২০২৫বৰ্ষৰ গণতন্ত্ৰ দিৱসত ঘোষণা কৰিবলগীয়া পদ্ম বঁটা ২০২৫ৰ বাবে অনলাইন মনোনয়ন/পৰামৰ্শ প্ৰক্ৰিয়া  আজিৰ পৰা আৰম্ভ হৈছে। পদ্ম বঁটাৰ বাবে মনোনয়নৰ অন্তিম তাৰিখ হৈছে ১৫ছেপ্টেম্বৰ, ২০২৪। পদ্ম বঁটাৰ বাবে মনোনয়ন/পৰামৰ্শসমূহ ৰাষ্ট্ৰীয় পুৰস্কাৰ পৰ্টেলত (https://awards.gov.in) অনলাইনযোগে গ্ৰহণ কৰা হ'ব।

পদ্ম বিভূষণ, পদ্মভূষণ আৰু পদ্মশ্ৰী বঁটা দেশৰ সৰ্বোচ্চ অসামৰিক সন্মানৰ ভিতৰত অন্যতম। ১৯৫৪ চনৰ পৰা প্ৰদান কৰি অহা এই বঁটা প্ৰতি বছৰে গণতন্ত্ৰ দিৱস উপলক্ষে ঘোষণা কৰা হয়। 'উল্লেখনীয় কাম'ৰ স্বীকৃতিস্বৰূপে এই বঁটাৰে সন্মানিত কৰা হয়। পদ্ম সন্মান কলা, সাহিত্য আৰু শিক্ষা, ক্ৰীড়া, ঔষধ, সামাজিক কাম, বিজ্ঞান আৰু অভিযান্ত্ৰিক, ৰাজহুৱা পৰিক্ৰমা, অসামৰিক সেৱা, বাণিজ্য আৰু উদ্যোগ ইত্যাদি সকলো ক্ষেত্ৰ/শাখাত বিশিষ্ট আৰু ব্যতিক্ৰমী সাফল্য/সেৱাৰ বাবে প্ৰদান কৰা হয়।

পদ্ম পুৰস্কাৰক সাধাৰণ মানুহৰ পুৰস্কাৰলৈ ৰূপান্তৰ কৰিবলৈ চৰকাৰ প্ৰতিশ্ৰুতিবদ্ধ। সেয়েহে, সকলো নাগৰিকক মনোনয়ন/পৰামৰ্শৰ বাবে অনুৰোধ কৰা হৈছে। এগৰাকী নাগৰিকে নিজেও মনোনয়ন দাখিল কৰিব পাৰে। মহিলা, সমাজৰ দুৰ্বল শ্ৰেণী, অনুসূচীত জাতি আৰু অনুসূচীত জনজাতি, দিব্যাংগ ব্যক্তি আৰু সমাজৰ প্ৰতি নিস্বাৰ্থ সেৱা কৰি থকা লোকসকলৰ মাজৰ পৰা এনে প্ৰতিভাশালী ব্যক্তিসকলক চিনাক্ত কৰাৰ বাবে সমন্বিত প্ৰচেষ্টা কৰা হ'ব পাৰে যাৰ উৎকৰ্ষতা আৰু সফলতা সঁচাকৈয়ে স্বীকৃত হোৱাৰ যোগ্য।

মনোনয়ন/পৰামৰ্শবোৰত ওপৰোক্ত পৰ্টেলত উপলব্ধ ফৰ্মেটত নিৰ্ধাৰিত সকলো প্ৰাসঙ্গিক বিৱৰণ থাকিব লাগিব।এই সন্দৰ্ভত গৃহ মন্ত্ৰালয়ৰ ৱেবছাইট (https://mha.gov.in) আৰু পদ্ম সন্মান পৰ্টেলত (https://padmaawards.gov.in) 'বঁটা আৰু পদক' শীৰ্ষক শিৰোনামত সমস্ত বিৱৰণ উপলব্ধ হব। এই বঁটাসমূহৰ সৈতে সম্পৰ্কিত নিয়মাৱলী ৱেবছাইটত https://padmaawards.gov.in/AboutAwards.aspx  লিংকত উপলব্ধ।

**************

RK/VV/ASH/PS/KG