ত্রান্সপরেন্সীগী কলচর য়োকখৎনবা অমসুং দেমোক্রেতিক ওইবা লৈবাকশিংগী মরক্তা ইলেক্তোরেল প্রেক্তিসশিংগী অৱাংবা স্তেন্দর্দশিং থম্নবা ফিরেপ নৌনা ফোঙদোক্লদুনা ইলেক্সন কম্মিসন ওফ ইন্দিয়া (ECI)গী চৎনবী ঙাক্না থম্বা ওইনা লৈবাক 23গী মহুৎ শিল্লিবা মীহুৎ 75না ইন্তর্নেসনেল ইলেক্সন ভিজিতর্স প্রোগ্রাম (IEVP)গী শরুক ওইনা ভারতকী জেনরেল ইলেক্সনশিং উবা ফংলগনি। ঙসিগী থৌরম অসি CEC শ্রী রাজিব কুমার অমসুং ECশিং শ্রী জ্ঞানেশ কুমার অমসুং শ্রী সুখবির সিংহ সন্ধু য়াওদুনা নই দিল্লীদা হৌদোকখি।

চীফ ইলেক্সন কম্মিস্নর শ্রী রাজীব কুমারনা মীহুৎশিং অদুদা ৱা ঙাংলদুনা হায়খি মদুদি ভারতকী ইলেক্সন স্পেস অমসুং ইলেক্সন কম্মিসন ওফ ইন্দিয়ানা পাইখৎলিবা থবকশিং অসিনা মালেমগী দেমোক্রেতিক স্পেসকী মরুওইবা শরুক অমা ওইরি। প্রোসেস অমসুং কেপাসিতীগী মতাংদা, মসিবু "দিমোক্রেতিক সর্প্লস" হায়না কৌবা য়াবা অসি মালেম শিনবা থুংনা লৈরিবা দেমোক্রেসী স্পেসশিং অসি পীথরকপা নৎত্রগা হন্থরকপগী মরমদা কন্না খন্নবা অসি য়াম্না মরুওইরক্লি।

শ্রী কুমারনা মখা তারদুনা হায়খি মদুদি ভারতকী ইলেক্সন স্পেস অসি অখন্নবা অমনি, মরমদি ইলেক্তোরেল রেজিস্ত্রেসন তৌবগা লোয়ননা ভোৎ থাদবা অসিসু মথৌ তাদে। মরম অসিনা, ECI না মপুং ফানা পর্স্যুএতিব স্পেস অমদা থবক তৌগদবনি। প্রজাশিংদা ইলেক্তোরেল রোলদা ভোলুন্তরী ওইনা য়াওজগদবনি অমসুং মতুং তারকপদা, সিস্তেমেতিক ওইবা ভোতর এৱেরনেস প্রোগ্রামগী খুত্থাংদা মখোয়বু ভোৎ থাদনবগীদমক পুক্নিং থৌগৎকদবনি। মহাক্না হায়খি, "ঐখোয়না পাইখৎলিবা প্রোসেসশিংগী ক্রিদিবিলিতী অসি মীখলদা শরুক য়াবগী চাং অমসুং ইলেক্তোরেল রোলশিং অসি ইলেক্তোরর-পোপুলেসন রেসিওগী মতুং ইন্না সেচুরেসনগী ময়াদা লৈ হায়বা অসিদা ভেলিদেৎ তৌই।"

ভারত্তা পাঙথোক্কদৌরিবা মীখলগী থৌরমগী মতাংদা মহাক্না হায়খি মদুদি লৈবাক শিনবা থুংনা লৈরিবা পোল্লিং স্তেসন মিলিয়ন অমগী মনুংদা পোল্লিং পর্সনেল মিলিয়ন 15না য়াম্লবা ইলেক্তোরেত মিলিয়ন 970বু তরাম্না ওক্লগনি। শ্রী কুমারনা মখা তাখি মদুদি লৈবাক অসিগী ইলেক্তোরেতকী দাইভর্সিতী অসি মীখলগী কেন্দ্রশিংদা লাকপা মীহুৎশিংনা মপুং ফানা উবা ফংলি। ভারত অসি কুহ্মৈশিংগী লৈবাক্নি হায়না মহাক্না মখা তাখি অমসুং দেলিগেৎশিংবু দেমোক্রেসীগী কুহ্মৈ অসি হকথেংননা থেংননবা কৌখি।

থৌরম অসিগী নাকলদা কম্মিসন অসিবনা কাজখস্তান, উজবেস্কিস্তান অমসুং নেপালগী চীফ ইলেক্সন কম্মিসনরশিং য়াওদুনা মখোয়গী দেলিগেৎশিংগী বাইলেতরেল মীফমশিং পাঙথোকখি।

মমাংদা, EVM-VVPAT, IT গী খোংথাংশিং, মীদিয়া অমসুং সোসিএল মীদিয়াগী থৌদাং য়াওনা ভারতকী জেনরেল ইলেক্সন 2024গী তোঙান তোঙানবা হিরমশিংগী মতাংদা দেলিগেৎশিংদা পাউদমখি। সেনিয়র দিপুতি ইলেক্সন কম্মিস্নর শ্রী ধর্মেন্দ্র শর্মনা লুচিংদুনা পাঙথোকখিবা ব্রিফিং সেসন অদুদা সিনিয়র দিপুতি ইলেক্সন কম্মিস্নর শ্রী নিতেশ কুমারনা EVM-VVPATগী মতাংদা প্রজেন্তেসন অমা পীবগা লোয়ননা দিপুতি ইলেক্সন কম্মিস্নর শ্রী আর.কে. গুপতানা মীখলগী মরাংদা শম্লপ্পা ৱারোল অমা পীবা য়াওখি। ECIগী IT ইনিসিএতিবশিংগী মতাংদা দিরেক্তর জেনরেল (IT) অমসুং মিদিয়া অমসুং সোসিএল মীদিয়া, কুমারি নীতা ভর্মনা প্রজেন্তেসন অমা পীখি, সেসন অসিদা জোইন্ত দাইরেক্তর (মিদিয়া) শ্রী অনুজ চান্দকসু শরুক য়াখি।

মীহুৎ কাংবুশিং অসি মহারাস্ত্র, গোৱা, গুজরাত, কর্নাতকা, মধ্য প্রদেশ অমসুং উত্তর প্রদেশকী রাজ্য তরুক্তা তোঙান তোঙানবা কন্সতিত্যুএন্সিশিংদা মীখল পাঙথোকপা অমসুং মসিগা মরী লৈনবা শেম-শাবা য়েংশিন্নবা চৎকনি। প্রোগ্রাম অসি 2024গী মে 9দা লোইশিনগনি। প্রোগ্রাম অসিনা মপান লৈবাক্কী EMB দেলিগেৎশিংবু ভারতকী ইলেক্তোরেল সিস্তেমগী মওং-মতৌগা লোয়ননা ভারতকী মীখলদা খ্বাইদগী ফবা থৌওংশিংগী মতাংদা খঙহনগনি।

চহি অসিদা, হৌজিক চত্থরিবা 2024গী লোক সভা মীখলগী পাক চাউবা অমসুং মগুনগা চান্ননা, লৈবাক 23 হায়বদি ভুতান, মঙ্গোলিয়া, ওস্ত্রেলিয়া, মাদাগাস্কার, ফিজি, কির্গিজ রিপব্লিক, রসিয়া, মোলদোভা, তুনিসিয়া, সেশেলস, কম্বোদিয়া, নেপাল, ফিলিপিন্স, শ্রী লঙ্কা, জিম্বাবৱে, বাংলাদেশ, কাজাখস্তান, জোর্জিয়া, চিল্লি, উজবেকিস্তান, মাল্দীব, পাপুয়া ন্যু গিনি অমসুং নামিবিয়াদগী তোঙান তোঙানবা ইলেক্সন মেনেজমেন্ত বোদীশিং (EMBশিং) অমসুং ওর্গনাইজেসন কয়াগী মহুৎ শিন্দুনা খ্বাইদগী চাউবা দেলিগেসন অমা থৌরম অসিদা শরুক য়ারি। ইন্তর্নেস্নেল ফাউন্দেসন ফোর ইলেক্তোরেল সিস্তেম (IFES)গী মেম্বরশিং অমসুং ভুতান অমসুং ইজরেলগী মীদিয়া তীমশিংসু শরুক য়াগনি।

***