Ki la don  katto katne ki jingjia ba la paw lyngba ki tyllong ai khubor / rynsan social media shaphang ki nongthok kiba leh mynleh ban dei ki ophisar ka Indian Customs kiba thok pisa ia ki briew ha kylleng ka ri. Kiba kham bun kine ki jingthok ki dei kiba la leh da kaba pyndonkam ia ki lad digital kum ka jing phone lane SMS, bad ki thmu ban thok pisa da kaba pyntieng ba yn sa don ka jingpynshitom lyngba ka jingdain kuna.

Khnang ban ialeh pyrshah ia kine ki jingthok lyngba ka jingai jingtip, ka Central Board of Indirect Taxes and Customs (CBIC) ka pyntreikam ia ka jingai jingtip ba bun bynta ba kynthup:

• Ki jingpynbna ha ki kot khubor
• SMS/Email ba phah sha ki briew
• Ki kam ha ka social media
• Ki prokram ai jingtip ia ki paidbah da ki CBIC field formation ha kylleng ka ri ha ka jingiatreilang bad ki bor pyniaid shnong bad ki kynhun  khaii pateng ban ai jingtip shaphang kane ka kam.

Ka CBIC ka kyntu ia ki paidbah ba kin shim ia kine ki sienjam ban iada ialade na ka jingshah thok ha kine ki jait kam da kaba:

• SNGEWTHUH: Ki ophisar ka Indian Customs kim ju iakren ia ki briew lyngba ka phone, SMS ne email ban iakren shaphang ka jing hap ai jingsiew ha ki account shimet. Wat iakren lyngba ka phone bad wat ai jubab ia ki message lada phi don jingsuba ba ka don kaei kaei ha lyndet
• IADA: Wat ju iathuh eiei shaphang lade (Password, CVV, Aadhar number, bad kiwei kiwei), bad wat ju phah pisa sha ki briew ba phim ithuh lane kano kano ka kynhun khlem da pynshisha ba ki dei mano bad kumno ki treikam.
• PYNSHISHA: Baroh ki jingai jingtip na ka Indian Customs ki don ia u Document Identification Number (DIN), ba lah ban pynshisha ha ka CBIC website:

https://esanchar.cbic.gov.in/DIN/DINSearch

• AI JINGTIP: Ai jingtip mardor haba phi iashem ia kum kane ha ka www.cybercrime.gov.in lane ka helpline number 1930.

Katto katne ki rukom treikam jong kine ki nongthok briew ki long:

• Ki phone/SMS ba thok: Ki nongthok kiba leh mynleh ban dei ki ophisar ne nongtrei Courier ki  phone lane phah SMS lane email ia ki briew ha kaba ki kam ba ka Customs ka la bat ia ka song kaba hap ban siew bai Customs shuwa ban lah ban pyllait ia kane
• Ki jingpynbor: Ki nongthok kiba leh mynleh ban dei ki ophisar Customs/Police/CBI ki dawa jingsiew bai Customs na ka bynta ki song / jingphah sngewbha kiba la wan nabar ka ri bad kiba donkam ka jingsiew bai Customs. Kito kiba shah thok kumne ki dei kiba shah phah ban ai jingsiew khnang ban pyllait ia kine ki tiar ba ki dei ban ioh.
• Ka jingdawa pisa: Ia ki briew ba mut thok la ong ba ki song jong ki la shah kurup da ka Customs namar ka jingdon ki tiar beain hapoh (kum ki drok / pisa nabar ri / passport ba thok / ki tiar beain) kiba pynkhein ia ki ain Customs. Ki nongthok ki byrngem ban shim ia ki sienjam katkum ka ain lane dain kuna bad ki dawa pisa ban pynbeit ia ka kam.

****