Ka Tnat Pule Puthi jong ka Sorkar Pdeng

Thung ka Tnat Kam Pule Puthi ia ka High-Level Committee jong ki riewshemphang ban pynthikna ia ka jingshai bad ka jingiaid ryntih haba pynlong eksam

Ka Komiti kan ai jingmut halor ki jingpynkylla ha ki rukom trei ban pynlong eksam, ka jingkyntiew ia ki Data Security protocol bad ruh ka jinglong bad ka rukom treikam ka NTA

Ka Komiti kan ai ia ka kaiphod jong ka sha ka Tnat hapoh 2 bnai

Posted On: 22 JUN 2024 3:04PM by PIB Shillong

Khnang ban pynthikna ia ka jingshai bad ka jingiaid ryntih ka jingpynlong ia ki eksam lyngba ka National Testing Agency (NTA), ka tnat Higher Education, hapoh ka Tnat Kam Pule Puthi ka la thung ia ka High-Level Committee jong ki riewshemphang ki ban ai jingmut halor ka:

  • Jingpynkylla ha ka rukom treikam ban pynlong ia ki eksam,
  • Jingkyntiew ia ki Data Security protocol.
  • Ka jinglong bad ka rukom treikam jong ka National Testing Agency

Kine kin long u Chairman bad ki dkhot ka High-Level Committee.

1

Dr. K. Radhakrishnan,

Chairman barim jong ka ISRO bad Chairman BoG, IIT Kanpur.

Chairman

2

Dr. Randeep Guleria,

Director barim jong ka AIIMS Delhi.

Dkhot

3

Prof. B J Rao,

Vice Chancellor, Central University of Hyderabad.

Dkhot

4

Prof. Ramamurthy K,

Professor Emeritus, Tnat Civil Engineering, IIT Madras.

Dkhot

5

Pankaj Bansal,

Nongseng lang, People Strong bad dkhot ka Board - Karmayogi Bharat.

Dkhot

6

Prof. Aditya Mittal,

Dean Student Affairs, IIT Delhi

Dkhot

7

Govind Jaiswal,

Joint Secretary, Ka Tnat Pule Puthi,

Sorkar India

Dkhot Secretary

 

Ki kam ba kane ka komiti ka peit ki long kumne harum;

(i) Jingpynkylla ha ka rukom treikam ban pynlong eksam

(a) Ban peit pura ia ka rukom pynlong eksam bad ban ai jingmut kumno ban kham pynseisoh bad pyniaid ryntih ia ka kam bad ban tehlakam ia kano kano ka jingbakla.

(b) Ban peit bniah ia ki Standard Operating Procedure (SOP)/Protocol jong ka NTA, bad ai jingmut kumno ban pynkhlain ia kine ki mat  /protocol ha ryngkat ka rukom peit ia ki kam ban pynthikna ia ka jingbud ia ki kyndon ha baroh ki kyrdan.

 

(ii) Jingkyntiew ia ki Data Security protocol

(a) Ban peit ia ki kam data security ba la don lypa bad ki protocol jong ka NTA bad ai jingmut kumno ban kyntiew shuh shuh ia kine.

(b) Ban peit ia ki security protocol ba la don lypa ha kaba iadei bad ka jingbuh ia ki jingkylli bad kiwei kiwei ki kam na ka bynta ki eksam bapher bapher bad ban ai jingmut kumno ban pynkhlain shuh shuh ia ka kam.

 

(iii) Ka jinglong bad rukom treikam ka National Testing Agency

(a) Ban ai jingmut shaphang ka jinglong bad ka rukom treikam ka National Testing Agency (NTA) ban pyntreikam ia ki jingai jingmut ba ai ha ka thup (i) bad (ii) bad ban batai shai ia ki kam ki jam bad ki jingbahkhlieh jong ki nongtrei ha baroh ki kyrdan.

(b) Peit ia ka rynsan ai jingujor jong ka NTA ba don mynta, wad ia ki bynta ba lah ban kham pynbha bad ai jingmut kumno ban kham pynseisoh ia ki kam.

Kane ka Komiti kan ai ia ka kaiphod jong ka sha ka Tnat hapoh ar bnai hadien ba la ai ia kane ka hukum.

Ka Komiti ka lah ban shim ia ka jingiarap jong ki briew kiba la shemphang ha ki kam bapher bapher ban iarap ia ka ha kane ka kam.

*****



(Release ID: 2027974) Visitor Counter : 34


Read this release in: English , Urdu , Marathi , Hindi , Hindi_MP , Bengali , Manipuri , Punjabi , Gujarati , Odia , Tamil , Telugu , Kannada , Malayalam