ভাৰতীয় নিৰ্বাচন আয়োগ
ভাৰতীয় নিৰ্বাচন আয়োগে ৰাজনৈতিক দল আৰু তেওঁলোকৰ প্ৰতিনিধিক ছ’চিয়েল মিডিয়া প্লেটফৰ্মৰ দায়িত্বশীল আৰু নৈতিক ব্যৱহাৰৰ নিৰ্দেশনা দিছে
ভুল তথ্য আৰু কৃত্ৰিম বিষয়বস্তুৰ সৈতে মোকাবিলা কৰিবলৈ বৰ্তমানৰ আইনী কাঠামো বিশেষভাৱে ৰাজনৈতিক দলসমূহৰ দৃষ্টিগোচৰ কৰা হৈছিল
দলসমূহে তেওঁলোকৰ দৃষ্টিগোচৰ হোৱাৰ ৩ ঘণ্টাৰ ভিতৰত ভুৱা বিষয়বস্তু আঁতৰাব লাগিব
प्रविष्टि तिथि:
06 MAY 2024 6:47PM by PIB Guwahati
নিৰ্বাচনী প্ৰচাৰৰ বাবে ছ’চিয়েল মিডিয়া ব্যৱহাৰ কৰাৰ সময়ত ৰাজনৈতিক দলসমূহ /তেওঁলোকৰ প্ৰতিনিধিয়ে এমচিচি আৰু বিদ্যমান কিছুমান আইনী বিধান উলংঘা কৰাৰ প্ৰতি লক্ষ্য ৰাখি, আয়োগে আজি ৰাজনৈতিক দলসমূহক নিৰ্বাচনী প্ৰচাৰত ছ’চিয়েল মিডিয়াৰ দায়িত্বশীল আৰু নৈতিকভাৱে ব্যৱহাৰ কৰি সকলো অংশীদাৰৰ মাজত সমস্তৰৰ কৰ্মক্ষেত্ৰ নিশ্চিত কৰাৰ বাবে নিৰ্দেশনা জাৰি কৰিছে।
লিংক:
https://www.eci.gov.in/eci-backend/public/api/download?url=LMAhAK6sOPBp%2FNFF0iRfXbEB1EVSLT41NNLRjYNJJP1KivrUxbfqkDatmHy12e%2FztfbUTpXSxLP8g7dpVrk7%2FeVrNt%2BDLH%2BfDYj3Vx2GKWdqTwl8TJ87gdJ3xZOaDBMndOFtn933icz0MOeiesxvsQ%3D%3D
নিৰ্বাচনী প্ৰক্ৰিয়াৰ অখণ্ডতা বজাই ৰখাৰ প্ৰয়োজনীয়তাৰ ওপৰত গুৰুত্ব আৰোপ কৰি আয়োগে তথ্য বিকৃত কৰা বা ভুল তথ্য প্ৰচাৰ কৰা গভীৰ নকল সৃষ্টিৰ বাবে এআই ভিত্তিক সঁজুলিৰ অপব্যৱহাৰৰ বিৰুদ্ধেও দলসমূহক সকীয়াই দিছে। ইচিআইয়ে বৰ্তমানৰ আইনী বিধানসমূহ ৰাজনৈতিক দলসমূহৰ দৃষ্টিগোচৰ কৰিছে যি গভীৰ নকল ব্যৱহাৰ কৰি উপস্থাপন কৰা ভুল তথ্য আৰু ছদ্মবেশৰ ব্যৱহাৰৰ বিৰুদ্ধে নিয়ামক কাঠামো নিয়ন্ত্ৰণ কৰে। ইয়াৰ ভিতৰত আছে তথ্য প্ৰযুক্তি আইন, ২০০০ আৰু তথ্য প্ৰযুক্তি (মধ্যস্থতাকাৰী নিৰ্দেশনা আৰু ডিজিটেল মিডিয়া নৈতিকতা সংহিতা) নিয়ম ২০২১, ভাৰতীয় দণ্ডবিধি আৰু দুখন আইন ক্ৰমে জনপ্ৰতিনিধি আইন, ১৯৫০ আৰু ১৯৫১ৰ ব্যৱস্থাৱলী আৰু আৰ্হি আচৰণ বিধিৰ বিধানসমূহ।
বৰ্তমানৰ আইনী বিধানসমূহৰ প্ৰতি লক্ষ্য ৰাখি অন্যান্য নিৰ্দেশনাৰ লগতে দলসমূহক বিশেষভাৱে নিৰ্দেশ দিয়া হৈছে যে গভীৰ ভুৱা অডিঅ’/ভিডিঅ’ প্ৰকাশ আৰু প্ৰচাৰৰ পৰা বিৰত থাকিব লাগে, যিকোনো ভুল তথ্য বা স্পষ্টভাৱে মিছা, অসত্য বা বিভ্ৰান্তিকৰ প্ৰকৃতিৰ তথ্য প্ৰচাৰ কৰিব নালাগে, মহিলাৰ প্ৰতি অপমানজনক বিষয়বস্তু পোষ্ট কৰাৰ পৰা বিৰত থাকিব লাগে, অভিযানত শিশুক ব্যৱহাৰ কৰাৰ পৰা বিৰত থাকিব লাগে, হিংসা বা জীৱ-জন্তুৰ ক্ষতিৰ চিত্ৰণ এৰাই চলিব লাগে।
দলসমূহক নিৰ্দেশ দিয়া হৈছে যে এনে যিকোনো বিষয়বস্তু তেওঁলোকৰ দৃষ্টিলৈ অনাৰ তিনি ঘণ্টাৰ ভিতৰত তৎকালীনভাৱে আঁতৰাই পেলাব লাগে, তেওঁলোকৰ দলৰ দায়িত্ববাহী ব্যক্তিজনক সকীয়াই দিব লাগে, সংশ্লিষ্ট প্লেটফৰ্মত অবৈধ তথ্য আৰু ভুৱা ব্যৱহাৰকাৰী একাউণ্টৰ ৰিপৰ্ট দিব লাগে, আৰু স্থায়ী সমস্যাসমূহ তথ্য প্ৰযুক্তি (মধ্যস্থতাকাৰী নিৰ্দেশনা আৰু ডিজিটেল মিডিয়া নৈতিকতা সংহিতা) নিয়ম, ২০২১ৰ নিয়ম ৩এৰ অধীনত অভিযোগ আপীল সমিতিলৈ তৎক্ষণাৎ পঠিয়াব লাগে।
**********
DK/RP
(रिलीज़ आईडी: 2019798)
आगंतुक पटल : 164
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Hindi_MP
,
Marathi
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam