মীখলগী থৌরাংশিংদা পি.ভি.তি.জি. (পার্তিকুলরলি ভলনরেবল ত্রাইবেল গ্রুপ)শিং অমসুং অতোপ্পা ত্রাইবেল গ্রুপশিংবু শরুক য়াহন্নবা ই.সি.আই.না চহি অনিরোম অসিদা  হোৎনরকপা থৌরাংশিং মহৈ য়াল্লদুনা তোঙান-তোঙানবা রাজ্য/য়ু.তি.শিংগী ত্রাইবেল গ্রুপশিংনা জি.ই. ২০২৪ গী ফেজ ১ অমসুং ফেজ ২ দা পোলিং স্তেসনশিংদা পুক্নিং চঙনা শরুক য়াখি। পুৱারীদা লৈহৌরগদবা খোঙথাং অমা ওইনা গ্রেত নিকোবারগী  শোম্পেন ত্রাইবশিংনা ইহান হানবা ওইনা জেনরেল ইলেক্সন্দা শরুক য়াখি।

ইলেক্সন কম্মিসন ওব ইন্দিয়ানা পি.ভি.তি.জি.শিংবু মীখলগী থৌওংদা শরুক য়াহন্নবা হোৎনরকপা থৌরাংগা লোইননা হৌখিবা চহি অনিরোম অসিদা মখোয়বু ভোতর ওইনা মিং চন্নবা অমসুং ভোতিং প্রোসেসতা শরুক য়াহন্নবা হোৎনরকখি। ইলেক্তোরেল রোলশিং অপদেত তৌনবগী অখন্নবা সম্মেরী রিভিজনগী মনুংদা, অখন্নবা আউৎরিচ কেম্প কয়া অমা অখন্নবা রাজ্যশিং হায়বদি পি.ভি.তি.জি.শিংনা লৈরিবা মফমশিংদা মখোয়বু ইলেক্তোরেল রোলদা হাপ্নবগীদমক পাঙথোকখি। মসিমসু নীংশিংবা য়াই, স্পেসল সম্মেরী রিভিজন ২০২৩গী নেসনেল লেভেল লঞ্চকী পুনেদা নবেম্বর ২০২২ দা পাঙথোকখিবা প্রেস কনফরেন্স অমদা সি.ই.সি. শ্রী রজিব কুমারনা কম্মিসন অসিনা পি.ভি.তি.জি.শিংবু মিং চন্নবা অমসুং লৈবাক অসিগী চাউথোকচনিংঙাই ওইরবা ভোতর অমা ওইনা শক্তি পীনবগী আউৎরিচ অমসুং ইন্তর্ভেন্সন কয়াদা মীৎয়েং থম্বগী মতাংদা ফোঙদোকখি।

পি.ভি.তি.জি.- এম.পি.দগী বাইগা ত্রাইব অমসুং গ্রেত নিকোবারদগী শোম্পেন ত্রাইব

অখন্নবা রাজ্যশিংদগী স্নেপশোতশিং

মধ্য প্রদেশ

রাজ্য অসিদা মমিং ওইনা পল্লবদা বাইগা, ভারিয়া অমসুং শহারিয়া হায়বা পি.ভি.তি.জি. পুন্না অহুম লৈ। জিলা ২৩দা লৈবা মীওই মশীং ৯,৯১,৬১৩ গী মনুংদা ৬,৩৭,৬৮১ দি ১৮+ ইলিজিবল সিতিজেন ওইরে অমসুং মখোয় পুম্নমক ইলেক্তোরেল রোলদা মিং চল্লে। রাজ্য অসিদা পাঙথোকখিবা তাংকক অনিগী ভোত্তা, বাইগা অমসুং ভারিয়া ভোতরশিংগী মরক্তা পুক্নিং লাংতক্নবগা লোইননা পোল্লিং স্তেসন্দা অয়ুক অঙনবদা য়ৌরক্তুনা ভোত থাদনবগীদমক মখোয়গী তাঞ্জা ঙাইনখি অমসুং গনতন্ত্রগী চাউরবা কুমহৈ অসিদা শোইদনা শরুক য়ানবা হোৎননখি।

ত্রাইবেল গ্রুপশিংবু তরাম্না ওক্নবগীদমক ত্রাইবেল থিমদা য়ুম্ফম ওইবা পোল্লিং স্তেসনশিং লিংখৎখি, দিন্দোরি, এম.পি.দা মখোয় মশানা পোল্লিং স্তেসনশিং লৈতেং হাপচখি।

দিন্দোরি, এম.পি.গী পোল্লিং স্তেসন

কর্নাতাকা

কর্নাতাকাগী নোংচুপ অমসুং খা থংবা মফমশিং অসি পি.ভি.তি.জি.শিং জেনু কুরুবা অমসুং কোরাগানা লৈবা মফমশিংনি। জেনরেল ইলেক্সনগী মমাংদা, সি.ই.ও. কর্নাতাকাগী ওফিসনা সোসিএল অমসুং ত্রাইবেল ৱেলফিয়র দিপার্তমেন্তশিংগা খুৎশম্নদুনা মিং চনবা য়ারবা পি.ভি.তি.জি.শিংবু ১০০% মিং চন্নবা হোৎনখি। জিল্লা অমসুং এ.সি.গী থাক্তা লৈবা ত্রাইবেল ৱেলফিয়র কম্মিতীশিং শেমখি, মখোয়না তোইনা উন্নদুনা মখোয় পুম্নমক মিং চন্নবা অমসুং মীখলগী মতাংদা পি.ভি.তি.জি.শিংবু ভাপ তাহন্নবা হোৎনখি। মীখলগী ওফিসিএলশিংনা হায়রিবা মফমশিং অসিদা মিং চনবগী চাং হেনগৎনবগীদমক অমসুং মীখলদা শরুক য়াহন্নবগীদমক চৎখি। অপুনবা মীশিং অসিদা পি.ভি.তি.জি. ৫৫৮১৫ লৈ, মসিগী মনুংদা ১৮+ ওইবনা ৩৯৪৯৮নি অমসুং মখোয় পুম্নমক ইলেক্তোরেল রোলদা মিং চল্লি। পোল্লিং স্তেসন ৪০ না অখন্নবা ত্রাইবেল থিমদা লিংখৎখি, মসি হায়রিবা ভোতরশিং অসিবু মীখলগী নুমিত্তা ভোত থাদনহন্নবগী থৌরাং অমনি।

কেরলা

কেরলাদা, কম্ম্যুনিতী মঙাবু পি.ভি.তি.জি.শিংনি হায়না খাইদোক্লি। মখোয়শিং অদুদি কসরগোদ জিল্লাগী কোরাগা, মলাপুরম জিল্লাগী নিলম্বুর তম্পাক্কী চোলানাইক্যান, পল্লাকদ জিল্লাগী অত্তাপদিগী কুরুম্বার, পলাকদ অমসুং থ্রিসুর জিল্লাগী পরম্বিকুলগী কদর, ৱায়ানাদ, কোঝিকোদে, মলাপুরম অমসুং পলাকদ জিল্লাগী কত্তুনায়কান্নি। মফমশিং অসিদা অপুনবা ওইনা মার্চ ৩১, ২০২৪ ফাওবদা মীশিং ৪৭৫০ লৈ, মসিগী মনুংদা ৩৮৫০ দি মায় পাক্না অখন্নবা কেম্পেনশিং অমসুং রেজিস্ত্রেসন কেম্পশিংগী খুত্থাংদা ইলেক্তোরেল রোলদা মিং চনখ্রে। মীখলগী নুমিত্তা পুথোক পুশিন তৌনবগী থৌরাংসু ইলেক্তোরেল লিতরেসি ক্লব অমসুং চুনাব পাথসালাশিংনা পীখি।

য়াম্না নুংশিরবা খোঙথাং অমা ওইনা মী চঙনবা য়াবা উমংদা পুং কয়া চৎলগা য়ৌগদবা মফমশিংদা  কুরুম্বা ত্রাইবেল ভোতরশিংনা গারীনা চত্থোক চৎসিনগী পাম্বৈ পীরদুনা সাইলেন্ত ভেল্লী, কেরলাগী মুকালি লমদমগী পোল্লিং ভুথশিংদা য়ৌনবা হোৎনবীখি। চহি ৮০ অমসুং ৯০ য়ৌরবা ত্রাইবেল ভোতর কয়ানা গনতন্ত্রগীদমক খুদম ওইরদুনা ভোত থাদখি অমসুং অতৈ কয়া অমদা ইথীল পীখি। ভোতর ৮১৭গী মনুংদা ৪১৭দি নুপী ওইখি।

ত্রিপুর

রিয়াং হায়বসি ত্রিপুরাদা লৈবা মশাগী ওইবা মশক তোঙান্না লৈজবা ত্রাইবেল গ্রুপশিংগী মরক্তা অমনি। মখোয়না রাজ্যগী এসেমব্লী কন্সতিত্যুএন্সীগী চাউরবা শরুক অমা কোল্লদুনা ধালাই, অৱাং, গোমতি অমসুং খা ত্রিপুর জিল্লাশিংগী মনুং হুৎচিনবা অমসুং চীংগী মফমশিংদা লৈ। রিয়াং কম্মুনিতী হায়রগসু খঙনবা ব্রু কম্ম্যুনিতী অসিনা মিজোরমদগী ত্রিপুরা হোংখি অমসুং হৌজিক্না লৈঙাক্না পীবা লৈফমশিংদা লৈরি।

ওদিশা

ওদিশা অসিসু পার্তিকুলরলি ভলনরেবল ত্রাইবেল গ্রুপ (পি.ভি.তি.জি.শিং) ১৩ হায়বদি পৌদি ভুইয়া, জুৱাং, সৌরা, লাঞ্জিয়া সৌরা, মঙ্কির্দিয়া, বির্হোরে, কুতিয়া কোন্ধা, বোন্দো, দিদায়ি, লোধা, খারিয়া, চুকুতিয়া ভুঞ্জিয়া, দোঙ্গোরিয়া খোন্দনা অপুনবা ওইনা ঈশিং ২,৬৪,৯৭৪ লৈবা রাজ্য অমনি।

কন্না হোৎনবা অমসুং মিং চনবগী দ্রাইবশিং চৎথবগা লোইননা, পি.ভি.তি.জি.শিং ১৮৪২৭৪ গী ১০০% মিং চনবগী থবক লোইখ্রে। ভাপ তাহনবগী থবক কয়া অমা চাং নাইনা মীখলদা শরুক য়াহন্নবা পাঙথোক্লি অমসুং ভোতরশিংবু মঙাল পীনবা কন্তেন্ত কয়া অমা লমদম অদুগী লোলদা শেম্লি। অখন্নবা মিং চনবগী দ্রাইবকা লোইননা, মখল কয়াগী নাৎকী ফোল্ক আর্ত অমসুং মীয়াম পুম্বগী হবকশিং পায়খৎপনা পি.ভি.তি.জি.শিং ১০০% মিং চনবদা মতেং ওইখি। লমদম অদুগী লোলদা শানবা লম্বী লিলা অমসুং পালা অমসুং দস্কাথিয়াগুম্বা নাৎকী কুমহৈনসু ভোতর এজুকেসন অমসুং ভাপ তাহনবদা মতেং ওইখি।

মীয়াম্বু ভাপ তাহন্নবা মোবাইল দেমোন্সত্রেসনগী গারী কয়া পি.ভি.তি.জি.শিংগী মফমশিংদা থাদখি অমসুং পি.ভি.তি.জি. ২০,০০০ হেনবনা মোক পোলদা মখোয়বু মীখলগী থৌওং খুৎলোইননবগীদমক শরুক য়াখি। লমদম অদুগী লোলদা ফক্লাংদা য়েকপনা অকোইবদা মগুন হাপ্পদা নত্তনা "শোইদনা ভোত থাদবা" অমসুং "ঐহাক্কী ভোত অসি লৈবা য়াবা নত্তে" হায়বনচিংবা পাউজেলশিংদা শক্তি হাপখি।

ওদিশাগী পৌদি ভুয়ান ত্রাইব (পি.ভি.তি.জি.শিং)গী ভোতরশিংনা নাৎকী ওইবা থৌরমশিং বোনাই জিল্লাগী ওফিসিএলশিংনা হোৎনদুনা পাঙথোকখি।

থিমদা য়ুম্ফম ওইবা পোল্লিং বুথ ৬৬৬ মখোয়গী মফমশিংদা শেমখি, চত্থোক চৎশিনগী পল লৌথোকখি অমসুং মখোয়না য়ৌবা য়াবা মফমশিংদা মীখলগী থবকশিং পায়খৎখি। রাজ্য অসিদা মীখলগী মতম অসি লাক্কদবা তাংককশিংদা চত্থগনি (ফেজ ৪-৭)।

বিহার

বিহারদা, পি.ভি.তি.জি. মঙানা মাল পহারিয়া, সৌরিয়া পহারিয়া, পহারিয়া, কোর্ৱা, অমসুং বির্হোরনা জিল্লা তরাদা মীশিং ৭৬৩১ লৈ। ভোত থাদবা য়ারবা ৩১৪৭ না ১০০% মিং চনখিবগা লোইননা, 'মতদাতা আপিল পত্র' য়াওনা পাক চাউবা কেম্পেনশিং লাক্কদৌরিবা মীখলশিং অসিদা শরুক য়ানবগীদমক হৌদোকখি।

ঝার্খন্দ

ঝার্খন্দদা ত্রাইবেল গ্রুপ ৩২ লৈ, মখোয়গী মনুংদা ৯ না পি.ভি.তি.জি. মমিং ওইনা পল্লবদা অসুর, বির্হোর, বির্জিয়া, কোর্ৱা, মাল পহারিয়া, পহারিয়া, সৌরিয়া, পহারিয়া, বাইগা অমসুং সভরগী মনুং চল্লি। এস.এস.আর. ২০২৪গী মনুংদা অখন্নবা কেম্পেনশিং ঝার্খন্দগী পি.ভি.তি.জি.শিংনা লৈরিবা অয়াম্বনা চীংগী মফমশিং অসিদা পাঙথোকখি, মসিনা ৬,৯৭৯ মিং চলহনখি, অপুনবা ওইনা ১৮+ কী মীওই ১৬৯২৮৮ পু ইলেক্তোরেল রোলদা মিং চলহনখি। অপুনবা পি.ভি.তি.জি.গী মশীং অসি ২৫৮২৬৬ ওইরি।

গুজরাত

কোলঘা, কথোদি, কোত্বালিয়া, পধার, সিদ্দি অসি গুজরাতকী জিল্লা ১৫দা লৈবা পি.ভি.তি.জি.শিংনি। অপুনবা ওইনা ৮৬,৭৫৫ না ইলেক্তোরেল রোলদা মিং চনবগা লোইননা রাজ্য অসিদা লৈবা পি.ভি.তি.জি.শিংগী ১০০% মিং চনবা হায়বদু ওইরে। গুজরাত অসি জেনরেল ইলেক্সন ২০২৪গী অহুমশুবা তাংকক্কী মীখল মনুং চল্লি।

তমিল নাদু

তমিল নাদুদা, পি.ভি.তি.জি. তরুক লৈ, মমিং ওইনা পল্লবদা, কুত্তুনায়াকন, কোতা, কুরুম্বা, ইরুলার, পনিয়ান, তোদা, মসিনা অপুনবা মীশিং ২২৬৩০০ ওই। ১৬২০৪৯ গী মনুংদগী, ১৮+ পি.ভি.তি.জি.শিংগী ১৬১৯৩২ না মিং চনখ্রে। মপুং ওইবা কেম্পেন্না জিল্লা ২৩দা চত্থরদুনা পি.ভি.তি.জি.শিংবু শরুক য়াহন্নবা হোৎনরি, মসিদা কোইম্বেতোর, নিল্গিরি, অমসুং তিরুপথুরগুম্বা মফমশিংদা মীৎয়েং থম্লি।

থৱাই য়াওবা ভোতরশিংনা পোল্লিং স্তেসনশিংদা তোঙান-তোঙানবা পাম্বৈশিং হায়বদি অশুকপা উমং, ঈশিং লম্বীশিং অসিনচিংবদগী লাক্নরি, অমসুং মখোয়না লোক সভা মীখল অসিদা শরুক য়ানবা হোৎনরি।

ছতিশগর

অপুনবা ওইনা মীশিং ১৮৬৯১৮ লৈবগা লোইননা, পি.ভি.তি.জি. মঙা ছতিশগরদা লৈ, মমিং ওইনা পল্লবদা অবুঝমাদিয়া, বাইগা, বির্হোর, কমার, অমসুং পহাদি কোর্ৱানি। ১৮+ ভোতর মশীং অসিনা ১২০৬৩২ ওইরি অমসুং মখোয় পুম্নমক্না ইলেক্তোরেল রোলশিংদা মিং চল্লি।

মখোয়বু মীখলগী থৌওংদা শরুক য়াহন্নবগীদমক থৌরাং কয়া অমা পায়খৎখ্রে। মসিদা গরিয়াবন্দদা ভোতর এজুকেসন কেম্পেন তৌবা, কঙ্কেরদা অহেনবা গারী পীবা অমসুং কবিরধাম জিল্লাদা ত্রাইবেল থিমগী মখাদা অকোইবদা কায়দবা পোল্লিং স্তেসনশিং শেম্বা অমসুং ৱা, লৈ, উনাশিংনা লৈতেংলদুনা তুং কোইনা চৎপা য়াবা প্লাস্তিক য়াওদবা পোৎলমশিং শীজিন্নরি।

য়াম্না শীংথানিংঙাই ওইবা মওংদা, ইপিক কার্দ ১০০% য়েন্থোকপগী থবকশিং পায়খৎখি অমসুং "চুনাই মদাই" কুমহৈ মহাসমুন্দ জিল্লাদা পাঙথোকপনা ত্রাইবশিংগা শম্নহল্লি।

অকোইবদা অকায়বা পীদবা পোল্লিং স্তেসনশিং রাজনন্দগাও পি.সি.গী কবিরধাম জিল্লাদা

মহাসমুন্দ পি.সি.- কুহাদিঘাত খুঙ্গং, গরিয়াবন্দ জিল্লা – কমার পি.ভি.তি.জি.

বেকগ্রাউন্দ

ভারত্তা ত্রাইবেল মীয়াম ৮.৬% লৈ, মসিদা ত্রাইবেল গ্রুপ ৭৫ য়াওরি, মখোয়শিং অসি পার্তিকুলরলি ভলনরেবল ত্রাইবেল গ্রুপ (পি.ভি.তি.জি.) ওইরি। অনৌবা পোলিং বুথকী মফমশিং অসিনা পি.ভি.তি.জি.শিংবু মশীং য়াম্না শরুক য়াবা ঙমহল্লি। মমাংগী রাজ্যগী লেজিস্লেতিব এসেমব্লী মীখল ১১ দা, পি.ভি.তি.জি. কম্ম্যুনিতী ১৪ মমিং ওইনা পল্লবদা কমার, ভুঞ্জিয়া, বাইহা, পহাদি কোর্ৱা, অবুঝমাদিয়া, বির্হোর, সহারিয়া, ভারিয়া, চেঞ্চু, কোলম, থোতি, কোন্দারেদী, জেনু কুরুবা অমসুং কোরাগাদগী ভোতর লাখ ৯ না শরুক য়াখি। কম্মিসন অসিগী অখন্নবা থৌরাংনা হায়রিবা রাজ্যশিং অসিদা পি.ভি.তি.জি. ১০০% মিং চলহনখি। 

***************