প্রধানমন্ত্রীগী লোইশঙ
প্রধান মন্ত্রীনা বিহারগী বেত্তিয়াদা বিকসিত ভারত বিকসিত বিহার থৌরমদা ৱা ঙাংখ্রে
বিহারগী বেত্তিয়াদা লুপা করোর ১২,৮০০ রোমগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে
কিমি ১০৯ শাংবা ইন্দিয়ান ওইলগী মুজাফফরপুর-মোতিহারি এল.পি.জি পাইপলাইন শঙ্গাখ্রে
মোতিহারিদা ইন্দিয়ান ওইলগী এল.পি.জি বোত্তলিং প্লান্ত অমসুং স্তোরেজ তর্মিনেল মীয়ামদা কৎথোকখ্রে
সিতি গ্যাস দিস্ত্রিবিউসন প্রোজেকশিং অমসুং গ্রেন-বেজ ইথানোল প্রোজেকশিংগী উরেপ-উয়ুং তমখ্রে
তোঙান-তোঙানবা রেল অমসুং লম্বীগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে
বেত্তিয়া রেলৱে স্তেসন অমুক হন্না শেমগৎনবা উরেপ-উয়ুং তমখ্রে
নরকাতিয়াগঞ্জ-গৌনহা অমসুং রাজাউল –জোগবানিগী মরক্তা অনৌবা ত্রেন সর্বিস অসি লমথাখ্রে
“দবল ইঞ্জিন সরকারগী মখাদা, রাজ্য অসিগী হান্নগী মিংচৎ অমুক পুরক্নবা লম্বীদা বিহার য়াংনা চৎলি”
“বিকসিত বিহার অমসুং বিকসিত ভারতকী ৱাশক ঙাক্নবা বেত্তিয়া, চম্পারন্দগী হেন্না ফবা মফম লৈতে”
“বিহার নুংঙাই-য়াইফরকপা মতমদা, ভারতনা নুংঙাই-য়াইফগনি। মরম অদুনা বিকসিত ভারতকীদমক বিকসিত বিহার অসি চপ মান্ননা মরুওই”
“বিহারদা বিহারগী নহারোলশিং থবক ফংহন্নবা এন.দি.এগী দবল ইঞ্
Posted On:
06 MAR 2024 5:05PM by PIB Imphal
ঙসি প্রধান মন্ত্রী শ্রী নরেন্দ্র মোদীনা বিহারগী ৱেস্ত চম্পারন জিলাগী বেত্তিয়াদা লুপা করোর ১২,৮০০ রোমগী তোঙান-তোঙানবা ইনফ্রাস্ত্রকচরশিং প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে। প্রোজেকশিং অদু রেল, লম্বী, পেত্রোলিয়ম অমসুং নেচরেল গ্যাসকা মরী লৈবা হিরমশিংনি।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি বেত্তিয়াগী লমদমনা নিংতম ইহৌগী অমুক হন্না মৈরা চুখৎখি অমসুং মীয়ামদা অনৌবা ৱাখল্লোন অমা পীখি। লমদম অসিদগী মোহন দাস জিদগী মহাত্মা গান্ধী শেমখি। বিকসিত বিহার অমসুং বিকসিত ভারতকী ৱাশক ঙাক্নবা বেত্তিয়া, চম্পারন্দগী হেন্না ফবা মফম লৈতে। রাজ্য অসিগী তোঙান-তোঙানবা লোক সভা অমসুং বিধান সভা কেন্দ্রশিংদগী বিকসিত বিহার থৌরম শরুক য়ানবা মীওই কয়া লাক্লি অমসুং ঙসিগী চাউখৎ-থৌরাংগী প্রোজেকশিংগীদমক রাজ্য অসিগী মীয়ামদা য়াইফ-পাউজেল পীজরি।
প্রধান মন্ত্রীনা হায়খি বিহারগী লমদমনা চহিচা কয়া লৈবাক্কীদমক লুচিংবগী থবকশিং উৎখ্রে অমসুং লৈবাক্কীদমক শক্নাইরবা মীওই কয়া পুথোকখ্রে। বিহার নুংঙাই-য়াইফরকপা মতমদা, ভারতনা নুংঙাই-য়াইফগনি। মরম অদুনা বিকসিত ভারতকীদমক বিকসিত বিহার অসি চপ মান্ননা মরুওই। রাজ্য অসিদা দবল ইঞ্জিন সরকার শেম্বদগী বিকসিত বিহারগা মরী লৈনবা চাউখৎ-থৌরাংগী থবকশিংগী খোঙজেল য়াংখৎলে। ঙসিগী প্রোজেকশিংগী মনুংদা রেল, লম্বী, ইথানোল প্লান্তশিং, সিতি গ্যাস সপ্লাই অমসুং এল.পি.জি গ্যাসগী হিরমশিং য়াওরি। বিকসিত বিহারগী থাজবা থবক ওইনা পাংথোক্নবা মসিগী খোঙজেল অসি লেংদনা থম্বা দরকার ওই।
প্রধান মন্ত্রীনা হায়খি, বিহারগী অরিবা লায়না অমদি লো অমসুং ওর্দরগী ফিবম ফত্তবা অমসুং শাগৈগী রাজনিতিনা মরম ওইদুনা রাজ্য অসিগী নহারোলশিং খুল হোংখিবা অসিনি। বিহারদা বিহারগী নহারোলশিং থবক ফংহন্নবা এন.দি.এগী দবল ইঞ্জিন সরকারনা হোৎনরি। ঙসিগী প্রোজেকশিং অসিগী খ্বাইদগী চাউবা বেনিফিসরশিংদি থবক থিরিবা নহারোলশিংনি। গঙ্গা তুরেল মথক্তা পাতনাদা দিঘা-সোনেপুর-রেল-কম-রোদ ব্রিজগা খমব্রাংননা গঙ্গা তুরেল মথক্তা লেন তরুক্কী কেবল ব্রিজ শানবা উরেপ-উয়ুং তম্লে। গঙ্গা তুরেল মথক্তা থোং ৫ য়াওনা বিহারদা থোং ১২ হেন্না শানবা লুপা করোর ২২,০০০ কাইথোক্লে। হায়রিবা থোংশিং অমসুং পাক্লবা লম্বীশিংনা চাউখৎপগী লম্বী য়াৎলে। অনৌবা ইনফ্রস্ত্রকচরশিংনা থবক ফংনবগী অনৌবা খুদোংচাবশিং শেম্লে।
প্রধান মন্ত্রীনা হায়খি লৈবাক অসিদা শেমগৎলবা রেল লাইনশিং নত্ত্রগা লমথাখ্রবা ত্রেনশিং ভারত্তা শাবা ঙাক্তনি। মসিনা মীওই কয়া থবক ফংহল্লে। হৌজিক পাল্লিবা সরকার অসিনা বিহারদা অনৌবা রেল ইঞ্জিন শানবা ফেক্তরিশিং লিংখৎলে। লৈবাক অসিদা দিজিতেল ইন্দিয়া মাইপাক্না পায়খৎলে অমসুং অসিগুম্বা দিজিতেলী খুদোংচাবসিং চাউখৎলবা লৈবাক কয়াদা লৈত্রি অমসুং দিজিতেলগী থবকশিং য়াম্না য়াংনা শীজিন্নবগীদমক ভারতকী নহারোলশিং থাগৎচরি। খোঙথাং খুদিংমক্তা ভারতকী নহারোলশিংগীদমক লেপ্না মোদীনা গরেন্তি পীরে। ঙসি, ঐনা থাজবা অসি বিহারগী নহারোলশিংদা পীরে। মোদীগী গরেন্তি হায়বগী ৱাহন্থোক্তি গরেন্তি অদু থবক ওইনা পাংথোকপা হায়বনি।
প্রধান মন্ত্রীনা হায়খি সোলার প্লান্তশিং থমদুনা ভারত্তা য়ুম খুদিংমক সুর্য় ঘর অমা ওইহন্দুনা মৈ পুথোক্নবা সরকারনা থবক পায়খৎলে অমসুং অহেনবা মৈ সরকারনা অমুক হন্না লৈদুনা মীয়াম অহেনবা শেন তানবা য়ারগনি। মীয়াম শাগৈগী রাজনিতিগী ফত্তবশিংদগী চেকশিনগদবনি অমসুং জন নায়ক কারপুরী থাকুর, জয় প্রকাস নরায়ন, রাম মনোহর লোহিয়া, বাবা সাহেব অম্বেদকার অমসুং মহাত্মা গান্ধীগী অচুম্বা ফিদমশিং নিংশিংগদবনি।
প্রধান মন্ত্রীনা হায়খি লায়রবশিং, নুপীশিং, নহারোলশিং অমসুং লৌমীশিংনা থেংনরিবা অৱাবশিং কোকহন্নবা সরকারনা থবক পায়খৎলে। লেম্না চেং ফংহন্নবা স্কিম, অয়ুস্মান ভারত স্কিম পায়খৎলে, পাক্কাগী য়ুমশিং, তোইলেতশিং, মৈ, গ্যাস অমসুং তোতি ঈশিং ফংহল্লে। রেকোর্দ ওইনা এ.আই.আই.এম.এসশিং, আই.আই.তিশিং,আই.আই.এমশিং অমসুং অতোপ্পা মেদিকেল কলেজশিং লিংখৎলে, লৌমীশিং উর্জাদাতা অমসুং উরবরাকদাতা ওইহল্লে অমসুং চু অমসুং ফৌ থাবা লৌমীশিংনা পুথোরকপা অরেম্বশিং শীজিন্ননবা ইথানোল প্লান্তশিং লিংখৎলে। হন্দক চুগী মমল হেনগৎতুনা কুইন্তল অমদা লুপা ৩৪০দা হেনগৎলে অমসুং মালেমদা খ্বাইদগী চাউবা মহৈ-মরোং থম্নবা স্কিম হৌদোক্তুনা লৈবাক অসিদা অমসুং বিহারদা কৈ লিশিং কয়া শারগনি।
মহাক্না মখা তানা হায়খি পি.এম কিসন সম্মান নিধিগী মখাদা লৌমীশিং লুপা করোর লিশিং কয়াগী শেন্থং পীখ্রে। হৌজিক ফাওবদা স্কিম অসিগী মখাদা বেত্তিয়াগী লৌমীশিংদা লুপা করোর ৮০০ পীখ্রে। বরাউনিদা হারগী ফেক্তরি মতম শানা থোং লোন্দুনা লাকখি অমসুং মসি অমুক হন্না হিঙ্গৎহনগনি হায়না মোদীনা থাজবা পীখি। ঙসি অমুক হন্না হারগী ফেক্তরি থবক হৌরে অমসুং থবক ফংহল্লে। মরম অদুনা মীয়াম্না হায়রি মদুদি, মোদীগী গরেন্তিগী ৱাহন্থোক্তি গরেন্তি অদু থবক ওইনা পাংথোকপনি।
প্রধান মন্ত্রীনা হায়খি অযোধ্যা ধামদা শ্রী রাম মন্দির শঙ্গাদবা বিহারগী মীয়াম হরাওরে। ঙসি ভারত অসি মসিগী হেরিতেচ অমসুং কলচরগী মমিং চৎলে।
প্রধান মন্ত্রীনা হায়খি লমদম অসিদা মহৌশা নুংশিজবা থারু ত্রাইব লৈরি। মীওই খুদিংমক্না থারু ত্রাইবতগী ইথিল লৌগদবনি। থারুগুম্বা ত্রাইবশিংদগী ইথিল লৌদুনা, ঙসি ভারত মহৌশাগী শক্তম ঙাক-শেনবগা লোয়ননা চাউখৎলি। মরম অদুনা ঐনা হায়রি মদুদি বিকসিত ভারত অমা শেমগৎনবা, মীওই খুদিংমক্কী হোৎনবা, মীওই খুদিংমক্কী অনিংবা অমসুং মীওই খুদিংমক তম্বা দরকার ওই।
লোইশিল্লকপদা, প্রধান মন্ত্রীনা হায়খি মীয়াম লায়রবা কোকহন্নবা, নহারোলশিং থবক ফংনবা, লায়রবশিং পাক্কাগী য়ুম শানবা, য়ুম করোর ১দা সোলার পেনেলশিং থম্নবা, লাখপতি দিদি করোর ৩ শেমগৎনবা অমসুং বন্দে ভারতগুম্বা ত্রেনশিং চেন্নবা ভারত মালেমদা ৩শুবা খ্বাইদগী চাউবা ইকোনোমি ওইহনবা অসি য়াম্না মরুওই।
থৌরম অদুদা শরুক য়াখিবশিংগী মনুংদা বিহারগী রাজ্যপাল শ্রী আর ভি অরলেকার, বিহারগী চীফ মিনিস্তর শ্রী নিতিস কুমার, বিহারগী দিপুতি চীফ মিনিস্তরশিং শ্রী সামরাত চৌধুরি অমসুং শ্রী বিজয় কুমার সিনহা, কেন্দ্রগী রাজ্য মন্ত্রী শ্রী নিত্যনন্দ রাই অমসুং এম.পি শ্রী সঞ্জয় জাইসৱাল য়াওখি।
নুঙগীৱারোল
প্রধান মন্ত্রীনা কিমি ১০৯ শাংবা ইন্দিয়ান ওইলগী মুজাফফরপুর-মোতিহারি এল.পি.জি পাইপলাইন শঙ্গাখ্রে। মসিনা বিহার অমসুং য়ুম্লোন্নরিবা লৈবাক নেপালদা চাক থোংনবা গ্যাস ফংহনগনি। প্রধান মন্ত্রীনা মোতিহারিদা ইন্দিয়ান ওইলগী এল.পি.জি বোত্তলিং প্লান্ত অমসুং স্তোরেজ তর্মিনেল লৈবাক মীয়ামদা কৎথোকখ্রে। অনৌবা পাইপলাইন তর্মিনেল অসি নেপালদা পেত্রোলিয়মগী পোৎথোকশিং থাদোক্নবা মরুওইবা সপ্লাই পোইন্ত অমা ওইনা থবক তৌগনি। মসিনা নোর্থ বিহারগী জিলা ৮ হায়বদি ইস্ত চম্পারন, ৱেস্ত চম্পারন, গোপালগঞ্জ, সিৱান, মুজফফরপুর, সিওহার, সিতামারহি অমসুং মধুবানিদা থবক তৌগনি। মোতিহারিগী অনৌবা বোত্তলিং প্লান্ত অসিনা মোতিহারি প্লান্তগা থবক তৌমিন্নরিবা ফিদিং মার্কেতশিংদা সপ্লাই চেন ফজনা মথৌ পাংথোকপদা মতেং পাংগনি।
প্রধান মন্ত্রীনা শঙ্গাখিবা লম্বীগী প্রোজেকশিংগী মনুংদা এন.ঐচ-২৮এগী পিপ্রাকোতি-মোতিহারি-রাজাউল সেক্সন পেপ সোলজরগা লোয়ননা লেন অনি ওনখৎপা; এন.ঐচ-১০৪গী সিওহার-সিতামারহি সেক্সন লেন অনি ওনখৎপা য়াওরি। প্রধান মন্ত্রীনা উরেপ-উয়ুং তমখিবা প্রোজেকশিংগী মনুংদা গঙ্গা তুরেল মথক্তা পাতনাদা দিঘা-সোনেপুর-রেল-কম-রোদ ব্রিজগা খমব্রাংননা গঙ্গা তুরেল মথক্তা লেন তরুক্কী কেবল ব্রিজ; এন.ঐচ-১৯ বাইপাস বাকারপুর হাত-মনিকপুর সেক্সন লেন মরি ওনখৎপা য়াওরি।
প্রধান মন্ত্রীনা তোঙান-তোঙানবা রেলৱে প্রোজেকশিং শঙ্গাগখি, মীয়ামদা কৎথোকখি অমসুং উরেপ-উয়ুং তমখি। প্রধান মন্ত্রীনা বাপুধাম মোতিহারি-পিপ্রাহান ফাওবগী রেল লাইন(কিমি ৬২) দবল ওইহনবা লৈবাক অসিগী মীয়ামদা কৎথোকখি অমসুং মহাক্না নরকাতিয়াগঞ্জ-গৌনাহা গেজ ওনখৎপা শঙ্গাখি। প্রধান মন্ত্রীনা গোরাখপুর কেন্ত-বালমিকি নগর রেল লাইন(কিমি৯৬) দবল ওনখৎপা অমসুং মৈ ফংহনবা অমসুং বেত্তিয়া রেলৱে স্তেসন অমুক হন্না শেমগৎপা উরেপ-উয়ুং তমখি। প্রধান মন্ত্রীনা নরকাতিয়াগঞ্জ-গৌনাহা অমসুং রাজাউল-জোগবানিগী মরক্তা অনৌবা ত্রেন সর্বিস অনি লমথাখি।
***
(Release ID: 2012055)
Visitor Counter : 75
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam