প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা চু য়োনবা মতম ২০২৪-২৫(ওক্তোবর-সেপ্তেম্বর) গী ওইনা, ‘ফিয়ার এন্দ রিমুনেরেতিপ প্রাইজ’(এফ আর পি) 10.25% গী রিকভরি রেত অমদা য়ুম্ফম ওইদুনা চুগী এফ.আর.পি কুইন্তল অমদা লুপা 340 দা লেপ্লে। মসিগী পুৱারি ওইরবা চুগী মমল অসি চৎলিবা লৌরোক 2023-24গী চুগী এফ.আর.পিদগী 8% হেল্লবনি। শেমদোক্লবা এফ.আর.পি অসি ওক্তোবর 01, 2024 দগী চৎনবা হৌগনি।

চুগী মমল A2+FL দগী 107% হেন্দুনা, অনৌবা এফ.আর.পি অসিনা চু থাবা লৌমীশিং নুংঙাইহল্লগনি। ভারতনা মালেমদা খ্বাইদগী য়াম্না চুগী মমল পীদুনা লাক্লি অমসুং সরকারনা ভারতকী মীয়ামদা মালেমদা খ্বাইদগী হোংবা মমলদা চিনি ফংহল্লে। কেন্দ্র সরকারগী ৱারেপ অসিনা চু থাবা লৌমী করোর ৫ হেন্না(মখোয়গী ইমুংগী মীওইশিং য়াওনা) অমসুং চিনিগী লমদা থবক তৌরিবা অতোপ্পা মীওইশিংদা কান্নবা পীরগনি। লৌমীশিংগী শেন্থোক শরুক হেনগৎহন্নবা মোদীগী গেরেন্তি অদু ৱারেপ অসিনা অমুক হন্না থাজবা পীরে।

অয়াবা অসি লৈবদগী, 10.25% গী রিকভরি রেত অমদা য়ুম্ফম ওইদুনা চুগী এফ.আর.পি কুইন্তল অমদা লুপা 340 দা চুগী মিলশিংনা পীরগনি। রিকভরি 0.1% হেনগৎলক্তুনা, লৌমীশিংনা অহেনবা শেনফম লুপা 3.32 ফংগনি, অদুগা হায়রিবা শেনফম অদু 0.1% গী রিকভর হন্থবদা কক্কনি। অদুবু, কুইন্তল অমদা লুপা 315.10 অসি চুগী খ্বাইদগী তাবা মমলনি, মসি রিকভরি রেত 9.5% নি। করিগুম্বা সুগর রিকভরি অসি হন্থরবশু, লৌমীশিংনা কুইন্তল অমদা 315.10 গী এফ.আর.পি শোইদনা ফংগনি।

হৌখিবা চহি ১০দা, মোদী সরকারনা লৌমীশিংদা মখোয়গী পোৎথোকশিংগী চুনবা মমল ফংহন্দুনা লাক্লি। লৌমীশিংদা সুগর সিজন 2022-23 গী মমাঙগী তোল্লিবা শেনফমশিংগী 99.5% অমসুং অতোপ্পা সুগর সিজনশিংগী 99.9% পীথোকখ্রে অমসুং সুগর সেক্তরগী পুৱারিদা খ্বাইদগী য়ামদবা কেন এরিয়ারশিং পন্দুনা লৈরি। সরকারনা মতম চানা থৌশিল শেম্বদগী, চিনিগী মিলশিং মশা মরোমদোম লেপচবা ঙম্লে অমসুং সুগর সিজন 2021-22 দগী হৌনা সরকারনা মখোয়দা শেন্থং অমতা পীদ্রে। হৌজিক ফাওবা, কেন্দ্র সরকারনা চু থাবা লৌমীশিংদা ‘এসুর এফ.আর.পি অমসুং এসুর প্রোকিউয়রমেন্ত’ ফংহল্লে।

***