প্রধানমন্ত্রীগী লোইশঙ
জি-৭ মীফমগী নাকলদা প্রধান মন্ত্রীনা জপানগী প্রধান মন্ত্রীগা লোয়ননা মীফম পাংথোকখ্রে
Posted On:
14 JUN 2024 11:55PM by PIB Imphal
ইতালিগী অপুলিয়াদা পাংথোকপা জি-৭ মীফমগী নাকলদা ঙসি প্রধান মন্ত্রী শ্রী নরেন্দ্র মোদীনা জপানগী প্রধান মন্ত্রী ফুমিও কিসিদাগা লোয়ননা লৈবাক অনিগী মীফম অমা পাংথোকখ্রে।
মহাক্না অহুমলকশুবা তার্মগী ওফিস পায়রকপদা থাগৎপা ফোঙদোরকপগীদমক প্রধান মন্ত্রী মোদীনা প্রধান মন্ত্রী কিসিদা থাগৎপা ফোঙদোকখি। মহাক্কী অহুমশুবা তার্মদা জপানগা লৈনবা লৈবাক অনিগী মরী মখা তানা মরুওইনা লৌগনি হায়না মহাক্না থাজবা পীখি। লুচিংবা অনিনা চহি ১০ মপুংফারক্লবা ইন্দিয়া-জপান স্পিসিয়েল স্ত্রাতেজিক এন্দ গ্লোবেল পার্তনরশিপ থাগৎপা ফোঙদোকখি অমসুং মরী অসি চাউখৎলকপদা অপেনবা ফোঙদোকখি। অনৌবা হিরমশিং হাপচিন্দুনা অমসুং বি২বি অমসুং পি২পি মতেং পীনবা মপাঙ্গল কনখৎহন্দুনা মখা তানা মতেং পাংনবা হেনগৎহন্নবা লম্বীশিং লুচিংবশিংনা খন্নখি।
মুম্বাই-অহমেদবাত হায় স্পিৎ রেল প্রোজেক, ২০২২-২০২৭গী মনুংদা ভারত্তা জপানগী য়েন ত্রিল্লিয়ন ৫ থাদবা অমসুং মেনুফেকচরিংগী মতেং পাংনবগী থবক্তা অওনবা পুরক্নবা ইন্দিয়া-জপান ইন্দস্ত্রিএল কম্পিতিতিপনেস পার্তনরশিপ য়াওনা মরুওইবা হিরম কয়াদা ভারত অমসুং জপান মতেং পীনরি। মতেং পাংনদুনা হৌজিক পায়খৎলিবা থবক খর হন্না য়েংশিনবগী খুদোংচাবা অমা প্রধান মন্ত্রী অনি উনবা অসিনা পীরে।
মথংগী ভারত-জপান চহিগী মীফমদা মখা তানা খন্ন-নৈনবা হায়না লুচিংবা অনিনা থাজবা পীনখি।
****
(Release ID: 2025456)
Visitor Counter : 30
Read this release in:
Gujarati
,
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Punjabi
,
Odia
,
Tamil
,
Telugu
,
Kannada
,
Malayalam