وزیراعظم کا دفتر
نیپال کے وزیر اعظم نے وزیراعظم مودی کو تاریخی تیسری میعاد پر مبارکباد دینے کے لیے فون کیا
وزیراعظم مودی نے گزشتہ سال نیپالی وزیر اعظم کے نتیجہ خیز دورہ کو یاد کیا
نیپال پڑوسی مقدم کی ہندوستان کی پالیسی میں ایک خصوصی شراکت دار ہے
Posted On:
05 JUN 2024 10:16PM by PIB Delhi
وزیر اعظم جناب نریندر مودی اور نیپال کے وزیر اعظم عزت مآاب پشپ کمل دہل 'پرچنڈ' نے ٹیلی فون پر بات چیت کی۔ وزیر اعظم پرچنڈ نے وزیر اعظم مودی کو ہندوستان میں حال ہی میں مکمل ہونے والے عام انتخابات میں تیسری مدت کے لیے ان کی تاریخی جیت پر مبارکباد دی۔ انہوں نے اس یقین کا اظہار کیا کہ وزیر اعظم مودی کی قیادت میں ہندوستان اور نیپال کے تعلقات مزید مضبوط ہوتے رہیں گے۔
وزیر اعظم مودی نے مبارکباد کے لیے وزیر اعظم 'پرچنڈ' کا شکریہ ادا کیا۔ انہوں نے گزشتہ سال نیپال کے وزیر اعظم کے دورہ ہند کو یاد کرتے ہوئے کہا کہ اس کے بعد انہوں نے دونوں ممالک کے درمیان روایتی، دوستانہ اور کثیر جہتی شراکت داری کو مزید مستحکم کرنے کے لیے کئی اقدامات کیے تھے۔
نیپال، ہندوستان کے ساتھ گہرے ثقافتی اور تہذیبی روابط رکھتا ہے اور ہندوستان کی ’پڑوسی مقدم ‘پالیسی میں ایک خصوصی شراکت دار ہے۔ ٹیلی فون کال دونوں ممالک کے درمیان اعلیٰ سطح کے تبادلوں کی روایت کو جاری رکھے ہوئے ہے۔
****
ش ح۔ ف ا۔ ج ا
Urdu No. 7192
(Release ID: 2023029)
Visitor Counter : 37
Read this release in:
English
,
Hindi
,
Marathi
,
Assamese
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam