প্রধানমন্ত্রীগী লোইশঙ
দুবাইদা পাংথোকপা ৱার্ল্দ গভর্নমেন্তস সম্মিৎ ২০২৪গী নাকলদা প্রধান মন্ত্রীনা মাদাগাস্কারগী রাস্ত্রপতিগা উনখ্রে
Posted On:
14 FEB 2024 2:55PM by PIB Imphal
দুবাইদা পাংথোকপা ৱার্ল্দ গভর্নমেন্তস সম্মিৎ ২০২৪গী নাকলদা প্রধান মন্ত্রী শ্রী নরেন্দ্র মোদীনা ঙসি মাদাগাস্কারগী রাস্ত্রপতি এন্দ্রি রাজোএলিনাগা উনখ্রে। মসি লুচিংবা অনি উনবা অহানবনি।
লৈবাক অনিগী মরক্তা মতম কুইনা লৈরক্লবা মরুপ-মপাং ওইবা মরীশিং অমসুং অরিবা লম্মিৎ-তুমিৎকী মরীশিং লুচিংবা অনিমক্না ফোঙদোক্নখি। লৈবাক অনিগী মরীশিং খুমাঙচাউশিনহন্নবা লম্বীশিং মখোয়না খন্নখি অমসুং য়ু.এন য়াওনা তোঙান-তোঙানবা হিরমশিংদা লৈবাক অনিগী মরক্তা মতেং পাংনরিবা অসি থাগৎপা ফোঙদোকখি।
ইন্দিয়া-মাদাগাস্কার মরী মখা তানা ফগৎহন্নবা অমসুং ভিজন সাগার-সেকুরিতি এন্দ গ্রোথ ফোর এল ইন দি রিজন ফগৎহন্নবা ভারতকী থাজবা প্রধান মন্ত্রীনা অমুক হন্না থমখি। ভারত মহাসাগর লমদমদা চাউখৎলক্লিবা লৈবাক অমা ওইনা, মাদাগাস্কারগী চাউখৎপগী খোঙচত্তা ভারতনা থাজবা য়াবা মরুপ অমা ওইগনি হায়না মহাক্না ফোঙদোকখি।
***
(Release ID: 2006051)
Visitor Counter : 65
Read this release in:
Assamese
,
Odia
,
English
,
Urdu
,
Marathi
,
Hindi
,
Bengali
,
Bengali-TR
,
Punjabi
,
Gujarati
,
Tamil
,
Telugu
,
Kannada
,
Malayalam