প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা মহাভীর জয়েন্তিগী য়াইফরবা থৌরমদা 2550শুবা ভগৱান মহাভীর নির্বান মহোৎসব হৌদোকখ্রে। শ্রী মোদীনা ভগৱান মহাভীরগী মুর্তিদা চেং অমসুং লৈ কৎতুনা ইকাই খুম্নবা উৎখি অমসুং “বর্তমান মে বর্তমান” কৌবা ভগৱান মহাভীর স্বামীগী মতাংদা স্কুলগী অঙাংশিংনা খুদোল তম্বা জগোইগী দ্রামা অমসু মীৎয়েং তাখি। প্রধান মন্ত্রিনা কম্মেমোরেতিব স্তাম্প অমসুং শেনয়েক ফোঙখি।

থৌরম অদুদা ৱা ঙাংলদুনা প্রধান মন্ত্রীনা হায় মদুদি ফজরবা ভারত মন্দপমনা ঙসি 2550শুবা ভগৱান মহাভীর নির্বান মহোৎসব উবা ফংলি। “বর্তমান মে বর্তমান” কৌবা ভগৱান মহাভীর স্বামীগী মতাংদা স্কুলগী অঙাংশিংনা খুদোল তম্বা জগোইগী দ্রামা অদুগী মতাংদা পল্লদুনা প্রধান মন্ত্রীনা হায় মদুদি ভগৱান মহাভীরগী মমল য়াম্লবা পাউতাকশিংগী মাইকৈদা নহারোলনা কৎথোক্লিবা অমসুং লেপ্পীবা অসিনা লৈবাক্না অচুম্বা মাইকৈদা মাংদা চংশিল্লি হায়বগী খুদম অমা ওইরি। মহাক্না থৌরম অসিদা কম্মেমোরেতিব স্তাম্প অমসুং শেনয়েক অমা ফোঙখিবা অদুগী মতাংদা পনখি অমসুং জেন ফুরুপপু মখোয়গী লমজিং-লমতাক অমসুং য়াইফ-মঙ্গোলগীদমক থাগৎপা ফোঙদোকখি। শ্রী মোদীনা জেন ফুরুপকী ঋসিশিংগী মমাংদা মকোক নোনখি অমসুং মহাভীর জয়েন্তিগী য়াইফরবা থৌরমনা লাকপদা প্রজা পুম্নমক্তা য়াইফ-পাউজেল পীখি। প্রধান মন্ত্রীনা আচর্য় শ্রী বিদ্যাসাগরজী মহারাজতা ইকাই খুম্নবা উৎখি অমসুং আচর্য়গা হন্দক উন্নখিবা অদু নীংশিং অমসুং মহাক্কী থৌজালশিংনা ঐখোয়বু হৌজিকসু লমজিংবীরি হায়না ফোঙদোকখি।

প্রধান মন্ত্রীনা 2550শুবা ভগৱান মহাভীর নির্বান মহোৎসবকী মরুওইবা অদু পনখি অমসুং লৈবাক অসিনা নীংতম্বাগী সনাগী চহীচা অমগী মায়কৈদা থবক তৌরিঙৈদা অমৃত কালগী অহানবা তাঙ্কক অসিগুম্বা নুংঙাইরবা থৌদোক কয়াগী মতাংদাপনখি। মহাক্না সংবিধানগী চহি 75শুবা অমসুং লৈবাক অসিগী তুংগী মাইকৈ লেপকদৌরিবা গনতন্ত্রগী কুহ্মৈ অসিসু পনখি।

অমৃত কালগী ৱাখল্লোন অসি ৱারেপ অমা খক্তা নত্তে, অদুবু ঐখোয়বু অমৃত অমসুং লোইনাইদবগী খুত্থাংদা হিংবা ঙমহল্লিবা ঈশ্বরগী ওইবা ইথিল অমনি হায়না প্রধান মন্ত্রী মোদীনা ফোঙদোকখি। প্রধান মন্ত্রীনা হায়খি, "ঐখোয়না চহি 2500গী মতুংদা ফাওবা ভগৱান মহাভীরগী নির্বান দিৱস পাঙথোক্লি অমসুং ঐহাক্না থাজৈ মদুদি লৈবাক অসিনা মখা তানা তুংদা লাক্কদবা চহি লিশিং কয়াদসু ভগৱান মহাভীরগী মমল য়াম্লবা পাউতাকশিং অদু পালন তৌখিগনি"। প্রধান মন্ত্রীনা হায়খি মদুদি ভারতনা চহি চা কয়া অমসুং চহি লিশিং কয়াগী মমাংদগী লৈরক্লবা মপাঙ্গল অমসুং মীৎয়েং শান্না উবা ঙম্বা অসিনা ভারত অসি মালেমদা খ্বাইদগী শাংনা হিংলিবা সভ্যাতা ওইহল্লি অমসুং ঙসিদি মীওইবা খুন্নাইগী অৱাংবা থাক্কী মফম অমা ওইহল্লি। “ভারত অসি মশাগীদমক্তা খন্দনা মীপুম খুদিংমক্কীদমক খনবা অমসুং মীপুম খুদিংমক্তা থাজবা থম্লি। ভারতনা চৎনবীগী মতাংদা ঙাংবতা নত্তনা পোলিসীশিংগী মতাংদসু ঙাংই। হকচাংদা লৈরিবা য়ুনিভর্স, মালেমদা লৈরিবা ব্রহ্মা অমসুং থৱায় পানবা জিবশিংদা লৈরিবা শিবাগী মতাংদা ভারতনা ঙাংলি”, হায়না মহাক্না হায়খি।

প্রধান মন্ত্রীনা হায়খি মদুদি ময়েক শেংনা উবা ঙমদবনা মরম ওইদুনা খেন্নবা লৈরকপা য়াই, অদুম ওইনমক, খন্ন-নৈনবনা মওং মতৌগী মতুং ইন্না খন্ন-নৈনবনা অনৌবা মীৎয়েং অমা ওইরকপা লোয়ননা অমাং-অতা থোকহনবসু য়াই। মহাক্না হায়খি মদুদি হৌখিবা চহি 75গী খোঙচৎ অসিনা অমৃত কল অসিদা অমৃত পুথোক্কদবনি। প্রধান মন্ত্রীনা হায়খি, "ঐখোয়গী তীর্থকরনশিংনা তাকপীরম্বশিংনা মালেমদা লান কয়াগী মতম অসিদা অনৌবা কান্নবা অমা ফংহনখি"। পি.এম. মোদীনা  হীরম পুম্নমক উবা অমসুং অতৈগী ৱাখল্লোন ইকাই খুম্নবা হায়না ঐখোয়দা তাকপীরকখিবা অনেকান্তবাদা অমসুং স্যাদবাদগুম্বা ফিলোসোফীশিংবু নীংশিংখি।

প্রধান মন্ত্রীনা হায়খি মদুদি ঙসি, মীওইবা খুন্নাইনা অৱাবগী তানফম অসিদা ভারত্তগী শান্তি পাম্মি। মহাক্না হায়খি মদুদি অসিগুম্বা চাউখৎলক্লিবা প্রোফাইল অসি মাগী কলচরেল ইমেজ, হেনগৎলক্লিবা কেপাসিতী অমসুং ফোরেন পোলিসীনা ওইহল্লি। “ঙসি ঐখোয়না মালেমগী ফম্পাকশিংদা অচুম্বা অমসুং অহিমসা তৌদবা হায়বা প্রিন্সিপলশিং অসি মপুং ফানা থাজবা থম্বগা লোয়ননা মাংদা পুখৎলি। ঐখোয়না মালেমদা হায়রি মদুদি মালেমগী ওইবা সমস্যাগী সোলুসন অসি অরিবা ভারতকী চৎনবী অমসুং নাৎতা ফংলি। মসিনা মরম ওইদুনা ভারতনা খাইবুম-খাইবুম তারবা মালেম অসিদা মশাবু ‘বিশ্বা বন্ধু’ অমা ওইনা মফম কল্লি, হায়না পি.এম. মোদীনা হায়খি। মহাক্না ক্লাইমেৎ চেঞ্জ থেংননবা মিসন LiFE অমসুং ৱান আর্থ ৱান ফেমিলী অমসুং ৱান ফ্যুচরগী বিজনগা লোয়ননা ৱান ৱর্ল্দ- ৱান সন- ৱান গ্রিদকী রোদমেপগুম্বা ভারতকী থৌশিলশিং পনখি। মহাক্না হায়খি মদুদি ঙসিদি ভারতনা ইন্তর্নেস্নেল সোলর এলাইন্সকুম্বা ফ্যুচরস্তিক ওইবা মালেমগী থৌশিল অমগী লুচিংবা ওইরি। প্রধান মন্ত্রীনা হায়খি, "মসিগুম্বা থৌশিলশিং অসিনা মালেমদা আশা পোকহনবতা নত্তনা ঐখোয়গী নাৎ অমসুং চৎনবীগী মতাংদা মালেমগী মীৎয়েংদা অহোংবা অমা পুরক্লে।"

জেনিজমগী ৱাহন্থোক্কী মতাংদা পল্লদুনা প্রধান মন্ত্রীনা হায়খি মদুদি জেনিজম অসি জেনগী লম্বী নৎত্রগা মায় পাকপগী লম্বীনি। মহাক্না হায়খি মদুদি ভারতনা অতোপ্পা লৈবাক অমবু মায়থিবা পীনবগীদমক্তা লান্দাখিদে অমসুং মদুগী মহুত্তা মশামকপু ফগৎহন্নবা হোৎনখি। মহাক্না হায়খি মদুদি খ্বাইদগী ৱাবা মতমশিংদা ভারতপু লমজিংখিবা অথোইবা ঋসি অমসুং অখঙ-অহৈশিংনা অচৌবা সিভিলাইজেসন কয়া মাংখ্রবসু লৈবাক অসিনা মাগী লম্বী অদু ফংবা ঙমহনখি।

মহাক্না হৌখিবা চহি 10দা পাঙথোকখিবা থৌরম কয়াগী মতাংদা পনখি। মহাক্না হায়খি মদুদি জেন আচর্যশিংনা কৌরকপদা থৌরমশিংদা শরুক য়াবা ঙম্নবা হোৎনখি। প্রধান মন্ত্রীনা হায়খি, পার্লিয়ামেন্তকী অনৌবা বিলদিংদা চংদ্রিঙৈদা ঐহাক্কী ভেল্যুশিং নিংশিংহন্নবগীদমক ঐহাক্না 'মিছমী দুক্কাদম' থীখি। প্রধান মন্ত্রী মোদীনা লৈবাক অসিগী হেরিতেজ, য়োগ অমসুং আয়ুর্বেদগী ফজবা হেনগৎহন্নবা ৱাফমসু পনখি। মহাক্না হায়খি মদুদি অনৌবা মীরোলনা থাজৈ মদুদি ভারতকী শক্তাক অসি মাগী মীংচৎনি। ভারত অসি আত্মবিশ্বাস ফাওরবা মতমদা লৈবাক অমবু থিংদুনা থম্বা হায়বা অসি ওইথোক্তে হায়বগী খুদম অমা ওইরি ।

প্রধান মন্ত্রীনা হায়খি, "ভারতকী ওইনা, মোদর্নিতী অসি মাগী হকচাংনি, স্পিরিচুএলিতি অসি মাগী থৱায়নি। করিগুম্বা মোদর্নিতীদগী স্পিরিচুএলিতী লৌথোক্লবদি, এনার্কি পোকই”। মহাক্না ভগৱান মহাভীরগী তম্বীরম্বশিং অদু ঙাক্না চৎনবা হায়খি মরমদি হায়রিবা মগুনশিং অদু অমুক হন্না হিংগৎহনবা অসি মতম অসিগী দিমান্দ ওইরি।

প্রধান মন্ত্রীনা হায়খি মদুদি ভারত অসি লায়না-লাইচৎ অমসুং শেঞ্জা-থুমজাগী মতমদগী থোরক্লি মরমদি ভারত মচা করোর 25 হেনবনা লায়রবদগী থোরক্লি। তানফম অসিগী খুদোংচাবা লৌহৌনবা প্রজাশিংদা হায়জদুনা, প্রধান মন্ত্রীনা মীপুম খুদিংমকপু 'অস্তেয় অমসুং অহিমসা'গী লম্বীদা চৎনবা হায়খি। মহাক্না লৈবাক অসিগী তুংলমচৎকীদমক থবক তৌবগী মহাক্কী ফিরেপ অদু অমুক হন্না ফোঙদোকখি অমসুং মখোয়গী ইথিল পীবা ৱাহৈশিংগীদমক ঋসিশিংদা থাগৎপা ফোঙদোকখি।

কেন্দ্রগী লো অমসুং জস্তিস (IC)মন্ত্রী অমসুং পার্লিয়ামেন্তরী এফিয়র্স অমসুং কলচরগী রাজ্য মন্ত্রী, শ্রী অর্জুন রাম মেঘৱালনা থৌরম অদুদা জেন কম্ম্যুনিতীগী অতোপ্পা মীহুৎশিং অমসুং ঋসিশিংগা লোয়ননা শরুক য়াখি।

বেকগ্রাউন্দ

ভগৱান মহাভির, 24শুবা তীর্থকর, অসিনা অহিমসা (নন-ভাইওলেন্স), সত্য (ত্রুথফুলনেস), অস্তেয় (নন-স্তীলিং), ব্রহ্মচর্য় (চেস্তিতী) অমসুং অপরিগ্রহ (নন-এত্তেচমেন্ত)গুম্বা জেনগী প্রিন্সিপলশিংগী খুত্থাংদা শান্তি লৈনা পুন্না হিংমিন্নবা অমসুং য়ুনিভর্সেল ব্রদরহুদকী লম্বেল লমজিংখি।

জেনশিংনা মহাভীর স্বামীজী: চ্যবন/গর্ভ (কনসেপ্সন) কল্যানক; দীক্ষা (রিননসিএসন) কল্যানক; কেবলজ্ঞান (ওমনিসাইন্স) কল্যানক অমসুং নির্বান (লিবরেসন/অলতিমেৎ সেলভেসন) কল্যানক য়াওনা তীর্থকর খুদিংমক্কী কল্যানক (মরু ওইবা থৌরম) মঙা পাঙথোকই। এপ্রিল 21, 2024 অসি ভগৱাব মহাভীর স্বামীগী জন্ম কল্যানক তাই অমসুং জেন ফুরুপকী ঋসিশিংনা শরুক য়াবা অমসুং কোংগ্রিগেসন অসিবু থৌজাল পীবগা লোয়ননা সরকারনা ভারত মন্দপমদা জেন ফুরুপকী কলচরেল প্রোগ্রাম অমা শিন্দুনা থৌরম অসি পালন তৌগনি।

Bhagwan Mahavir's message of peace, compassion and brotherhood are a source of great inspiration for everyone. Speaking at 2550th Bhagwan Mahavir Nirvan Mahotsav programme.https://t.co/TksfxyjsiC

— Narendra Modi (@narendramodi) April 21, 2024

***