে-ফুলে জাতিষ্কাৰ হয় আৰু সেয়েহে কংগ্ৰেছ এতিয়া পৰজীৱী কংগ্ৰেছত পৰিণত হৈছে। যেতিয়া মই 'পৰজীৱী' বুলি কৈছো, মই এই কথা তথ্যৰ আধাৰিত ভাবে কৈছো।

মাননীয় অধ্যক্ষ মহোদয়,

মই আপোনাৰ জৰিয়তে সদনৰ সন্মুখত আৰু এই সদনৰ জৰিয়তে দেশৰ সন্মুখত কিছুমান পৰিসংখ্যা ৰাখিব বিচাৰিছো। য'তেই বিজেপি আৰু কংগ্ৰেছৰ মাজত পোনপটীয়া প্ৰতিদ্বন্দ্বিতা হৈছিল বা য'ত কংগ্ৰেছ এটা মুখ্য দল আছিল আৰু অংশীদাৰসকলৰ ১-২-৩ খন আসন আছিল, কংগ্ৰেছৰ ষ্ট্ৰাইক ৰেট মাত্ৰ মাত্ৰ ২৬ শতাংশ আছিল। কিন্তু য'ত কোনোবাই আঁচল মূৰ এটা ধৰি ৰাখিছিল, য'ত তেওঁলোক কনিষ্ঠ অংশীদাৰ আছিল, কিছুমান দলে তেওঁলোকক এটা সুযোগ দিছিল, এনে ৰাজ্যবোৰত য'ত কংগ্ৰেছ কনিষ্ঠ অংশীদাৰ আছিল, তেওঁলোকৰ ষ্ট্ৰাইক ৰেট হৈছে ৫০ শতাংশ। আৰু কংগ্ৰেছৰ ৯৯খন আসনৰ বেছিভাগেই তেওঁলোকে মিত্ৰশক্তিৰ শক্তিৰে জিকিছে। আৰু সেইকাৰণে মই পৰজীৱী কংগ্ৰেছ বুলি কৈছো। এইবেলিৰ নিৰ্বাচনত কংগ্ৰেছে অকলে যুঁজ দিয়া ১৬ খন ৰাজ্যত ইয়াৰ ভোটাৰ অংশ হ্ৰাস পাইছে।

মাননীয় অধ্যক্ষ মহোদয়,     

গুজৰাট, ছত্তীশগড় আৰু মধ্য প্ৰদেশ হৈছে তিনিখন ৰাজ্য য'ত কংগ্ৰেছে নিজে যুঁজ দিছিল আৰু ৬৪ খন আসনৰ ভিতৰত মাত্ৰ ২ খন আসন লাভ কৰিছিল, ৬৪ খনৰ ভিতৰত ২ খন। ইয়াৰ স্পষ্ট অৰ্থ হৈছে যে এই নিৰ্বাচনত কংগ্ৰেছ সম্পূৰ্ণৰূপে পৰজীৱী হৈ পৰিছে আৰু তেওঁলোকে তেওঁলোকৰ মিত্ৰশক্তিৰ কান্ধত উঠি আসনৰ সংখ্যা বৃদ্ধি কৰিছে। যদি কংগ্ৰেছে ইয়াৰ মিত্ৰশক্তিৰ ভোট নাখালেহেঁতেন তেওঁলোকৰ বাবে লোকসভাত ইমানখিনি আসন জিকাটো অতি কঠিন হ'লহেঁতেন।

মাননীয় অধ্যক্ষ মহোদয়,

এনে সময়ত, এটা সুযোগ আহিছে যে দেশখনে উন্নয়নৰ পথ বাছি লৈছে, দেশখনে উন্নত ভাৰতৰ সপোন বাস্তৱায়িত কৰিবলৈ মন স্থিৰ কৰি লৈছে। এতিয়া ভাৰতে একত্ৰিত হ'ব লাগিব আৰু সমৃদ্ধিৰ এক নতুন যাত্ৰা সম্পূৰ্ণ কৰিব লাগিব। এনে সময়ত, এইটো দেশৰ দুৰ্ভাগ্য যে ৬-৬ দশক ধৰি ভাৰত শাসন কৰা কংগ্ৰেছ দলে অৰাজকতা বিয়পোৱাত নিয়োজিত হৈ আছে। তেওঁলোকে দক্ষিণলৈ গৈ উত্তৰৰ লোকসকলৰ বিৰুদ্ধে কথা কয়, উত্তৰলৈ গৈ দক্ষিণৰ লোকসকলৰ বিৰুদ্ধে বিষ উগাৰে, তেওঁলোকে পশ্চিমৰ লোকসকলৰ বিৰুদ্ধে কথা কয়, তেওঁলোকে মহাপুৰুষসকলৰ বিৰুদ্ধে কথা কয়। তেওঁলোকে ভাষাৰ আধাৰত বিভাজন কৰিবলৈ সকলো প্ৰচেষ্টাকে কৰিছে। আমি ভাৰতৰ পৰা দেশৰ কিছু অংশ পৃথক কৰাৰ পোষকতা কৰা নেতাসকলক সংসদৰ টিকট দিয়াৰ দৰে দুৰ্ভাগ্য চাবলগীয়া হৈছে, যিটো কংগ্ৰেছ দলে কৰিছে। কংগ্ৰেছ দলে এটা জাতিক আন এটাৰ বিৰুদ্ধে যুঁজিবলৈ প্ৰতিদিনে মুকলিকৈ নতুন নতুন আখ্যান সৃষ্টি কৰি আহিছে। নতুন উৰাবাতৰি বিয়পাই আহিছে।

মাননীয় অধ্যক্ষ মহোদয়,     

দেশৰ এটা অংশৰ মানুহক নিম্নমানৰ বুলি বৰ্ণনা কৰাৰ প্ৰৱণতাক কংগ্ৰেছৰ বহুতে উত্সাহিত কৰি আহিছে।

মাননীয় অধ্যক্ষ মহোদয়,

কংগ্ৰেছে দেশত অৰ্থনৈতিক অৰাজকতা বিয়পোৱাৰ দিশতো এক চক্ৰান্ত কৰি আহিছে। ৰাজ্যসমূহত যিবোৰ অৰ্থনৈতিক পদক্ষেপ লোৱা হৈছিল, নিৰ্বাচনৰ সময়ত তেওঁলোকে যিধৰণে অৰ্থনৈতিক পদক্ষেপ গ্ৰহণ কৰি আছে, এই পথটোৱে দেশখনক অৰ্থনৈতিক অৰাজকতাৰ দিশে টানি নিব। এই খেলখন ইচ্ছাকৃতভাৱে খেলা হৈছে যাতে তেওঁলোকৰ ৰাজ্যকেইখন দেশৰ ওপৰত অৰ্থনৈতিক বোজা হৈ পৰে। এইটো মঞ্চৰ পৰা স্পষ্টভাৱে ঘোষণা কৰা হৈছিল, যদি তেওঁলোকে ভবা ধৰণে ফলাফল নাহে তেন্তে ৪ জুনত দেশত জুই লগোৱা হ'ব। মানুহ একত্ৰিত হ'ব, অৰাজকতা সৃষ্টি কৰিব, এইবোৰক আনুষ্ঠানিকভাৱে আহ্বান জনোৱা হৈছিল। এই অৰাজকতা বিয়পোৱাতোৱেই হৈছে তেওঁলোকৰ উদ্দেশ্য। ভাৰতৰ গণতান্ত্ৰিক প্ৰক্ৰিয়াক প্ৰশ্নৰ সন্মুখীন কৰি অৰাজকতা বিয়পাবলৈ চেষ্টা কৰা হৈছে। চিএএ-ৰ বিষয়ে বিয়পি পৰা বিশৃংখলতা, দেশৰ জনসাধাৰণক বিপথে পৰিচালিত কৰাৰ খেল, সমগ্ৰ পৰিৱেশ-ব্যৱস্থাই এই কথাত গুৰুত্ব আৰোপ কৰি আছিল কাৰণ তেওঁলোকৰ ৰাজনৈতিক উদ্দেশ্যই সেয়া আছিল।

মাননীয় অধ্যক্ষ মহোদয়,     

সমগ্ৰ দেশক সংঘৰ্ষত পতিত কৰাৰ জোৰদাৰ প্ৰয়াস সমগ্ৰ দেশে দেখিছে।

সন্মানীয় অধ্যক্ষ মহোদয়,

আজিকালি সহানুভূতি লাভ কৰিবলৈ নতুন নাটক আৰম্ভ হৈছে, নতুন গেম খেলিছে, এটা ঘটনা কওঁ। এটা শিশু স্কুলৰ পৰা আহি জোৰেৰে কান্দিবলৈ ধৰিলে আৰু মাকেও ভয় খালে, কি হ'ল, সি বহুত কান্দিবলৈ ধৰিলে আৰু তাৰ পিছত ক'লে মা, আজি স্কুলত মোক মাৰিলে, আজি স্কুলত মাৰিলে, আজি স্কুলত মাৰিলে। আৰু সি জোৰেৰে কান্দিবলৈ ধৰিলে, মাক চিন্তিত হৈ পৰিল। তেওঁ তাক সুধিলে কি হৈছে বোপাই, কিন্তু সি কোৱা নাছিল মাথোঁ, মোক মাৰিলে, মাৰিলে বুলি কৈ কান্দি আছিল। শিশুটিয়ে মাকক কোৱা নাছিল যে আজি স্কুলত শিশুটিয়ে উৎপাট কৰিছিল। তেওঁ কোনো শিশুৰ কিতাপ ফালি পেলোৱা বুলি কোৱা নাছিল। তেওঁ শিক্ষকজনক চোৰ বুলি কোৱাৰ কথাও কোৱা নাছিল। তেওঁ কাৰোবাৰ টিফিন চুৰি কৰি খাইছে বুলি কোৱা নাছিল। কালিও আমি সদনত একেই শিশুসুলভ আচৰণ দেখিছিলো। কালি ইয়াত এজন শিশু বুদ্ধিৰ লোকে বিলাপ কৰি আছিল, মোক আঘাত কৰিছিল, এইটোৱে মোক আঘাত কৰিছিল, তেওঁ মোক আঘাত কৰিছিল, মোক ইয়াত আঘাত কৰিছিল, মোক তাতেই আঘাত কৰিছিল। এইয়া চলি আছিল।

সন্মানীয় অধ্যক্ষ মহোদয়,

সহানুভূতি লাভ কৰিবলৈ এই নতুন নাটকখন মুকলি কৰা হৈছে। কিন্তু দেশে সত্যটো জানে যে তেওঁ যে হাজাৰ কোটি টকা আত্মসাৎৰ গোচৰত জামিনত পাইছে। অবিচি শ্ৰেণীৰ লোকসকলক চোৰ বুলি কোৱাৰ শাস্তি। দেশৰ উচ্চতম ন্যায়ালয়ৰ ওপৰত দায়িত্বহীন বক্তব্য দি ক্ষমা খুজিবলগীয়া হৈছিল। মহান স্বাধীনতা সংগ্ৰামী বীৰ ছাৱৰকাৰৰ দৰে মহান ব্যক্তিত্বক অপমান কৰাৰ অভিযোগত তেওঁৰ বিৰুদ্ধে গোচৰ ৰুজু হৈছে। দেশৰ সৰ্ববৃহৎ দলৰ সভাপতিক হত্যাকাৰী আখ্যা দি তেওঁৰ বিৰুদ্ধে গোচৰ চলি আছে। বহু নেতা, বিষয়া-প্ৰতিষ্ঠানক মিছা কথা কোৱাৰ গুৰুতৰ অভিযোগ উত্থাপন হৈছে আৰু সেই গোচৰবোৰ চলি আছে।

সন্মানীয় অধ্যক্ষ মহোদয়,

শিশুৰ মনত বাক্যৰ স্থান নাই, শিশুৰ মনত আচৰণৰো কোনো স্থান নাই। আৰু যেতিয়া এই শিশুসুলভ মনটোক সম্পূৰ্ণৰূপে দখল কৰা হয়, তেতিয়া ঘৰতো ই বিপদত পৰিবলৈ আৰম্ভ কৰে। এই শিশু মনবোৰে যেতিয়া নিজৰ সীমা হেৰুৱাই পেলায় তেতিয়া ঘৰৰ ভিতৰত বহি চকু টিপিয়াই  টিপিয়াই থাকে। সন্মানীয় অধ্যক্ষ মহোদয়, সমগ্ৰ দেশে এতিয়া তেওঁলোকৰ প্ৰকৃত সত্যক বুজি পাইছে। সেইবাবেই আজি দেশে তেওঁলোকক কৈছে যে আপোনাৰ বাবে সেয়া সম্ভৱ নহ'ব৷

সন্মানীয় অধ্যক্ষ মহোদয়,

তুলসীদাস জীয়ে কৈছে, অখিলেশ জী... তুলসীদাস জীয়ে মিছা লোৱাটোৱেই মিছা দিয়া বুলি কৈছে। মিছা খাদ্য চোবাই খোৱা। কংগ্ৰেছে মিছাক ৰাজনৈতিক অস্ত্ৰ কৰি তুলিলে। কংগ্ৰেছক মিছা কথা কোৱা হৈছে। যেনেকৈ ই মানুহ খোৱা প্ৰাণী যাৰ মুখত তেজ আছে, একেদৰেই সন্মানীয় অধ্যক্ষ মহোদয়, কংগ্ৰেছে মুখত মিছাৰ তেজ পাইছে। কালি ১ জুলাইত দেশত টোকৰ দিৱস পালন কৰা হৈছে। ১ জুলাইত মানুহে নিজৰ বেংক চেক কৰি আছিল। ৮৫০০ টকা আহিল নে নাই। এই ভুৱা আখ্যানৰ ফল চাওক, কংগ্ৰেছে দেশবাসীক বিপথে পৰিচালিত কৰিলে। মাক-ভগ্নীক প্ৰতিমাহে ৮৫০০ টকা দিয়াৰ মিছা কথাই এই মাতৃ-ভগ্নীসকলৰ অন্তৰত আঘাত কৰা অভিশাপ হৈ কংগ্ৰেছক ধ্বংস কৰিবলৈ গৈ আছে।

সন্মানীয় অধ্যক্ষ মহোদয়,

ইভিএমৰ বিষয়ে মিছা, সংবিধানৰ বিষয়ে মিছা, সংৰক্ষণৰ বিষয়ে মিছা, তাৰ আগতে ৰাফেলৰ বিষয়ে মিছা, এইচএএলৰ বিষয়ে মিছা, এল আই চিৰ বিষয়ে মিছা, বেংকৰ মিছা, কৰ্মচাৰীসকলক উচটনি দিয়াৰ প্ৰচেষ্টাও কৰা হৈছিল। সাহস ইমানেই বৃদ্ধি পালে যে কালি সদনক বিপথে পৰিচালিত কৰাৰ চেষ্টা কৰা হ’ল৷ কালি অগ্নিবীৰক লৈ সদনত মিছা কথা কোৱা হৈছিল। কালি ইয়াত বহুত মিছা কথা কোৱা হৈছিল যে এম এছ পি দিয়া হোৱা নাই।

অধ্যক্ষ মহোদয়,

সংবিধানৰ মৰ্যাদাৰে খেলাটো সদনৰ দুৰ্ভাগ্য আৰু বহুবাৰ লোকসভাত জয়ী হোৱা, সদনৰ মৰ্যাদাৰ সৈতে খেলা-ধূলা কৰা জনসাধাৰণৰ বাবে এয়া সঠিক নহয়।

সন্মানীয় অধ্যক্ষ মহোদয়,

ষাঠি বছৰ ধৰি ইয়াত বহি থকা দলটোৱে চৰকাৰৰ কাম-কাজ জানে। যাৰ আছে অভিজ্ঞ নেতা। যেতিয়া তেওঁলোকে এই অৰাজকতাৰ পথত আগবাঢ়ি যায়, মিছাৰ পথ বাছি লয়, তেতিয়া দেশখন যে ভয়াৱহ সংকটৰ দিশে আগবাঢ়িছে তাৰ প্ৰমাণ পোৱা যায়।

সন্মানীয় অধ্যক্ষ মহোদয়,

সদনৰ মৰ্যাদাৰ সৈতে খেলা কৰাটো আমাৰ সংবিধান নিৰ্মাতাসকলক অপমান, এই দেশৰ মহাপুৰুষসকলৰ অপমান। দেশৰ স্বাধীনতাৰ বাবে প্ৰাণ আহুতি দিয়া বীৰ পুত্ৰসকলৰ অপমান।

আৰু সেইবাবেই সন্মানীয় অধ্যক্ষ মহোদয়,

মই জানো আপুনি বৰ সৌজন্যশীল, আপোনাৰ মন উদাৰ, সংকটৰ সময়তো আপুনি লঘু আৰু মিঠা হাঁহিৰে কথাবোৰ সহ্য কৰে।

কিন্তু সন্মানীয় অধ্যক্ষ মহোদয়,

বৰ্তমান যি হৈ আছে আৰু কালি যি হৈছিল তাক গুৰুত্বসহকাৰে নোলোৱাকৈ আমি সংসদীয় গণতন্ত্ৰ ৰক্ষা কৰিব নোৱাৰিম।

সন্মানীয় অধ্যক্ষ মহোদয়,

এইবোৰ কামক শিশুসুলভ বুদ্ধিমত্তা বুলি আৰু আওকাণ কৰা উচিত নহয়, একেবাৰেই আওকাণ কৰা উচিত নহয়। আৰু মই এই কথা কৈছো কাৰণ ইয়াৰ আঁৰৰ উদ্দেশ্য উচ্চ নহয়, উদ্দেশ্য অতি বিপদজনক আৰু মই দেশবাসীকো জগাই তুলিব বিচাৰো।

সন্মানীয় অধ্যক্ষ মহোদয়,

এই লোকসকলৰ মিছা কথাই আমাৰ দেশৰ নাগৰিকৰ বিবেক-বুদ্ধিৰ ওপৰত সন্দেহৰ সৃষ্টি কৰিছে। তেওঁৰ মিছা কথাবোৰ দেশৰ সাধাৰণ জ্ঞানক প্ৰচণ্ড চৰ সোধোৱাৰ এক কুৎসিত কাৰ্য্য।

সন্মানীয় অধ্যক্ষ মহোদয়,

এই কার্যই দেশৰ মহান পৰম্পৰাৰ ওপৰত চৰ সোধাইছে৷

সন্মানীয় অধ্যক্ষ মহোদয়,

এই সদনৰ মৰ্যাদা ৰক্ষাৰ এক বৃহৎ দায়িত্ব আপোনাৰ ওপৰত। সদনত আৰম্ভ হোৱা মিছা কথাৰ পৰম্পৰাৰ বিৰুদ্ধে কঠোৰ ব্যৱস্থা গ্ৰহণ কৰাটো দেশবাসীৰ লগতে এই সদনৰ আশা।

সন্মানীয় অধ্যক্ষ মহোদয়,

কংগ্ৰেছে সদায় সংবিধান আৰু সংৰক্ষণৰ ওপৰত মিছা কথা কৈ আহিছে। আজি মই ১৪০ কোটি দেশবাসীৰ আগত সত্য দাঙি ধৰিব বিচাৰিছো, অতি নম্ৰতাৰে উপস্থাপন কৰিব বিচাৰিছো। দেশবাসীয়ে এই সত্য জনাটো অতি প্ৰয়োজনীয়।

সন্মানীয় অধ্যক্ষ মহোদয়,

জৰুৰীকালীন অৱস্থাৰ ৫০ বছৰ সম্পূৰ্ণ হৈছে। জৰুৰীকালীন অৱস্থা আছিল কেৱল ক্ষমতাৰ লোভৰ স্বাৰ্থত আৰু একনায়কত্ববাদী মানসিকতাৰ বাবে দেশৰ ওপৰত জাপি দিয়া একনায়কত্ববাদী শাসন। আৰু কংগ্ৰেছে নিষ্ঠুৰতাৰ সকলো সীমা অতিক্ৰম কৰিছে। তেওঁ নিজৰ দেশবাসীৰ ওপৰত নিষ্ঠুৰতা মুকলি কৰি দেশৰ পৰ্দা ফালি পেলোৱাৰ পাপ কৰিছিল।

সন্মানীয় অধ্যক্ষ মহোদয়,

চৰকাৰক উফৰাই পেলোৱা, সংবাদ মাধ্যমক দমন কৰা, প্ৰতিটো কাম সংবিধানৰ মনোভাৱৰ বিৰুদ্ধে, সংবিধানৰ ধাৰাসমূহৰ বিৰুদ্ধে, সংবিধানৰ প্ৰতিটো শব্দৰ বিৰুদ্ধে আছিল। এইসকল লোকে, আৰম্ভণিৰে পৰাই দেশৰ দলিত আৰু পিছপৰা শ্ৰেণীৰ লগত ভয়াৱহ অন্যায় কৰিছে।

সন্মানীয় অধ্যক্ষ মহোদয়,

আৰু এই কাৰণতে কংগ্ৰেছৰ দলিত বিৰোধী, পিছপৰা বিৰোধী মানসিকতাৰ বাবেই বাবা চাহেব আম্বেদকাৰে নেহৰু জীৰ মন্ত্ৰীসভাৰ পৰা পদত্যাগ কৰিছিল। নেহৰু জীয়ে দলিত আৰু পিছপৰা মানুহৰ লগত কেনেদৰে অন্যায় কৰিছিল সেই কথা তেওঁ উদঙাই দিছিল। আৰু বাবা চাহেব আম্বেদকাৰে মন্ত্ৰীসভাৰ পৰা পদত্যাগ কৰাৰ সময়ত যি কাৰণে দিয়া কাৰণে তেওঁৰ চৰিত্ৰৰ প্ৰতিফলন ঘটায়। বাবা চাহেব আম্বেদকাৰ জীয়ে কৈছিল, চৰকাৰে অনুসূচিত জাতিৰ অৱহেলাত মোৰ ভিতৰৰ ক্ষোভ দমন কৰিব নোৱাৰিলোঁ, এয়া বাবা চাহেব আম্বেদকাৰৰ কথা। অনুসূচিত জাতিৰ এই অৱহেলাই বাবা চাহেব আম্বেদকাৰক ক্ষুব্ধ কৰি তুলিছিল। বাবা চাহেবৰ প্ৰত্যক্ষ আক্ৰমণৰ পিছত নেহৰু জীয়ে নিজৰ সমস্ত শক্তি প্ৰয়োগ কৰি বাবা চাহেব আম্বেদকাৰৰ ৰাজনৈতিক জীৱনৰ অন্ত পেলাইছিল।

সন্মানীয় অধ্যক্ষ মহোদয়,

প্ৰথমে বাবা চাহেব আম্বেদকাৰ নিৰ্বাচনত ষড়যন্ত্ৰমূলকভাৱে পৰাজিত হৈছিল।

সন্মানীয় অধ্যক্ষ মহোদয়,

কেৱল ইমানেই নহয়, তেওঁলোকে বাবা চাহেব আম্বেদকাৰৰ এই পৰাজয় উদযাপন কৰিলে, আনন্দিত হ’ল আৰু সুখ প্ৰকাশ কৰিলে।

সন্মানীয় অধ্যক্ষ মহোদয়,

এই আনন্দৰ বিষয়ে এখন চিঠিত লিখা আছে সন্মানীয় অধ্যক্ষ মহোদয়, বাবা চাহেবৰ দৰে দলিত নেতা বাবু জগজীৱন ৰাম জীকো নিজৰ প্ৰাপ্য দিয়া নহ’ল। জৰুৰীকালীন অৱস্থাৰ পিছত জগজীৱন ৰাম জী প্ৰধানমন্ত্ৰী হোৱাৰ সম্ভাৱনা আছিল। ইন্দিৰা গান্ধী জীয়ে যাতে কোনো কাৰণতে জগজীৱন ৰাম জী প্ৰধানমন্ত্ৰী  হ’ব নোৱাৰে তাৰ প্ৰতি লক্ষ্য ৰাখিছিল। আৰু এখন কিতাপত লিখা আছে যে জগজীৱন ৰাম কোনো মূল্যৰ বিনিময়ত প্ৰধানমন্ত্ৰী হ’ব নালাগে। যদি তেওঁলোক তেনেকুৱা হৈ পৰে তেন্তে তেওঁলোকে গোটেই জীৱন আঁতৰি নাযায়। ইন্দিৰা গান্ধীৰ এই উক্তি সেই পুথিত আছে। কংগ্ৰেছে চৌধুৰী চৰণ সিং জীক একেধৰণৰ ব্যৱহাৰ কৰিছিল আৰু তেওঁকো ৰেহাই দিয়া নাছিল। একেদৰে কংগ্ৰেছে পিছপৰা শ্ৰেণীৰ নেতা আৰু কংগ্ৰেছ দলৰ সভাপতি বিহাৰৰ পুত্ৰ সীতাৰাম কেশৰীক অপমান কৰাৰ পাপ কৰিলে।

সন্মানীয় অধ্যক্ষ মহোদয়,

কংগ্ৰেছ দলে আৰম্ভণিৰে পৰা সংৰক্ষণৰ তীব্ৰ বিৰোধিতা কৰি আহিছে। নেহৰুজীয়ে মুখ্যমন্ত্ৰীসকললৈ চিঠি লিখি সংৰক্ষণৰ স্পষ্ট বিৰোধিতা কৰিছিল। কংগ্ৰেছৰ প্ৰধানমন্ত্ৰী শ্ৰীমতী ইন্দিৰা গান্ধীয়ে বছৰ বছৰ ধৰি মণ্ডল আয়োগৰ প্ৰতিবেদন ঠাণ্ডা বাকচত পুতি ৰাখিছিল।

সন্মানীয় অধ্যক্ষ মহোদয়,

কংগ্ৰেছ দলৰ তৃতীয় প্ৰধানমন্ত্ৰী শ্ৰী ৰাজীৱ গান্ধী আৰু যেতিয়া তেওঁ বিৰোধী দলত আছিল তেতিয়া তেওঁৰ আটাইতকৈ দীঘলীয়া ভাষণ আছিল সংৰক্ষণৰ বিৰোধী। সংসদৰ ৰেকৰ্ডত এতিয়াও উপলব্ধ। আৰু সেইবাবেই সন্মানীয় অধ্যক্ষ মহোদয়, আজি মই আপোনাৰ লগতে দেশবাসীক এটা গুৰুতৰ বিষয় দৃষ্টি আকৰ্ষণ কৰিব বিচাৰিছো। কালি যিয়েই নহওক, এই দেশৰ লাখ লাখ নাগৰিকে আগন্তুক শতিকালৈকে ক্ষমা নকৰিব।

সন্মানীয় অধ্যক্ষ মহোদয়,

স্বামী বিবেকানন্দ জীয়ে ১৩১ বছৰ পূৰ্বে চিকাগোত এই কথা কৈছিল। মই গৌৰৱান্বিত যে মই এনে এটা ধৰ্মৰ পৰা আহিছো যিয়ে সমগ্ৰ বিশ্বক সহনশীলতা আৰু বৈশ্বিক গ্ৰহণযোগ্যতা শিকাইছে। ১৩১ বছৰ পূৰ্বে বিবেকানন্দ জীয়ে আমেৰিকাৰ চিকাগোত বিশ্বৰ বহু মহান নেতাৰ সন্মুখত হিন্দু ধৰ্মৰ হৈ কথা কৈছিল।

সন্মানীয় অধ্যক্ষ মহোদয়,

হিন্দু সহনশীল, হিন্দু নিজস্বত্বৰ দ্বাৰা জীয়াই থকা এটা গোট। সেইবাবেই ভাৰতৰ গণতন্ত্ৰ, ভাৰতৰ বৈচিত্ৰ্য আৰু ইয়াৰ বিশালতা আজি উজলি উঠিছে।

সন্মানীয় অধ্যক্ষ মহোদয়,

এটা গুৰুতৰ কথা যে আজি হিন্দুৰ বিৰুদ্ধে মিছা অভিযোগ উত্থাপন কৰাৰ ষড়যন্ত্ৰ চলি আছে, এক গুৰুতৰ ষড়যন্ত্ৰ হৈছে। সন্মানীয় অধ্যক্ষ মহোদয়, কোৱা হৈছে যে হিন্দু হিংস্ৰ, এইবোৰ আপোনাৰ মূল্যবোধ, এয়া আপোনাৰ চৰিত্ৰ, এয়া আপোনাৰ চিন্তা, এয়া আপোনাৰ ঘৃণা, এই দেশৰ হিন্দুৰ সৈতে এইবোৰ কাম।

সন্মানীয় অধ্যক্ষ মহোদয়,

এই দেশখনে যুগ যুগ ধৰি এই কথা পাহৰিব নোৱাৰে। কিছুদিন পূৰ্বে হিন্দুসকলে বিশ্বাস কৰা শক্তিৰ ধ্বংসৰ কথা ঘোষণা কৰা হৈছিল। কোনটো ধ্বংস শক্তিৰ কথা কয়? এই দেশখন যুগ যুগ ধৰি ক্ষমতাৰ উপাসক হৈ আহিছে। এই মোৰ বংগবাসীয়ে মা দুৰ্গাক পূজা কৰে, শক্তি পূজা কৰে। এই বংগই মাতৃ কালীক পূজা কৰে আৰু সমৰ্পণেৰে কৰে। আপুনি সেই শক্তিৰ ধ্বংসৰ কথা কয়। এইসকল লোকে হিন্দু সন্ত্ৰাসবাদ শব্দৰ মুদ্ৰা প্ৰস্তুত কৰিবলৈ চেষ্টা কৰিছিল। তেওঁলোকৰ বন্ধুসকলে হিন্দু ধৰ্মক ডেংগু, মেলেৰিয়া, এনে শব্দৰ লগত তুলনা কৰক আৰু তেওঁলোকে হাত চাপৰি বজাব লাগে, এই দেশে কেতিয়াও ক্ষমা নকৰে।

সন্মানীয় অধ্যক্ষ মহোদয়,

এক সুচিন্তিত কৌশলৰ অধীনত তেওঁলোকৰ সমগ্ৰ পৰিৱেশ তন্ত্ৰই হিন্দু পৰম্পৰা, হিন্দু সমাজ, এই দেশৰ সংস্কৃতি, এই দেশৰ ঐতিহ্যক অৱনমিত কৰা, ইয়াৰ অপব্যৱহাৰ, অপমান কৰা, হিন্দুক ঠাট্টা কৰা আৰু এনে উপাদানক পৃষ্ঠপোষকতা কৰাটো ফেশ্বন কৰি তুলিছে নিজৰ ৰাজনৈতিক স্বাৰ্থৰ বাবে কাম কৰি আছে।

সন্মানীয় অধ্যক্ষ মহোদয়,

আমি সৰুৰে পৰা শিকি আহিছো। গাঁও হওক বা চহৰ হওক, দুখীয়া হওক বা ধনী হওক, এই দেশৰ প্ৰতিটো শিশুৱে এই কথা জানে। ঈশ্বৰৰ প্ৰতিটো ৰূপ, সন্মানীয় অধ্যক্ষ মহোদয়, ঈশ্বৰৰ প্ৰতিটো ৰূপ দৰ্শনৰ বাবে। ঈশ্বৰৰ কোনো ৰূপ ব্যক্তিগত লাভৰ বাবে বা প্ৰদৰ্শনৰ বাবে নহয়। যি দেখা যায় সেয়া প্ৰদৰ্শন কৰা নহয়।

সন্মানীয় অধ্যক্ষ মহোদয়,

আমাৰ দেৱ-দেৱীক কৰা অপমানে ১৪০ কোটি দেশবাসীৰ অন্তৰত গভীৰভাৱে আঘাত কৰিছে। ব্যক্তিগত ৰাজনৈতিক লাভালাভৰ বাবে ঈশ্বৰৰ ৰূপবোৰ এনেদৰে খেলা হয়। সন্মানীয় অধ্যক্ষ মহোদয়, এই দেশে কেনেকৈ ক্ষমা কৰিব?

সন্মানীয় অধ্যক্ষ মহোদয়,

সদনত কালিৰ দৃশ্য দেখি এতিয়া হিন্দু সমাজেও ভাবিব লাগিব এই অপমানজনক বক্তব্য কাকতলীয়া নে কিবা পৰীক্ষাৰ প্ৰস্তুতি। হিন্দু সমাজে এই বিষয়ে চিন্তা কৰিব লাগিব।

সন্মানীয় অধ্যক্ষ মহোদয়,

আমাৰ সেনা বাহিনী দেশৰ গৌৰৱ। তেওঁলোকৰ সাহস আৰু আমাৰ সেনাৰ সাহসক লৈ সমগ্ৰ দেশ গৌৰৱান্বিত। আৰু আজি সমগ্ৰ দেশে চকু ৰাখিছে আমাৰ বাহিনী, আমাৰ প্ৰতিৰক্ষা খণ্ড, সংস্কাৰ এনেদৰে কৰা হৈছে যিটো স্বাধীনতাৰ পিছত ইমান বছৰে হোৱা নাই। আমাৰ সেনাবাহিনীক আধুনিকীকৰণ কৰা হৈছে। যাতে আমাৰ সেনাই প্ৰতিটো প্ৰত্যাহ্বানৰ উপযুক্ত উত্তৰ দিব পাৰে, আমি দেশ ৰক্ষাৰ লক্ষ্যৰে যুদ্ধ সক্ষম সেনাবাহিনী গঠনৰ বাবে সকলো প্ৰচেষ্টা, সংস্কাৰ আৰু পদক্ষেপ গ্ৰহণ কৰিছো। যোৱা কেইবছৰমানৰ পৰা বহু কথা সলনি হৈছে। চিডিএছৰ পদটো সৃষ্টি হোৱাৰ পিছত সংহতি অধিক শক্তিশালী হৈ উঠিছে।

সন্মানীয় অধ্যক্ষ মহোদয়,

আমাৰ সশস্ত্ৰ বাহিনীৰ মাজত তেওঁলোকৰ সমৰ্থনত যুধ শাস্ত্ৰৰ নিশাদসকলে দীৰ্ঘদিন ধৰি ভাৰতত নাট্য কমাণ্ডৰ প্ৰয়োজন বুলি মতামত লৈ আহিছিল। আজি মই সন্তুষ্টিৰে ক’ব পাৰো যে চিডিএছ ব্যৱস্থা গঠন হোৱাৰ পিছত দেশৰ নিৰাপত্তাৰ বাবে প্ৰয়োজনীয় থিয়েটাৰ কমাণ্ডৰ দিশত অগ্ৰগতি লাভ কৰা হৈছে।

সন্মানীয় অধ্যক্ষ মহোদয়,

আত্মনিৰ্ভৰশীল ভাৰতত এক অতি গুৰুত্বপূৰ্ণ ভূমিকা গ্ৰহণ কৰি আমাৰ সেনাক স্বাৱলম্বী কৰি তোলা হৈছে। আমাৰ দেশৰ সেনা তৰুণ হোৱা উচিত। শত্ৰুৰ দাঁত টেঙা কৰিবলৈ সেনা আছে। আমাৰ যৌৱনৰ ওপৰত আমাৰ বিশ্বাস থাকিব লাগিব। সেনাবাহিনীত যুৱক-যুৱতীসকলৰ শক্তি বৃদ্ধি কৰিব লাগে আৰু সেয়েহে আমি যুদ্ধ সক্ষম সেনাবাহিনী সৃষ্টিৰ বাবে সংস্কাৰ অহৰহ কৰি আছো। সময়মতে সংস্কাৰ নকৰাৰ বাবে আমাৰ সেনাই বহুত ক্ষতিগ্ৰস্ত হৈছে। কিন্তু যিহেতু এইবোৰ কথা ৰাজহুৱাকৈ কোৱাৰ যোগ্য নহয়, গতিকে মই মুখ বন্ধ কৰি ৰাখিছো।

সন্মানীয় অধ্যক্ষ মহোদয়,

দেশৰ নিৰাপত্তা এক গুৰুতৰ বিষয়। সন্মানীয় অধ্যক্ষ মহোদয়, এনে সংস্কাৰৰ উদ্দেশ্য এতিয়া যিকোনো পৰিস্থিতিত যুদ্ধৰ ৰূপলৈ পৰিৱৰ্তিত হৈছে। সম্পদ সলনি হৈছে, অস্ত্ৰ-শস্ত্ৰ সলনি হৈছে, প্ৰযুক্তি সলনি হৈছে। এনে পৰিস্থিতিত প্ৰত্যাহ্বান অনুযায়ী আমাৰ বাহিনীক সাজু কৰাটো আমাৰ বাবে এক ডাঙৰ দায়িত্ব। ইয়াক পূৰণ কৰিবলৈ আমি গালি-গালাজৰ সন্মুখীন হোৱাৰ পিছতো মুখ বন্ধ কৰি ৰাখি কাম কৰি আছো আৰু ভুৱা অভিযোগ বহন কৰি আছো। এনে সময়ত কংগ্ৰেছে দেশৰ সেনাবাহিনীক আধুনিকীকৰণ আৰু শক্তিশালী কৰাৰ বাবে কি কৰিছে? মিছা কথা বিয়পাইছে। প্ৰতিৰক্ষা সংস্কাৰৰ প্ৰচেষ্টাক দুৰ্বল কৰাৰ ষড়যন্ত্ৰ কৰিছে।

সন্মানীয় অধ্যক্ষ মহোদয়,

আচলতে কংগ্ৰেছে কেতিয়াও ভাৰতীয় সেনা শক্তিশালী হোৱা দেখা নাপায়। সন্মানীয় অধ্যক্ষ মহোদয়, নেহৰুৰ সময়ত দেশৰ বাহিনী কিমান দুৰ্বল আছিল কোনে নাজানে? আমাৰ সেনাবাহিনীত কংগ্ৰেছে কৰা লাখ কোটি টকাৰ কেলেংকাৰী একেই আছিল যিয়ে দেশৰ সেনাবাহিনীক দুৰ্বল কৰি তুলিছে। ইয়াৰ ফলত দেশৰ শক্তি দুৰ্বল হৈ পৰিল। পানী হওক, মাটি হওক বা আকাশ হওক, দেশ স্বাধীন হোৱাৰ পিছৰে পৰা সেনাবাহিনীৰ প্ৰতিটো প্ৰয়োজনতে দুৰ্নীতিৰ পৰম্পৰা গঢ়ি তুলিছিল। জীপ কেলেংকাৰী হওক, ছাবমেৰিন কেলেংকাৰী হওক, বফৰ্চ কেলেংকাৰী হওক, এই সকলোবোৰ কেলেংকাৰীয়ে দেশৰ সেনাৰ শক্তি বৃদ্ধি হোৱাত বাধা দিছে। এটা সময় আছিল সন্মানীয় অধ্যক্ষ মহোদয়, কংগ্ৰেছৰ দিনত আমাৰ সেনাবাহিনীৰ হাতত বুলেট প্ৰুফ জেকেটও নাছিল। ক্ষমতাত থকা সময়ত তেওঁ দেশৰ সেনাবাহিনীক ধ্বংস কৰাই নহয়, দুৰ্বল কৰাই নহয়, বিৰোধীতালৈ যোৱাৰ পিছতো এই কাৰ্যবোৰ অব্যাহত আছিল। বিৰোধী দললৈ যোৱাৰ পাছতো সেনাবাহিনীক দুৰ্বল কৰাৰ বাবে অহৰহ প্ৰচেষ্টা চলি আহিছে। যেতিয়া তেওঁলোক কংগ্ৰেছ চৰকাৰত আছিল তেতিয়া যুদ্ধ বিমান কিনা নাছিল আৰু আমি চেষ্টা কৰিও কংগ্ৰেছে সকলো ধৰণৰ ষড়যন্ত্ৰৰ আশ্ৰয় লৈছিল। যুদ্ধ বিমানবোৰ বায়ুসেনা আৰু সন্মানীয় অধ্যক্ষ মহোদয়ৰ ওচৰলৈ যাব নোৱাৰাকৈ ষড়যন্ত্ৰ কৰা হৈছিল, এই শিশুটিৰ বুদ্ধিমত্তা চাওক যে তেওঁ ৰাফেলৰ সৰু সৰু খেলনা বনাইছিল আৰু সেইবোৰ উৰুৱাই আনন্দ লাভ কৰিছিল, দেশৰ সেনাবাহিনীক ঠাট্টা কৰিছিল।

অধ্যক্ষ মহোদয়,

কংগ্ৰেছে প্ৰতিটো খোজ, প্ৰতিটো সংস্কাৰৰ বিৰোধিতা কৰে, যিয়ে ভাৰতীয় সেনাক শক্তিশালী কৰিব, ভাৰতীয় সেনাক শক্তিশালী কৰিব।

সন্মানীয় অধ্যক্ষ মহোদয়,

আপোনালোকৰ সময় আৰু সময় বৃদ্ধিৰ বাবে মই আন্তৰিক কৃতজ্ঞতা জ্ঞাপন কৰিছো।

সন্মানীয় অধ্যক্ষ মহোদয়,

এতিয়া কংগ্ৰেছৰ ৰাইজে গম পাইছে যে আমাৰ যুৱ প্ৰজন্মৰ শক্তি, আমাৰ জোৱানৰ আত্মবিশ্বাস আমাৰ সশস্ত্ৰ বাহিনীৰ আটাইতকৈ ডাঙৰ শক্তি আৰু এতিয়া ইয়াক আক্ৰমণ কৰি সেনাবাহিনীত নিযুক্তিৰ এক নতুন পদ্ধতি প্ৰচাৰ কৰিছে৷

সন্মানীয় অধ্যক্ষ মহোদয়,

মই এই সদনৰ জৰিয়তে জানিব বিচাৰো, কাৰ বাবে কংগ্ৰেছে আমাৰ শক্তিক দুৰ্বল কৰিব বিচাৰিছে? কাৰ লাভৰ বাবে কংগ্ৰেছৰ ৰাইজে সেনাবাহিনীক লৈ ইমান মিছা কথা বিয়পাইছে?

সন্মানীয় অধ্যক্ষ মহোদয়,

এক পদ এক পেন্সন পেঞ্চন সন্দৰ্ভত দেশৰ বীৰ জোৱানৰ চকুত ধূলি পেলোৱাৰ প্ৰয়াস কৰা হৈছিল।

সন্মানীয় অধ্যক্ষ মহোদয়,

আমাৰ দেশত শ্ৰীমতী ইন্দিৰা গান্ধীয়ে ৱান ৰেংক ৱান পেঞ্চনৰ ব্যৱস্থা বিলুপ্ত কৰিছিল। দশক দশক ধৰি কংগ্ৰেছে এই ৱান ৰেংক ৱান পেঞ্চন কাৰ্যকৰী হ’বলৈ নিদিলে আৰু নিৰ্বাচন আহিলেই অৱসৰপ্ৰাপ্ত সেনা নায়কক ৫০০ কোটি টকা দেখুৱাই বোকা খোৱাৰ চেষ্টাও কৰা হ’ল। কিন্তু তেওঁৰ উদ্দেশ্য আছিল ৱান ৰেংক ৱান পেঞ্চন যিমান পাৰি পিছুৱাই ৰখা। এন ডি এ চৰকাৰে কাৰ্যকৰী কৰিলে ৱান ৰেংক ৱান পেঞ্চন আৰু সন্মানীয় অধ্যক্ষ মহোদয়, ভাৰতৰ সম্পদ যিমানেই সীমিত নহওক কিয়, কৰ’নাৰ কঠোৰ যুদ্ধৰ মাজতো আমাৰ প্ৰাক্তন সেনাবাহিনীক এক লাখ বিশ হাজাৰ কোটি টকা ৱান ৰেংক ৱান পেঞ্চন দিয়া হ’ল৷

সন্মানীয় অধ্যক্ষ মহোদয়,

সন্মানীয় ৰাষ্ট্ৰপতি মহোদয়েও তেওঁৰ ভাষণত প্ৰশ্ন কাকত ফাদিল হোৱাক লৈ উদ্বেগ প্ৰকাশ কৰিছে। লগতে দেশৰ প্ৰতিজন ছাত্ৰ-ছাত্ৰী, দেশৰ প্ৰতিজন যুৱক-যুৱতীক ক'ম যে চৰকাৰে এনে ঘটনা ৰোধ কৰিবলৈ অতি গুৰুত্বপূৰ্ণ আৰু যুদ্ধোত্তৰ প্ৰচেষ্টাৰে দায়িত্ব পালন কৰিবলৈ আমি ইটোৰ পিছত সিটোকৈ পদক্ষেপ লৈছো। যুৱক-যুৱতীসকলৰ ভৱিষ্যতৰ সৈতে খেলা কৰাসকলক একেবাৰেই ৰেহাই দিয়া নহ’ব। নীটৰ গোচৰত সমগ্ৰ দেশতে ধাৰাবাহিকভাৱে গ্ৰেপ্তাৰ হৈ আছে। ইতিমধ্যে কেন্দ্ৰীয় চৰকাৰে কঠোৰ আইন প্ৰণয়ন কৰিছে। পৰীক্ষা অনুষ্ঠিত কৰাৰ বাবে সমগ্ৰ ব্যৱস্থাটো শক্তিশালী কৰাৰ বাবে প্ৰয়োজনীয় পদক্ষেপ গ্ৰহণ কৰা হৈছে।

সন্মানীয় অধ্যক্ষ মহোদয়,

এনডিএ চৰকাৰে উন্নয়নক বিগত ১০ বছৰৰ ভিতৰত সৰ্ববৃহৎ সংকল্প হিচাপে লৈছে। আজি আমাৰ সংকল্প আছে ভাৰতক বিশ্বৰ তৃতীয় বৃহত্তম অৰ্থনীতি হিচাপে গঢ়ি তোলাৰ। আজি স্বাধীনতাৰ ইমান বছৰৰ পাছত আমাৰ সংকল্প আছে যে প্ৰতি ঘৰে ঘৰে বিশুদ্ধ খোৱাপানী যোগান ধৰিব।

সন্মানীয় অধ্যক্ষ মহোদয়,

প্ৰতিজন দৰিদ্ৰক বাসগৃহৰ ব্যৱস্থা কৰাটো আমাৰ সংকল্প।

সন্মানীয় অধ্যক্ষ মহোদয়,

যিদৰে বিশ্বত ভাৰতৰ শক্তিৰ উন্মেষ ঘটিছে, আমাৰ শক্তিকো স্বাৱলম্বী কৰি তোলাৰ দৃঢ় সংকল্প আমাৰ আছে।

সন্মানীয় অধ্যক্ষ মহোদয়,

এই যুগটোৱেই হৈছে সেউজ যুগ। এইটো সেউজ যুগৰ যুগ আৰু সেয়েহে, ভাৰতে গোলকীয় উষ্ণতাৰ বিৰুদ্ধে যুঁজি থকা বিশ্বক এক বৃহৎ শক্তি দিয়াৰ কাম হাতত লৈছে। ভাৰত শক্তিক নবীকৰণযোগ্য শক্তিৰ হাব হিচাপে গঢ়ি তুলিবলৈ আমি সেই দিশত ইটোৰ পিছত সিটো পদক্ষেপ লৈছো আৰু আমি ইয়াক লাভ কৰিবলৈ দৃঢ়প্ৰতিজ্ঞ।

সন্মানীয় অধ্যক্ষ মহোদয়,

আমাৰ ভৱিষ্যত সেউজ হাইড্ৰজেনৰ সৈতে জড়িত, ই-বাহনৰ সৈতে জড়িত। ভাৰতক সেউজ হাইড্ৰজেনৰ কেন্দ্ৰ হিচাপে গঢ়ি তোলাৰ বাবেও আমি সম্পূৰ্ণ প্ৰতিশ্ৰুতিবদ্ধ।

সন্মানীয় অধ্যক্ষ মহোদয়,

আজিৰ একবিংশ শতিকা ভাৰতঃ একবিংশ শতিকাক ভাৰতৰ শতিকা হিচাপে গঢ়ি তুলিবলৈ আমি যি সংকল্প গ্ৰহণ কৰিছো তাত আন্তঃগাঁথনিৰো ডাঙৰ ভূমিকা আছে। আমি আধুনিক আন্তঃগাঁথনি নিৰ্মাণ কৰিব লাগিব। আমি পৃথিৱীৰ সকলো বেঞ্চমাৰ্ক মিলাব লাগিব।

সন্মানীয় অধ্যক্ষ মহোদয়,

ভাৰতত আন্তঃগাঁথনিৰ বাবে যি পৰিমাণৰ বিনিয়োগ কৰা হৈছে, সেয়া আগতে কেতিয়াও হোৱা নাছিল আৰু যাৰ সুফল আজি দেশবাসীয়ে দেখিবলৈ পাইছে। দেশত বৃহৎ পৰিসৰত নিয়োগ আৰু স্ব-নিয়োগৰ সুযোগ সৃষ্টি হৈছে, এতিয়া ইয়াক সম্প্ৰসাৰিত কৰা উচিত, ইয়াক নতুন ৰূপ পাব লাগে, আধুনিক ভাৰতৰ প্ৰয়োজনীয়তা অনুযায়ী দক্ষতা বিকাশ হ’ব লাগে আৰু তাৰ আধাৰত ভাৰত আৰু আমি আমাৰ যুৱক-যুৱতীসকলৰ ভৱিষ্যত উন্নত কৰাৰ বাবে সেই দিশত কাম কৰি আছো।

সন্মানীয় অধ্যক্ষ মহোদয়,

যোৱা ১৮ বছৰত এই অধ্যয়নটো অতি গুৰুত্বপূৰ্ণ। এই অধ্যয়নত কোৱা হৈছে যে আজি যোৱা ১৮ বছৰত ব্যক্তিগত খণ্ডত চাকৰি সৃষ্টিৰ ক্ষেত্ৰত সৰ্বাধিক অভিলেখ গঢ়িছে, ১৮ বছৰত সৰ্বাধিক অভিলেখ গঢ়িছে।

সন্মানীয় অধ্যক্ষ মহোদয়,

আজি ভাৰতৰ ডিজিটেল পেমেণ্ট ব্যৱস্থা সমগ্ৰ বিশ্বৰ বাবে এক আদৰ্শ হৈ পৰিছে। বিশ্বৰ মানুহে যেতিয়াই মই জি-২০ গ্ৰুপলৈ যাওঁ তেতিয়াই বিশ্বৰ ধনী দেশবোৰেও ভাৰতৰ ডিজিটেল ইণ্ডিয়া মুভমেণ্টক লৈ, ডিজিটেল পেমেণ্টৰ বিষয়ে আচৰিত হৈ আমাক অতি কৌতুহলৰে সুধিছে যে এইটোৱেই ভাৰতৰ সফলতাৰ কাৰণ এটা অতি ডাঙৰ কাহিনী।

সন্মানীয় অধ্যক্ষ মহোদয়,

ভাৰতবৰ্ষই অগ্ৰগতি লাভ কৰাৰ লগে লগে প্ৰতিযোগিতাও বৃদ্ধি আৰু প্ৰত্যাহ্বানসমূহো বৃদ্ধি পোৱাটো স্বাভাৱিক। যিসকলৰ ভাৰতৰ প্ৰগতিৰ সমস্যা আছে, যিসকলে ভাৰতৰ প্ৰগতিক প্ৰত্যাহ্বান বুলি ভাবে, তেওঁলোকেও ভুল কৌশল অৱলম্বন কৰিছে। এই শক্তিসমূহে ভাৰতৰ গণতন্ত্ৰ, জনগাঁথনি আৰু বৈচিত্ৰ্যক আক্ৰমণ কৰিছে আৰু এই চিন্তা কেৱল মোৰ নহয়। এয়া কেৱল চৰকাৰৰ চিন্তা নহয়, এইটো কেৱল কোষাগাৰ বিচাৰপীঠৰ চিন্তা নহয়।

সন্মানীয় অধ্যক্ষ মহোদয়,

এইবোৰক লৈ দেশবাসী আৰু মাননীয় উচ্চতম ন্যায়ালয়কে ধৰি সকলোৱে চিন্তিত হৈ পৰিছে। উচ্চতম ন্যায়ালয়ে কোৱা উক্তিটো আজি সদনৰ সন্মুখত ৰাখিব বিচাৰিছো। উচ্চতম ন্যায়ালয়ৰ এই উক্তিটোৱে দেশৰ কোটি কোটি লোকৰ বাবে কেনেধৰণৰ সংকটৰ সম্ভাৱনা আছে সেই দিশটো স্পষ্ট কৰে৷

সন্মানীয় অধ্যক্ষ মহোদয়,

উচ্চতম ন্যায়ালয়ে ইয়াৰ ৰায়দানত অতি গুৰুত্বসহকাৰে কৈছে আৰু মই উক্তিটো পঢ়ি দিছো - এই মহান দেশখনৰ অগ্ৰগতিৰ ওপৰত এনে লাগে যেন এই মহান দেশখনৰ প্ৰগতিৰ ওপৰত সন্দেহৰ সৃষ্টি কৰাৰ, ইয়াক ভেঙুচালি কৰাৰ আৰু ইয়াক... প্ৰতিটো সম্ভাৱ্য ফ্ৰণ্টতে ইয়াক দুৰ্বল কৰি তোলাৰ বাবে এক সংহত প্ৰচেষ্টা চলোৱা হৈছে। এই কথা মই উচ্চতম ন্যায়ালয়ৰ পৰা পঢ়িছো, উচ্চতম ন্যায়ালয়ে আৰু কৈছে – এনে যিকোনো প্ৰচেষ্টা বা প্ৰচেষ্টা আৰম্ভণিতে বন্ধ কৰিব লাগে। এই কথা দেশৰ উচ্চতম ন্যায়ালয়ৰ উদ্ধৃতি।

সন্মানীয় অধ্যক্ষ মহোদয়,

উচ্চতম ন্যায়ালয়ে যি আৱেগ প্ৰকাশ কৰিছে, আমি ইয়াতেই হওক বা তাতেই হওক, সদনত হওক বা সদনৰ বাহিৰত হওক, সকলোৱে গুৰুত্বসহকাৰে চিন্তা কৰাটো প্ৰয়োজন।

সন্মানীয় অধ্যক্ষ মহোদয়,

ভাৰততো কিছুমান লোক আছে, যিয়ে এনে শক্তিক সহায় কৰি আছে। এনে শক্তিৰ প্ৰতি দেশবাসী সতৰ্ক হোৱাটো প্ৰয়োজন।

সন্মানীয় অধ্যক্ষ মহোদয়,

২০১৪ চনত চৰকাৰলৈ অহাৰ পিছত দেশৰ বাবে এক ডাঙৰ প্ৰত্যাহ্বান হৈছে কেৱল কংগ্ৰেছেই নহয়, কংগ্ৰেছৰ পৰিৱেশো দায়ী। এই পৰিৱেশে নিজাববীয়াকৈ সাৰ-পানী পাইছিল আৰু কংগ্ৰেছৰ সহায়ত এই পৰিৱেশ ব্যৱস্থাই ৭০ বছৰ ধৰি উজলি উঠিছে। অধ্যক্ষ মহোদয়, আজি মই এই পৰিৱেশ ব্যৱস্থাটোক সকীয়াই দিছো। মই এই পৰিস্থিতিতন্ত্ৰক সকীয়াই দিব বিচাৰো, পৰিস্থিতিতন্ত্ৰৰ এই কাৰ্য্যই, যিদৰে পৰিৱেশ ব্যৱস্থাই সিদ্ধান্ত লৈছে যে ই দেশৰ উন্নয়ন যাত্ৰা বন্ধ কৰি দিব, দেশৰ প্ৰগতিৰ ৰেলমুক্ত হ’ব। আজি মই ইক’-চিষ্টেমক ক’ব বিচাৰিছো যে প্ৰতিটো ষড়যন্ত্ৰৰ উত্তৰ এতিয়া নিজৰ ভাষাত পোৱা যাব। এই দেশখনে কেতিয়াও ৰাষ্ট্ৰ বিৰোধী ষড়যন্ত্ৰ মানি নলয়।

সন্মানীয় অধ্যক্ষ মহোদয়,

এয়া এনে এক সময় যেতিয়া বিশ্বই ভাৰতৰ প্ৰগতিৰ প্ৰতি অতি গুৰুত্বসহকাৰে লৈছে, প্ৰতিটো সবিশেষ লক্ষ্য কৰি লৈছে।

সন্মানীয় অধ্যক্ষ মহোদয়,

এতিয়া নিৰ্বাচন অনুষ্ঠিত হৈছে, ১৪০ কোটি দেশবাসীয়ে ৫ বছৰৰ বাবে নিজৰ সিদ্ধান্ত আৰু জনাদেশ দিছে। উন্নত ভাৰত গঢ়িবলৈ হ’লে এই প্ৰস্তাৱক সফলতালৈ ৰূপান্তৰিত কৰিবলৈ এই সদনৰ সকলো সন্মানীয় সদস্যৰ অৱদান থকাটো প্ৰয়োজনীয়। এখন উন্নত ভাৰতৰ সংকল্প পূৰণৰ বাবে সকলোকে দায়িত্ব লৈ আগবাঢ়ি আহিবলৈ আমন্ত্ৰণ জনাইছো। জাতীয় স্বাৰ্থৰ বিষয়ত আমি একেলগে আগবাঢ়ি আগুৱাই যাওঁ আহক, আমি একেলগে আগবাঢ়ি যাওঁ আৰু দেশবাসীৰ আশা-আকাংক্ষা পূৰণৰ ক্ষেত্ৰত কোনো ত্ৰুটি নাৰাখো৷

সন্মানীয় অধ্যক্ষ মহোদয়,

ভাৰতৰ এই সময়ছোৱাত ইতিবাচক ৰাজনীতি অতি প্ৰয়োজনীয়। আৰু আমাৰ সতীৰ্থ দলসমূহ, ভাৰতীয় মিত্ৰজোঁটৰ পক্ষৰ জনসাধাৰণকো ক’ব বিচাৰিছো যে আমি পথাৰত সুশাসনৰ ওপৰত প্ৰতিযোগিতাত অৱতীৰ্ণ হওঁ। আপোনাৰ য’তেই চৰকাৰ আছে তাতেই সুশাসনৰ ক্ষেত্ৰত এন ডি এ চৰকাৰৰ লগত প্ৰতিযোগিতা কৰা উচিত, ডেলিভাৰীৰ ক্ষেত্ৰত প্ৰতিযোগিতা কৰা উচিত, জনসাধাৰণৰ আকাংক্ষা পূৰণৰ ক্ষেত্ৰত প্ৰতিযোগিতা কৰা উচিত। দেশ ভাল হ’লে আপুনিও ভাল হ’ব।

সন্মানীয় অধ্যক্ষ মহোদয়,

আপুনি ভাল কামৰ বাবে এনডিএৰ সৈতে প্ৰতিযোগিতা কৰে, সংস্কাৰৰ বিষয়ত সাহসী হয়। আপোনালোকৰ চৰকাৰসমূহ য’তেই নাথাকক কিয়, সংস্কাৰৰ দিশত পদক্ষেপ ল’ব লাগে আৰু বিদেশী বিনিয়োগক আকৰ্ষণ কৰিব লাগে। নিজৰ নিজৰ ৰাজ্যলৈ অধিক বিদেশী বিনিয়োগ অনাৰ প্ৰচেষ্টা চলাওক। তেওঁলোকৰ এই সুযোগ আছে, ৰাজ্যত তেওঁলোকৰ কিছুমান চৰকাৰ আছে। আৰু ইয়াৰ বাবে তেওঁলোকে বিজেপি চৰকাৰৰ লগত প্ৰতিযোগিতা কৰা উচিত, এন ডি এ চৰকাৰৰ লগত প্ৰতিযোগিতা কৰা উচিত, ইতিবাচকভাৱে প্ৰতিযোগিতা কৰা উচিত। যিসকলে সেৱা কৰাৰ সুযোগ পাইছে তেওঁলোকে তাত কৰ্মসংস্থাপনৰ বাবে প্ৰতিযোগিতাত অৱতীৰ্ণ হওক। কোনখন চৰকাৰে অধিক কৰ্মসংস্থাপন প্ৰদান কৰে তাৰ প্ৰতিযোগিতা হওঁক।

সন্মানীয় অধ্যক্ষ মহোদয়,

ইয়াত এইটোও কোৱা হৈছে যে জুৱেল কৰ্মানোগতি মানে ক্ৰিয়াৰ গতি তীব্ৰ। গতিকে ছলনা, মিছা আৰু প্ৰতাৰণা কৰি বিতৰ্কত জয়ী হোৱাৰ পৰিৱৰ্তে কৰ্ম, দক্ষতা, নিষ্ঠা আৰু সেৱাৰ জৰিয়তে মানুহৰ হৃদয় জয় কৰাৰ প্ৰচেষ্টা চলোৱা উচিত।

সন্মানীয় অধ্যক্ষ মহোদয়,

এই আলোচনাৰ মাজতে মোকো এটা দুখৰ খবৰ দিয়া হৈছে, উত্তৰপ্ৰদেশৰ হাথৰছত সংঘটিত হোৱা ঘটনাত বহু লোকৰ কৰুণ মৃত্যুৰ তথ্য আহি আছে। এই দুৰ্ঘটনাত প্ৰাণ হেৰুওৱা সকলৰ প্ৰতি সমবেদনা জ্ঞাপন কৰিছো। সকলো আহত সকলৰ আশু আৰোগ্য কামনা কৰিলোঁ। ৰাজ্য চৰকাৰৰ তত্বাৱধানত প্ৰশাসনে সাহায্য আৰু উদ্ধাৰৰ কামত নিয়োজিত হৈ আছে। কেন্দ্ৰীয় চৰকাৰৰ জ্যেষ্ঠ বিষয়াসকলে উত্তৰ প্ৰদেশ চৰকাৰৰ সৈতে অহৰহ যোগাযোগত আছে। এই সদনৰ জৰিয়তে সকলোকে আশ্বাস দিছো যে ভুক্তভোগীসকলক সকলো ধৰণৰ সহায় কৰা হ’ব।

সন্মানীয় অধ্যক্ষ মহোদয়,

আজি এটা দীঘলীয়া আলোচনা আৰু আপুনি দেখিছে যে প্ৰথমবাৰৰ বাবে যেতিয়া আপোনালোকে মোক ইয়াত প্ৰধানমন্ত্ৰী হিচাপে লোকসভাত সেৱা আগবঢ়োৱাৰ সুযোগ দিছিল, তেতিয়া মইও একেধৰণৰ পৰিস্থিতিৰ সন্মুখীন হ’বলগীয়া হৈছিল। ২০১৯ চনতো মই একেধৰণৰ যুঁজৰ সন্মুখীন হ’বলগীয়া হৈছিল। ৰাজ্যসভাতো একেধৰণৰ প্ৰতিযোগিতাৰ সন্মুখীন হ’বলগীয়া হৈছিল আৰু সেয়েহে এতিয়া ইও অতি শক্তিশালী হৈ পৰিছে। মোৰ সাহস প্ৰবল, মোৰ কণ্ঠও প্ৰবল আৰু মোৰ সংকল্পও শক্তিশালী।

সন্মানীয় অধ্যক্ষ মহোদয়,

যিমানেই সংখ্যা দাবী নকৰক কিয়, ২০১৪ চনত আমি যেতিয়া ৰাজ্যসভালৈ আহিছিলো তেতিয়া আমাৰ শক্তি বহুত কম আছিল আৰু চকীখনো অলপ হেলনীয়া হৈ আছিল। কিন্তু আমি সকলো শক্তিৰে দেশৰ সেৱা কৰাৰ সংকল্পৰ পৰা দোদুল্যমান হোৱা নাছিলো। মই দেশবাসীক ক’ব বিচাৰো যে আপোনালোকে যি সিদ্ধান্ত লৈছে, আপোনালোকে আমাক সেৱা কৰিবলৈ দিয়া জনাদেশৰ বাবেই এনে কোনো বাধাৰ প্ৰতি মোদী বা এই চৰকাৰেও ভয় কৰা নাই। আমি যিবোৰ সংকল্পৰ সৈতে আগবাঢ়িলোঁ, সেইবোৰ আমি পূৰণ কৰি যাম।

সন্মানীয় অধ্যক্ষ মহোদয়,

বিশেষকৈ নিৰ্বাচিত হোৱা নতুন সাংসদসকলক অভিনন্দন জনাইছো।

সন্মানীয় অধ্যক্ষ মহোদয়,

মই বিশ্বাস কৰোঁ যে আমি বহু কথা শিকিম আৰু বুজিম আৰু লগতে দেশৰ এইসকল লোকৰ চকুৰ পৰা নপৰিবলৈও চেষ্টা কৰিম। গতিকে ভগৱানে তেওঁলোকক কিছু জ্ঞান দিব পাৰে, শিশুটিৰ বুদ্ধিমত্তাকো জ্ঞান প্ৰদান কৰক বুলি আশাৰে শ্ৰদ্ধাৰ ৰাষ্ট্ৰপতি মহোদয়াৰ ভাষণৰ প্ৰতি মোৰ আন্তৰিক কৃতজ্ঞতা প্ৰকাশ কৰিছো আৰু লগতে আপোনালোক ৰাষ্ট্ৰপতি মহোদয়লৈও মোক সময়, বিশদভাৱে দিয়াৰ বাবে আৰু কাৰো কোলাহলে সত্যৰ কণ্ঠ দমন কৰিব নোৱাৰে, এনে প্ৰচেষ্টাৰ মাজত সত্যক দমন কৰা নহয়, মিছা কথাৰ কোনো শিপা নাই।

সন্মানীয় অধ্যক্ষ মহোদয়,

যিসকলক সুযোগ দিয়া নহ’ল, তেওঁলোকৰ দলৰ দায়িত্ব, এতিয়াৰে পৰা তেওঁলোকে নিজৰ সাংসদসকলৰ খবৰ ল’ব বুলি আশা কৰিছোঁ।

সন্মানীয় অধ্যক্ষ মহোদয়,

মইও এই সদনক ধন্যবাদ জনাইছো, আজি বহুত ভাল লাগিল৷ আজি মই অনুভৱ কৰিছো সত্যৰ শক্তি কি, আজি মই অনুভৱ কৰিছো সত্যৰ শক্তি কি। আৰু সেইবাবেই অধ্যক্ষ মহোদয়, আপোনাৰ প্ৰতি মোৰ আন্তৰিক কৃতজ্ঞতা জ্ঞাপন কৰিছো।

আপোনালোকক সকলোকে অশেষ ধন্যবাদ!

বিঃদ্ৰঃ-এইটো হৈছে সংসদত আগবঢোৱা ভাষণৰ ৰেকৰ্ডৰ সৈতে মিলাই প্ৰস্তুত কৰা প্ৰধানমন্ত্ৰীৰ ভাষণৰ আনুমানিক প্ৰতিলিপি।

***

DS/VJ/ST/AV/DK/RK/NS/DB/KB