মে ৬-১০,২০২৪ ফাওবা নিউ য়োর্কতা লৈবা য়ু.এন হেদক্বাতর্সতা পাংথোকখিবা য়ুনাইতেদ নেসন্স ফোরম ওন ফোরেস্ত(য়ু এন এফ এফ)কী ১৯শুবা মীফমদা ভারত শরুক য়াখ্রে। মীফম মনুংদা, উমং কন্নবা অমসুং উমং ঙাক-শেন্নবা ভারতনা পায়খৎলিবা থবকশিং অমসুং মসিনা মরম ওইদুনা হৌখিবা চহি ১৬দা উমংগী শরুক হেনগৎলকপগী মতাংদা ভারতনা পাউদমখ্রে। মালেমগী ওইনা, ২০১০ অমসুং ২০২০ গী মরক্তা চহিগী ওইনা উমংগী শরুক হেনগৎলকপদা ভারতনা অহুমশুবদা লৈরি।

মখল কয়াগী থৱায় পানবশিং অমসুং লম্লক্কী শা-উচেকশিং ঙাক-শেন্নবা লৈবাক অসিনা মরুওইনা লৌরিবশিং, ৱাইল্দলাইফ সেঙ্কচুরিশিং, নেসনেল পার্কশিং, তাইগর রিজার্বশিং, বাইওস্ফিয়ার রিজার্বশিং অমসুং অতোপ্পা লম্লক্কী শা-উচেকশিং লৈফম লিশিং কয়া ঙাক-শেনবা হেনগৎলক্লিবা অসিগী মতাংদা ভারতনা পাউদমখি। হন্দক ভারতনা প্রোজেক তাইগর চহি ৫০ মপুংফারকপা অমসুং প্রোজেক ইলিফেন্ত চহি ৩০ মপুংফারকপগী থৌরমশিং পাংথোকখিবগা লোয়ননা মখল কয়াগী থৱায় পানবশিং ঙাক-শেন্নবা ভারতনা পায়খৎলিবা থবকশিং খঙহনখি। মালেমগী থাক্তা মতেং পীনদুনা পুন্না থবক তৌমিন্নদুনা কৈ মখল তরেৎ ঙাক-শেন্নবা পান্দমদা ইন্তরনেসনেল বিগ কেত এল্লাইন্স শেমখিবা অদু ভারতনা থমখি।

মখা তানা ক্লাইমেত এক্সনগী থবকশিং মপাঙ্গল কনখৎহন্নবা পান্দমদা উ থাবা অমসুং মরু কোক্লবা উমংগী লমশিংদা উ থাবগী থবকশিংদা মতেং পাংনবা ‘গ্রিদ ক্রেদিদ প্রোগ্রাম; হৌদোক্নবা ৱাফম ভারতনা পুখৎখি।

হন্না, ওক্তোবর ২০২৩ দা, ভারতনা লুচিংদুনা দেহরাদুন্দা পাংথোকখিবা য়ু.এন.এফ.এফতা লৈবাক ৪০ অমসুং মালেমগী লুপ ২০গী মীহুৎশিং শরুক য়াখি অমসুং উমংদা লান্মৈ চাকপা কন্নবা অমসুং ফোরেস্ত সর্তিফিগেসনগী মতাংদা খন্নখি। মীফম অসিদা লৌখিবা ৱারেপশিং ভারতনা য়ু.এন.এফ.এফ ১৯দা পুখৎখি।

নিউ য়োর্কতা য়ু.এন.এফ.এফ ১৯দা এজেন্সি ফোর ইন্তগ্রেতেদ রুরেল ফাইয়ার মেনেজমেন্ত, পোর্তুগাল, কোরিয়া ফোরেস্ত সর্বিস অমসুং ইন্তরনেসনেল ত্রোপিকেল তিম্বর ওর্গনাইজেসনগা খুৎশম্নদুনা মিনিস্ত্রিনা শীন্দুনা লান্মৈ চাকপা কন্নবগী মতাংদা তোঙানবা থৌরম অমসু পাংথোকখি।

উমং কোকথোকপা অমসুং উমং মাঙশিল্লকপা থিংনবা অথুবা মতমদা থবকশিং পায়খৎনবা  অমসুং লম মাঙশিল্লকপা থিংনবা অমসুং গ্লোবেল ফোরেস্ত গোলশিং ফংনবা উমংগী মতাংদা য়ুনাইতেদ নেসন্সকী মরুওইবা থৌরাংশিং থবক ওইনা পাংথোক্নবা দিক্লারেসন অমগা লোয়ননা য়ু.এন.এফ.এফ ১৯ লোইশিনখ্রে।

ভারতকী মীহুৎ কাংবু অদু ভারত সরকারগী ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিগী দিরেক্তর জেনেরেল ফোরেস্ত অমসুং স্পিসিএল সেক্রেতরি শ্রী জিতেন্দ্র কুমারনা লুচিংখি।

********