নেসনেল তেস্তিং এজেন্সি(এন তি এ)গী খুৎথাংদা পরিক্ষাশিং অরোন-অথুপ লৈতনা অমসুং নিয়ম চুম্না পাংথোক্নবা ৱারেপশিং লৌনবা অখঙ-অহৈশিংগী অৱাংবা থাক্কী কম্মিতি অমা ইজুকেসন মিনিস্ত্রিনা শেম্লে:

• পরিক্ষাগী থবকশিংদা অওনবা পুরকপা,
• দেতা সেকুরিতিগী চৎন-কাংলোনশিং ফগৎহন্নবা
• এন.তি.এগী স্ত্রকচর অমসুং মথৌ পাংথোকপা 

মখাগী অসি অৱাংবা থাক্কী কম্মিতিগী চিয়ার্মেন অমসুং মেম্বরশিং ওইগনি।

 কম্মিতিগী তার্ম ওফ রিফরেন্স মখাগী অসিনি ;

(i)  পরিক্ষাগী থবকশিংদা অওনবা পুরকপা

(a) পরিক্ষাগী থবকশিং হৌবদগী লোইবা ফাওবা নৈনবা অমসুং থবক অসি ফগৎহন্নবা পাউতাকশিং পীবা অমসুং অপনবা পীরকপা য়াবশিং ঙাকথোক্নবা থবকশিং মশক খঙদোকপা।

(b) এন.তি.এগী স্তেন্দার্দ ওপরেতিং প্রোসিউদুর(এস ও পি)/প্রোতোগোলশিং অমুক হন্না য়েংশিনবা অমসুং থাক খুদিংমক্তা কাংলোন ফজনা ঙাক্নবা য়েংশিনবগী থবক্কা লোয়ননা স্তেন্দার্দ ওপরেতিং প্রোসিউদুর(এস ও পি)/প্রোতোগোলশিং মপাঙ্গল কনখৎহন্নবা পাউতাকশিং পীবা।

(ii) দেতা সেকুরিতিগী চৎন-কাংলোনশিং ফগৎহন্নবা

(a) এন.তি.এগী হৌজিক লৈরিবা দেতা সেকুরিতিগী থবকশিং অমসুং চৎন-কাংলোনশিং য়েংশিনবা অমসুং মসি ফগৎহন্নবা পাম্বৈশিং তাকপা।

(b) ৱাহংশিং শেম্বা অমসুং অতোপ্পা তোঙান-তোঙানবা পরিক্ষাশিংগী থবকশিংগী হৌজিক লৈরিবা সেকুরিতি প্রোতোগোলশিং য়েংশিনবা অমসুং মখোয় ফগৎহন্নবা পাউতাকশিং পীবা।

 (iii) এন.তি.এগী স্ত্রকচর অমসুং মথৌ পাংথোকপা 

(a) পোইন্ত (i) অমসুং (ii) দা পীরিবা ৱাফমশিং থবক ওইনা পাংথোক্নবা এন.তি.এগী স্ত্রকচর অমসুং মথৌ পাংথোকপদা পাউতাকশিং পীবা অমসুং থাক খুদিংমক্তা মথৌ পাংথোক্কদবশিংগী চপ চাবা থৌদাংশিং ময়েক শেংনা খঙহনবা।

(b) এন.তি.এগী হৌজিক লৈরিবা গ্রিভান্স রিদ্রেসেল মেকানিজমগী থবকশিং য়েংশিনবা, ফগৎহনগদবা শরুকশিং মশক খঙদোকপা আমসুং মসিগী থবক তৌবা হেনগৎহন্নবা ৱারেপশিং লৌবা।

ওর্দর অসি থোকপা থা অনিগী মনুংদা কম্মিতিনা মসিগী রিপোর্ত মিনিস্ত্রিদা পীখৎকনি।

মখোয়দা মতেং পাংনবা অপাম্বা সবজেক মেত্তর এক্সপার্ত অমা হেক্তা কম্মিতিনা শীজিন্নবা য়াগনি।

*****