উপ-রাস্ত্রপতিগী লোইশঙ
ঙসি রাজ্য সভাগী ২৬৪শুবা মীফম হৌদোকপদা রাজ্য সভাগী চিয়ার্মেন শ্রী জগদিপ ধনখারনা পীখিবা হৌদোকপগী ৱারোল
Posted On:
27 JUN 2024 1:46PM by PIB Imphal
চিয়ার্মেন: ইকায়খুম্নরবা মেম্বরশিং, রাজ্য সভাগী ২৬৪শুবা মীফম হৌদোকপদা, ঐনা ময়াম পুম্নমক তরাম্না ওকচরি। মসি লোক সভা অমসুং রাজ্য মরিগী এশেমব্লি মীখলশিং পাংথোকখ্রবা মতুংদা পাংথোকপা অহানবা মীফম্নি। মখোয়গী ভোৎ থাদবগী হকশিং শীজিন্নদুনা, মালেমদা খ্বাইদগী চাউবা গনতন্ত্র চৎপা লৈবাক, ভারতকী মীয়ামনা ঐখোয়গী গনতন্ত্রগী রাজনিতিদা থাজবা থম্লিবা অদু উৎলে অমসুং মখোয়গী লৈবাক অসিগী গুনশিং ফোঙদোক্লে। মসিগী গনতন্ত্রগী কুহ্মৈ অসি মাইপাক্না পাংথোকখিবা অসি ঐখোয় খুদিংমক্কী চাউথোকচবা অমসুং ইকায়খুম্নবনি।
হন্দক হাওস অসিগী চহি অনি খুদিংগী পাংথোকপা মীখল মতুংদা হাওস অসি শরুক খর শেম্লে। হাওসকী নৌনা খল্লবা/নোমিনেত তৌরবা মেম্বর ৬১ থাগৎপা ফোঙদোকচরি। মেম্বরশিংনা মখোয়গী থৌদাং মপুংফানা পাংথোক্কনি অমসুং মীয়ামগী অনিংবশিং থুংনবা থবক তৌগনি।
গনতন্ত্র হেন্না মপুংফানবা ঐখোয় অমতা ওইনা থবক তৌমিন্নরসি। ঐখোয়না ৱারি শান্নবা, খন্ন-নৈনবা অমসুং মরৈ য়েৎনবা পাংথোক্তুনা গনতন্ত্রগী মগুন হেনগৎহন্দুনা লৈবাক্কী থবকশিংদা মতেং পাংলসি।
****
(Release ID: 2029198)
Visitor Counter : 30