য়ু.এ.ইদা ওফিসিএল ওইবা খোঙচৎ অমদা ঙসি প্রধান মন্ত্রী শ্রী নরেন্দ্র মোদীনা অবু ধাবীদা থুংখ্রে। অখন্নবা অমা ওইনা, মহাক য়ু.এ.ইগী রাস্ত্রপতি সৈখ মোহমদ বিন জয়েদ অল নাহয়াননা এয়রপোর্ততা তরাম্না ওকখি অমসুং তুংদা চৎনবীগী থৌরমশিংগা লোয়ননা তরাম্না ওকপগী থৌরম অমা পাংথোকখি।
লুচিংবা অনিনা হকথেংননা অমসুং মীহুৎকাংবুগী থাক্তা ৱারি শানখি। মখোয়না লৈবাক অনিগী মরী অমুক হন্না য়েংশিনখি অমসুং মতেং পীনবা য়াবা অনৌবা হিরমশিং খন্নখি। ললোন-ইতিক অমসুং শেন থাদবা, দিজিতেল ইনফ্রাস্ত্রকচর, ফিনতেক, ইনর্জি, ইনফ্রাস্ত্রকচর, নাৎ অমসুং মীগা মীগা লৈনবা মরীশিং য়াওনা হিরম কয়াদা কমপ্রেহেন্সিপ স্ত্রাতেজিক পার্তনরশিপ চেৎশীনহনবদা মখোয়না তরাম্না ওকখি। মখোয়না লমদম লমদমগী অমসুং মালেমগী ওইবা ৱাফমশিংশু খন্নখি।

লুচিংবা অনিনা মখাগীশিং অসি খুৎশীনবা য়েংখি:

* বাইলেতরেল ইনভেস্তমেন্ত ত্রিতি: মখা তানা লৈবাক অনিমক্তা শেন থাদবা হেনগৎহনবদা য়ানচে অসিনা মরুওইবা থৌদাং অমা লৌগনি। ভারতনা য়ু.এ.ইগা বাইলেতরেল ইনভেস্তমেন্ত ত্রিতি অমা অমসুং কমপ্রেহেন্সিপ ইকোনোমিক পার্তনরশিপ এগ্রিমেন্ত অমা খুৎয়েক পীনখ্রে।

* ইলেক্ত্রিকেল ইন্তরকন্নেক্সন অমসুং ললোন-ইতিক্কী লমদা মতেং পীননবা এম.ও.য়ু : মসিনা ইনর্জি, ইনর্জি সেকুরিতি অমসুং ইনর্জি ললোন-ইতিক্কী লমদা মতেং পাংননবা অনৌবা হিরমশিং হাংদোক্লগনি।

* ইন্দি-মিদল ইস্ত ইকোনোমিক কোরিদোরগী ভারত অমসুং য়ু.এ.ইগী মরক্তা ইন্তরগভর্নমেন্তেল ফ্রেমৱার্ক এগ্রিমেন্ত অমা: মসি হান্নগী য়ানখিবশিংদা শেমগৎকনি অমসুং হিরম অসিদা মতেং পাংনগনি অমসুং লৈবাকশিংগী মরক্তা চৎথোক-চৎশিনগী লমদা মখা তানা ভারত অমসুং য়ু.এ.ইগী মরক্তা মতেং পাংনবা হেনগৎহনগনি।

* জিদিতেল ইনফ্রাস্ত্রকচর প্রোজেকশিংদা মতেং পীননবা এম.ও.য়ু: দিজিতেল ইনফ্রাস্ত্রকচরদা শেন থাদবগী মতেং পীনবা য়াওনা হিরম কয়াদা মতেং পীন্নবা ফ্রেমৱার্ক অমা মসিনা শেমগনি অমসুং তেক্নিকেল নোলেজ, স্কিল অমসুং অখঙবশিং শরুক য়ামিন্নবদা মতেং পাংগনি।

* লৈবাক অনিগী নেসনেল আর্কাইবশিংগী মরক্তা মতেং পাংনবগী চৎন-কাংলোন: মসিগী চৎন-কাংলোন অসিনা আর্কাইবকী মচাকশিং অমুক হেন্না শেমজিনবা অমসুং ঙাক-শেন্দুনা থম্বগী লমদা লৈবাক অনিগী মরক্তা মতেং পাংননবা থবক পায়খৎকনি।

* হেরিতেচ অমসুং মিউজমশিংগী লমদা মতেং পীননবা এম.ও.য়ু: গুজরাতকী লোথালদা লৈরিবা মেরিতাইম হেরিতেচ কমপ্লেক্স শৌগৎনবা লৈবাক অনিগী মরক্তা থবক তৌমিন্নবা মসিনা হেনগৎহনগনি।

* খুদক্তা শেন থানবা প্লেতফোর্মশিং-য়ু.পি.আই(ভারত) অমসুং এ.এ.এন.আই(য়ু এ ই) শম্ননবা য়ানচে: হৌখিবা চহগী জুলাইদা প্রধান মন্ত্রীগী অবু ধাবী খোঙচত্তা পেমেন্ত অমসুং মেসেজ থানবগী থবকশিং শম্ননবা এম.ও.য়ু লৈনখিবা অদুগী মসিনা মখা তারকপনি।

* লৈবাক অসিগী দেবিদ/ক্রেদিদ কার্দ-রুপে(ভারত) অমসুং জয়ৱান(য়ু এ ই) শম্ননবা য়ানচে: শেন-থুমগী থবকশিংদা মতেং পাংননবা মরুওইবা খোঙথাং অমা, মসিনা য়ু.এ.ই শীনবা থুংনা রুপে শীজিন্নবা হেনগৎহনগনি।

দিজিতেল রুপে ক্রেদিদ কার্দ অমসুং দেবিদ কার্দ স্তেক্তা য়ুম্ফম ওইবা য়ু.এ.ইগী কার্দ জয়ৱান হৌদোকপদা প্রধান মন্ত্রীনা সৈখ মোহমদ বিন জয়েদ অল নাহয়ান থাগৎপা ফোঙদোকখি। লুচিংবশিংনা জয়ৱান কার্দ শীজিন্নদুনা পাংথোকপা ত্রান্সসেক্সন অমা য়েংখি।

ইনর্জিগী লমদা মতেং পাংনবা হেনগৎহন্নবা লুচিংবশিংনা খন্নখি। শুংদোক্ত্রিবা থাউ অমসুং এল.পি.জি খ্বাইদগী য়াম্না ফংফম ওইবা লৈবাকশিংগী মরক্তা য়ু.এ.ই য়াওবা অমসুং হৌজিক ভারত মতম শাংনা এল.এন.জিগী কন্ত্রেকশিং লৈনবদা মখোয়না থাগৎপা ফোঙদোকখি।

খোঙচৎ অসিগী মাংওইননা, রাইতস লিমিতেদনা অবু ধাবী পোর্তস কম্পেনি অমসুং গুজরাত মেরিতাইম বোর্দনা অবু ধাবী পোর্ত কম্পেনিগা য়ানচে খুৎয়েক পীনখি। য়ানচেশিং অসিনা লৈবাক অনিগী মরক্তা হিথাংফমগী মচাকশিং শেমগৎপা অমসুং মখা তানা চৎথোক-চৎশিন হেনগৎহনবদা মতেং পাংগনি।

মহাক মশামক্না মতেং পাংবা অমসুং অবু ধাবীদা বাপস লাইশঙ শানবা লম পীবগীদমক প্রধান মন্ত্রীনা রাস্ত্রপতি সৈখ মোহমদ বিন জয়েদ অল নাহয়ান থাগৎপা ফোঙদোকখি। বাপস লাইশঙ অসি য়ু.এ.ই-ভারত মরুপ-মপাং ওইবা, অচেৎপা চৎনবীশিংগী মরীশিং অমসুং নুংশিননা হিংমিন্নবা, খাংবা কনবা অমসুং শান্তি ওইনা পুন্না হিংমিন্নবগী মতাংদা য়ু.এ.ইনা মালেমদা পীরিবা থাজবা হরাও-তয়াম্বা ফোঙদোকপনি হায়না নাকল অনিনা থমখি।

***