মালেমগী য়োগ নুমিৎকী থৌরমদা য়োগ অমসুং সাধনাগী লমদম, কাশ্মীরদা লাকপা ফংজবা অসি ঐগী লাইবক ফবনি। জম্মু অমসুং কাশ্মীরদা ঙসিদি য়োগগী এত্মোস্ফিয়র, ইনর্জী অমসুং এক্সপরিয়েন্স অদু ফাওবা ফংলি। মালেমগী তোঙান তোঙানবা মফমশিংদা লৈরিবা নাগরিক পুম্নমক্তা অমসুং য়োগ তৌরিবা মীওইশিংদা মহাক্না মালেমগী য়োগ নুমিৎকী য়াইফ পাউজেল পীজরি।

মরুপশিং,

মালেমগ য়োগ নুমিৎকী পুৱারী ওইরবা খোঙচৎ অসি চহি 10 মপুং ফাখ্রে ঐহাক্না মালেমগী য়োগ নুমিৎ অসি য়ুনাইতেদ নেসন্সতা প্রপোজ তৌখি। ভরতকী প্রপোজেল অসিবু লৈবাক 177না শৌগৎখি, মসিমক রেকোর্দ অমনি। মসিদগী হৌদুনা য়োগ নুমিৎনা অনৌবা রেকোর্দশিং থমদুনা লাকখি। দিল্লীদা 2015দা কর্তব্য পথতা মীওই 35,000না য়োগ তৌখি, মসিমক ৱর্ল্দ রেকোর্দ অমসু ওইখি। মমাং চহিদা USAগী UN হেদক্বার্তর্স্তা ঐহাক্না লুচিংদুনা য়োগগী থৌরম পাঙথোকপগী খুদোংচাবা ফংজখি, মসিদা লৈবাক 130 হেনবনা শরুক য়াখি। য়োগগী খোঙচৎ অসি লেপ্পা লৈতনা মখা চত্থরকখি। আয়ুশ বিভাগনা ভারত্তা য়োগ সর্তিফিকেসন বোর্দ শেমখি। ভারতকী ইন্সতিত্যুৎ 100 হেন্না বোর্দ অসিনা শকখঙখিবদা ঐহাক্না নুংঙাইবা পোকই। অমসুং মপান লৈবাক্কী ইন্সতিত্যুৎ 10 হেন্না শকখঙখ্রে।

মরুপশিং,

মালেম শিনবা থুংনা য়োগ তৌরিবা মীশিংগী মশিং হেনগৎলক্লি অমরোমদা মসিদা মীৎয়েং চংবা লেপ্তনা হেনগৎলক্লি। য়োগগী কান্নবা অসি মীয়াম্না খঙনরক্লি। মালেমগী লুচিংবা অমত্তনা ঐহাক্কা ৱারী শানবদা য়োগগী মতাংদা পনখিদবা লৈতে। মালেমগী লুচিংবা পুম্নমক্না ঐহাক্কা ৱারী শানবদা য়োগগী মতাংদা খন্নখি অমসুং খঙনীংবগা লোয়ননা ৱাহংশিং হংলকখি। মালেমগী মফম খুদিংমক্তা য়োগ অসি নুমিৎ খুদিংগী পুন্সিগী শরুক অমা ওইরক্লি। মালেম শিনবা থুংনা য়োগবু হেন্না-হেন্না পাম্নবা হেনগৎলক্লিবা। 2015দা ঐহাক্না তুর্কমেনিস্তানদা চৎখিবা মতমদা য়োগ সেন্তর অমা শঙ্গাখিবা অদু নীংশিংলি। অমসুং ঙসিদি য়োগ অসি লৈবাক অসিদা য়াম্না পাম্নরে। তুর্কমেনিস্তান্দা স্তেত মেদিকেল য়ুনিভর্সিতীশিংনা য়োগ থেরাপী য়াওহনখ্রে, সৌদি অরাবিয়ানা মখোয়গী এজুকেসন সিস্তেমগী শরুক অমা ওইহনখ্রে অমসুং মোঙ্গোলিয়ন য়োগ ফাউন্দেসন্না য়োগগী স্কুল কয়া অমা চলাইরি। য়ুরোপতা য়োগগী ত্রেন্দ অসি খোঙজেল য়াংনা হেনগৎলক্লি। হৌজিক ফাওবদা জর্মনগী নাগরিক করোর 1.5না য়োগ শান্নরি। চহি 101 শুরবী ফ্রেঞ্চ য়োগ ওজা অমা ভারত্তা অমুক্তা লাকখিদ্রবসু মহাক্না য়োগগী লমদা লৌখিবা থৌদাংশিংগীদমক ভারতনা চহি অসিদা পদ্মশ্রী পীখিবা অদু নখোয়না নীংশিংলমগনি। ঙসিদি য়োগ অসি রিসর্চকী হীরম অমা ওইরক্লি অমসুং হৌখিবা চহি 10দা য়োগ পাকথোক চাউথোক্লকপনা মরম ওইদুনা য়োগগী মতাংদা অহোংবা লাক্লিবা ৱাখল্লোনগী মতাংদা রিসর্চ পেপর কয়া অমা ইখ্রে।

মরুপশিং,

হৌখিবা চহি তরাদা য়োগগী এক্সপান্সন অসিনা য়োগগা মরী লৈনবা ৱাখল্লোনশিংদা অহোংবা পুরকখি। য়োগগী হৌজিক অকক্নবা বাউন্দরীশিং লৈত্রে। মালেম্না অনৌবা য়োগ ইকোনোমী অমা থোরকপা উবা ফংলি। ভারত্তা ঋশিকেশ অমসুং কাশীদগী কেরলা ফাওবা য়োগ তুরিজমগী অনৌবা ত্রেন্দ অমা উবা ফংলি। মালেমদগী তুরিস্তশিংনা ভারত্তা লাক্নরি মরমদি মখোয়না অশেংবা য়োগ তম্বা পাম্লি। য়োগ রিত্রিত, রিজোর্ৎশিং লিংখৎলি। এয়রপোর্তশিং অমসুং হোতেলশিংদা যোগগীদমক্তা অখন্নবা ফেসিলিতীশিং, থম্মি। মার্কেৎনা যোগগী দিজাইনর এপরেল অমসুং ইক্বিপমেন্তদা মীৎয়েং থম্মি। মীয়াম্না মখোয়গী ফিৎনেসকীদমক পর্সনেল যোগ ত্রেনরশিং নেক্লি। এম্প্লোয়ী ৱেলনেসকী শরুক ওইনা কম্পনীশিংনা য়োগ অমসুং মাইন্দফুলনেস ৱেলনেস ইনিসিএতিবশিং পায়খৎলি। হায়রিবা পুম্নমক অসিনা নহারোলশিংগীদমক্তা থবক ফংহন্নবগী অনৌবা লম্বীশিং শেমগৎলি।

মরুপশিং,

চহি অসিগী IYDগী থিম - "ইশাগী অমসুং খুন্নাইগীদমক য়োগ"না ওইরি। মালেম অসিনা য়োগবু মালেমগী য়াইফনবা শক্তি লৈবা এজেন্ত অমা ওইনা উরি অমসুং মসিনা ঐখোয়বু হৌখ্রবা মতমগী পোৎলুম পুহন্দনা মীকুপ অসিদা হিংবা ঙমহল্লি। ঐখোয়গী য়াইফ-থৌরাং অসি ঐখোয়গী অকোয়বদা লৈরিবা মালেমগী য়াইফ-থৌরাংগা মরী লৈনৈ হায়বসি খঙবদা য়োগনা মতেং পাংই। ঐখোয়না নুংগী ওইনা শান্তি লৈরবা মতমদা, ঐখোয়না মালেমদা অফবা শাফু অমা পীবা ঙমগনি।

মরুপশিং,

য়োগ অসি শুপ্নগী দিস্সিপ্লিন অমা ওইবতা নত্তনা বিজ্ঞানসু ওইরি। মফম খুদিংমক্তা ইনফোর্মেসন রিসোর্স মরাং কাইনা লৈরিবা ইনফোর্মেসন রিভোল্যুসনগী চহিচা অসিদা মীওইবগী ৱালনা হীরম অমদা খক্তা ফোকস তৌবা অসি অচৌবা শীংনবা অমা ওইরক্লি। য়োগনা মসিগী সোল্যুসন অমা পীরি। ঐখোয়না খঙই মদুদি মীওইবগী ৱাখলগী ওইনা কনসেন্ত্রেসন্না খ্বাইদগী চাউবা শক্তিনি। মরম অসিনা য়োগ অসি আর্মীদগী হৌরগা শান্ন-খোৎনবা ফাওবা য়াওনা হীরম কয়াদা য়াওহনখ্রে। এস্ত্রোনোতশিংদসু য়োগ অমসুং মেদিতেসনগী মতাংদা ত্রেনিং পীরি। জেলদা লৈবা মীওইশিংগী মরক্তা পোজিতিব ওইবা ৱাখল্লোনশিং শন্দোক্নবগীদমকসু য়োগ অসি শীজিন্নরি। য়োগনা খুন্নাইদা পোজিতিব ওইবা অহোংবা পুরক্নবা অনৌবা লম্বীশিং শেমগৎলি।

মরুপশিং,

ঐহাক্না থাজৈ মদুদি য়োগদগী ইথিল ফংবা অসিনা মখা তানা ঐখোয়গী পোজিতিব ওইবা খোঙথাংশিংদা ইনোৎ হাপকনি।

মরুপশিং,

নোংনা মরম ওইদুনা অপনবা খরা লৈবনা ঙসি  অসি খরা থেংখি অদুবু ঙরাংদগী ঐহাক্না জম্মু অমসুং কাশ্মীরগী মীয়ামগী মরক্তা, মরু ওইনা শ্রীনগরদা য়োগ তৌনীংবগী য়োগদা থৱায় য়াওবা অমসুং পুক্নিং চংবা উবা ফংখি। মসিমক জম্মু অমসুং কাশ্মীরদা তুরিজম মপাঙ্গল কনখৎহন্নবগী খুদোংচাবা অমা ওইরি। প্রোগ্রাম অসিগী মতুংদা ঐখোয়না য়োগগা মরী লৈনবা মীওইশিংগা শোইদনা উনগনি। নোংনা মরম ওইদুনা ঙসি মফম অসিদা প্রোগ্রাম অসি লেপ্পা তাখি। অদুম ওইনমক ঐহাক্না য়োগ প্রোগ্রামদা জম্মু অমসুং কাশ্মীরদগী মীওই লিশিং 50-60না শরুক য়াখিবা অসি অচৌবা মাইপাকপা অমনি হায়না লৌই। অমুক হন্না ঐহাক্না পুম্নমক্তা য়োগ নুমিৎকী য়াইফ পাউজেল পীজরি। মালেম পুম্বগী য়োগবু পামজবা মীওইশিংদা ঐহাক্না য়াইফ-পাউজেল পীজরি।

হন্না-হন্না থাগৎচরি!

খঙহঞ্জবা: মসি পি.এম.গী ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীখি।

***