પ્રધાનમંત્રીનું કાર્યાલય
G7 શિખર સંમેલન અંતર્ગત જાપાનના પ્રધાનમંત્રી સાથે પ્રધાનમંત્રીની બેઠક
Posted On:
14 JUN 2024 11:55PM by PIB Ahmedabad
પ્રધાનમંત્રી શ્રી નરેન્દ્ર મોદીએ આજે ઈટાલીના અપુલિયામાં જી-7 શિખર સંમેલન અંતર્ગત જાપાનના પ્રધાનમંત્રી શ્રી ફૂમિયો કિશિદા સાથે દ્વિપક્ષીય બેઠક યોજી હતી.
પ્રધાનમંત્રીએ સતત ત્રીજી વખત પદભાર ગ્રહણ કરવા પર આપવામાં આવેલા અભિનંદનની શુભેચ્છાઓ બદલ પ્રધાનમંત્રી કિશિદાનો આભાર માન્યો હતો. તેમણે ખાતરી આપી હતી કે તેમના ત્રીજા કાર્યકાળમાં જાપાન સાથેના દ્વિપક્ષીય સંબંધોને પ્રાથમિકતા મળતી રહેશે. બંને નેતાઓએ નોંધ્યું હતું કે ભારત-જાપાન વિશેષ વ્યૂહાત્મક અને વૈશ્વિક ભાગીદારી તેના 10મા વર્ષમાં છે અને સંબંધોમાં થયેલી પ્રગતિ પર સંતોષ વ્યક્ત કર્યો હતો. તેઓએ સહકારને વધુ ગાઢ બનાવવા, નવા અને ઉભરતા ક્ષેત્રો ઉમેરવા અને બીટૂબી અને પીટૂપી સહકારને મજબૂત બનાવવાની રીતો પર ચર્ચા કરી.
ભારત અને જાપાન સીમાચિહ્નરૂપ મુંબઈ-અમદાવાદ હાઈ સ્પીડ રેલ પ્રોજેક્ટ સહિત ઘણા મહત્વપૂર્ણ ક્ષેત્રો પર સહયોગ કરી રહ્યા છે જે ભારતમાં ગતિશીલતાના આગલા તબક્કામાં પ્રવેશ કરશે, 2022-2027 સમયગાળામાં ભારતમાં લક્ષ્યાંકિત 5 ટ્રિલિયન યેન મૂલ્યનું જાપાનીઝ રોકાણ અને ભારત -જાપાન ઔદ્યોગિક સ્પર્ધાત્મકતા ભાગીદારીનો હેતુ અમારા ઉત્પાદન સહકારમાં પરિવર્તન લાવવાનો છે. બંને પ્રધાનમંત્રીઓ વચ્ચેની બેઠકે સહકારના આમાંના કેટલાક ચાલુ કાર્યોની સમીક્ષા કરવાની તક પૂરી પાડી હતી.
બંને નેતાઓ આગામી ભારત-જાપાન વાર્ષિક સમિટમાં તેમની ચર્ચા યથાવત રાખવાની આશા વ્યક્ત કરી.
AP/GP/JT
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(Release ID: 2025474)
Visitor Counter : 46
Read this release in:
English
,
Urdu
,
Marathi
,
Hindi
,
Hindi_MP
,
Manipuri
,
Bengali
,
Assamese
,
Punjabi
,
Odia
,
Tamil
,
Telugu
,
Kannada
,
Malayalam