প্রধানমন্ত্রীগী লোইশঙ
পি.এম.না সঙ্গরেদ্দী, তেলঙ্গনাদা লুপা করোর ৬,৮০০ হেনবগী চাওখৎ থৌরাংগী প্রোজেক্ত কয়া উরেপ উয়ুং তমখ্রে অমসুং লৈবাক্কী মফমদা কত্থোকখ্রে
নেস্নেল হায়ৱে প্রোজেক্ত ৩ শঙ্গাখ্রে অমসুং উরেপ উয়ুং তমখ্রে
অতোপ্পা অনৌবা স্তেসন বিল্দিং তরুক্কা লোয়ননা সনাথনগর – মৌলা অলি রেল লাইন দব্লিং অ্রমসুং ইলেক্ত্রিফিকেসন তৌবা শঙ্গাখ্রে
অহানবা এম.এম.তি.এস. ত্রেন সর্ভিস ঘাতকেসর – লিঙ্গমপলিদগী মৌলা অলি – সনাথনগর ফাওরগা লমথাখ্রে
ইন্দিয়ন ওইল পরাদিপ- হায়দরবাদ প্রদক্ত পাইপলাইন শঙ্গাখ্রে
হায়দরবাদতা সিভিল এভিএসন রিছর্চ ওর্গনাইজেসন (সি.এ.আর.ও.) সেন্তর শঙ্গাখ্রে
“ঐহাক্না স্তেতশিং চাওখৎহন্দুনা লৈবাক্কী চাউখৎপা পুরকপগী ৱাফমদা থাজবা থম্মি”
“ঙসিগী প্রোজেক্তশিং অসিনা ভিক্সিত তেলঙ্গনাগী খুত্থাঙদা ভিক্সিত ভারত পুরকপদা মতেঙ ওইরগনি”
“হায়দরবাদগী বেগম এয়রপোর্ত্তা লৈরিবা সিভিল এভিএসন রিছর্চ ওর্গনাইজেসন (সি.এ.আর.ও.) সেন্তর অসি অসিগুম্বা মতমগা চুনবা থাক্তা য়েংবদা মসিগুম্বা মখলগী অহানবনি”
Posted On:
05 MAR 2024 11:49AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি সঙ্গরেদ্দী, তেলঙ্গনাদা লুপা করোর ৬,৮০০ হেনবগী চাওখৎ থৌরাংগী প্রোজেক্ত কয়া উরেপ উয়ুং তমখ্রে অমসুং লৈবাক্কী মফমদা কত্থোকখ্রে। হায়রিবা প্রোজেক্তশিং অসিনা লম্বী, রেল, পেত্রোলিয়ম, এভিএসন অমসুং নেচরেল গ্যাসনচিংবা মরুওইবা সেক্তরশিং কোনশিল্লি।
তিল্লিবা মীয়ামদা ৱা ঙাংলদুনা, প্রধান মন্ত্রীনা ঙসি অসি মহাক্কী স্তেত অসিগী খোঙচৎকী নিনি চনবা নুমিৎনি অমদি তেলঙ্গনা চাওখৎহন্নবগীদমক কেন্দ্র লৈঙাক্না লেপ্পা লৈতনা হোৎনরি। মহাক্না ঙরাং ইনর্জী, ক্লাইমেৎ অমসুং ইনফ্রাস্ত্রকচরগী সেক্তরশিংদা অদিলবাদতা লুপা করোর ৫৬,০০০ লোমগী ওইগদবা চাওখৎ থৌরাংগী প্রোজেক্ত কয়া উরেপ উয়ুং তমখিবা অমসুং লৈবাক্কী মফমদা কত্থোকখিববু নীংশিংখি অমসুং ঙসি হায়ৱে, রেলৱে, এয়রৱে অমসুং পেত্রোলিয়ম সেক্তরশিং য়াওনা হীরম কয়াদা লুপা করোর ৭,০০০ লোমগী চাওখৎ থৌরাংগী প্রোজেক্ত কয়া উরেপ উয়ুং তম্লিবা অমসুং লৈবাক্কী মফমদা কত্থোকললখিববুসু পনখি। লৈঙাক্কী থবক তৌবগী ৱাখল্লোনশিং ফোঙদোক্লদুনা, “ঐহাক্না স্তেতশিং চাওখৎহন্দুনা লৈবাক্কী চাউখৎপা পুরকপগী ৱাফমদা থাজবা থম্মি”, হায়না প্রধান মন্ত্রীনা হায়খি। কেন্দ্র লৈঙাক্না হায়রিবা ৱাখল্লোন অসিমক্তদা তেলঙ্গনাগী থৌগল তৌনবা হোৎনরি হায়বা ৱাফম থমখি অমসুং মীয়ামগী মফমদা ঙসিগী চাওখৎ থৌরাংগী থবকশিংগীদমক নুংঙাইবা ফোঙদোকখি।
প্রধান মন্ত্রীনা হায়দরবাদগী বেগম এয়রপোর্ত্তা লৈরিবা সিভিল এভিএসন রিছর্চ ওর্গনাইজেসন (সি.এ.আর.ও.) সেন্তর শঙ্গাখিববু তেলঙ্গনাগী এএভিএসন সেন্তরদা তম্বা অচৌবা খুদোল অমনি হায়খি। মফম অসি অসিগুম্বা মখলগী অহানবনি অমসুং হীরম অসিদা তেলঙ্গনাবু নৌনা শকখঙনহনগনি। মসিনা লৈবাকসিগী এভিএসন স্তার্তঅপশিংদা থিজিন হুমজিনবা অমসুং খুমাঙ চাওশিন্নবগী ফম্পাক অমা পীগনি, হায়না প্রধান মন্ত্রীনাআ মখা তাখি।
ভিক্সিত ভারতকী ফিরেপ্তা মতমগা চুনবা ইনফ্রাস্ত্রকচরগী মপুং ওইবা ৱাফমগী মরমদা ফোঙদোক্লদুনা, পি.এম. মোদীনা চহি অসিগী বজেত্তা লুপা করোর লাখ ১১গ গী শেনফম খাক্তুনা থমখিববু পনখি। তেলঙ্গনাদা খ্বায়দগী হেন্না কান্নবা পীনবগী থৌরাং অমা ওইনা, এন.ঐচ.-১৬১গী কান্দিদগী রামসনপল্লে সেক্সন অমসুং এন.ঐচ.-১৬৭গী মিরয়ালগুদাদগী কোদাদ সেক্সন্না তেলঙ্গনা অমসুং অন্ধ্র প্রদেশকী মরক্তা ত্রান্সপোর্ত ফেসিলিতীশিং ফগৎহনগনি হায়না মহাক্না হায়খি।
“তেলঙ্গনা অসি খা ভারতকী হোজঙ হায়রগা খঙনৈ” হায়রদুনা প্রধান মন্ত্রীনা স্তেত অসিদা রেল কন্নেক্তিবিতী অমসুং সর্ভিসশিং ফগৎহন্নবা হোৎনরিবা লোয়ননা খোঙজেল য়াঙনা পায়খৎলিবা রেল লাইনশিং ইলেক্ত্রিফিকেসন অমসুং দব্লিং তৌবগী ৱাফমশিং পুথোক্তুনা থমখি। প্রধান মন্ত্রীনা ঙসি অতোপ্পা অনৌবা স্তেসন বিল্দিং তরুক্কা লোয়ননা সনাথনগর – মৌলা অলি লম্বী দব্লিং অমসুং ইলেক্ত্রিফিকেসন তৌখিববু পনখি। ঙসি ঘাতকেসসর – লিঙ্গমপলিদগী মৌলা অলি – সনাথনগর ফাওরগা এম.এম.তি.এস. ত্রেন সর্ভিস লমথাবগা লোয়ননা, হায়দ্রবাদ অমসুং সিকন্দরবাদ লমদমগী মফম কয়া অমা হৌজিক্তি শম্নহন্দুনা পেসেঞ্জরশিংগী খুদোংচাবা হেনগৎহল্লগনি হায়না প্রধান মন্ত্রীনা ফোঙদোকখি।
প্রধান মন্ত্রীনা ঙসি ইন্দিয়ন ওইল পরাদিপ-হায়দরবাদ প্রদক্ত পাইপলাইন শঙ্গাখি অমসুং মসিনা পোত্রোলিয়ম পোত্থোকশিংবু হেন্না মমল চঙদনা অমসুং তুং কোইগদবা মওংদা পুরক্কনি হায়খি। মসিনা ভিক্সিত তেলঙ্গনাগী খুত্থাঙদা ভিক্সিত ভারত্তা অনৌবা ইনোৎ অমা হাপকনি হায়না প্রধান মন্ত্রীনা হায়খি।
তেলঙ্গনাগী গভর্নর, দোক্তর তামিলিইসাই সৌন্দররজন, অমসুং কেন্দ্র মন্ত্রী, শ্রী জি কিসন রেদ্দীসু অতৈ মীওই কয়াগা লোয়ননা থৌরমদুদা শরুক য়াখি।
বেকগ্রাউন্দ
প্রধান মন্ত্রীনা নেসনেল হায়ৱে প্রোজেক অহুম শঙ্গাখি অমসুং উরেপ-উয়ুং তমখি। প্রধান মন্ত্রীনা শঙ্গাখিবা নেসনেল হায়ৱে প্রোজেক অনিগী মনুংদা এন.ঐচ-১৬১গী কিমি ৪০ শাংবা কান্দি-রামসানপাল্লে সেক্সন লেন মরি ওইহনবা য়াওরি। প্রোজেক অসি ইন্দোর-হায়দরবাদ ইকনমিক কোরিদোরগী শরুক অমনি অমসুং মসিনা তেলঙ্গানা, মহারাস্ত্রা অমসুং মধ্য প্রদেসকী মরক্তা পেসেঞ্জর অমসুং পোৎ-চৈ অপনবা লৈতনা চৎথোক-চৎশিন অমসুং পুথোক-পুশিন তৌবা য়াহনগনি। সেক্সন অসিনা হায়দরবাদ অমসুং নানদেরগী মরক্তা চৎথোক-চৎশিন তৌবদা চঙবা মতম পুং ৩ লোম হন্থহনগনি। প্রধান মন্ত্রীনা এন.ঐচ-১৬৭গী কি.মি ৪৭ শাংবা মিরয়ালাগুরা-কোদাদ সেক্সন পেপ সোলজরগা লোয়ননা লেন অনিদা ওন্থোক্তুনা ফগৎহল্লবা লম্বীবুসু শঙ্গাখি। লম্বী-থোং ফগৎহনবা অসিনা লমদম অসিদা তুরিজম, শেন-থুম তানবগী থবকশিং অমসুং ইন্দস্ত্রীশিং চাউখৎহনগনি।
মখা তানা, প্রধান মন্ত্রীনা এন.ঐচ-৬৫কী কিমি ২৯ শাংবা পুনে-হায়দরবাদ সেক্সন লেন তরুক ওইহন্নবা উরেপ-উয়ুং তমখি। প্রোজেক অসিনা তেলঙ্গানাগী মরুওইবা উদোগকী মফমশিং হায়বদি পাতানচেরু ময়াগী পাসামাইলারাম ইন্দস্ত্রিএল এরিয়াগুম্বা মফমশিংগী লম্বী-থোং ফগৎহনগনি।
থৌরম মনুংদা, প্রধান মন্ত্রীনা অনৌবা স্তেসন বিল্দিং তরুক্কা লোয়ননা সনাথনগর - মৌলা অলি রেল লাইন দব্লিং অমসুং ইলেক্ত্রিফিকেসন তৌবগী প্রোজেক্ত শঙ্গাখি। কিমি ২২গী রুতকী প্রোজেক অসি ওতোমেতিক শিঙ্গনেলগী থবক হৌরে অমসুং এম.এম.তি.এস (মল্তি মোদাল ত্রান্সপোর্ত সর্বিস) ফেজ-২ প্রোজেক্তকী শরুক অমা ওইনা লোইশিনবনি। মসিগী শরুক অমা ওইনা, ফেরোজগুদা, সুচিত্রা সেন্তর, ভুদেবী নগর, অম্মুগুদা, নেরেদমেত অমসুং মৌলা অলি হাওসিং বোর্দ স্তেসনশিংদা অনৌবা স্তেসন বিল্দিংশিং শেমগৎলে। দব্লিং অমসুং ইলেক্ত্রিফিকেসন তৌবা অসিনা সেক্সন অসিদা অহানবা ওইনা পেসেঞ্জর ত্রেনশিং চেনবা হৌনবা লম্বী য়াৎলে। মসিনা য়াম্না চিনবা সেক্সনশিংদা পোৎলুম হন্থহন্দুনা লমদম অসিদা ত্রেনশিং মতম চানা অমসুং খোঙজেল য়াংনা চেনবদা মতেং পাংলগনি।
প্রধান মন্ত্রীনা ঘাতকেসার - লিঙ্গামপাল্লিদগী মৌলা অলি - সনাথনগরদগী ফাওরগা এম.এম.তি.এস ত্রেন সর্বিস লমথাখি। মীয়াম্না পাম্নরবা ত্রেন সর্বিস অসি অহানবা ওইনা হায়দরবাদ-সিকন্দরবাদ ত্বিন সিতিগী অনৌবা শরুকশিংদা য়ৌহল্লগনি। মসিনা সহরগী নোংপোক থংবা শরুক হায়বদি চেরালপাল্লি, মৌলা অলিগা সহরগী নোংচুপ থংবা শরুক্কা শম্নহল্লে। ত্বিন সিতিগী নোংপোক থংবা শরুক্কা নোংচুপ থংবা শরুক্কা শম্নবা অসিনা চৎথোক-চৎশিন তৌরিবা মীওইশিংদা য়াম্না কান্নবা পীরগনি।
মখা তানা, প্রধান মন্ত্রীনা ইন্দিয়ন ওইল পরাদিপ-হায়দ্রবাদ প্রদক্ত পাইপলাইন শঙ্গাখি। ৪.৫ এম.এম.তি.পি.এগী কেপাসিতি লৈবা কিমি ১২১২ শাংবা প্রদক্ত পাইপলাইন অসিনা ওরিসা (কিমি ৩২৯), অন্ধ্র প্রদেস (কিমি ৭২৩) অমসুং তেলঙ্গানা (কিমি ১৬০) ফাউদুনা চৎলি। পাইপলাইন অসিনা পরাদিপ রিফাইনরিদগী বিশাখাপত্নম, অতচুতাপুরম অমসুং বিজয়াৱারা (অন্ধ্র প্রদেস) অমসুং হায়দরবাদ ময়াগী মালকাপুর (তেলঙ্গানা)দা লৈবা দেলিভরি স্তেসনশিং ফাওবা অশোই-অঙাম য়াওদনা অমসুং শেন য়াম্না চঙহন্দনা পেত্রোলিয়মগী পোৎথোকশিং পুথোক-পুশিন তৌগনি।
প্রধান মন্ত্রীনা হায়দরবাদতা সিভিল এভিএসন রিছর্চ ওর্গনাইজেসন (সি.এ.আর.ও.) সেন্তর শঙ্গাখি। মসি সিভিও এভিএসন সেক্তরদা রিছর্চ অমসুং দিভেলপমেন্ত (আর&দি)গী থাক ৱাংখৎহন্নবা অমসুং ফীভম ফগৎহন্নবগীদমক এয়রপোর্ত ওথোরিতী ওফ ইন্দিয়াদা বেগমপেত এয়রপোর্ত, হায়দরবাদতা লিংখৎপনি। মসিনা লমদমসিগী ওইবা অমসুং ইনোভেতিব ওইপা পাম্বৈশিং পীননবগীদমক ইন-হাউস অমসুং খুৎশম্ননা চৎমিন্নবগী থৌওংশিংগী খুত্থাঙদা এভিএসন কম্ম্যুনিতীদা মালেমগী ওইবা থিজিন হুমজিনবগী ফম্পাক অমা পীননবা মীৎয়েঙ থম্লি। লুপা করোর ৩৫০ হেন্না চঙনা শাগৎখিবা, স্তেত-ওফ-দি-আর্ত ফেসিলিতী অসি ৫-স্তার-গ্রিহ রেতিং অমসুং ইনর্জী কঞ্জার্বেসন বিল্দিং কোদ (ই.সি.বি.সি.)গী কাঙলোনশিং ইল্লি। সি.এ.আর.ও.না তুংগী রিছর্চ অমসুং দিভেলপমেন্ত থৌরাংশিংদা ঙাক্লৌ পীনবগীদমক মপুং ফাবা লেবোরেতরীগী তৌবা ঙম্বশিং শীজন্নগনি। মসিনা ওপরেস্নেল এনালাইসিস, অমসুং পর্ফোর্মেন্স মীজরমেন্তগীদমক দেতা এনালাইতিক্স কেপেবিলিতীশিং শীজিন্নগনি। সি.এ.আর.ও.দা তৌগদবা মরুওইবা আর&দিগী থবক থৌওংশিংদা এয়রস্পেস অমসুং এয়রপোর্তকা মরী লৈনবা সেফ্তী, কেপাসিতী অমসুং ইফিসিএন্সী ফগৎহন্নবা থৌরমশিং, অচৌবা এয়রস্পেসকী শিংনবশিংগী ৱারোইশিন পুরকপা, অচৌবা এয়রপোর্ত ইনফ্রাস্ত্রকচরগী শিংনবশিং য়েংশিনবা, অমসুং অতৈ কয়াগা লোয়ননা তুংগী ওইবা এয়রস্পেস অমসুং এয়রপোর্তকী মথৌ তাবশিংগীদমক মশক খঙদোক্লবা হীরমশিংদা তেক্নোলোজী অমসুং পোত্থোকশিং শেমগৎপা য়াওরি।
*****
(Release ID: 2011620)
Visitor Counter : 51
Read this release in:
Kannada
,
English
,
Urdu
,
Marathi
,
Hindi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam