ভারত মাতা কি – জয় !

ভারত মাতা কি – জয় !

গুজরাতকী চীফ মিনিস্তর ভুপেন্দ্র ভাই পতেল, রাজ্য সরকারগী মিনিস্তরশিং, সংসদতা ঐগী মরুপ অমসুং গুজরাত প্রদেস ভারতীয় জনতা পার্তিগী প্রসিদেন্ত সি.আর পতিল, এম.পিশিং অমসুং এম.এল.এশিং অমসুং ঐগী নুংশিরবা ইনাওশিং অমসুং ইচলশিং !

মসি গুজরাত্তা ঐগী অহুমশুবা থৌরম্নি।  ঙসি অয়ুক গুজরাতকী পাসুপালাকশিং(শা-ষন ব্রিদরশিং) অমসুং দাইরি ইন্দস্ত্রিগা মরী লৈনবা মীওশিং লাখ কয়াগা গুজরাতকী অহমেদবাদতা উনবগী খুদোংচাবা অমা ঐ ফংখ্রে। মদুগী তুংদা, মেহসনাদা বলিনাথ মহাদেব লাইশঙদা প্রান প্রাতিস্থাদা শরুক য়াখি। হৌজিক ঐ চাউখৎ-থৌরাংগী কুহ্মৈ অসি শরুক য়ানবা নবসারীদা লাক্লে। নিংতম্বা ফংলবা মতুংদা, মতম অমতদা য়াম্লবা শেনফম অমগী চাউখৎ-থৌরাংগী থবকশিং পায়খৎপা অসি মসিনা অহানবনি হায়না ভুপেন্দ্র ভাইনা ফোঙদোক্লে। চাউখৎ-থৌরাংগী থবকশিং অসিগীদমক ঐখোয় হরাওবা ফোঙদোকসি, অদোম ফোঙদোক্কদরা? থৌরম অসিদা শরুক য়ারিবা মীওইশিং অদোমগী মোবাইল ফোনশিং লৌথোকপীয়ু অমসুং ফ্লাস লাইতশিং থানবীয়ু চাউখৎ-থৌরাংগী অচৌবা কুহ্মৈ অসিগী শরুক অমা ওইহনসি। ভারত মাতা কি জয়… তপ্না লাউরোইসি। ভারত মাতা কি জয়, ভারত মাতা কি জয়,ভারত মাতা কি জয়। য়াম্না ফরে, ঙসি নবসারী দাইমন্দ অমগুম ঙাল্লে।

হন্দক বদোদারা, নবসারী, বরুচ অমসুং সুরত্তা লুপা করোর লিশিং কয়াগী অনৌবা প্রোজেকশিং পায়খৎলে। তেক্সতাইল, ইলেক্ত্রিসিতি অমসুং সহর শেমগৎপগা মরী লৈনবা লুপা করোর লিশিং ৪০গী হায়রিবা প্রোজেকশিং অসিগীদমক ময়াম পুম্নমক হরাওবা ফোঙদোকচরি।

হৌজিক মোদী কি গরেন্তিগী মরমদা লৈবাক শীনবা থুংনা ঙাংনবা অমা লৈরি। মসি সংসদতা ঙাংনরি অমসুং লম্বীশিংদা ঙাংনরি। ঙাংনরিবা অসি মোদীগী গরেন্তিগী মরমদনি। লৈবাক অসিগী অঙাংশিংনা হায়রি মোদীনা পীখিবা থাজবশিং থবক ওইনা পাংথোকই। মসি লৈবাক অসিগী অতৈ মফমশিংগীদি অনৌবা ওইবা য়াই, মোদীনা পীখিবা থাজবশিং থবক ওইনা পাংথোকই হায়বসি মতম কয়াগী মমাঙদগী গুজরাতকী মীয়াম্না খঙলবা অচুম্বা অমনি। ঐনা গুজরাতকী চীফ মিনিস্তর ওইরিঙৈদা ‘ফাইব এফ’ কী মরমদা হায়খিবা অদু অদোম নিংশিংলমগনি। ‘ফাইব এফ’ হায়বদি ফার্ম, ফার্ম তু ফাইবর, ফাইবর তু ফেক্তরি, ফেক্তরি তু ফেসন, ফেসন তু ফোরেন হায়বনি। ঐনা ‘ফাইব এফ’ হায়বগী মরমদি, লৌমীশিংনা লশিং থাগনি, লশিং অদু ফেক্তরি য়ৌগনি, ফেক্তরিদগী পুথোকপা লংদগী গার্মেন্ত শাগনি অমসুং হায়রিবা গার্মেন্তশিং অদু মপান লৈবাকশিংদা থাদোক্কনি।

ঐগী পান্দমদি তেক্সতাইলশিংগী মপুংফাবা সপ্লাই অমসুং ভেলু চেন অমা লৈহনবনি। মসি থবক ওইনা পাংথোক্লোইদরা ? ঙসি, অত্মানির্ভর ভারত অমা শেমগৎনবা ঐখোয়না অসিগুম্বা সিস্তেমশিং শেমগৎলি। পি.এম মিত্রা পার্ক অসি কেম্পেন অসিগী শরুক অমনি। ঙসি নবসারীদা পি.এম মিত্রা পার্ক শানবা থবক হৌরে। মসি লৈবাক অসিদা তেক্সতাইল সেক্তরগী অসিগুম্বা মখলগী অহানবা পার্কনি। মসিনা তেক্সতাইল ইন্দস্ত্রি ফগৎহনগনি অমসুং ভারতনা মপান্দা তেক্সতাইল থাদোকপা হেনগৎহনগনি। অদোম খন্দুনা য়েংউ… সুরতকী দাইমন্দ অমসুং নবসারীগী ফিরোল, মালেমগী ফেসনগী তাইবংদা গুজরাত কয়া য়াম্না চাউবগে হায়বা, গুজরাত হরাওগদরা নত্ত্রগা হরাওরোইদ্র ? গুজরাতকী খোন্থংশিং তাগদরা নত্ত্রগা তারোইদরা ?

ঙসিদি সুরতকী সিল্ক সিতি অসি নবসারী ফাওবা য়ৌরে। সেক্তর অসিদা খ্বাইদগী চাউবা পোৎথোক পুথোকপা লৈবাকশিং অমসুং মপান্দা থাদোকপা লৈবাকশিংগা ভারতকা চাংদম্নবা ঙম্লে।

মরুপশিং,

ঙসি মওং অমদা সুরত সিল্ক সিতি নবসারী ফাওবা শন্দোক্লে। ঙসি সেক্তর অসিদা ভারতনা মালেমদা খ্বাইদগী চাউবা প্রদুসরশিং অমসুং এক্সপোর্তরশিংগা লাম্বা তৌনরি। মসিদা গুজরাতকী তেক্সতাইল সেক্তরনা য়াম্না চাউনা মতেং পাংলি। চহি কয়া, সুরত্তা পুথোক্লিবা তেক্সতাইলশিংগী মীয়াম্না খঙনরি। মফম অসিদা শেমগৎলিবা পি.এম মিত্রা পার্ক লোইশিল্লকপা মতমদা লমদম অসিদা অহোংবা অমা লাক্লগনি। পার্ক অসি লুপা করোর ৩,০০০ চঙনা শেমগৎকদবনি। পি.এম মিত্রা পার্কনা ককপা, তুবা, গিন্নিং, গার্মেন্তস, তেক্নিকেল তেক্সতাইল অমসুং তেক্সতাইল মেছিন্নরিগুম্বা থবকশিংদা ভেলু-চেন ইকোসিস্তেম অমা শেমগৎকনি অমসুং থবক ফংবা হেনগৎহনগনি। পার্ক অসিদা শিন্মীশিংগী য়ুমশিং, লোজিস্তিক্স পার্ক, পোৎ-চৈ থমফম, লায়য়েংশঙ অমসুং ত্রেনিং অমসুং স্কিল দিবলপমেন্তগী খুদোংচাবশিং লৈগনি। পার্ক অসিনা অনকপা খুঙ্গংশিংদা থবক অমসুং মশানা মশাবু থবক পীজনবগী খুদোংচাবা কয়া পীরগনি।

মরুপশিং,

ঙসি, সুরতকী মীয়ামগী অতোপ্পা মরুওইবা প্রোজেক অমা থবক হৌরে। লুপা করোর ৮০০ চঙনা তাপী রিভর বরাজ শানবা উরেপ-উয়ুং তম্লে। বরাজ অসি শাবা লোইশিল্লবা মতুংদা সুরত্তা ঈশিং ফংদবগী অৱাবশিং কোকহল্লগনি অমসুং ঈশিং ইচাউগুম্বা ফিবমশিং ঙাকথোকপদা মতেং পাংলগনি।

মরুপশিং,

নোংমগী পুন্সিদা অমসুং উদোগ চাউখৎহনবদা ইলেক্ত্রিসিতিগী মরুওইবা গুজরাত খঙলে। গুজরাত্তা চহি ২০-২৫গী মমাঙদা য়াম্না তোইনা মৈ মুৎপা মতম অমা লৈরমখি। হৌজিক চহি ২৫-৩০ শুরবা মীওইশিংনা মতম অদুদা ঐখোয় অমম্বা মরক্তা লৈরকখি হায়বা খঙলরোই। ঐনা চীফ মিনিস্তর ওইরকপা মতমদা, মীয়াম ঐগী নাক্তা লাকখি অমসুং নুমিদাংগী চাক চাবা মনুংদা উপায় অমা তৌদুনা মৈ থারক্নবা হায়জখি। आप विचार को, হান্না মীয়াম্না সারদা হায়রমখি कम से कम में शाम के वाक्त के वाक्त तो जारा बिल्जी डीजी, মসিগী ফিবম অসিনি। অসিগুম্বা থৌদোক্নি।

ঐনা গুজরাতকী চীফ মিনিস্তর ওইরকপা মতমদা মৈ পুথোকপদা খুদোংচাদবা কয়া মায়োক্নখি। করিগুম্বা ঐখোয়না কোয়লা দরকার ওইরবশু,মসি অরাপ্পদগী নত্ত্রগা মপান লৈবাকশিংদগী পুরকপা দরকার ওইখি। করিগুম্বা গ্যাসতগী মৈ পুথোকপা দরকার ওইরবশু, মদুশু মপান লৈবাক্তগী পুশিল্লক্কদবনি। হায়রিবা খুদোংচাদবশিং অসিগা লোয়ননা গুজরাত চাউখৎহনবা ওইথোকখিদে। অদুবু মোদীনা মসি ওইথোকহনখি। “মোদী হাই তো মুমকিন হাই”। গুজরাতনা মৈ পুথোকপদা থেংনরিবা অৱাবশিং কোকহন্নবা সরকারনা থবক কয়া পায়খৎখি। অৱাংবা থাক্কী তেক্নোলোজি শীজিন্নবা পুক্নিং থৌগৎখি অমসুং সোলার অমসুং ৱিন্দ ইনর্জি পুথোকপগী থবক পায়খৎখি অমসুং মসিদগী ঙসি গুজরাত্তা য়াম্লবা ইলেক্ত্রিসিতি পুথোক্লে।

মরুপশিং, 

২১শুবা চহিচাগী ভারত্তা মৈ পুথোকপদা ঐখোয়গী নিউক্লিয়ার পৱার প্লান্তশিংগী থৌদাং হেনগৎলক্লি। ঙসি তাপীদা লৈবাক মীয়ামদা কাক্রাপার এতোমিক পৱার স্তেসন্দা অনৌবা প্রেসরাইজ হেভি ৱাতর রিয়েক্তর অনি: KAPS-3 অমসুং KAPS-4 কৎথোকখ্রে। হায়রিবা রিয়েক্তরশিং অসি ভারতনা শেমগৎজবা তেক্নলোজিনা শাবনি। অমুক হন্না ভারত মাতা কি জয় লাউদুনা মসিগী অত্মনির্ভরগী ফিবম অসি চাউথোকচবা ফোঙদোক্নবা অদোমগী খুৎ থাংগৎপীয়ু, ভারত মাতা কি জয়। হায়রিবা রিয়েক্তরশিং অসি অত্মানির্ভর ভারতকী খুদমশিংনি অমসুং হায়রিবা প্লান্তশিং অসিনা গুজরাতকী উদোগ চাউখৎহনবদা মখা তানা মতেং পাংগনি। 

মরুপশিং,

নবসারী ওইগেরা, বালসাদ ওইগেরা, অনৌবা ইনফ্রাস্ত্রকচরশিংগা লোয়ননা হান্না অমুক্ত ওইখিদ্রিবা মওংদা খা থংবা গুজরাত চাউখৎলে। ঐনা সোলার ইনর্জিগী হায়রকপা মতমদা, ঐখোয়গী গুজরাতকী হায়রকপা মতমদা, ঐখোয়গী গুজরাতকী খোঙ্গুল লিরিবা মীওইনা করি খনগনি? হৌজিক মোদীনা অদোমদা অতোপ্পা গরেন্তি অমা পীরি, মসি অদোমদা য়াম্না কান্নগনি, য়ুনিত ৩০০ ফাওবগী মৈ লেম্না পীগদববা থৌরম অমা অমসুং থৌরম অদুদি পি.এম সুর্য়াঘর। পি.এম সুর্য়াঘরনা মৈ য়ুনিত ৩০০ লেম্না পীগনি। মিদল ক্লাস ইমুং অমা, এ.সি, ফেন, ফ্রিজ, ৱাসিং মেছিন, খুদিংমক মসি শীজিন্নরগনি।

য়ুমশিংদা সোলার পেনেলশিং থম্নবা সরকারনা বেঙ্কতগী লোন পীগনি। করিগুম্বা অদোম্না মৈ য়ুনিতি ৩০০ দগী হেন্না পুথোক্লবদি, অদোমগী দরকার ওইবা মৈগী অহেনবা মৈ অদু য়োনবা য়াগনি, সরকারনা মৈ অদু লৈগনি। মদুদগী অদোম্না শেন ফংগনি। মসি মোদীগী থাজবনি। পি.এম সুর্য়াঘর স্কিমশিংনা য়ুমশিংগী মৈগী বিল হন্থহনবা খক নত্তনা অহেনবা শেন তান্নবগী পাম্বৈ অমসু ওইরগনি। লৈবাক অসিগী অহানবা বুল্লেত ত্রেন লমদম অসি ফাওদুনা চেল্লগনি অমসুং লমদম অসিগা লৈবাক অসিগী অচৌবা উদোগকী মফমশিং-মুম্বাই অমসুং সুরতকা শম্নহল্লগনি।

মরুপশিং,

উদোগ চাউখৎপগীদমক হৌজিক মীয়াম্না নবসারী মশক খঙলে। নবসারী য়াওনা নোংচুপ গুজরাত শীনবা থুংনা মসিগী লৌউ-শিংউ চাউখৎপগীদমক মীয়াম্না খঙনরে। লমদম অসিগী লৌমীসিংদা কান্নবশিং ফংহন্নবা সরকারনা থবক কয়া পায়খৎলে। লমদম অসিদা উহৈ-ৱাহৈ থাবগী ইহৌ অমা লৈরে অমসুং মালেমদা মমিং চৎলবা হাপুস অমসুং বালসারি মখলগী হৈনৌশিং অমসুং চিকু নবসারীদগী পুথোক্লি। ঙসি থবক খুদিংমক্তা দবল ইঞ্জিন সরকারনা লৌমীশিংগী মতেং পাংলি। পি.এম কিষান সম্মান নিধিগী মখাদা নবসারীগী লৌমীশিংনা লুপা করোর ৩৫০ হেনবগী শেন্থং ফংখ্রে।

মরুপশিং,

লৈবাক অসিগী নহারোলশিং, লায়রবশিং, লৌমীশিং অমসুং নুপীশিংগী ফিবম ফগৎহন্নবা মোদীনা গরেন্তি পীরি। গেরেন্তি অসি স্কিমশিং খক শেম্বগী নত্তে, স্কিমশিংগী কান্নবশিং মপুংফানা ফংফম থোকপা মীওইশিংদা ফংহনবা অদুশু য়াওরি। লৈবাক অসিদা লায়রবা ইমুং অমতা লৈহল্লোই হায়বসি মোদীগী গরেন্তিনি। মরম অদুনা সরকারনা বেনিফিসরিশিংগী মনাক্তা চৎলি, বেনিফিসরিশিং থিরি অমসুং মখোয়গা স্কিমশিংগা শম্নহল্লি।

মরুপশিং,

লৈবাক অসিদা অমসুং গুজরাত্তা মতম শাংনা কংগ্রেসকী সরকারশিং পানখ্রে। অদুবু মমাঙদা ত্রাইবেলশিংগী খুঙ্গংশিং অমসুং সমুদ্র মপানগী খুঙ্গংশিং মীরাইরমখি। গুজরাত্তা বি.জে.পি সরকারনা উমারগামদগী হৌরগা অম্বাজি ফাওবদা লৈরিবা ত্রাইবেলশিংগী লমদমশিং তঙাইদবা খুদোংচাবশিং ফংহন্নবা চোকথবা নাইদনা থবক তৌরি। মসি জাতিগী থাক্তা পাংথোকপা নত্তে। ২০১৪ ফাওবদা, লৈবাক অসিগী জিলা ১০০ চাউখৎপগী লমদা মনিংদা লৈহৌখি, কনা অমতনা হংবীখিদে। মখোয় অয়াম্বা ত্রাইবেলশিংনা মশিং য়াম্বা জিলাশিংনি। হৌখিবা চহি ১০দা ঐখোয়না হায়রিবা জিলাশিং অসি য়াংনা চাউখৎহল্লে। ঙসি চাউখৎপগী থাকশিং য়ৌদ্রিবা এস্পিরেসন দিস্ত্রিক ১০০ হেন্না লৈবাক অসিগী অতৈ মফমশিংগুম চাউখৎহল্লে।

মরুপশিং,

অতোপ্পশিংদা থাজবা লৈরক্ত্রবা মতমদা মোদীগী গরেন্তি লাকই। লায়রবগী পাক্কাগী য়ুম, লেম্না চেঙ, মৈ অমসুং তোতি ঈশিং পীবা অমসুং লায়রবা, লৌমীশিং, দুকান ফম্বশিং অমসুং শিন্মীশিংগী ইন্সুরেন্স স্কিম অসি মোদীগী গরেন্তিনি। লায়রবা, লৌমীশিং, দুকান ফম্বশিং অমসুং শিন্মীশিং মখোয়গীদমক ইন্সুরেন্স অমসুং পেন্সন প্লানশিং লৈগনি হায়বা কৈদৌঙৈদা খল্লমদে। অদুবু মসি থবক ওইনা পাংথোক্লে। মোদীগী গরেন্তিনা মরম ওইদুনা মসি ঙসি থবক ওইনা পাংথোক্লে। খুৎ অনিমক থাংগৎপীয়ু, মরমদি মোদীগী গরেন্তিনি।

মরুপশিং,

ত্রাইবেলশিংগী লমদমদা সিক্কল সেল এনেমিয়াগী অৱাবা চাউনা মায়োক্নরি। জাতিগী থাক্তা লায়না অসি মুৎথৎনবা অকনবা থবক পায়খৎপা দরকার ওইরে। ঐনা চীফ মিনিস্তর ওইরিঙৈদা রাজ্য অসিদা সিক্কল সেল এনেমিয়া থেংননবা অকনবা থবকশিং পায়খৎখি। লায়না অসি মপুংফানা থেংননা জাতিগী থাক্তা থবক কয়া পায়খৎলে। সিক্কল সেল এনেমিয়াদগী নিংতম্নবা হৌজিক ঐখোয়না নেসনেল মিসন অমা হৌদোক্লে। লৈবাক শীনবা থুংনা লৈরিবা ত্রাইবেলশিংগী লমদমদগী লায়না অসি মুৎথৎনবা সরকারনা পান্দম থম্লি। মিসন অসিগী মখাদা, লৈবাক শীনবা থুংনা ত্রাইবেলশিংগী লমদমদা সিক্কল সেল এনেমিয়াগী স্কৃন্নিং পাংথোক্লে। ঙসি ত্রাইবেলশিংগী জিলা অয়াম্বদা  মেদিকেল কলেজশিং লিংখৎলে ।

​মরুপশিং,

কংগ্রেসনা চহি কয়া পানবা মতমদা ভারত মালেমদা খ্বাইদগী চাউবা ১১শুবা ইকোনোমি ওইখি। ইকোনোমি অদুনা তাক্লিবদি লৈবাক অসিগী শেন য়াম্না লৈতে হায়বনি। মরম অদুনা, খুঙ্গংশিং নত্ত্রগা অপীকপা সহরশিং চাউখৎখিদে। বি.জে.পি সরকারনা চহি ১০ পাল্লকপা মতমদা ভারতকী ইকোনোমি অসি ২০১৪দা ১১শুবা মফমদা লৈরম্বদগী হৌজিক মালেমদা খ্বাইদগী চাউবা ইকোনোমিগী ৫শুবা মফমদা লৈরি। মসিনা তাক্লিবদি ঙসি ভারতকী মীয়ামদা চাদিং তৌনবা শেন য়াম্না লৈরে অমসুং ভারতনা চাদিং তৌরে হায়বনি। মরম অদুনা, ঙসি লৈবাক্কী অপীকপা সহরশিং ফাওবদা অফবা চৎথোক-চৎশিনগী ইনফ্রাস্ত্রকচর শেমগৎলে। অপীকপা সহরশিংদা নোংথক্কী চৎথোক-চৎশিনগী খুদোংচাবশিং ফংহল্লে অমসুং হৌখিবা চহি ১০দা লায়রবশিংগী পাক্কাগী য়ুম করোর ৪ হেন্না শাখ্রে।

মরুপশিং,

ঙসি মালেম্না দিজিতেল ইন্দিয়া মশক খঙলে। দিজিতেল ইন্দিয়া কেম্পেন অসি কংগ্রেসকী মীওইশিংনা করেম্নখি। ঙসি দিজিতেল ইন্দিয়ানা অনৌবা স্তার্দ-অপশিং শেমগৎতুনা অপীকপা সহরশিংদা অওনবশিং পুরক্লে অমসুং শান্নবগী লমদা নহারোলশিংদা অওনবা কয়া পুরক্লে। অসিগুম্বা অপীকপা সহরশিংদা নিও-মিদল ক্লাস অমা থোরকপা অসিনা মালেমদা ভারতনা ৩শুবা খ্বাইদগী চাউবা ইকোনোমি ওইরকপদা মতেং পাংগনি।

মরুপশিং,

চাউখৎ-থৌরাং অমসুং হেরিতেচ অনিমক বি.জে.পী সরকারনা মরুওইনা লৌরি। লমদম অসি ভারতকী লাইনিং অমসুং পুৱারিগী মরুওইবা মফম অমনি অমসুং মফম অসি নিংতম ইহৌ নত্ত্রগা লৈবাক শেমগৎপগী মরুওইবা মফম অমনি। রাজনিতিগী মীচং-মীখায় নাইবা, পেনহলবা অমসুং শেঞ্জা-থুমজনা মরম ওইদুনা লমদম অসি মীরাইদুনা লাকখি। ঙসিদি ভারতকী ইনাকখুল্লবা হেরিতেচগী খোন্থাং অসি মালেম শীনবা থুংনা তারে।

অদোম্না মালেমগী মফম অমদা চৎপা মতমদা, মীয়াম্না ভারত্তা লাকনিংবা, ভারতকী মরমদা খঙনিংবা অদোম থেংনগনি। কংগ্রেসনা চহি কয়া ভারতকী অশেংবা হেরিতেচ মালেমদগী লাপ্না থমখি। নিংতম ইহৌদা, বাপুনা থুম অমসুং খাদি নিংতম্বগী খুদমশিং ওইহনখি। কংগ্রেসনা খাদি মাঙহনখি অমসুং নমক সত্যগ্রাহগী লমদম অসি কাউথোকখি। দান্দি সোল্ত সত্যগ্রাহগী মফমদা দান্দি মেমোরিএল অমা শেমগৎনবা ঐখোয়গী সরকারনা খুদোংচাবা ফংলে। সারদার পতেলনা পাংথোক্লম্বা থবকশিংদা কৎথোকপা ওইনা স্তেচু ওফ য়ুনিতি শারে। হৌজিক ফাওবা কংগ্রেসকী মকোক থোংবা লুচিংবা অমতনা মহাক্কী মফমদা ইকায়খুম্নবা উৎত্রি। গুজরাত্তা য়েংলিবা হন্থবা মীৎয়েং অসি গুজরাতমচা অমতনা কৈদৌঙৈদা কাউবা ঙম্লোই।

মরুপশিং,

কংগ্রেসকী মীওইশিংনা কমদৌনা মোদীগী জাৎ করেম্নবগে হায়বা অদোম উরে। মখোয়না হেন্না হন্থনা য়েংলিবমখৈ, সিত ৪০০ য়ৌনবা ৱারেপ মপাঙ্গল কনখৎলক্কনি হায়বা কংগ্রেসনা কাউরে। মখোয়না লৈখোম হেন্না লংশিল্লক্লিবমখৈ, থম্বা ৩৭০ হেন্না শাৎকনি।

মরুপশিং,

মোদী চৈবা নত্তনা লৈবাক অসিগী তুংগীদমক কংগ্রেসকী পান্দম অমতা লৈতে। দল অমা মীচং-মীখায় নাইবগী মখাদা লৈরে হায়বা মসিনা তাক্লে, দল অসি ইমুং অমগী মথক্তা লৈত্রে। ইমুংগী খনবা অসি অনৌবা ৱাখল্লোনগী য়েক্নবনি। ইমুংগী ৱাখল্লোন অসি অনৌবা লৌশিংগী য়েক্নবনি। ইমুংগী ৱাখল্লোন অসি নহারোলশিংগী য়েক্নবনি। মখোয়গী ইমুং-মনুং ঙাক-শেন্নবা হান্নগী অরিবা ফিবম অদুদা লৈবা মখোয়না পাম্মী। মসি কংগ্রেসকী হৌজিক ওইরিবা ফিবম্নি। বি.জে.পীগী ওইনা, মথং চহি ২৫দা লৈবাক অসি চাউখৎনবা লম্বী শেম্বা লোইরে। মথং চহি ২৫দা, ঐখোয়না বিকসিত গুজরাত অমা অমসুং বিকসিত ভারত অমা শেমগনি।

মরুপশিং,

অদোম মশিং য়াম্না শরুক য়ারি। ইমাশিং অমসুং ইচলশিং মশিং য়াম্না লাক্লি। অদোম্না ঐখোয়দা থৌজাল পীরে, ঐগী থম্মোয়দগী ঐনা অদোম থাগৎচরি। চাউখৎ-থৌরাংগী থবকশিং অসিগীদমক ঐনা অদোমগী মফমদা অমুক হন্না হরাওবা ফোঙদোকচরি। ঐগা লোয়ননা হায়মিন্নসি-

ভারত মাতা কি-জয় !

অদোমগী খুৎ অনিক থাংগৎপীয়ু অমসুং কন্না লাউমিন্নসি-

ভারত মাতা কি-জয় !

ভারত মাতা কি-জয় !

ভারত মাতা কি-জয় !

অদোম থাগৎচরি !

​****