ભારતમાં નેશનલ ટેલી-મેન્ટલ હેલ્થ પ્રોગ્રામે તેના ટેલી-માનસ ટોલ-ફ્રી નંબર પર 10 લાખથી વધુ કોલ્સ પ્રાપ્ત કર્યા છે, જે દરરોજ સરેરાશ 3,500 કોલ્સ સાથે નોંધપાત્ર સીમાચિહ્નરૂપ હાંસલ કરી છે. ભારત સરકાર દ્વારા ઓક્ટોબર 2022 માં સમગ્ર દેશમાં માનસિક આરોગ્ય સંભાળને વિસ્તારવા માટે શરૂ કરાયેલ કાર્યક્રમ, તમામ રાજ્યો અને કેન્દ્રશાસિત પ્રદેશોમાં 51 ટેલી-મેન્ટલ સેલનું સંચાલન કરે છે.

ટેલી-માનસ ટોલ-ફ્રી હેલ્પલાઈન નંબર 14416 અથવા 1-800-891-4416 બહુભાષી આધાર પૂરો પાડે છે, કૉલર અને માનસિક સ્વાસ્થ્ય નિષ્ણાતો વચ્ચે ક્રિયાપ્રતિક્રિયાની સુવિધા આપે છે.

ટેલી-માનસ હેલ્પલાઇન પરના કૉલ્સની સંખ્યામાં સતત વધારો જોવા મળ્યો છે જે ડિસેમ્બર 2022માં લગભગ 12,000 હતો જે મે 2024માં 90,000થી વધુ થયો છે. આ વધારો દેશમાં માનસિક સ્વાસ્થ્ય સેવાઓ પ્રત્યેની વધતી જતી જાગરૂકતા અને તેનો વધતો ઉપયોગ દર્શાવે છે. આ વધારો સતત રોકાણ અને માનસિક સ્વાસ્થ્ય પહેલના વિસ્તરણના મહત્વને પણ પ્રકાશિત કરે છે જેથી કરીને દરેક વ્યક્તિને તેઓને જરૂરી સમર્થન મળે તે સુનિશ્ચિત થઈ શકે..

માનસિક સ્વાસ્થ્ય સેવાઓનો ઉપયોગ કરનારાઓ માટે સતત સંભાળ અને સમર્થન સુનિશ્ચિત કરવા માટે, પ્લેટફોર્મ ફોલો-અપ માટે કૉલ-બેકને પણ સક્ષમ કરે છે. વર્તમાન માનસિક સ્વાસ્થ્ય સંસાધનોને જોડીને અને વ્યાપક ડિજિટલ નેટવર્કની સ્થાપના કરીને, ટેલી-માનસ દેશની માનસિક સ્વાસ્થ્ય જરૂરિયાતોને સંબોધવા માટે એક આવશ્યક પ્લેટફોર્મ બની ગયું છે.

માનસિક સ્વાસ્થ્ય સેવાઓને વિસ્તૃત કરવા અને સમગ્ર દેશમાં તમામ વ્યક્તિઓ અને પરિવારો માટે સમર્થન સુનિશ્ચિત કરવા માટે સરકારની પ્રતિબદ્ધતા, ખાસ કરીને સંવેદનશીલ વસ્તીને લક્ષ્યાંકિત કરીને, માનસિક સ્વાસ્થ્ય સંકટને પહોંચી વળવા માટે ભારતના ચાલુ પ્રયાસોમાં એક મહત્વપૂર્ણ સીમાચિહ્નરૂપ છે.

ઈ સંજીવની જેવી પહેલો સાથે એકીકરણ પ્લેટફોર્મની પહોંચ અને અસરકારકતાને વધુ વધારશે. જાગરૂકતા અને સુલભતાને પ્રોત્સાહન આપવાનું ચાલુ રાખીને, ટેલી-માનસ દેશ જે માનસિક સ્વાસ્થ્ય પડકારોનો સામનો કરી રહ્યો છે તેને સંબોધવામાં વધુ યોગદાન આપી શકે છે.

AP/GP/JD