প্রধান মন্ত্রী শ্রী নরেন্দ্র মোদী জুন ১৮ অমসুং জুন ১৯, ২০২৪দা উত্তর প্রদেস অমসুং বিহারদা চৎকনি।

জুন ১৮গী নুংথিল পুং ৫ রোম তাবদা, প্রধান মন্ত্রী উত্তর প্রদেসকী বরানসীদা পি.এম কিষান সম্মান সম্মেলন শরুক য়াগনি। নুমিদাংগী পুং ৭ রোম তাবদা, প্রধান মন্ত্রী দাসশ্বামেধ ঘাত্তা গঙ্গা আর্তি শরুক য়াগনি। মহাক্না নুমিদাংগী পুং ৮ রোম তাবদা কাসি বিশ্বনাথ লাইশঙদা পুজা অমসুং দর্শন পাংথোক্কনি।

জুন ১৯ গী অয়ুক পুং ৯:৪৫ রোম তাবদা, প্রধান মন্ত্রী নলান্দাগী অতেক-অকায়শিং য়েংবা চৎকনি। অয়ুক্কী পুং ১০:৩০ রোম তাবদা, প্রধান মন্ত্রীনা বিহারগী রাজগিরদা নলান্দা য়ুনিভর্সিতিগী কেম্পস শঙ্গাগনি। থৌরম অদুদা প্রধান মন্ত্রীনা মীয়ামদা ৱা ঙাংগনি।

উত্তর প্রদেসতা প্রধান মন্ত্রী

৩শুবা তার্মগী প্রধান মন্ত্রী ওইনা ৱাশক লৌরবা মতুংদা, লৌমীশিংগী য়াইফনবা থবক পায়খৎনবা সরকারনা পীখিবা থাজবশিং থবক্তা পাংথোকপা ওইনা পি.এম কিষান নিধিগী ১৭শুবা ইন্সতোলমেন্ত থাদোক্নবা অয়াবা পীবা ওইনা প্রধান মন্ত্রীনা মহাক্কী অহানবা ফাইল খুৎয়েক পীখি। থাজবা পীখিবা অদুগী মতুংইন্না, দাইরেক্ত বেনিফিত ত্রান্সফরগী খুৎথাংদা প্রধান মন্ত্রী কিষান সম্মান নিধিগী মখাদা লৌমী করোর ৯.২৬ রোমদা লুপা করোর ২০,০০০ হেনবগী ১৭শুবা ইন্সতোলমেন্ত প্রধান মন্ত্রীনা থাদোক্কনি। হৌজিক ফাওবদা পি.এম-কিষানগী মখাদা খুদোংচাবা ফংবা য়ারবা লৌমীশিংগী ইমুং করোর ১১ হেনবা লুপা করোর লাখ ৩.০৪ হেন্না ফংখ্রে।

থৌরম মনুংদা, প্রধান মন্ত্রীনা নুপীশিংগী সেল্ফ হেল্প গ্রুপ ৩০,০০০ হেনবদা কৃষি শখিশিং ওইনা শক্তাকচেশিং য়েন্থোক্কনি।

খুঙ্গংগী নুপীশিং কৃষি শখিশিং ওইনা শক্তি পীদুনা কৃষি শখি কনভর্জেন্স প্রোগ্রাম(কে এস সি পি)না ভারতকী খুঙ্গং অওনবা পুরক্নবা পান্দম থম্লি। থৌরম অসিগী মখাদা নুপীশিং কৃষি শখিশিং নত্ত্রগা পেরা-এক্সতেন্সন ৱার্করশিং ওইনা ত্রেনিং পীরি অমসুং শক্তাকচেশি পীরি। মসিগী সর্তিফিকেসন কোর্স অসি “লাখপতি দিদি” থৌরমগী শরুক অমা ওইনা পাংথোকপনি।

বিহারদা প্রধান মন্ত্রী

প্রধান মন্ত্রীনা বিহারগী রাজগিরদা নলান্দা য়ুনিভর্সিতিগী অনৌবা কেম্পস শঙ্গাগনি। য়ুনিভর্সিতি অসি ভারত অমসুং ইস্ত এসিয়া সম্মিৎ লৈবাকশিংগী অপুনবা থবক ওইনা লিংখৎপনি। শঙ্গাবগী থৌরম অসিদা লৈবাক ১৭গী মিসনশিংগী লুচিংবশিং য়াওনা শক্নাইরবা মীওই কয়া শরুক য়াগনি।

কেম্পস অসিদা অপুনবা ফম্ফম ১৯০০ রোম লৈবা কা ৪০ অমসুং একাদেমিক ব্লোক অনি য়াওরি। মসিদা সিত ৩০০/৩০০ চনবা ওদিওতোরিয়ম অনি য়াওরি। কেম্পস অসিদা মহৈরোয় ৫৫০গী মহৈরোয়শিংগী হোস্তেল অমা য়াওরি। কেম্পস অসিদা ইন্তরনেসনেল সেন্তর, মীওই ২০০০ চনবা এম্পিথিয়েতর, ফেকলতি ক্লব অমসুং শান্নফমশিং য়াওরি।

কেম্পস অসি ‘নেত জিরো’ গ্রিন কেম্পস অমনি। মসিদা সোলার প্লান্ত, থক্নবা ঈশিং শেংদোক্নবা প্লান্ত, অফত্তবা ঈশিং চুমথোক্নবা প্লান্ত, একর ১০০গী পাৎ অমসুং অতোপ্পা মহৌশাগী অকোয়বগী ফিবমগা চুনবা অতোপ্পা খুদোংচাবা কয়া য়াওরি।

য়ুনিভর্সিতি অসি পুৱারিগা অচেৎপা মরী অমা লৈনরি। নলান্দা য়ুনিভর্সিতি অসি চহি ১৬০০গী মমাঙদা লিংখৎখিবনি। মসি মালেমগী অহানবা রেসিদেন্সিএল য়ুনিভর্সিতিশিংগী মনুংদা য়াওরি হায়না খন্নরি। ২০১৬দা, নলান্দা অসি য়ু.এন হেরিতেচ সাইত ওইনা লাউথোকখি।

****