Ka Ophis jong u Myntri Rangbah duh ka ri
Kyntu u Myntri Rangbah duh ia baroh ban pynlong ia ka Yoga kum shi bynta ba kongsan ha ka jingim jong ki
La iasam ruh ia ki video kiba ai jingtip shaphang ki Asana bad ki jingmyntoi jong ki
Posted On:
11 JUN 2024 11:03AM by PIB Shillong
U Myntri Rangbah duh, Narendra Modi u la kyntu ia baroh ban pynlong ia ka Yoga kum shi bynta ba kongsan ha ka jingim jong ki. U la ong ruh ba ka Yoga ka wanrah ia ka jingjai jai, ka iarap ia ngi ban long kiba jai jai ha ka jingialeh pyrshah ia ki jingeh ha ka jingim.
Ha kaba iadei bad ka jingrakhe ia ka Yoga Day ka ban wan, u Modi u la iasam ia ki video kiba ai jingtip shaphang ki Asana bad ki jingmyntoi jong ki.
Ha ki post ha ka X, u Myntri Rangbah duh u la ong;
“Ha ki shiphew sngi naduh mynta, ka pyrthei kan rakhe ia ka International Day of Yoga kaba 10, ka jingrakhe ia ka rukom kaba iaineh bad kaba rakhe ia ka jingiatylli. Ka Yoga ka la pyniatylli ia ki million ngut ha kylleng ka pyrthei kiba kwah ia ka bha ka miat kaba pura.”
“Katba ngi la jan sha ka Yoga Day mynta u snem, kalong kaba donkam ba ngin pynskhem ban pynlong ia ka Yoga kum shi bynta jong ka jingim bad pynshlur ruh ia kiwei ba kin leh kumjuh. Ka Yoga ka wanrah ia ka jingjai jai bad ka plie lad ia ngi ba ngin long kiba jai jai haba ngi ialeh pyrshah ia ki jingeh ha ka jingim.”
“Katba ka Yoga Day ka la jan, nga iasam ia ki video kiba ai jingtip shaphang ki Asana bapher bapher bad ki jingmyntoi jong ki. Nga kyrmen ba kane kan ai mynsiem ia phi baroh ban leh ia ka Yoga man ka por.”
***
(Release ID: 2024070)
Visitor Counter : 51
Read this release in:
Assamese
,
English
,
Urdu
,
Marathi
,
Hindi
,
Hindi_MP
,
Manipuri
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam