বিশ্বৰ সৰ্ববৃহৎ গণতন্ত্ৰ ভাৰতত আজি অনুষ্ঠিত সাধাৰণ নিৰ্বাচনৰ প্ৰথম পৰ্যায়ৰ ভোটদানৰ সময়ত প্ৰখৰ ৰদকো নেওচি ব্যাপক উত্সাহ-উদ্দীপনা পৰিলক্ষিত হয়। জন্মু-কাশ্মীৰৰ উধমপুৰৰ দৰে কিছুমান অংশত বৰষুণৰ সত্ত্বেও ভোটাৰসকল ওলাই আহে আৰু ভোটদানৰ বাবে দীঘলীয়া শাৰীত অপেক্ষা কৰে। উত্তৰ-পূবৰ ৰাজ্য অৰুণাচল প্ৰদেশ আৰু ছিকিমৰ ১০২ টা সংসদীয় সমষ্টি আৰু ৯২ টা বিধানসভা সমষ্টিত আজি একেলগে ভোটদান অব্যাহত আছে। দুপৰীয়া ১ বজালৈকে বহুতো ৰাজ্য/কেন্দ্ৰীয় শাসিত অঞ্চলত যথেষ্ট ভোটদান সম্পন্ন হৈছে। ৰাজ্য অনুসৰি ভোটাৰৰ ভোটদান পৰিশিষ্ট-১-ত দিয়া হৈছে।

প্ৰথম পৰ্যায়ত সকলো ২১খন ৰাজ্য/কেন্দ্ৰীয় শাসিত অঞ্চলত ভোটগ্ৰহণ সুচাৰুৰূপে আৰু শান্তিপূৰ্ণভাৱে আগবাঢ়িছে৷ আজি পুৱা ৭ বজাত ১০২ টা সংসদীয় সমষ্টিত একেলগে ভোটগ্ৰহণ আৰম্ভ হোৱাৰ লগে লগে ভোটগ্ৰহণ কেন্দ্ৰসমূহত ভোটদানৰ বাবে ভোটাৰসকলে দীঘলীয়া শাৰীত অপেক্ষা কৰা পৰিলক্ষিত হয়৷ নিৰ্বাচন প্ৰক্ৰিয়া সুচাৰুৰূপে পৰিচালনাৰ বাবে যোৱা দুবছৰত মুখ্য নিৰ্বাচন আয়ুক্ত (চিইচি) শ্ৰী ৰাজীৱ কুমাৰৰ নেতৃত্বত নিৰ্বাচন আয়ুক্ত (ইচি) শ্ৰী জ্ঞানেশ কুমাৰ আৰু শ্ৰী সুখবীৰ সিং সান্ধুৰ নেতৃত্বত আয়োগৰ প্ৰস্তুতি সম্পূৰ্ণ আৰু অটল হৈ আছে।

কাৰ্যকৰী গণতন্ত্ৰৰ অংশ হিচাপে, সকলো বয়সৰ ভোটাৰ-উদ্যমী যুৱক-যুৱতী,সচেতন জ্যেষ্ঠ, দম্পতী, জনজাতীয়, দিব্যাংগ আৰু নতুনকৈ বিবাহপাশত আৱদ্ধ হোৱা লোকসকলে এই নিৰ্বাচনী উৎসৱত যোগদান কৰে।

ভোটগ্ৰহণ প্ৰক্ৰিয়া মোটামুটিভাৱে শান্তিপূৰ্ণ আৰু সুশৃংখলভাৱে সম্পন্ন হৈছে। ভোটকেন্দ্ৰবোৰত ভোটাৰসকলক ভাৰতীয় সংস্কৃতিৰ জীৱন্ত পৰিচায়ক ৰং-বিৰঙী পৰম্পৰাগত আৰু আধুনিক পোছাক পৰিধান কৰা পৰিলক্ষিত হয়, যত উৎসৱৰ মনোভাৱ প্ৰদৰ্শিত হৈছিল।

তেওঁলোকৰ আঙুলিৰ টিপবোৰত আকাংক্ষিত অমলিন চিয়াহী অংকিত কৰাৰ বাবে ধৈৰ্য, সংকল্প আৰু দৃঢ়তাৰ আনন্দদায়ক কাহিনী পৰিস্ফুট হৈছে। অৰুণাচল প্ৰদেশৰ কুৰুং কুমে জিলাত এজন বৃদ্ধ ভোটাৰে ঘৰৰ পৰা ভোট দিয়াৰ বিকল্প ব্যৱস্থা থকা সত্বেও ভোটকেন্দ্ৰত ভোটদান কৰিবলৈ যোৱাৰ সিদ্ধান্ত লয়।

আনহাতে, মধ্য প্ৰদেশৰ ডিন্দোৰীত পৰম্পৰাগত পোছাক পৰিহিত এগৰাকী প্ৰথমবাৰৰ বাবে ভোটাদান কৰিবলগীয়া ভোটাৰ শ্ৰীমতী দেৱকীয়ে ভোটদান কৰাৰ পিছত গৌৰৱেৰে তেওঁৰ চিঁয়াহী লগা আঙুলিৰে ভংগীমা দেখুৱাই আনন্দ প্ৰকাশ কৰে। নৱবিবাহিত ভোটাৰসকলেও গৌৰৱেৰে ছ'চিয়েল মিডিয়াত তেওঁলোকৰ চিঁয়াহী-চিহ্নিত আঙুলিৰে চেলফি পোষ্ট কৰা পৰিলক্ষিত হয়।

আজি ভোটকেন্দ্ৰসমূহৰ দৃশ্যসমূহে সামগ্ৰিক নিৰ্বাচন সুনিশ্চিত কৰাৰ প্ৰচেষ্টা ফলপ্ৰসূ হোৱা দেখা গৈছে, কিয়নো বিশেষভাৱে দুৰ্বল জনজাতিসমূহ(পিভিটিজি)ৰ ভোটাৰসকলে তেওঁলোকৰ ভোটাধিকাৰ প্ৰয়োগ কৰাৰ আনন্দত সমগ্ৰ দেশৰ ভোটকেন্দ্ৰসমূহলৈ ওলাই আহে। দক্ষিণ আন্দামানৰ ষ্ট্ৰেইট দ্বীপৰ গ্ৰেট আন্দামানী জনজাতিয়েও উৎসাহেৰে ভোটদানত অংশগ্ৰহণ কৰে।

নিৰ্বাচন আয়োগে ভোটদানক এক মনোৰম আৰু স্মৰণীয় অভিজ্ঞতালৈ পৰিৱৰ্তন কৰাৰ ওপৰত বিশেষ গুৰুত্ব আৰোপ কৰিছে। পানী, শ্বেড, শৌচালয়, ৰেম্প, স্বেচ্ছাসেৱক, হুইলচেয়াৰ আৰু বিদ্যুতৰ দৰে নিম্নতম সুবিধা সুনিশ্চিত কৰা হৈছে যাতে বৃদ্ধ আৰু বিকলাংগ ব্যক্তিসহ প্ৰতিজন ভোটাৰে সহজে ভোটদান কৰিব পাৰে। ছত্তিশগড়ৰ মাওবাদী উগ্ৰবাদ প্ৰভাৱিত অঞ্চলসমূহৰ পৰাও শান্তিপূৰ্ণ ভোটদানৰ প্ৰতিবেদন আহিছে।

(উল্লেখ্য যে এই পৰ্যায়ত ভোটদানৰ পৰিসংখ্যা কেৱল আনুমানিক আৰু আপডেট সাপেক্ষে)

পৰিশিষ্ট-১

***************

DK/RP/KG