দা. জিতেন্দ্র সিংহ, রাজ্যগী পার্সনেল, পব্লিক গ্রিভান্সেস অমসুং পেন্সন মন্ত্রীনা নৈ দিল্লীদা জুলাই ১, ২০২৪ দা ফেমিলী পেন্সনরশিংগী ৱাকৎশিং লোইশিন্নবা অখন্নবা কেম্পেন অমা হৌদোক্কনি। দিপার্ত্মেন্ত ওব পেন্সন অমসুং পেন্সনরস' ৱেলফিয়র (দি.ও.পি.পি.দব্ল্যু.)না মখোয়গী নুমিত ১০০গী এক্সন প্লানগী শরুক অমা ওইনা জুলাই ১-৩১, ২০২৪ ফাওবদা ফেমিলী পেন্সনরশিংগী ৱাকৎশিং লোইশিন্নবা থা চুপ্না চত্থগদবা অখন্নবা কেম্পেন অমা লৌখৎখি, মসিদা মন্ত্রালয়/বিভাগ ৪৬না শরুক য়াগনি। হায়রিবা অখন্নবা কেম্পেন অসিনা ফেমিলী পেন্সনগী ৱাকৎশিং লোইশিন্দনা লাকপদু হন্থহল্লগনি। দিপার্ত্মেন্ত ওব পেন্সন অমসুং পেন্সনরস ৱেলফিয়র, এক্স সর্ভিসমেন্স' ৱেলফিয়র, দি.জি. বি.এস.এফ., কন্ত্রোল্লর ওব জেনরেল একাউন্তস, দিপুতী মেনেজিং দিরেক্তর স্তেত বেঙ্ক ওব ইন্দিয়ানা মন্ত্রালয়/বিভাগ ৪৬কী নোদাল পব্লিক গ্রিভান্স ওফিসর  সেক্রেতরীশিং, পেন্সন দিসবর্সিং বেঙ্ক খুদিংমক্কী মীহুৎশিং অমসুং পেন্সনর'স ৱেলফিয়র এসোসিএসনগী মীহুৎশিংগা লোইননা থৌরম অসিদা শরুক য়াগনি।

হৌজিক্কী ওইনা, কেস ৯০,০০০ সেন্ত্রেলাইজ পেন্সন গ্রিভান্স অমসুং রিদ্রেস সিস্তেম (সি.পি.ই.এন.জি.আর.এ.এম.এস.)তা চহি অমদা রেজিস্তর তৌরি। ৱাকৎশিগ্ন অসি পোর্তেল (URL:www.pgportal.gov.in/PENSION/)দা হকথেংননা এপ্লিকেন্ত অদুনা নৎত্রগা ই মেল, পোস্ত নৎত্রগা তোল ফ্রী নম্বর ১৮০০-১১-১৯৬০ দা দি.ও.পি.পি.দব্ল্যু.না  ফংবা অকুপ্পা মরোলগী মতুং ইন্না মিং চনবা য়াই। অপুনবা ৱাকৎশিংগী মনুংদা, ফেমিলী পেন্সনগী ৱাকৎনা ২০-২৫% ওইরি। মরুওইবা ফেমিলী পেন্সনরশিংগী অয়াম্বনা নুপী পেন্সনরশিংনা ওইরি। অখন্নবা কেম্পেন অসিদা লোইশিনগদবা ফেমিলী পেন্সনরগা মরী লৈনবা ৱাকৎশিং অসি সি.পি.ই.এন.জি.আর.এ.এম.এস. পোর্তেলদা লাকপা ৱাকৎশিংদগী খন্দোক্লে। মন্ত্রালয়/বিভাগ/ওর্গানাইজেসন ৪৬ কা মরী লৈনবা অপুনবা ওইনা ১৮৯১ (১৫.০৬.২০২৪ ফাওবদা) ফেমিলী পেন্সনগী ৱাকৎশিংদি কেম্পেন অসিগী মনুংদা লোইশিন্নবা লেপ্লে। ৱাকত অয়াম্বনা এম.ঐচ.এ.গী মখাদা দিফেন্স পেন্সনর, রেলৱে পেন্সনর অমসুং সি.এ.পি.এফ. পেন্সনরশিংগা মরী লৈনৈ। বেঙ্ককা মরী লৈনবা খুদোংচাদবশিংসু মশীং য়াম্লি। দি.ও.পি.পি.দব্ল্যু.না মরী লৈনবা মন্ত্রালয়/বিভাগ/ওর্গানাইজেসনশিংদা ৱাকৎশিং অসি লোইশিন্নবা মিসন মোদতা হোৎনগনি। মন্ত্রালয়/দিপার্ত্মেন্তশিংনা মায় পাকপগী ৱারীশিং ত্বীতশিংদা অমসুং পি.আই.বি.গী স্তেত্মেন্ততা থাদোক্কনি। দি.ও.পি.পি.দব্ল্যু.না হেস্তেগ হায়বদি কেম্পেন অসিগী মায় পাক্নবগীদমক #SpecialCampaignFamilyPension শেমখ্রে।

***