লোক সভাগী জেনরেল ইলেক্সন, 2024গা লোয়ননা মখাদা পীরিবা বিধান সভাগী কেন্দ্রশিং অসিগী  অহাংবশিং মেনশিন্নবা মরক্কী মীখলশিং পাঙথোক্নবা কম্মিসন্না ৱারেপ লৌখ্রে:

মরক্কী মীখলশিংগী মতম অসি এনেক্সর-Iদা পীরি।

1. ইলেক্তোরেল রোলশিং

অশেংবা অমসুং অপদেৎ তৌরবা ইলেক্তোরেল রোলশিং অসি ফ্রী, ফেয়র অমসুং ক্রেদিবল ইলেক্সনগী য়ুম্ফম্নি হায়না কম্মিসননা চেৎনা থাজৈ। মরম অদুনা, মসিগী ক্বালিতী, ফনা থম্বা অমসুং থাজবা হেনগৎহনবদা অকনবা অমসুং লেপ্তনা মীৎয়েং চংলি। ইলেক্সন লোস (এমেন্দমেন্ত) এক্ত, 2021না রিপ্রজেন্তেসন ওফ পিপল্স এক্ত, 1950গী সেক্সন 14দা শেমদোক্লবা মতুংদা চহি অমদা ভোতর অমা ওইনা এনরোল তৌনবগীদমক ক্বালিফায়িং দেৎ মরিগী প্রোভিজন লৈ। মসিগী মতুং ইন্না, কম্মিসন্না ইলেক্তোরেল রোলগী স্পিসিএল সমরী রিভিজন অসি জনুৱারী 1, 2024দা ক্বালিফায়িং দেৎ ওইনা রেফরেন্স লৌদুনা পাংথোকখি, মসিদা ইলেক্তোরেল রোলদা রেজিস্ত্রেসন তৌবা পাম্বা ইলিজিবল ওইবা প্রজাশিংগী এপ্লিকেসনশিং অসি জনুৱারী 1, 2024দা ক্বালিফায়িং দেৎ ওইনা রেফরেন্স লৌদুনা কৌখি। ইলেক্তোরেল রোলশিংগী স্পিসিএল সমরি রিভিজন অসি জনুৱারী 1, 2024দা ক্বালিফায়িং দেৎ ওইনা লৌদুনা মতম চানা লোইশিনখ্রবা মতুংদা ইলেক্তোরেল রোলগী অরোইবগী পব্লিকেসন অসি মসিদা লোইশিনখি–

1. গুজরাত, হিমাচল প্রদেশ অমসুং ত্রিপুরাগী ওইনা জনুৱারী 5, 2024;
2. বিহার, ঝারখন্দ, ৱেস্ত বেঙ্গল, কর্নাতক অমসুং তমিল নাদুগী ওইনা জনুৱারী 22, 2024;
3. উত্তর প্রদেশ অমসুং মহারাস্ত্রগী ওইনা জনুৱারী 23, 2024; অমসুং
4. তেলঙ্গানা অমসুং রাজস্থানগী ওইনা ফেব্রুৱারী 8, 2024।

অদুম ওইনম প্রোক্সিমেৎ ক্বালিফায়িং দেৎকী মতুং ইন্না নোমিনেসন ফাইল তৌবগী অরোইবা তাং ফাওবা ইলেক্তোরেল রোল অপদেৎ তৌবগী থৌওং অসি মখা চত্থখিগনি।

2. ইলেক্ত্রিনিক ভোতিং মেছিনশিং (EVMশিং) & VVPATশিং

কম্মিসন্না পোল্লিং স্তেসন পুম্নমক্তা মরক্কী মীখলশিংদা  EVM অমসুং VVPATশিং শিজিন্নবা ৱারেপ লৌখ্রে। EVM অমসুং VVPATশিংগী মশিং মরাং কাইনা ফংহনখ্রে অমসুং মেছিনশিং অসিগী মতেংদগা লোয়ননা মীখল শোইঙামদনা পাঙথোক্নবা খোঙথাং পুম্নমক লৌখৎখ্রে।

3. ভোতরশিংগী শক্তাক চে

ভোতর অমগী শক্তাক চে ওইনা মপুং ওইনা শিজিন্নগদবা অসি ইলেক্তোরেল ফোতো আইদেন্তিতী কার্দ (EPIC)নি। অদুম ওইনমক মখাদা পীরিবা শক্তাক চেশিং অসিদগী অমা হেক্তা পোল্লিং স্তেসন্দা উৎপা য়াই:

1.   আধার কার্দ,

ii. MGNREGA জোব কার্দ,

iii. বেঙ্ক/পোস্ত ওফিসনা পীবা ফোতো য়াওবা পাসবুক,

iv. লেবর মন্ত্রালয়গী স্কিমগী মখাদা পীবা হেল্থ ইন্সুরেন্স স্মার্ত কার্দ,

v. দ্রাইবিং লাইসেন্স,

vi. PAN কার্দ,

vii. NPRগী মখঅদা RGIনা পীবা স্মার্ত কার্দ,

viii. ‌ইন্দিয়ন পাসপোর্ত,

ix. ফোতো য়াওবা পেন্সনগী চে,

x. কেন্দ্র অমদি রাজ্য সরকার/PSUs/পব্লিক লিমিতেদ কম্পনীশিংগী কর্মচারীশিংদা পীবা ফোতো য়াওবা সর্ভিস আইদেন্তিতী কার্দ,

xi. MPs/MLAs/MLCsদা পীবা ওফিসিএল আইদেন্তিতী কার্দ অমসুং

xii. ভারত সরকারগী সোসিএল জস্তিস এন্দ এম্পাৱর্মেন্ত মন্ত্রালয়না পীবা য়ুনিক দিসএবিলিতী ID (UDID) কার্দ 

4. মোদেল কোদ ওফ কন্দক্ত

জানুৱারী 2, 2024 দা থোকখিবা কম্মিসনগী বাইদ লেত্তর নম্বর 437/6/1NST/ECI/FUNCT/MCC/2024/(বাই ইলেক্সনস) গী মতুং ইন্না মোদেল কোদ ওফ কন্দক্ত অসি ইলেক্সন পাঙথোক্কদৌরিবা বিধান সভা কেন্দ্র পুম্নমক নত্ত্রগা মসিগী শরুক অমা হেক্তা য়াওরিবা জিলা (শিং) অদুদা খুদক্তা চৎনবা হৌগনি। (কম্মিসনগী ৱেবসাইটতা ফংগনি)

5. ক্রিমিনেল এন্তিসিদেন্তশিংগী মতাংদা ই-পাউ

ক্রিমিনেল এন্তিসিদেন্ত লৈবা কেন্দিদেৎশিংনা কেম্পেন পেরিয়দকী মনুংদা মসিগী মতাংদা ইনফোর্মেসন অসি পাউচেশিংদা অমসুং তেলিভিজন চেনেলশিংদা অহুম্লক ফোঙবা মথৌ তাই। ক্রিমিনেল এন্তিসিদেন্ত লৈবা কেন্দিদেৎশিং থাগৎপা পোলিতিকেল পার্তি অমনা মখোয়গী কেন্দিদেৎশিংগী ক্রিমিনেল বেকগ্রাউন্দগী মতাংদা ইনফোর্মেসন অসি মখোয়গী ৱেবসাইত্তা অমসুং পাইচে অমসুং তেলিভিজন চেনেলশিংদা অহুম্লক হন্না ফোঙদোকপা মথৌ তাই।

কম্মিসন্না মহাক্কী সেপ্তেম্বর 16, 2020দা থোকখিবা চেরোল নম্বর 3/4/2019/SDR/Vol.IV না পাউতাক পীখি মদুদি অখন্নবা মতম অসিদা মখাদা পীরিবা মওংদা ব্লোক অহুম থোক্না লেপথোক্কনি, মসিনা ইলেক্তরশিংনা অসিগুম্বা কেন্দিদেৎশিংগী বেকগ্রাউন্দগী মরমদা খঙনবগী মতিক চাবা মতম ফংহল্লগনি:

(a) নোমিনেসন ৱিথদ্রো তৌবগী অহানবা নুমিৎ 4গী মনুংদা।

(b) মথংগী নুমি 5নি-8নিদা।

(c) 9নি শুবা নুমিৎতগী কেম্পেনগী অরোইবা নুমিৎ ফাওবদা (মীখল পাঙথোক্কদবা নুমিৎ নিনি মমাংদা)।

(ইল্লুস্ত্রেসন: করিগুম্বা লৌথোকপগী অরোইবা নুমিৎ অসি থা অদুগী তাং 10 ওইরবা অমসুং পোল অদু থা অদুগী তাং 24দা ওইরবদি, দিক্লারেসন ফোঙদোক্নবগী অহানবা ব্লোক অদু থা অদুগী 11 অমসুং 14গী মরক্তা পাংথোক্কনি, অনিশুবা অমসুং অহুমশুবা ব্লোকশিং অদু মথংশিৎনা থা অদুগী 15 অমসুং 18 অমসুং 19 অমসুং 22গী মরক্তা পাংথোক্কনি।)

মসিগী মথৌ তাবা অসি 2015গী রিত পিতিসন (c) নম্বর 784 (লোক প্রহারি Vs য়ুনিয়ন ওফ ইন্দিয়া অমসুং অতোপ্পশিং) অমসুং 2011গী রিত পিতিসন (সিভিল) নম্বর 536 (পব্লিক ইন্তরেস্ত ফাউন্দেসন অমসুং Ors Vs য়ুনিয়ন ওফ ইন্দিয়া অমসুং Anr)গী ইকাই খুম্নরবা সুপ্রিম কোর্তনা পীখিবা ৱায়েলগী মতুং ইন্ননি।

মসিগী ই-পাউ অসি ‘নো য়োর কেন্দিদেৎ’ কৌবা এপ অমদসু ফংগনি।

6. মরক্কী মীখল মনুংদা কোবিদকা মরী লৈন্ননা শিল-লাংবা

কম্মিসন্না জেনরেল ইলেক্সন অমসুং মরক্কী মীখলশিং পাঙথোকপদা চৎনগদবা কোবিদ গাইদলাইনশিং থোকখ্রে, মসি কম্মিসনগী ৱেবসাইত্তা ফংগনি।

******