ঙসি এগ্রিকলচর অমসুং ফার্মরস ৱেলফিয়ার অমসুং রুরেল দিবলপমেন্তগী য়ুনিয়ন মিনিস্তর শ্রী সিবরাজ সিংহ চৌহান্না পাউগী মীফম অমদা ৱা ঙাংখ্রে অমসুং মহাক্না হায়খি মদুদি প্রধান মন্ত্রী মোদীনা পি.এম-কিষানগী মখাদা লুপা করোর ২০,০০০ রোমগী ১৭শুবা ইন্সতোলমেন্ত থাদোক্কনি। পি.এম কিষানগী ১৭শুবা ইন্সতোলমেন্ত লৌমীশিংদা পীনবা প্রধান মন্ত্রী শ্রী নরেন্দ্র মোদী জুন ১৮,২০২৪ দা বারানসীদা চৎকনি অমসুং সেল্ফ হেল্প গ্রুপ ৩০,০০০ হেনবদা কৃষি শখিশিং ওইনা শক্তাকচেশিং য়েন্থোক্কনি। থৌরম অদু উত্তর প্রদেস সরকারগা লোয়ননা এগ্রিকলচর অমসুং ফার্মরস ৱেলফিয়ার মিনিস্ত্রিনা শীনগদবনি। থৌরম অদুদা উত্তর প্রদেসকী রাজ্যপাল, এগ্রিকলচর অমসুং ফার্মরস ৱেলফিয়ারগী য়ুনিয়ন মিনিস্তর শ্রী সিবরাজ সিংহ চৌহান, উত্তর প্রদেসকী চীফ মিনিস্তর শ্রী য়োগী অদিত্যনাথ অমসুং উত্তর প্রদেস সরকারগী তোঙান-তোঙানবা মিনিস্তরশিং শরুক য়াগনি।

পাউগী মীফম অদুদা এগ্রিকলচর অমসুং ফার্মরস ৱেলফিয়ার অমসুং রুরেল দিবলপমেন্তগী য়ুনিয়ন মিনিস্তর শ্রী সিবরাজ সিংহ চৌহান্না এগ্রিকলচরগুম্বা মরুওইবা দিপার্তমেন্ত অমা মঙোন্দা শীন্নবগীদমক প্রধান মন্ত্রী থাগৎলদুনা হায়খি চাউখৎলবা লৈবাক অমগী পান্দম ফংবা ঙম্নবা এগ্রিকলচর অসি য়াম্না মরুওই। লৌউ-শিংউ অসি ভারতকী শেন্মিৎলোনগী য়াংলেন শরুনি। ঙসি ফাওবা, থবক ফংবগী খুদোংচাবা অয়াম্বা লৌউ-শিংউনা ওইরি।

এগ্রিকলচর অমসুং ফার্মরস ৱেলফিয়ার অমসুং রুরেল দিবলপমেন্তগী য়ুনিয়ন মিনিস্তর শ্রী সিবরাজ সিংহ চৌহান্না হায়খি ঙসি লৌমীশিংনা লৈবাক অসিগী কৈ থনহল্লিবনি। প্রধান মন্ত্রী শ্রী নরেন্দ্র মোদীনা লৌউ-শিংউ অমসুং লৌমীশিং মরুওইনা লৌবদগী লৌমীশিংগী য়াইফনবা থবক কয়া পায়খৎলে অমসুং হৌজিক, ওফিস পায়রবা মতুংদা, লৌমীশিংদা কিষান সম্মান নিধিগী ১৭শুবা ইন্সতোলমেন্ত থাদোক্নবা প্রধান মন্ত্রীনা অহানবা ওইনা খুৎয়েক পীখি। অহুমশুবা তার্মগী প্রধান মন্ত্রী ওইবগী অহানবা থৌরম ওইনা প্রধান মন্ত্রীনা বারানসীদগী বত্তম অমা নমদুনা লৌমী করোর ৯.২৬ হেনবদা লুপা করোর ২০,০০০ হেন্না য়েন্থোক্কনি।

য়ুনিয়ন মিনিস্তরনা হায়খি কিষান সম্মান নিধি অসি শেন্থোক য়াম্না লৈবা লৌমী খর নত্তনা লম লৈজবা লৌমীশিংগী দরকার ওইবা শেনফমশিং মতেং পাংনবা ফেব্রুৱারি ২৪,২০১৯দা লিংখৎখিবা কেন্দ্র সরকারগী স্কিম অমনি। স্কিম অসিগী বেনিফিসরিশিং মিং চনবা অমসুং মশক খঙদোকপদা অরোন-অথুপ অমতা লৈহন্দে। হৌজিক ফাওবদা ভারত সরকারনা লৌমী করোর ১১ হেনবদা লুপা করোর লাখ ৩.০৪ হেন্না য়েন্থোকখ্রে অমসুং স্কিম অসি হেক হৌদোকপদগী লৌমীশিংদা পীখিবা শেনফম লুপা করোর লাখ ৩.২৪ হেল্লে।

য়ুনিয়ন মিনিস্তরনা হায়খি জুন ১৮ দগী, চাউখৎলবা ভারতকী ৱাশক অমসুং লৌমীশিং নুংঙাই-য়াইফনবা ৱাশক থবক ওইনা পাংথোকপা হৌরগনি। নুমিৎ অসিদগী হৌরগা, তোঙান-তোঙানবা য়ুনিয়ন মিনিস্তরশিংনা লৌমীশিংগা উনদুনা দিপার্তমেন্তগী তোঙান-তোঙানবা স্কিমশিং খঙহন্নবা কে.ভি.কে ৫০দা চৎতুনা লৌমীশিংগা ৱারি শানগনি। লৈবাক শীনবা থুংবগী লৌমী করোর ২.৫ রোম থৌরম অসি শরুক য়াগনি। লৌমীশিংগী মরক্তা ৱাখল তাহন্নবা লৈবাক শীনবা থুংনা লৈরিবা কৃষি বিগ্যান কেন্দ্র(কে ভি কে) ৭৩২, প্রাইমারি এগ্রিকলচর কোওপরেতিপ সোসাইতি লাখ ১ হেনবা অমসুং কম্মন সর্বিস সেন্তর লাখ ৫ হেন্না শরুক য়াগনি।

এগ্রিকলচর অমসুং ফার্মরস ৱেলফিয়ার অমসুং রুরেল দিবলপমেন্তগী য়ুনিয়ন মিনিস্তর শ্রী সিবরাজ সিংহ চৌহান্না হায়খি প্রধান মন্ত্রীনা লাখপতি দিদি করোর অহুম শেমগৎনবা ৱাশকখি অমসুং মসিগী মনুংদা লাখপতি দিদি করোর অমা শেমখ্রে, অহেনবা করোর ২ শেম্লগনি, কৃষি শখি অসি মসিগী মাইকৈ অমনি। লৌমীশিংগী মতেং পাংনবা ইচল কয়া ত্রেনিং পীরে, মসিনা লৌউ-শিংউগী তোঙান-তোঙানবা থবকশিংগী খুৎথাংদা মখোয়না লৌমীশিংগী মতেং পাংগনি অমসুং চহিদা লুপা লিশিং ৬০-৮০ ফাওবগী অহেনবা শেনফম তানবা ঙমগনি।

য়ুনিয়ন মিনিস্তরনা হায়খি প্রধান মন্ত্রীনা পি.এম কিষানগী ইন্সতোলমেন্ত থাদোকপগা লোয়ননা সেল্ফ হেল্প গ্রুপ ৩০,০০০ হেনবদা কৃষি শখিশিং ওইনা শক্তাকচেশিং য়েন্থোক্কনি অমসুং মমিংগী ওইনা কৃষি শখি ৫ দা শক্তাকচেশিং য়েন্থোক্কনি। কৃষি শখি থৌরম অসি অহানবা তাঙ্কক্তা রাজ্য ১২ হায়বদি গুজরাত, তামিল নাদু, উত্তর প্রদেস, মধ্য প্রদেস, ছতিসগর, কর্নাতকা, মহারাস্ত্রা, রাজস্থান, ওরিসা, ঝারখন্দ, অন্ধ্র প্রদেস অমসুং মেঘালয়দা হৌদোক্কনি। হৌজিক ফাওবদা, কৃষি শখি ৭০,০০০গী মনুংদা কৃষি শখি ৩৪,০০০ হেন্না পেরা-এক্সতেন্সন ৱার্করশিং ওইনা শক্তাকখ্রে।

শ্রী চৌহান্না হায়খি কৃষি শখিশিং অসি লৈকায়গী অখঙ-অহৈ ওইনা মীয়াম্না থাজবা অমসুং মখোয় মশামক হৈথোই-শিংথোইবা লৌমীশিং ওইবদগী এগ্রিকলচর পেরা-এক্সতেন্সন ৱার্করশিং ওইনা খনবনি। কৃষি শখিশিং অসি মাঙজৌননা তোঙান-তোঙানবা লৌউ-শিংউগী থবকশিংদা অকনবা ত্রেনিং ফংখ্রবনি অমসুং মখোয়না অতোপ্পা লৌমীশিং মতেং পাংনবা অমসুং লমজিংনবা মতিক চাবা লৌশিং লৈরবনি।

শ্রী সিবরাজ সিংহ চৌহান্না হায়খি লৌউ-শিংউগী থবক্তা নুপীশিংগী মরুওইবা অদু খঙদুনা, এগ্রিকলচর অমসুং রুরেল দিবলপমেন্ত মিনিস্ত্রিনা এম.ও.য়ু অমা খুৎয়েক পীনরে। পি.এম কিষানগী মখাদা, থা মরি খুদিংগী, ইন্সতোলমেন্ত অহুম থোক্না চহি অমদা লুপা ৬,০০০ দাইরেক্ত বেনিফিত ত্রান্সফর(দি বি তি)গী খুৎথাংদা পীগনি। প্রধান মন্ত্রী ফাসাল বিমা য়োজনাগী মখাদা, লৌমী করোর ৪ হেনবদা শেন-থুমগী সেকুরিতি ফংহল্লে। মালেমগী ওইনা মমল হেনগৎলক্লবশু, লৌমীশিংদা সবসিদি পীদুনা অহোংবা মমলদা হার ফংহন্নবা মখা তানা লুপা করোর লাখ ১১গী সবসিদি পীরি।

য়ুনিয়ন মিনিস্তরনা হায়খি থৌরম অসি লাইফ ওইনা দি.দি, দি.দি কিষান, মাই গোভ, ব্লোক ওফিস, গ্রাম পঞ্চায়তশিং, য়ুতুব, ফেসবুক, তোঙান-তোঙানবা কৃষি ভিগ্যান কেন্দ্রশিং অমসুং লৈবাক শীনবা থুংনা লৈরিবা কম্মন সর্বিস সেন্তরশিংদা শন্দোক্কনি। লৌমীশিংনা পাম্বৈ অমদা হেক্তা থৌরম অসি শরুক য়াগদবনি অমসুং প্রধান মন্ত্রীগা পাউ ফাওনগদবনি।

পাউগী মীফম অদুদা এগ্রিকলচর অমসুং ফার্মরস ৱেলফিয়ার দিপার্তমেন্তগী সেক্রেতরি শ্রী মনোজ অহুজা অমসুং দি.এ.আর.ইগী সেক্রেতরি শ্রী হিমানসু পাথকশু শরুক য়াখি।

*******