12 ਰਾਜਾਂ ਵਿੱਚ 88 ਸੰਸਦੀ ਹਲਕਿਆਂ ਵਿੱਚ 26 ਅਪ੍ਰੈਲ, 2024 ਨੂੰ ਵੋਟਾਂ ਪੈਣੀਆਂ ਹਨ, ਜਿਸ ਵਿੱਚ 89 ਜਨਰਲ ਅਬਜ਼ਰਵਰ, 53 ਪੁਲਿਸ ਅਬਜ਼ਰਵਰ ਅਤੇ 109 ਖ਼ਰਚ ਨਿਗਰਾਨ ਤਾਇਨਾਤ ਕੀਤੇ ਗਏ ਹਨ। ਸਾਰਿਆਂ ਨੇ ਨਾਮਜ਼ਦਗੀ ਦੀ ਆਖ਼ਰੀ ਮਿਤੀ ਭਾਵ 3 ਅਪ੍ਰੈਲ, 2024 ਤੋਂ ਪਹਿਲਾਂ ਚੋਣ ਹਲਕਿਆਂ ਵਿੱਚ ਰਿਪੋਰਟ ਕੀਤੀ ਹੈ। ਮੁੱਖ ਚੋਣ ਕਮਿਸ਼ਨਰ ਸ਼੍ਰੀ ਰਾਜੀਵ ਕੁਮਾਰ, ਚੋਣ ਕਮਿਸ਼ਨਰ ਸ਼੍ਰੀ ਗਿਆਨੇਸ਼ ਕੁਮਾਰ ਅਤੇ ਚੋਣ ਕਮਿਸ਼ਨਰ ਸ਼੍ਰੀ ਸੁਖਬੀਰ ਸਿੰਘ ਸੰਧੂ ਨੇ ਸਮੂਹ ਅਬਜ਼ਰਵਰਾਂ ਨੂੰ ਸਖ਼ਤੀ ਨਾਲ ਇਹ ਯਕੀਨੀ ਬਣਾਉਣ ਲਈ ਕਿਹਾ ਕਿ ਪੋਲਿੰਗ ਸਟੇਸ਼ਨਾਂ 'ਤੇ ਵੋਟਰਾਂ ਲਈ ਵਿਸ਼ੇਸ਼ ਤੌਰ 'ਤੇ ਗਰਮੀ ਨਾਲ ਨਜਿੱਠਣ ਲਈ ਸਾਰੀਆਂ ਸਹੂਲਤਾਂ ਮੌਜੂਦ ਹੋਣ, ਦੂਜੇ ਪੜਾਅ ਦੀ ਵੋਟਿੰਗ ਦੇ ਨੇੜੇ ਕੋਈ ਵੀ ਲਾਲਚ ਨਾ ਦਿੱਤਾ ਜਾਵੇ, ਬਲਾਂ ਦੀ ਸੁਚੱਜੀ ਵਰਤੋਂ ਕੀਤੀ ਜਾਵੇ ਅਤੇ ਅਮਨ-ਕਾਨੂੰਨ ਦੀ ਸਖ਼ਤ ਨਿਗਰਾਨੀ ਕੀਤੀ ਜਾਵੇ।

ਕੇਂਦਰੀ ਅਬਜ਼ਰਵਰਾਂ ਨੂੰ ਹੋਰ ਗੱਲਾਂ ਦੇ ਨਾਲ-ਨਾਲ ਇਹ ਯਕੀਨੀ ਬਣਾਉਣ ਲਈ ਨਿਰਦੇਸ਼ ਦਿੱਤੇ ਗਏ:

1. ਸਾਰੇ ਹਲਕਿਆਂ ਵਿੱਚ ਮਤਦਾਨ ਲਈ ਤਿਆਰੀਆਂ ਪਹਿਲਾਂ ਤੋਂ ਹੀ ਪੂਰੀਆਂ ਹੋਣ ਅਤੇ ਸਾਰੇ ਹਿਤਧਾਰਕਾਂ ਭਾਵ ਉਮੀਦਵਾਰਾਂ ਅਤੇ ਰਾਜਨੀਤਿਕ ਪਾਰਟੀਆਂ ਲਈ ਬਰਾਬਰੀ ਦੇ ਮੈਦਾਨ ਨੂੰ ਯਕੀਨੀ ਬਣਾਇਆ ਜਾਵੇ।

2. ਸੰਸਦੀ ਹਲਕੇ ਦੇ ਅੰਦਰ ਭੌਤਿਕ ਤੌਰ 'ਤੇ ਉਪਲਬਧ ਰਹਿਣ ਲਈ ਉਨ੍ਹਾਂ ਨੂੰ ਪੂਰੀ ਚੋਣ ਪ੍ਰਕਿਰਿਆ ਦੌਰਾਨ ਅਲਾਟ ਕੀਤਾ ਗਿਆ ਹੈ।

3. ਮੋਬਾਈਲ/ਲੈਂਡਲਾਈਨ/ਈਮੇਲ/ਰਹਿਣ ਦੇ ਸਥਾਨ ਅਤੇ ਉਮੀਦਵਾਰਾਂ ਅਤੇ ਰਾਜਨੀਤਿਕ ਪਾਰਟੀਆਂ ਦਰਮਿਆਨ ਸੰਚਾਰ ਦਾ ਵਿਆਪਕ ਪ੍ਰਕਾਸ਼ਨ ਤਾਂ ਜੋ ਉਹ ਆਮ ਲੋਕਾਂ/ਉਮੀਦਵਾਰਾਂ ਅਤੇ ਰਾਜਨੀਤਿਕ ਪਾਰਟੀਆਂ ਲਈ ਰੋਜ਼ਾਨਾ ਅਧਾਰ 'ਤੇ ਮਨੋਨੀਤ ਨੰਬਰਾਂ/ਪਤਿਆਂ 'ਤੇ ਉਪਲਬਧ ਹੋਣ।

4. ਉਨ੍ਹਾਂ ਦੀ ਮੌਜੂਦਗੀ ਵਿੱਚ ਬਲਾਂ ਦੀ ਰੈਂਡਮ ਤਰੀਕੇ ਨਾਲ ਤਾਇਨਾਤੀ।

5. ਇਹ ਕਿ ਕੇਂਦਰੀ ਬਲਾਂ/ਰਾਜ ਪੁਲਿਸ ਬਲਾਂ ਦੀ ਵਰਤੋਂ ਸਮਝਦਾਰੀ ਨਾਲ ਕੀਤੀ ਜਾ ਰਹੀ ਹੈ ਅਤੇ ਨਿਰਪੱਖਤਾ ਬਰਕਰਾਰ ਰੱਖੀ ਜਾ ਰਹੀ ਹੈ ਅਤੇ ਉਨ੍ਹਾਂ ਦੀ ਤਾਇਨਾਤੀ ਕਿਸੇ ਵੀ ਸਿਆਸੀ ਪਾਰਟੀ/ਉਮੀਦਵਾਰ ਦੇ ਪੱਖ ਵਿੱਚ ਨਹੀਂ ਹੈ।

6. ਉਨ੍ਹਾਂ ਦੀ ਮੌਜੂਦਗੀ ਵਿੱਚ ਈਵੀਐੱਮ/ਵੀਵੀਪੀਏਟੀ ਅਤੇ ਪੋਲਿੰਗ ਕਰਮਚਾਰੀਆਂ ਦੀ ਰੈਂਡਮ ਤਰੀਕੇ ਨਾਲ ਤਾਇਨਾਤੀ।

7. 85+ ਅਤੇ ਪੀਡਬਲਿਊਡੀਜ਼ ਲਈ ਘਰੇਲੂ ਵੋਟਿੰਗ ਦੀ ਸੁਚਾਰੂ ਪ੍ਰਕਿਰਿਆ ਅਤੇ ਚੋਣ ਡਿਊਟੀ, ਜ਼ਰੂਰੀ ਡਿਊਟੀਆਂ ਅਤੇ ਸੇਵਾ ਅਧੀਨ ਵੋਟਰਾਂ ਲਈ ਪੋਸਟਲ ਬੈਲਟ।

8. ਇਹ ਕਿ ਸਿਆਸੀ ਪਾਰਟੀਆਂ ਅਤੇ ਚੋਣ ਲੜ ਰਹੇ ਉਮੀਦਵਾਰਾਂ ਨੂੰ ਵੋਟਰ ਸੂਚੀਆਂ ਦੀ ਸਪਲਾਈ ਕੀਤੀ ਜਾ ਰਹੀ ਹੈ

9. ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਨਿਰਪੱਖਤਾ ਦੀ ਮੈਪਿੰਗ ਕੀਤੀ ਗਈ ਹੈ ਅਤੇ ਉਸ ਅਨੁਸਾਰ ਆਵਾਜਾਈ ਅਤੇ ਸੰਚਾਰ ਯੋਜਨਾ ਤਿਆਰ ਕੀਤੀ ਗਈ ਹੈ।

10. ਮਾਈਕਰੋ ਅਬਜ਼ਰਵਰਾਂ ਦੀ ਤਾਇਨਾਤੀ।

11. ਸਾਰੇ ਉਮੀਦਵਾਰਾਂ/ਉਨ੍ਹਾਂ ਦੇ ਨੁਮਾਇੰਦਿਆਂ ਦੇ ਸਾਹਮਣੇ ਈਵੀਐੱਮ/ਵੀਵੀਪੀਏਟੀ ਨੂੰ ਚਾਲੂ ਕਰਨਾ।

12. ਈਵੀਐੱਮ ਸਟਰਾਂਗ ਰੂਮਾਂ 'ਤੇ ਮਜ਼ਬੂਤ ਸੁਰੱਖਿਆ ਪ੍ਰਬੰਧਾਂ ਦੀ ਨਿਗਰਾਨੀ ਕਰਨਾ ਅਤੇ ਸਾਰੇ ਉਮੀਦਵਾਰਾਂ ਦੇ ਅਧਿਕਾਰਤ ਏਜੰਟਾਂ ਦੀ ਮੌਜੂਦਗੀ ਨੂੰ ਯਕੀਨੀ ਬਣਾਉਣਾ।

13. ਸ਼ਿਕਾਇਤ ਨਿਵਾਰਨ ਦੇ ਸਾਰੇ ਪ੍ਰਬੰਧ ਮੌਜੂਦ ਰੱਖਣੇ ।

14. ਇਹ ਏਕੀਕ੍ਰਿਤ ਕੰਟਰੋਲ ਰੂਮ ਸਮੇਂ ਸਿਰ ਸੁਧਾਰਾਤਮਕ ਕਾਰਵਾਈ ਕਰਨ ਲਈ ਅਧਿਕਾਰਤ ਅਧਿਕਾਰੀ ਦੇ ਸਮੁੱਚੇ ਚਾਰਜ ਅਧੀਨ ਜ਼ਿਲ੍ਹਿਆਂ ਵਿੱਚ ਸਥਾਪਿਤ ਕੀਤੇ ਗਏ ਹਨ।

15. ਵੋਟਰ ਸੂਚਨਾ ਸਲਿੱਪਾਂ ਦੀ 100 ਫ਼ੀਸਦੀ ਵੰਡ ਪੋਲਿੰਗ ਵਾਲੇ ਦਿਨ ਤੋਂ ਪਹਿਲਾਂ ਹੀ ਕਰ ਦਿੱਤੀ ਗਈ ਹੈ।

16. ਚੋਣ ਅਮਲੇ ਵੱਲੋਂ ਸਾਰੀਆਂ ਆਈਟੀ ਐਪਲੀਕੇਸ਼ਨਾਂ ਜਿਵੇਂ ਕਿ ਸੀ-ਵਿਜਿਲ, ਵੋਟਰ ਹੈਲਪਲਾਈਨ ਐਪ, ਸਕਸ਼ਮ ਐਪ, ਐਨਕੋਰ, ਸੁਵਿਧਾ ਐਪ ਆਦਿ ਦੀ ਵਰਤੋਂ ਕੀਤੀ ਜਾ ਰਹੀ ਹੈ ਅਤੇ ਉਨ੍ਹਾਂ ਨੂੰ ਇਨ੍ਹਾਂ ਐਪਸ ਦੀ ਵਰਤੋਂ ਕਰਨ ਲਈ ਸਹੀ ਢੰਗ ਨਾਲ ਸਿਖਲਾਈ ਦਿੱਤੀ ਗਈ ਹੈ।

17. ਗਿਣਤੀ ਅਮਲਾ, ਮਾਈਕਰੋ ਅਬਜ਼ਰਵਰਾਂ ਆਦਿ ਸਮੇਤ ਸਾਰੇ ਪੋਲਿੰਗ ਕਰਮਚਾਰੀਆਂ ਦੀ ਸਿਖਲਾਈ ਨੂੰ ਵਿਵਸਥਿਤ ਢੰਗ ਨਾਲ ਆਯੋਜਿਤਕੀਤਾ ਜਾ ਰਿਹਾ ਹੈ/ਕੀਤਾ ਗਿਆ ਹੈ।

18. ਹਲਕੇ ਦੇ ਪੋਲਿੰਗ ਸਟੇਸ਼ਨਾਂ ਦਾ ਦੌਰਾ ਕਰਨਾ ਅਤੇ ਯਕੀਨੀ ਬਣਾਉਣਾ ਕਿ ਸਾਰੇ ਪੋਲਿੰਗ ਸਟੇਸ਼ਨਾਂ 'ਤੇ ਘੱਟੋ-ਘੱਟ ਸੁਵਿਧਾਵਾਂ ਮੌਜੂਦ ਹਨ।

19. ਵੋਟਰਾਂ ਦੀ ਸਹੂਲਤ ਲਈ ਸਾਰੇ ਪੋਲਿੰਗ ਸਟੇਸ਼ਨਾਂ 'ਤੇ ਵੋਟਰ ਸਹਾਇਤਾ ਬੂਥ ਦੀ ਸਥਾਪਨਾ, ਵੱਖ-ਵੱਖ ਤੌਰ 'ਤੇ ਅਪਾਹਜ, ਸਰੀਰਕ ਤੌਰ 'ਤੇ ਅਪੰਗ, ਔਰਤਾਂ, ਬਜ਼ੁਰਗਾਂ ਅਤੇ ਕੁਸ਼ਟ ਰੋਗ ਤੋਂ ਪ੍ਰਭਾਵਿਤ ਵੋਟਰਾਂ ਲਈ ਵਿਸ਼ੇਸ਼ ਸਹੂਲਤ ਆਦਿ।

20. ਪੋਲਿੰਗ ਦੌਰਾਨ ਪੋਲਿੰਗ ਸਟੇਸ਼ਨਾਂ ਦੇ ਬਾਹਰ ਕਤਾਰਾਂ ਵਿੱਚ ਉਡੀਕ ਕਰ ਰਹੇ ਵੋਟਰਾਂ ਲਈ ਪੀਣ ਵਾਲੇ ਪਾਣੀ, ਸ਼ੈੱਡ/ਸ਼ਾਮੀਆਨੇ ਅਤੇ ਬੈਠਣ ਦੇ ਯੋਗ ਪ੍ਰਬੰਧ।

21. ਫਲਾਇੰਗ ਸਕੁਐਡ, ਸਟੈਟਿਸਟਿਕਸ ਸਰਵੇਲੈਂਸ ਟੀਮਾਂ, ਵੀਡੀਓ ਦੇਖਣ ਵਾਲੀਆਂ ਟੀਮਾਂ, ਬਾਰਡਰ ਚੈਕ ਪੋਸਟਾਂ, ਨਾਕੇ ਆਦਿ 24 ਘੰਟੇ ਆਪਣਾ ਕੰਮ ਕਰ ਰਹੇ ਹਨ ਅਤੇ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ ਕਿ ਨਕਦੀ, ਸ਼ਰਾਬ, ਮੁਫ਼ਤ ਦੀਆਂ ਵਸਤਾਂ, ਨਸ਼ੇ/ਨਸ਼ੀਲੇ ਪਦਾਰਥਾਂ ਦੀ ਕੋਈ ਆਵਾਜਾਈ ਅਤੇ ਵੰਡ ਨਾ ਹੋਵੇ।

22. ਸਿਆਸੀ ਇਸ਼ਤਿਹਾਰਾਂ ਅਤੇ ਪੇਡ ਨਿਊਜ਼ ਦੇ ਪੂਰਵ-ਪ੍ਰਮਾਣੀਕਰਨ ਲਈ ਮੀਡੀਆ ਪ੍ਰਮਾਣੀਕਰਨ ਅਤੇ ਨਿਗਰਾਨੀ ਕਮੇਟੀਆਂ ਵੱਲੋਂ ਸਹੀ ਕੰਮ ਕਰਨਾ।

23. ਜਾਅਲੀ ਖ਼ਬਰਾਂ/ਗ਼ਲਤ ਜਾਣਕਾਰੀ 'ਤੇ ਸਮੇਂ ਸਿਰ ਰੋਕ ਲਗਾਉਣਾ ਅਤੇ ਸਕਾਰਾਤਮਕ ਬਿਰਤਾਂਤ ਨੂੰ ਚਲਾਉਣ ਲਈ ਜਾਣਕਾਰੀ ਦਾ ਕਿਰਿਆਸ਼ੀਲ ਪ੍ਰਸਾਰ।

******

ਡੀਕੇ/ਆਰਪੀ