ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜି-୭ ଶିଖର ସମ୍ମିଳନୀ ପୃଷ୍ଠଭୂମିରେ ଜାପାନ ପ୍ରଧାନମନ୍ତ୍ରୀଙ୍କ ସହିତ ପ୍ରଧାନମନ୍ତ୍ରୀଙ୍କ ସାକ୍ଷାତ ଆଲୋଚନା
Posted On:
14 JUN 2024 11:55PM by PIB Bhubaneshwar
ଇଟାଲିର ଅପୁଲିଆଠାରେ ଆୟୋଜିତ ଜି-୭ ଶିଖର ସମ୍ମିଳନୀ ପୃଷ୍ଠଭୂମିରେ ଜାପାନ ପ୍ରଧାନମନ୍ତ୍ରୀ ମହାମହୀମ ଶ୍ରୀ ଫୁମିଓ କିସିଡ଼ାଙ୍କ ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦ୍ୱିପାକ୍ଷିକ ସମ୍ପର୍କ ବୃଦ୍ଧି ସମ୍ପର୍କରେ ଆଲୋଚନା କରିଛନ୍ତି ।
ଲଗାତାର ଭାବରେ ତୃତୀୟ ଥର ସରକାର ଗଠନ କରିବା ଅବସରରେ ତାଙ୍କୁ ଅଭିନନ୍ଦନ ବାର୍ତ୍ତା ଜଣାଇଥିବା ଯୋଗୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜାପାନ ପ୍ରଧାନମନ୍ତ୍ରୀ ଶ୍ରୀ କିସିଡ଼ାଙ୍କୁ ଧନ୍ୟବାଦ ଜ୍ଞାପନ କରିଥିଲେ । ଜାପାନ ସହିତ ଭାରତର ଦ୍ୱିପାକ୍ଷିକ ସମ୍ପର୍କ ଜାରି ରଖିବା ସକାଶେ ତାଙ୍କ ତୃତୀୟ ପାଳି ଶାସନ କାଳରେ ଅଧିକ ଗୁରୁତ୍ୱ ପ୍ରଦାନ କରାଯିବ ବୋଲି ପ୍ରଧାନମନ୍ତ୍ରୀ ପ୍ରତିଶ୍ରୁତିକୁ ଦୋହରାଇଥିଲେ । ଦୁଇ ନେତା ଭାରତ- ଜାପାନ ବିଶେଷ ରଣନୀତିକ ଏବଂ ବୈଶ୍ୱିକ ସହଭାଗୀତାର ୧୦ମ ବର୍ଷ ସମ୍ପର୍କରେ ଉଲ୍ଲେଖ କରିବା ସହିତ ଏହି ସମ୍ପର୍କରେ ଏବେସୁଦ୍ଧା ହାସଲ କରାଯାଇଥିବା ପ୍ରଗତିରେ ସନ୍ତୋଷ ବ୍ୟକ୍ତ କରିଥିଲେ । ଏହି ସମ୍ପର୍କକୁ ଅଧିକ ନିବିଡ଼ କରିବା ସମ୍ପର୍କରେ ସେମାନେ ଆଲୋଚନା କରିବା ସହିତ ନୂଆ ଏବଂ ସମ୍ପ୍ରତି ମୁଣ୍ଡ ଟେକୁଥିବା ବିଭିନ୍ନ କ୍ଷେତ୍ର ପ୍ରସଙ୍ଗରେ ମଧ୍ୟ ଭାବ ବିନିମୟ କରିଥିଲେ ଏବଂ ବି୨ବି ଏବଂ ପି୨ପି ସହଯୋଗକୁ ସୁଦୃଢ଼ କରିବା ଉପରେ ଜୋର୍ ଦେଇଥିଲେ ।
ମୁମ୍ବାଇ- ଅହମ୍ମଦାବାଦ ହାଇ ସ୍ପିଡ୍ ରେଳ ପ୍ରକଳ୍ପ ସହିତ ଭାରତ ଏବଂ ଜାପାନ ଅନେକ ଗୁରୁତ୍ୱପୂର୍ଣ୍ଣ କ୍ଷେତ୍ରରେ ପରସ୍ପର ମଧ୍ୟରେ ସହଯୋଗିତା କରିଆସୁଛନ୍ତି । ଏହି ରେଳ ପ୍ରକଳ୍ପ ଭାରତର ଗମନାଗମନ ବ୍ୟବସ୍ଥାକୁ ଏକ ନୂତନ ଗତି ପ୍ରଦାନ କରିବ । ଏହା ବ୍ୟତୀତ ୨୦୨୨ ଠାରୁ ୨୦୨୭ ମସିହା ଅବଧିରେ ଭାରତରେ ଜାପାନ ପ୍ରାୟ ୫ ଟ୍ରିଲିୟନ୍ ୟେନ୍ ଅର୍ଥ ନିବେଶ କରିବାର ଲକ୍ଷ୍ୟ ରଖାଯାଇଛି ଏବଂ ଭାରତ- ଜାପାନ ଶିଳ୍ପ ପ୍ରତିଯୋଗୀତା ସହଭାଗିତା ମଧ୍ୟ ଉତ୍ପାଦନ କ୍ଷେତ୍ରରେ ସହଭାଗୀତାରେ ବୈପ୍ଳବିକ ପରିବର୍ତ୍ତନ ଘଟିବାର ଆଶା କରାଯାଉଛି । ଉଭୟ ପ୍ରଧାନମନ୍ତ୍ରୀଙ୍କ ମଧ୍ୟରେ ଅନୁଷ୍ଠିତ ଏହି ବୈଠକ ଏହିସବୁ ପ୍ରକଳ୍ପମାନଙ୍କର ପ୍ରଗତି ସମ୍ପର୍କରେ ସମୀକ୍ଷା କରିବା ନିମନ୍ତେ ସୁଯୋଗ ପ୍ରଦାନ କରିଛି ।
ଦୁଇ ନେତା ଆଗାମୀ ଭାରତ- ଜାପାନ ବାର୍ଷିକ ଶିଖର ବୈଠକ ସମୟରେ ଏହି ଆଲୋଚନାକୁ ଆଗକୁ ଆଗେଇ ନେବାର ଆଶା କରାଯାଏ ।
***
SS
(Release ID: 2025557)
Visitor Counter : 31
Read this release in:
Gujarati
,
English
,
Urdu
,
Marathi
,
Hindi
,
Hindi_MP
,
Manipuri
,
Bengali
,
Assamese
,
Punjabi
,
Tamil
,
Telugu
,
Kannada
,
Malayalam