حکومت ہند نے آج وزارت اطلاعات و نشریات (ایم آئی بی) کے پریس انفارمیشن بیورو (پی آئی بی) کے تحت فیکٹ چیک یونٹ (ایف سی یو) کو مرکزی حکومت کے فیکٹ چیک یونٹ کے طور پر نوٹیفائی کیا۔

آج جاری کردہ ایک گزٹ نوٹیفکیشن میں، الیکٹرانکس اور انفارمیشن ٹیکنالوجی کی وزارت (ایم ای آئی ٹی وائی) نے پی آئی بی ایف سی یو کو انفارمیشن ٹیکنالوجی کے ضابطہ 3 کے ذیلی ضابطہ (1) کی ذیلی شق (v) (انٹرمیڈیری گائیڈلائن اور ڈیجیٹل میڈیا ایتھکس کوڈ) رولز، 2021کے تحت نوٹیفائی کیا۔ ایم آئی بی  اور ایم ای آئی ٹی وائی جعلی خبروں کے چیلنج سے نمٹنے کے لیے اس موضوع پر مل کر کام کر رہے ہیں، خاص طور پر سوشل میڈیا پر۔

پی آئی بی کے تحت فیکٹ چیک یونٹ نومبر 2019 میں قائم کیا گیا تھا جس کا مقصد جعلی خبروں اور غلط معلومات کے تخلیق کاروں اور پھیلانے والوں کے لیے روک تھام کے طور پر کام کرنا تھا۔ یہ لوگوں کو حکومت ہند سے متعلق مشکوک اور قابل اعتراض معلومات کی اطلاع دینے کا ایک آسان ذریعہ بھی فراہم کرتا ہے۔

ایف سی یو کو حکومت کی پالیسیوں، اقدامات اور اسکیموں کے بارے میں یا تو ازخود یا شکایات ملنے پر حوالہ کےساتھ غلط معلومات کا مقابلہ کرنے کا پابند بنایا گیا ہے۔ ایف سی یو غلط معلومات کی مہموں کی سرگرمی کے ساتھ نگرانی کرتی ہے، ان کا پتہ لگاتا ہے اور ان کا مقابلہ کرتی ہے، اس بات کو یقینی بناتی ہے کہ حکومت کے بارے میں غلط معلومات کو فوری طور پر بے نقاب اور درست کیا جائے۔

شہری مختلف طریقوں سے پی آئی بی  فیکٹ چیک یونٹ تک پہنچ سکتے ہیں، جن میں واٹس ایپ نمبر( (+918799711259)، ای میل(pibfactcheck[at]gmail[dot]com),، ٹویٹر  (@PIBFactCheck) اور پی آئی بی کی ویب سائٹhttps://factcheck.pib.gov.in/).  ) شامل ہیں۔ فیکٹ چیک یونٹ کا واٹس ایپ ہاٹ لائن نمبر ایسے لوگوں کے لیے ایک آسان ٹول ہے جہاں کسی کو صرف ایک مشکوک میسج فارورڈ کرنا ہو۔

پی آئی بی  فیکٹ چیک یونٹ نے معذور افراد تک حقائق کی جانچ کی رسائی کو یقینی بنانے کے لیے بھی اقدامات کیے ہیں۔ چونکہ تصاویر سوشل میڈیا کا ایک بڑا حصہ ہیں، اس لیے مواد کی ہمہ گیر رسائی کو یقینی بنانے کے لیے ’متبادل متن‘/ الٹرنیٹ ٹیکسٹ (اے ایل ٹی) فراہم کرنا ضروری ہوتا جا رہا ہے۔ پی آئی بی فیکٹ چیک یونٹ اپنے ٹویٹر، فیس بک اور انسٹاگرام ہینڈل پر پھیلائی گئی تمام پوسٹس کے ساتھ متبادل متن فراہم کرتا ہے۔  

******

ش ح۔  م م۔ م  ص

U-NO.  6277