ಪ್ರಾಣಿಗಳ ವರ್ಚಸ್ಸು ಹೆಚ್ಚಾಗಿ ಚಲನಚಿತ್ರಗಳಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ಮತ್ತು ಅದರ ಪರದೆಯ ಸಮಯವನ್ನು ನಿರ್ದೇಶಿಸುತ್ತದೆ ಎಂದು ಪ್ರಸಿದ್ಧ ವನ್ಯಜೀವಿ ಚಲನಚಿತ್ರ ನಿರ್ಮಾಪಕ ಮತ್ತು ಛಾಯಾಗ್ರಾಹಕ ಶ್ರೀ ಅಲೋನ್ಸ್‌ ರಾಯ್‌ ಹೇಳಿದರು. ಅವರು 18ನೇ ಮುಂಬೈ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿಅರಣ್ಯವನ್ನು ಅನ್ವೇಷಿಸುವುದು: ಭಾರತೀಯ ವನ್ಯಜೀವಿ ಸಾಕ್ಷ ್ಯಚಿತ್ರಗಳು ಮತ್ತು ಸಂರಕ್ಷಣಾ ಪ್ರಯತ್ನಗಳು ಎಂಬ ವಿಷಯದ ಮೇಲೆ ಮಾಸ್ಟರ್‌ ಕ್ಲಾಸ್‌ ನಡೆಸುತ್ತಿದ್ದರು. ಸಂರಕ್ಷ ಣಾ ಉಪಕ್ರಮಗಳು ಮತ್ತು ಭಾರತೀಯ ವನ್ಯಜೀವಿಗಳ ಬಗ್ಗೆ ಸಾಕ್ಷ ್ಯಚಿತ್ರಗಳನ್ನು ರಚಿಸುವ ಜಟಿಲತೆಗಳನ್ನು ಅಧಿವೇಶನವು ಪರಿಶೀಲಿಸಿತು.

ದೂರದರ್ಶನ ನಿರ್ಮಾಪಕರು ಪಕ್ಷಿ ಅಥವಾ ಇತರ ಸಣ್ಣ ಪ್ರಭೇದಗಳಿಗಿಂತ ಹುಲಿ, ಸಿಂಹ ಅಥವಾ ನೀಲಿ ತಿಮಿಂಗಿಲದಂತಹ ಪ್ರಾಣಿಗಳ ಬಗ್ಗೆ ಹೆಚ್ಚು ಆಸಕ್ತಿ ಹೊಂದಿದ್ದಾರೆ ಎಂದು ಶ್ರೀ ಅಲೋನ್ಸ್‌ ರಾಯ್‌ ಹೇಳಿದರು. ಪ್ರಾಣಿಗಳ ವರ್ಚಸ್ಸನ್ನು ಅವಲಂಬಿಸಿ ವನ್ಯಜೀವಿ ಚಲನಚಿತ್ರಗಳಲ್ಲಿ ಕೆಲವು ಶ್ರೇಣಿ ಇದೆ ಎಂದು ಅವರು ಹೇಳಿದರು.

ಈ ಕ್ಷೇತ್ರದಲ್ಲಿಉತ್ಸಾಹವು ಅತ್ಯುನ್ನತವಾಗಿದೆ ಎಂದು ರಾಯ್‌ ಮಹತ್ವಾಕಾಂಕ್ಷಿ ವನ್ಯಜೀವಿ ಚಲನಚಿತ್ರ ನಿರ್ಮಾಪಕರಿಗೆ ಸಲಹೆ ನೀಡಿದರು. ವನ್ಯಜೀವಿ ಚಲನಚಿತ್ರ ನಿರ್ಮಾಣವನ್ನು ಕಲಿಯಲು ಒಂದೇ ಒಂದು ಸ್ಥಳವಿಲ್ಲ. ಇದಕ್ಕೆ ವನ್ಯಜೀವಿಗಳ ಬಗ್ಗೆ ಉತ್ಸಾಹದ ಅಗತ್ಯವಿದೆ ಮತ್ತು ಶ್ರೀಮಂತ ಜೀವವೈವಿಧ್ಯತೆಯನ್ನು ಹೊಂದಿರುವ ಭಾರತವು ಅದನ್ನು ಮುಂದುವರಿಸಲು ಸೂಕ್ತ ಸ್ಥಳವಾಗಿದೆ ಎಂದು ಅವರು ಹೇಳಿದರು.

(ಫೋಟೋದಲ್ಲಿ: ಪ್ರಸಿದ್ಧ ವನ್ಯಜೀವಿ ಚಲನಚಿತ್ರ ನಿರ್ಮಾಪಕ ಮತ್ತು ಛಾಯಾಗ್ರಾಹಕ ಶ್ರೀ ಅಲೋನ್ಸ್‌ ರಾಯ್‌ 18ನೇ ಎಂಐಎಫ್‌ಎಫ್‌ನಲ್ಲಿ ಮಾಸ್ಟರ್‌ ಕ್ಲಾಸ್‌ ನಡೆಸುತ್ತಿದ್ದಾರೆ)

ನೈತಿಕ ಚಲನಚಿತ್ರ ನಿರ್ಮಾಣದ ಮಹತ್ವವನ್ನು ಒತ್ತಿಹೇಳಿದ ಅವರು, ಚಿತ್ರೀಕರಣಕ್ಕಿಂತ ವಿಷಯ ಮತ್ತು ಪ್ರಕೃತಿ ಯಾವಾಗಲೂ ಆದ್ಯತೆ ಪಡೆಯಬೇಕು ಎಂದು ಪ್ರತಿಪಾದಿಸಿದರು. ನಾವು ಅಲ್ಲಿದ್ದೇವೆ ಎಂದು ಪ್ರಾಣಿಗಳಿಗೆ ತಿಳಿಯದೆ ತೊಂದರೆಯಿಲ್ಲದ ದೃಶ್ಯಗಳನ್ನು ದಾಖಲಿಸಲು ನಾವು ಬಯಸಿದ್ದೇವೆ ಎಂದು ಅವರು ವಿವರಿಸಿದರು. 24X7 ವನ್ಯಜೀವಿ ವಾಹಿನಿಗಳ ಯುಗದಲ್ಲಿ, ಯಾವುದೇ ಸಂದರ್ಭದಲ್ಲೂ ವನ್ಯಜೀವಿಗಳಿಗೆ ತೊಂದರೆಯಾಗಬಾರದು ಎಂಬ ನೈತಿಕತೆಯು ಹಿಂದೆ ಸರಿಯುತ್ತಿದೆ ಎಂದು ಅವರು ಟೀಕಿಸಿದರು.

ವನ್ಯಜೀವಿ ಚಲನಚಿತ್ರ ನಿರ್ಮಾಣದ ವಿಕಾಸದ ಬಗ್ಗೆ ಚರ್ಚಿಸಿದ  ರಾಯ್‌ , ಡಿಜಿಟಲ್‌ ತಂತ್ರಜ್ಞಾನದ ಪ್ರಭಾವವನ್ನು ಒಪ್ಪಿಕೊಂಡರು, ಇದು ಮೊಬೈಲ್‌ ಕ್ಯಾಮೆರಾಗಳಲ್ಲಿ ವನ್ಯಜೀವಿಗಳನ್ನು ಸೆರೆಹಿಡಿಯುವುದನ್ನು ಸುಲಭಗೊಳಿಸಿದೆ. ಆದಾಗ್ಯೂ, ಇಂದು ವೃತ್ತಿಪರ ವನ್ಯಜೀವಿ ಚಲನಚಿತ್ರ ತಯಾರಿಕೆಗೆ ಸಂಬಂಧಿಸಿದ ಹೆಚ್ಚಿನ ವೆಚ್ಚಗಳ ಬಗ್ಗೆಯೂ ಅವರು ಗಮನಸೆಳೆದರು.

ಭಾರತದಲ್ಲಿ ವನ್ಯಜೀವಿ ಸಂರಕ್ಷಣೆಯ ಪ್ರಸ್ತುತ ಸ್ಥಿತಿಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ  ರಾಯ್‌ , ಹೆಚ್ಚಿದ ಮಾನವ ಜನಸಂಖ್ಯೆ ಮತ್ತು ಭೂ ಸಾಮೂಹಿಕ ನಿರ್ಬಂಧಗಳು ಹೆಚ್ಚಾಗಿ ಮಾನವ-ಪ್ರಾಣಿ ಸಂಘರ್ಷಗಳಿಗೆ ಕಾರಣವಾಗುತ್ತಿವೆ ಎಂದು ಗಮನಿಸಿದರು. ವನ್ಯಜೀವಿ ನಿರ್ವಹಣೆಗೆ ಆಫ್ರಿಕಾದ ವಿಧಾನದಿಂದ ನಾವು ಕಲಿಯಬಹುದು, ಇದು ಪ್ರಾಣಿಗಳ ಹಿಂಡುಗಳನ್ನು ಆಯ್ದು ಕೊಲ್ಲಲು ಅನುವು ಮಾಡಿಕೊಡುತ್ತದೆ, ಆದರೂ ಭಾರತದಲ್ಲಿಅಂತಹ ವಿಧಾನಗಳನ್ನು ಜಾರಿಗೆ ತರುವುದು ಸವಾಲಾಗಿದೆ ಎಂದು ಅವರು ಹೇಳಿದರು.

ಪ್ರಕೃತಿಯಲ್ಲಿ ಮುಳುಗುವಂತೆ ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸಿದ  ರಾಯ್‌ , ಬಾಂಬೆ ನ್ಯಾಚುರಲ್‌ ಹಿಸ್ಟರಿ ಸೊಸೈಟಿ ಅಥವಾ ಮದ್ರಾಸ್‌ ನ್ಯಾಚುರಲ್‌ ಸೈನ್ಸ್‌ ಸೊಸೈಟಿಯಂತಹ ನೇಚರ್‌ ಕ್ಲಬ್‌ಗಳು ಮತ್ತು ಸಂಸ್ಥೆಗಳಿಗೆ ಸೇರುವಂತೆ ಒತ್ತಾಯಿಸಿದರು. ಕಾಡಿನ ಕರಕುಶಲತೆಯನ್ನು ಕಲಿಯುವ ಮತ್ತು ಬುಡಕಟ್ಟು ಜ್ಞಾನದಿಂದ ಸ್ಫೂರ್ತಿ ಪಡೆಯುವ ಮಹತ್ವವನ್ನು ಅವರು ಒತ್ತಿ ಹೇಳಿದರು.

ವನ್ಯಜೀವಿ ಚಲನಚಿತ್ರ ನಿರ್ಮಾಣದಲ್ಲಿ ಕಾಲ್ಪನಿಕ ವಿಷಯವನ್ನು ಸೇರಿಸುವ ಬಗ್ಗೆ ಪ್ರಶ್ನೆಗಳಿಗೆ ಉತ್ತರಿಸಿದ  ರಾಯ್‌ , ಹೆಚ್ಚಿನ ವನ್ಯಜೀವಿಗಳನ್ನು ಮುಖ್ಯವಾಹಿನಿಯ ಸಿನೆಮಾಕ್ಕೆ ತರಲು ಸ್ಕ್ರಿಪ್ಟ್‌ನಲ್ಲಿ ಕೆಲಸ ಮಾಡುತ್ತಿದ್ದೇನೆ ಎಂದು ಬಹಿರಂಗ ಪಡಿಸಿದರು. ಒಟಿಟಿ ಪ್ಲಾಟ್‌ ಫಾರ್ಮ್‌ಗಳೊಂದಿಗೆ, ದೊಡ್ಡ ತಾರೆಯರನ್ನು ಅವಲಂಬಿಸದೆ ವನ್ಯಜೀವಿಗಳನ್ನು ಹೈಲೈಟ್‌ (ಕೇಂದ್ರವಾಗಿಸಲು) ಮಾಡಲು ಅಪಾರ ಅವಕಾಶಗಳಿವೆ ಎಂದು ಅವರು ಹೇಳಿದರು.

(ಚಿತ್ರದಲ್ಲಿ: ಎಂಐಎಫ್‌ಎಫ್‌ ಮಾಸ್ಟರ್‌ ಕ್ಲಾಸ್‌ನಲ್ಲಿ ಶ್ರೀ ಅಲೋನ್ಸ್‌ ರಾಯ್‌ ಅವರಿಗೆ ಸನ್ಮಾನ)

ತಮ್ಮ ವೈಯಕ್ತಿಕ ಅನುಭವಗಳನ್ನು ಪ್ರತಿಬಿಂಬಿಸಿದ  ರಾಯ್‌, ಮೊದಲ ಬಾರಿಗೆ ಹುಲಿಗಳನ್ನು ಚಿತ್ರೀಕರಿಸುವಾಗ ಎದುರಿಸಿದ ಸವಾಲುಗಳನ್ನು ವಿವರಿಸಿದರು. ನಾವು ಮರಗಳನ್ನು ಹತ್ತಿ ಕೊಂಬೆಗಳ ಮೇಲೆ ಕುಳಿತುಕೊಳ್ಳಲು ಪ್ರಯತ್ನಿಸಿದೆವು, ನಂತರ ಗೈರೊ ಸ್ಟೆಬಿಲೈಜರ್‌ ಅನ್ನು ಬಳಸಿದ್ದೇವೆ, ಆದರೆ ಶಬ್ದವು ಹುಲಿಗಳಿಗೆ ತೊಂದರೆ ನೀಡಿತು. ಅಂತಿಮವಾಗಿ, ನಾವು ಬಿದಿರಿನಿಂದ 14 ಅಡಿ ಎತ್ತರದ ತಾತ್ಕಾಲಿಕ ಟ್ರೈಪಾಡ್‌ಅನ್ನು ನಿರ್ಮಿಸಿದ್ದೇವೆ ಎಂದು ಅವರು ಮಾಹಿತಿ ಹಂಚಿಕೊಂಡರು.

ಕಡಿಮೆ-ಪರಿಚಿತ ಪ್ರಭೇದಗಳತ್ತ ಗಮನ ಸೆಳೆಯುವಲ್ಲಿ ಸಾಮಾಜಿಕ ಮಾಧ್ಯಮದ ಶಕ್ತಿಯನ್ನು ಬಿಂಬಿಸುವ ಮೂಲಕ ಅವರು ಮಾತುಕತೆಯನ್ನು ಮುಕ್ತಾಯಗೊಳಿಸಿದರು. ನೀವು ಒಂದು ಪ್ರಭೇದದ ಬಗ್ಗೆ ಆಸಕ್ತಿದಾಯಕ ಕಥೆಯನ್ನು ಹೊಂದಿದ್ದರೆ, ನೀವು ಅದನ್ನು ನಿಮ್ಮ ಮೊಬೈಲ್‌ ಫೋನ್‌ ಮೂಲಕ ಹೇಳಬಹುದು ಮತ್ತು ಅದನ್ನು ಗಮನಿಸಬಹುದು ಎಂದು ಅವರು ಸಲಹೆ ನೀಡಿದರು.

ತಮಿಳುನಾಡಿನ  ಫಿಲ್ಮ್‌  ಟಿವಿ ಇನ್‌ಸ್ಟಿಟ್ಯೂಟ್‌ನ ಹಳೆಯ ವಿದ್ಯಾರ್ಥಿಯಾದ ಶ್ರೀ  ಅಲೋನ್ಸ್‌  ರಾಯ್‌ ಅವರ ಛಾಯಾಗ್ರಹಣ ನಿರ್ದೇಶಕರಾಗಿ ಅವರ ಗಮನಾರ್ಹ ಕೃತಿಗಳಲ್ಲಿ ‘ಗೌರಿ ಹರಿ ದಸ್ತಾನ್‌’, ‘ಲೈಫ್‌ ಈಸ್‌ ಗುಡ್‌’ ಮತ್ತು ‘ಉರುಮಿ’ ನಂತಹ ಮೆಚ್ಚುಗೆ ಪಡೆದ ಚಲನಚಿತ್ರಗಳು ಸೇರಿವೆ. ರಾಯ್‌ ಅವರ ಸಿನಿಮೀಯ ದೃಷ್ಟಿಕೋನವು ಅವರಿಗೆ ಪ್ರಶಂಸೆಗಳನ್ನು ತಂದುಕೊಟ್ಟಿವೆ. ‘ಅಮೀರ್‌’ (2009) ಗಾಗಿ ಅತ್ಯುತ್ತಮ ಛಾಯಾಗ್ರಹಣಕ್ಕಾಗಿ ಫಿಲ್ಮ್‌ಫೇರ್‌ ಪ್ರಶಸ್ತಿ ನಾಮನಿರ್ದೇಶ ಒಳಗೊಂಡಂತೆ ‘ಟಿಬೆಟ್‌ ದಿ ಎಂಡ್‌ ಆಫ್‌ ಟೈ ಮ್‌ ’ (1995) ಗಾಗಿ ಪ್ರೈಮ್‌ ಟೈಮ್‌ ಎಮ್ಮಿ ಪ್ರಶಸ್ತಿ ಮತ್ತು ‘ಟೈಗರ್‌ ಕಿಲ್‌’ (2008) ಗಾಗಿ ಹ್ಯೂಗೋ ಟೆಲಿವಿಷನ್‌ ಪ್ರಶಸ್ತಿ ಲಭಿಸಿವೆ.

*****