অকোইবগী ফিভম অমসুং ঊমংগী মন্ত্রালয়
প্রধান মন্ত্রীনা ৱার্ল্দ ইনভাইরোনমেন্ত দে থৌরমদা দিল্লিগী বুদ্ধ জয়েন্তি পার্কতা খোঙনাং পাম্বী থাখ্রে অমসুং #एक_पेड़_माँ_के_नाम #Plant4Mother campaign হৌদোকখ্রে
মালেম ইমানা মহৌশা য়োকপা অমসুং ঐখোয়গী ইমাশিংনা মীওইবা কয়া য়োকপা অসিগা মান্নরিবা অদু থম্লদুনা, প্রধান মন্ত্রীনা হায়খি মখোয় মশাগী মমা নুংশিবা অমসুং ইকায়খুম্নবা উৎপা ওইনা মীয়াম্না উ পাম্বী অমা থাগদবনি
কেন্দ্র অমসুং রাজ্য সরকারশিংগী বিভাগশিং অমসুং লোকেল বোদিশিংনা খোঙজং অসি মতেং পাংনবা মীয়ামগী মফমশিং মশক খঙদোক্কদবনি
খোঙজং অসিগী মথক্তা, “সরকারকী লুপ খুদিংমক য়াওশিনবা” অমসুং “খুন্নাইগী লুপ খুদিংমক শরুক য়াবা থৌশিল” অমগী মখাদা সেপ্তেম্বর ২০২৪ ফাওবদা উ চারা করোর ৮০ থানবা অমসুং মার্চ ২০২৫ ফাওবগী মনুংদা উ চারা করোর ১৪০ থানবা থৌরাং তৌরে
Posted On:
05 JUN 2024 3:34PM by PIB Imphal
ঙসি প্রধান মন্ত্রী শ্রী নরেন্দ্র মোদীনা নিউ দিল্লিদা বুদ্ধ জেন্তি পার্কতা খোঙনাং পাম্বী অমা থাদুনা #एक_पेड़_माँ_के_नाम #Plant4Mother খোঙজং হৌদোকখ্রে।
মালেম ইমানা মহৌশা য়োকপা অমসুং ঐখোয়গী ইমাশিংনা মীওইবা কয়া য়োকপা অসিগা মান্নরিবা অদু থম্লদুনা, প্রধান মন্ত্রীনা হায়খি মখোয় মশাগী মমা নুংশিবা অমসুং ইকায়খুম্নবা উৎপা ওইনা মীয়াম্না উ পাম্বী অমা থাগদবনি অমসুং উ পাম্বীশিং অমসুং মালেম ইমা ঙাক-শেন্নবা ৱাশক লৌগদবনি।
#एक_पेड़_माँ_के_नाम #Plant4Mother খোঙজং মতেং পাংনবা কেন্দ্র অমসুং রাজ্য সরকারশিংগী বিভাগশিং অমসুং লোকেল বোদিশিংনা মীয়ামগী মফমশিং মশক খঙদোক্কদবনি।
লম মাঙশিল্লকপা থিংনবা, ইকং ঙাকথোক্নবা অমসুং মরুভুমি ওন্থোকপা থিংনবা উ পাম্বীশিং থাবা অসি ৱার্ল্দ ইনভাইরোনমেন্ত দে ২০২৪গী মরুওইবা পান্দমনি। #एक_पेड़_माँ_के_नाम #Plant4Mother খোঙজং অসিগী মথক্তা, “সরকারকী লুপ খুদিংমক য়াওশিনবা” অমসুং “খুন্নাইগী লুপ খুদিংমক শরুক য়াবা থৌশিল” অমগী মখাদা সেপ্তেম্বর ২০২৪ ফাওবদা উ চারা করোর ৮০ থানবা অমসুং মার্চ ২০২৫ ফাওবগী মনুংদা উ চারা করোর ১৪০ থানবা থৌরাং তৌরে। উ পাম্বীশিং অদু লৈবাক শীনবা থুংনা লনাই মীওইশিং, লুপশিং, মীয়ামগী লুপশিং, কেন্দ্র অমসুং রাজ্য সরকারশিংগী বিভাগশিং অমসুং লোকেল বোদিশিংনা থাগদবনি।
স্কুল লাখ ৭.৫ গী ইকো-ক্লবশিং #एक_पेड़_माँ_के_नाम গী পাউজেল শন্দোক্নবা ভারত সরকারগী স্কুল ইজুকেসন দিপার্তমেন্তনা পুক্নিং থৌগৎখ্রে। অনৌবা ইজুকেসন পোলিসিগী মরুওইবা পান্দম অমা ওইরিবা থবক তৌদুনা লাইরিক তম্বগী শরুক অসি খোঙজং অসিগী থিমদা য়াওহন্দুনা স্কুলশিংদা সম্মর কেম্পশিং পাংথোক্নবা হোৎনরি। উ থাবা অসিনা মীওইবা খুন্নাই য়োকখৎপগা লোয়ননা গ্রহ অসি শীনবা থুংনা থৱায় পানবা খুদিংমক হিংহল্লি, Plant4Motherগী ৱাখল্লোনগা লোয়ননা উ, ইমা অমসুং মালেম ইমাগী মরক্তা লৈনরিবা মরী অসি অখন্ননা ফোঙদোক্কদবনি।
#एक_पेड़_माँ_के_नाम গী মখাদা ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিগী ইনভাইরোনমেন্তেল ইনফোর্মেসন, এৱারনেস, কেপাসিতি বিল্দিং এন্দ লাইভলিহুদ প্রোগ্রাম(ই আই এ সি পি) সেন্তরশিং অমসুং মসিগী লুপশিং হায়বদি বি.এস.আই, আই.সি.এফ.আর.ই, এন.এম.এন.ঐচনা উ থাবগী থবকশিং পাংথোক্কনি। #एक_पेड़_माँ_के_नाम গী পান্দম থবক ওইনা পাংথোকপদা অতোপ্পা মিনিস্ত্রিশিং অমসুং দিপার্তমেন্তশিংশু মরুওইবা থৌদাং অমা লৌরি। য়ুথ এফেয়ার্স মিনিস্ত্রিগী মাই ভারতকী খুৎথাংদা নহারোলশিং ৱাখল তাহল্লে। মপান থৌরম মন্ত্রলয়না মসিগী পাউজেল অসি মালেমগী থাক্তা য়ৌহল্লে অমসুং #Plant4Mother গী ৱাখল্লোন অসিগা লোয়ননা উ থাবগী খোঙজং অসি পাংথোক্নবা অতোপ্পা লৈবাকশিংগী মীয়ামদা তকশিনখ্রে।
থৌরম অদুদা ইনভাইরোনমেন্ত, ফোরেস্ত অমসুং ক্লাইমেত চেঞ্জগী য়ুনিয়ন মিনিস্তর অমসুং দিল্লিগী লেপ্তনেন্ত গভর্নরশু শরুক য়াখি।
*****
(Release ID: 2022897)
Visitor Counter : 100