হকশেল অমসুং য়াইফ-য়ুম্বাল মন্ত্রালয়
য়ুনিয়ন হেল্থ সেক্রেতরি ৱার্ল্দ হেল্থ এশেমব্লিগী ৭৭শুবা মীফমদা ৱা ঙাংখ্রে
অয়ুস্মান অরোগ্যা মন্দির ১,৬০,০০০ হেন্না মথৌ পাংথোক্তুনা মীপুম খুদিংমক হকশেলগী খুদোংচাবশিং ফংহন্নবা ভারতনা অয়ুস্মান ভারত(ভারত পুন্সি শাংলসু) হৌদোক্লে: য়ুনিয়ন হেল্থ সেক্রেতরি
“হৌখিবা চহি ১০দা এম.এম.আর অমসুং আই.এম.আর শিংথাবা য়ানা হন্থরে, এস.দি.জিগী পান্দমশিং ফংনবা লম্বীদা ভারত লৈরে। ঙসি, ভারত ভাইসরেল লৈমানিয়াসিস লায়না মুৎপা ঙম্বগী থাক্তা লৈরে অমসুং তি.বি নাবা অমসুং শিবা শিংথাবা য়ানা হন্থরে”
“দিজিতেল পব্লিক গুদসশিং মালেমগী ওইনা মতেং পীনবদা ভারত মঙাল পীবা লৈবাক অমা ওইরক্লি”
“মীওই খুদিংমক অফবা মখলগী মেদিকেলগী পোৎথোকশিং অথুবা মতমদা ফংবা ঙম্নবা দ্রগ রিগুলেতোরিগী থবকশিং মখা তানা মপাঙ্গল কনখৎহন্নবা ভারতনা দব্লিউ.ঐচ.ওগা পুন্না থবক তৌমিন্নরি”
“তুংদা থেংনরকপা য়াবা লাইচৎশিং অমসুং মীয়ামগী হকশেলগী খুদোংচাদবশিং থেংননবা অমসুং অপুনবগী ওইনা থৌরাং তৌবা ঙম্নবা মালেমগী হকশেলগী ফিবম শেমগৎনবা ঙাক্লৌ অমা শেম্নবা য়ানবা পুরক্নবা অমসুং লম্বী শেম্নবা ভারতনা আই.এন.বি অমসুং আই.ঐচ.আরগী থবকশিং পায়খৎলি”
Posted On:
29 MAY 2024 2:22PM by PIB Imphal
ঙসি জেনেভাদা পাংথোকপা দব্লিউ.ঐচ.ওগী ৭৭শুবা ৱার্ল্দ হেল্থ এসেমব্লিগী মীফমদা ভারতকী মীহুৎ কাংবুগী লুচিংবা য়ুনিয়ন হেল্থ সেক্রেতরি শ্রী অপুর্বা চন্দ্র ৱা ঙাংখ্রে।
য়ুনিয়ন হেল্থ সেক্রেতরিনা হায়খি মীফম অসিগী চহি অসিগী থিম “হকশেলগীদমক মীওই খুদিংমক, মীওই খুদিংমক্কী হকশেল” অসিগা বসুধাইব কুতুম্বকাম(মালেম অসি ইমুং অমনি) হায়বা চহি কয়া কুইরবা ভারতকী চৎনবীগা মান্নবা কয়া লৈরি। থিম অসিগী মখাদা অয়ুস্মান অরোগ্যা মন্দির ১,৬০,০০০ হেন্না মথৌ পাংথোক্তুনা মীপুম খুদিংমক হকশেলগী খুদোংচাবশিং ফংহন্নবা ভারতনা অয়ুস্মান ভারত(ভারত পুন্সি শাংলসু) হৌদোক্লে।
য়ুনিয়ন হেল্থ সেক্রেতরিনা হায়খি দব্লিউ.ঐচ.ওগী স্পার রিপোর্তকী মতুংইন্না, হকশেলগী অৱাবা অমা হেক্তা লাকপা মতমদা খঙদোক্নবা, য়েংশিন্নবা, পাউ তম্নবা অমসুং থবক পায়খৎনবা ভারতকী কেপাসিতি স্কোর চাদা ৮৬ ওইরি, মসি খা নোংপোক এসিয়া লমদম অমসুং মালেমগী চংচত্তগী হেল্লবনি। হৌখিবা চহি ১০দা এম.এম.আর অমসুং আই.এম.আর শিংথাবা য়ানা হন্থরে, এস.দি.জিগী পান্দমশিং ফংনবা লম্বীদা ভারত লৈরে। ঙসি, ভারত ভাইসরেল লৈমানিয়াসিস লায়না মুৎপা ঙম্বগী থাক্তা লৈরে অমসুং তি.বি নাবা অমসুং শিবা শিংথাবা য়ানা হন্থরে।
মহাক্না হায়খি প্রধান মন্ত্রী জন অরোগ্যা য়োজনা(পি এম-জে এ ৱাই) অসি মালেমদা খ্বাইদগী চাউবা হকশেলগী ইন্সুরেন্স স্কিম ওইদুনা মীওই মিল্লিয়ন ৩৪৩ হেন্না মসিনা কোনশিন্দুনা সেকেন্দরি অমসুং তর্সিয়ারি লায়য়েংগীদমক চহি অমদা ইমুং অমদা লুপা লাখ ৫ হেন্না পীরি। অনা-লায়য়েংগী থবকশিংদা দিজিতেলগী থবকশিং য়াওহন্দুনা, দিজিতেল পব্লিক গুদসশিং মালেমগী ওইনা মতেং পীনবদা ভারত মঙাল পীবা লৈবাক অমা ওইরক্লি।
য়ুনিয়ন হেল্থ সেক্রেতরিনা হায়খি মীওই খুদিংমক হকশেলগী খুদোংচাবশিং ফংহনবা হায়বসি মীওই খুদিংমক্কী ফংফম থোকপা হকনি। মালেমগী ওইনা ভেক্সিন পুথোকপদা ভারতনা চাদা 60 মতেং পাংলি। মীওই খুদিংমক অফবা মখলগী মেদিকেলগী পোৎথোকশিং অথুবা মতমদা ফংবা ঙম্নবা দ্রগ রিগুলেতোরিগী থবকশিং মখা তানা মপাঙ্গল কনখৎহন্নবা ভারতনা দব্লিউ.ঐচ.ওগা পুন্না থবক তৌমিন্নরি। লৈবাক অসিগী মেদিকেল ভেলু তুরিজমগী মরুওইবা মফম অমা ওইরক্তুনা মালেমগী শীনবা থুংবগী হকশেলগী ফিবম ফগৎনবা ভারত্তা মপুংফানা ত্রেনিং ফংলবা অমসুং হৈথোই-শিংথোইরবা হকশেলগী মীওই কয়া লৈরি। হন্দক অয়ুস মেদিসনগী মখাদা হন্দক ভারত্তা মেদিকেল তুরিজমগীদমক অনৌবা ভিসাগী রেজিম-অয়ুস ভিসা চৎনবা হৌরে।
শ্রী অপুরবা চন্দ্রনা হায়খি “তুংদা থেংনরকপা য়াবা লাইচৎশিং অমসুং মীয়ামগী হকশেলগী খুদোংচাদবশিং থেংননবা অমসুং অপুনবগী ওইনা থৌরাং তৌবা ঙম্নবা মালেমগী হকশেলগী ফিবম শেমগৎনবা ঙাক্লৌ অমা শেম্নবা য়ানবা পুরক্নবা অমসুং লম্বী শেম্নবা ভারতনা ইন্তরগভর্নমেন্তেল নেগোসিয়েতিং বোদি(আই.এন.বি) অমসুং ইন্তরনেসনেল হেল্থ রিগুলেসন(আই.ঐচ.আর)গী থবকশিং পায়খৎলি।
মহাক্কী ৱারোল লোইশিল্লকপদা য়ুনিয়ন হেল্থ সেক্রেতরিনা হায়খি তুংকোইনা চাউখৎনবগী হকশেল অসি তঙাইফদবা অমা অমা হকশেল অমসুং নুংঙাইনা হিংবা অসি পুক্নিং থৌগৎনবা অপুনবা ওইনা থবক পায়খৎনবা মহাক্না মেম্বর লৈবাকশিংদা তকশিনখি। মহাক্না হায়খি অপুনবা ওইনা, ঐখোয় মাঙলোমদা চঙশিল্লসি অমসুং মীওই খুদিংমক্কী অফবা তুংলমচৎ অমা শেম্লসি।
মীফম অদুদা য়ুনিয়ন হেল্থ মিনিস্ত্রিগী এদিসনেল হেল্থ সেক্রেতরি হেকালি জিমোমি, য়ুনিয়ন হেল্থ মিনিস্ত্রিগী এদিসেনেল সেক্রেতরি অমসুং মেনেজিং দিরেক্তর(এন ঐচ এম) অরাধানা পাতনাইক অমসুং য়ুনিয়ন হেল্থ মিনিস্ত্রিগী অতোপ্পা সেনিয়র ওফিসিএলশিং শরুক য়াখি।
****
(Release ID: 2022194)
Visitor Counter : 22