இந்திய சுங்க அதிகாரிகள் போல் காட்டிக்கொண்டு மோசடி செய்யும் நபர்கள் நாடு முழுவதும் பொதுமக்கள் கடினமாக சம்பாதித்த பணத்தை ஏமாற்றிய பல்வேறு சம்பவங்கள் செய்தி இணையதளங்கள் / சமூக ஊடக தளங்கள் மூலம் வெளிச்சத்திற்கு வந்துள்ளன. இந்த மோசடிகள் முதன்மையாக தொலைபேசி அழைப்புகள் அல்லது எஸ்எம்எஸ் போன்ற டிஜிட்டல் வழிமுறைகளைப் பயன்படுத்தி செய்யப்படுகின்றன, மேலும் உடனடி  நடவடிக்கை எடுக்கப்படும் என்று கூறி அச்சத்தை ஊட்டி பணம் பறிக்கும் முயற்சிகளில் ஈடுபடுவதாக செய்திகள் வெளிவந்துள்ளன.

பொது விழிப்புணர்வு மூலம் இந்த மோசடிகளை எதிர்கொள்வதற்காக, மத்திய மறைமுக வரிகள் மற்றும் சுங்க வாரியம் (சிபிஐசி) செய்தித்தாள் விளம்பரங்கள், பொது மக்களுக்கு குறுஞ்செய்தி / மின்னஞ்சல்கள்,சமூக ஊடக பிரச்சாரங்கள் மூலம் ஒரு பல்முனை விழிப்புணர்வு பிரச்சாரத்தை மேற்கொள்கிறது:

இந்தப் பிரச்சினை குறித்த விழிப்புணர்வை பரப்புவதற்காக உள்ளூர் நிர்வாகம் மற்றும் வர்த்தக அமைப்புகளுடன் ஒருங்கிணைந்து நாடு முழுவதும் சிபிஐசி கள அமைப்புகள் பொது விழிப்புணர்வு பிரச்சாரங்களை நடத்துகின்றன.

இவ்வாறான மோசடிகளுக்கு பலியாவதிலிருந்து  பாதுகாத்துக் கொள்வதற்கு பின்வரும் நடவடிக்கைகளை எடுக்குமாறு சிபிஐசி  பொதுமக்களுக்கு ஆலோசனை வழங்குகின்றது:

இந்திய சுங்க அதிகாரிகள் தனிப்பட்ட கணக்குகளில் வரி செலுத்துவதற்காக தொலைபேசி, எஸ்எம்எஸ் அல்லது மின்னஞ்சல் மூலம் பொதுமக்களை ஒருபோதும் தொடர்பு கொள்வதில்லை. மோசடி இருப்பதாக நீங்கள் சந்தேகித்தால் அல்லது ஏதேனும் முறைகேடுகளை எதிர்கொண்டால், அழைப்புகளைத் துண்டிக்கவும். இத்தகைய  செய்திகளுக்கு ஒருபோதும் பதிலளிக்க வேண்டாம்.

தனிப்பட்ட தகவல்களை (கடவுச்சொற்கள், சிவிவி எண், ஆதார் எண் போன்றவை) பகிரவோ அல்லது வெளியிடவோ அல்லது அடையாளம் மற்றும் சட்டபூர்வமான தன்மையை சரிபார்க்காமல் தெரியாத தனிநபர்கள் அல்லது நிறுவனங்களுக்கு பணம் அனுப்பவோ வேண்டாம்.

இந்திய சுங்கத்தின் அனைத்து தகவல்தொடர்புகளும் ஒரு ஆவண அடையாள எண்ணை (டிஐஎன்) கொண்டுள்ளன, அவை சிபிஐசி இணையதளத்தில் சரிபார்க்கப்படலாம்:

https://esanchar.cbic.gov.in/DIN/DINSearch

இதுபோன்ற நிகழ்வுகளை உடனடியாக www.cybercrime.gov.in அல்லது இலவச உதவி எண் 1930 க்கு தெரிவிக்கவும்.

மோசடி செய்பவர்கள் பயன்படுத்தும் சில பொதுவான வழிமுறைகள்:

போலி அழைப்புகள் / எஸ்எம்எஸ்: கூரியர் அதிகாரிகள் / ஊழியர்களாக காட்டிக்கொள்ளும் மோசடி செய்பவர்கள் அழைப்புகள், குறுஞ்செய்திகள் அல்லது மின்னஞ்சல்கள் மூலம் தொடர்புகொள்கிறார்கள், சுங்கத்துறை ஒரு தொகுப்பு அல்லது பார்சலை வைத்திருப்பதாகவும், அதை வெளியிடுவதற்கு முன்பு சுங்க வரிகள் அல்லது வரிகளை செலுத்த வேண்டும்.

அழுத்த தந்திரங்கள்: சுங்க / காவல்துறை / சிபிஐ அதிகாரிகள் போல் ஆள்மாறாட்டம் செய்யும் மோசடி செய்பவர்கள் வெளிநாட்டிலிருந்து பெறப்பட்டதாகக் கூறப்படும் தொகுப்புகள் / பரிசுகளுக்கான சுங்க வரி / அனுமதி கட்டணத்தை செலுத்துமாறு கோருகின்றனர் மற்றும் சுங்க அனுமதி தேவைப்படுகிறது. இலக்கு வைக்கப்பட்ட தனிநபர்கள் தங்கள் பொருட்களை விடுவிப்பதற்கான கட்டணங்களைச் செலுத்துமாறு கேட்கப்படுகிறார்கள்.

பணக் கோரிக்கை: சட்டவிரோத பொருட்கள் (மருந்துகள் / வெளிநாட்டு நாணயம் / போலி பாஸ்போர்ட் / தடைசெய்யப்பட்ட பொருட்கள் போன்றவை) அல்லது சுங்க விதிமுறைகளை மீறுவதன் காரணமாக இலக்கு வைக்கப்பட்ட நபர்களுக்கு அவர்களின் பார்சல் சுங்கத்தால் பறிமுதல் செய்யப்பட்டுள்ளது என்று தெரிவிக்கப்படுகிறது. மோசடி செய்பவர்கள் சட்ட நடவடிக்கை அல்லது அபராதம் விதிக்கப்படுவதாக அச்சுறுத்துகிறார்கள். மேலும்  சிக்கலைத் தீர்க்க பணம் செலுத்தக் கோருகிறார்கள்.

***

AD/PKV/DL