ଭାରତୀୟ ପ୍ରତିନିଧି ମଣ୍ଡଳର ନେତୃତ୍ୱ ନେଉଥିବା କେନ୍ଦ୍ର ସ୍ୱାସ୍ଥ୍ୟ ସଚିବ ଶ୍ରୀ ଅପୂର୍ବ ଚନ୍ଦ୍ରା ଆଜି ଜେନେଭାଠାରେ ଡବ୍ଲ୍ୟୁଏଚଓର ୭୭ତମ ବିଶ୍ୱ ସ୍ୱାସ୍ଥ୍ୟ ପରିଷଦର ପୂର୍ଣ୍ଣାଙ୍ଗ ଅଧିବେଶନକୁ ସମ୍ବୋଧିତ କରିଛନ୍ତି।

କେନ୍ଦ୍ର ସ୍ୱାସ୍ଥ୍ୟ ସଚିବ ତାଙ୍କ ଅଭିଭାଷଣ ଆରମ୍ଭ କରି ଚଳିତ ବର୍ଷର ବିଷୟବସ୍ତୁ "ସ୍ୱାସ୍ଥ୍ୟ ପାଇଁ ସମସ୍ତେ, ସମସ୍ତଙ୍କ ପାଇଁ ସ୍ୱାସ୍ଥ୍ୟ" ର ପୁରୁଣା ଭାରତୀୟ ପରମ୍ପରା ବସୁଧୈବ କୁଟୁମ୍ବକମ ସହିତ ସାମଞ୍ଜସ୍ୟ ଉପରେ ଆଲୋକପାତ କରିଥିଲେ ଯାହାର ଅର୍ଥ ହେଉଛି "ବିଶ୍ୱ ଏକ ପରିବାର"। ଏହି ଥିମ୍ ଅଧୀନରେ ଭାରତ ୧,୬୦,୦୦୦ରୁ ଅଧିକ ସ୍ୱାସ୍ଥ୍ୟ ଓ କଲ୍ୟାଣ କେନ୍ଦ୍ର (ଆୟୁଷ୍ମାନ ଆରୋଗ୍ୟ ମନ୍ଦିର)କୁ କାର୍ଯ୍ୟକ୍ଷମ କରି ସାର୍ବଜନୀନ ସ୍ୱାସ୍ଥ୍ୟ କଭରେଜକୁପ୍ରୋତ୍ସାହିତ କରିବା ପାଇଁ ଆୟୁଷ୍ମାନ ଭାରତ ଅର୍ଥାତ୍ "ଲାଇଭ୍ ଲଙ୍ଗ ଇଣ୍ଡିଆ" ଆରମ୍ଭ କରିଛି।

ଶ୍ରୀ ଅପୂର୍ବ ଚନ୍ଦ୍ର ଆଲୋକପାତ କରି କହିଥିଲେ ଯେ ଡବ୍ଲ୍ୟୁଏଚଓ ଏସପିଏଆର ରିପୋର୍ଟ ଅନୁଯାୟୀ, କୌଣସି ସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତିକୁ ଚିହ୍ନଟ କରିବା, ଆକଳନ କରିବା, ରିପୋର୍ଟ କରିବା ଏବଂ ପ୍ରତିକ୍ରିୟା ଦେବା ପାଇଁ ଭାରତର ମୂଳ କ୍ଷମତା ସ୍କୋର ୮୬% ରହିଛି, ଯାହା ଦକ୍ଷିଣ ପୂର୍ବ ଏସିଆ ଅଞ୍ଚଳ ଏବଂ ବିଶ୍ୱ ହାରାହାରିଠାରୁ ଅଧିକ । ବିଗତ ଦଶନ୍ଧିମଧ୍ୟରେ ମାତୃ ମୃତ୍ୟୁ ହାର (ଏମଏମଆର) ଏବଂ ଶିଶୁ ମୃତ୍ୟୁ ହାର (ଆଇଏମଆର)ରେ ଉଲ୍ଲେଖନୀୟ ହ୍ରାସ ପରିଲକ୍ଷିତ ହେଉଥିବାରୁ ଭାରତ ଏସଡିଜି ଲକ୍ଷ୍ୟ ହାସଲ କରିବା ଦିଗରେ ଗତି କରୁଛି । ଆଜି ଭାରତ ଭିସେରାଲ ଲିସମାନିଆସିସ୍ (ଭିଏଲ୍) ରୋଗକୁ ଦୂର କରିବରେ ଦ୍ୱାରସ୍ଥ ହୋଇଛି ଏବଂ ଯକ୍ଷ୍ମା ସଂକ୍ରମଣ ଏବଂ ମୃତ୍ୟୁହାର ମଧ୍ୟ ହ୍ରାସ ପାଇଛି।

ସେ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା (ପିଏମ-ଜେଏୱାଇ) ଉପରେ ମଧ୍ୟ ଗୁରୁତ୍ୱାରୋପ କରିଥିଲେ ଯାହା ବିଶ୍ୱର ସର୍ବବୃହତ ସ୍ୱାସ୍ଥ୍ୟ ବୀମା ଯୋଜନା ଭାବରେ ଉଭା ହୋଇଛି ଯାହା ୩୪୩ ନିୟୁତରୁ ଅଧିକ ହିତାଧିକାରୀଙ୍କୁ ଦ୍ବିତୀୟ ଏବଂ ତୃତୀୟ ସ୍ତରୀୟ ଚିକିତ୍ସା ଡାକ୍ତରଖାନାରେ ଭର୍ତ୍ତି ହେବା ପାଇଁ ପରିବାର ପିଛା ବାର୍ଷିକ ୬୦୦୦ ଡଲାର ସ୍ୱାସ୍ଥ୍ୟ ବୀମା ପ୍ରଦାନ କରିଥାଏ। ସ୍ୱାସ୍ଥ୍ୟସେବା କ୍ଷେତ୍ରରେ ଡିଜିଟାଲ ପଦକ୍ଷେପ ସହିତ ସେ କହିଥିଲେ ଯେ "ଭାରତ ବିଶ୍ୱସ୍ତରୀୟ ସହଯୋଗ ପାଇଁ ଡିଜିଟାଲ ସାର୍ବଜନୀନ ସାମଗ୍ରୀକ୍ଷେତ୍ରରେ ଏକ ପ୍ରକାଶ ସ୍ତମ୍ବ ଦେଶ ଭାବରେ ଉଭା ହୋଇଛି"।

କେନ୍ଦ୍ର ସ୍ୱାସ୍ଥ୍ୟ ସଚିବ ଗୁରୁତ୍ୱାରୋପ କରିଛନ୍ତି ଯେ "ଚିକିତ୍ସା ପ୍ରତିରୋଧୀ ଉପାୟଗୁଡ଼ିକର ସମାନ ଉପଲବ୍ଧତା ସମସ୍ତଙ୍କ ପାଇଁ ଏକ ମୌଳିକ ଅଧିକାର ହେବା ଉଚିତ"। ଟିକା ଯୋଗାଣ ପାଇଁ ବିଶ୍ୱ ଉତ୍ପାଦନର ୬୦% ଯୋଗଦାନ ଉପରେ ଆଲୋକପାତ କରି ସେ କହିଥିଲେ ଯେ ଡବ୍ଲ୍ୟୁଏଚଓ ସହଯୋଗରେ ଭାରତ ଔଷଧ ନିୟାମକ ବ୍ୟବସ୍ଥାକୁ ଆହୁରି ସୁଦୃଢ଼ କରିବାକୁ ଚାହୁଁଛି ଯାହା ଦ୍ୱାରା ସମସ୍ତଙ୍କ ପାଇଁ ଉଚ୍ଚମାନର ଚିକିତ୍ସା ଉତ୍ପାଦଶୀଘ୍ର ଉପଲବ୍ଧ ହେବ । ସେ ଆହୁରି ମଧ୍ୟ କହିଥିଲେ ଯେ ଡାକ୍ତରୀ ମୂଲ୍ୟ ପର୍ଯ୍ୟଟନର ଅନ୍ୟତମ ପ୍ରମୁଖ ଗନ୍ତବ୍ୟସ୍ଥଳ ଭାବରେ ଉଭା ହୋଇ ସ୍ୱାସ୍ଥ୍ୟ କ୍ଷେତ୍ରରେ ଅତ୍ୟଧିକ ପ୍ରଶିକ୍ଷିତ ଏବଂ ଅଭିଜ୍ଞ କର୍ମଚାରୀ ଅଛନ୍ତି, ସେମାନେ କେବଳ ‘ଦେଶରେ ନୁହେଁ ବର ସମଗ୍ର ବିଶ୍ବରେ ଚିକିତ୍ସା ଫଳରେ ଉନ୍ନତି ଆଣିବା ପାଇଁ ସହାନୁଭୁତି ସହିତ ଯତ୍ନ ନେଉଛନ୍ତି । ଏହି ଅବସରରେ ସେ ଆୟୁଷ ଚିକିତ୍ସା ପଦ୍ଧତି ଅଧୀନରେ ଭାରତରେ ମେଡିକାଲ ପର୍ଯ୍ୟଟନ ପାଇଁ ନିକଟରେ ଜାରି ହୋଇଥିବା ନୂତନ ଭିସା ବ୍ୟବସ୍ଥା - ଆୟୁଷ ଭିସା ବିଷୟରେ ସୂଚନା ଦେଇଥିଲେ ।

ଶ୍ରୀ ଅପୂର୍ବ ଚନ୍ଦ୍ରା ଆହୁରି ମଧ୍ୟ କହିଛନ୍ତି ଯେ ଭାରତ ଆନ୍ତଃସରକାରୀ ଆଲୋଚନା ସଂସ୍ଥା (ଆଇଏନ୍ ବି) ଏବଂ ଅନ୍ତର୍ଜାତୀୟ ସ୍ୱାସ୍ଥ୍ୟ ନିୟମାବଳୀ (ଆଇଏଚ୍ଆର୍) ପ୍ରକ୍ରିୟାରେ ଗଠନମୂଳକ ଭାବରେ ନିୟୋଜିତ ହୋଇଛନ୍ତି । ଯାହା ସହମତି ସୃଷ୍ଟି କରିବ ଏବଂ ବିଶ୍ୱ ସ୍ୱାସ୍ଥ୍ୟ ଢାଞ୍ଚାର ଏକ ଢାଞ୍ଚା ପାଇଁ ପଥ ପ୍ରଶସ୍ତ କରିବ ଯାହା ଆମକୁ ଭବିଷ୍ୟତର ମହାମାରୀ ଏବଂ ଜନସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତିର ସାମୂହିକ ଭାବରେ ପ୍ରସ୍ତୁତ ଏବଂ ପ୍ରତିକ୍ରିୟା ଦେବାରେ ସକ୍ଷମ କରିବ ।

ନିରନ୍ତର ବିକାଶର ମୂଳଦୁଆ ଭାବରେ ସ୍ୱାସ୍ଥ୍ୟ ଏବଂ କଲ୍ୟାଣକୁ ପ୍ରୋତ୍ସାହନ ଦେବା ପାଇଁ ସମସ୍ତ ସଦସ୍ୟ ଦେଶକୁ ସାମୂହିକ ଭାବରେ ପ୍ରତିଶ୍ରୁତିବଦ୍ଧ ହେବାକୁ କେନ୍ଦ୍ର ସ୍ୱାସ୍ଥ୍ୟ ସଚିବ ତାଙ୍କ ଅଭିଭାଷଣ ଶେଷରେ କହିଥିଲେ। ଆସନ୍ତୁ ସମସ୍ତେ ମିଳିମିଶି ଆଗକୁ ବଢ଼ିବା ଏବଂ ସମସ୍ତଙ୍କ ପାଇଁ ଉଜ୍ଜ୍ୱଳ ଭବିଷ୍ୟତ ସୃଷ୍ଟି କରିବା।

ଏହି ଅବସରରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଅତିରିକ୍ତ ସଚିବ ଶ୍ରୀମତୀ ହେକାଲି ଝିମୋମି ଏବଂ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

*****

NS/SLP