ইকাই খুম্নরবা চিয়রমেনজী,

ঐহাক্না ইকাই খুম্নরবা রাস্ত্রপতিগী ৱারোল খন্ন-নৈন্নবা মফম অসিদা শরুক য়াবা লাক্লি। অমসুং ঐহাক্কী মাইকৈদগী ইকাই খুম্নরবা রাস্ত্রপতিবু মহাক্কী ৱারোলগীদমক থাগৎপা অমদি নুংঙাইবা ফোঙদোকচরি।

ইকাই খুম্নরবা চিয়রমেনজী,

হন্দক্কী 75শুবা রিপব্লিক দে অসি মরু ওইবা মাইলস্তন অমা ওইখি। অমসুং মতম অদুদা সম্বিধানগী খোঙচৎতা মরু ওইবা ফম্পাক অসিদা পীখিবা রাস্ত্রপতিগী ৱারোল অদু য়াম্না মরু ওই। অমসুং মহাক্কী ৱারোলদা মহাক্না ভারতকী আত্মা বিশ্বাসকী মরমদা ফোঙদোকখি, মহাক্না ভারতকী আশা লৈবা তুংলমচৎতা থাজবা ফোঙদোকখি অমসুং য়াম্না তেনবা ৱাহৈ খরদা ভারতকী মীওই করোর কয়াগী পোতেন্সিএল অদু য়াম্না ফজবা মওং অমদা ফোঙদোকখি। মহাক্না হাউসকী খুত্থাংদা লৈবাক অসিগী মমাংদা মদু থমখি। ঐহাক্না রাস্ত্রপতিবু মহাক্কী ইথিল পীনীংঙাই ওইরবা অমসুং ঐবাক অসিদা মাইকৈ তাক্লিবা অমসুং চাউখৎপা ভারত অমগী ফিরেপ মপাঙ্গল কনখৎহল্লিবা ৱারোল অদুগীদমক থাগৎচরি।

খন্ন-নৈনবা অদুদা ইকাই খুম্নরবা মেম্বর কয়ানা মখোয়গী ৱাখল্লোনশিং ফোঙদোকখি অমসুং খন্ন-নৈন্নবা অসি কান্নবা ওইহন্নবা মখোয়গী মওংদা হোৎনখি। ঐহাক্না খন্ন-নৈন্নবা অসি মহৈ য়ালহন্নবা হোৎনখিবা ঐগী ইকাই খুম্নরবা মরুপ পুম্নমক্তা তৌবীমল খঙবা অমসুং নুংঙাইবা ফোঙদোকচরি। মরুপ খরনা ক্রিতিসাইজ তৌবা অমসুং ফজদবা মওংদা ঙাংবা অসি মখোয়গী কম্পলজন্নি মদুগীদমক ঐহাক্না নুংঙাইতবসু ফোঙদোকচরি।​

নুমিৎ অদুদা ঐহাক্না ফোঙদোক্লম্বা য়াবনি অদুবু ঐহাক্না খার্গেজীদা অখন্ননা থাগৎপা ফোঙদোকচরি।ঐহাক্না খার্গেনা হায়খিবা অদু য়াম্না মুন্না তাখি অমসুং নুংঙাইবা পোকখি….অদুগুম্বা নুংঙাইবা অদু য়াম্না তাংনা থোকপা অমনি। করিগুম্বদা ঐখোয়না মহাকপু লোক সভাদা উনবা ফংলি অদুবু হৌজিক মতম অসিদদি মহাক অসি অতোপ্পা থবক অমা তৌবনা ঐখোয়না এন্তর্তেনমেন্ত উবা হন্থরে। অদুবু লোক সভাদা ঐখোয়না ফংলকখিদবা এন্তর্তেনমেন্ত অদু অদোম্না মেনশিনবীদুনা ফংহনখি। অমসুং ইকাই খুম্নরবা খার্গেজীনা মতম শাংনা, য়াম্না ইংনা অমসুং নুংঙাইনা ৱা ঙাংবা উবদা ঐহাক্না নুংঙাইবা পোকখি। অদুনা ঐহাক্না খনখি মহাক্না করম্না নীংতম্বা ফংলিবনো, করম্না অসুক য়াম্না নীংতম্না ঙাংবা ফংলিবনো? মসিগী মরমদা ঐহাক্না খনখি অদুবু কোন্না ৱাখল লাকখি মদুদি স্পেসিএল কম্মান্দর অনি হিংলি, নুমিৎ অদুদা মখোয় লৈতে। অমসুং মরম অসিনা খার্গেজীনা নীংতম্বগী খুদোংচাবা লৌখি। অমসুং ঐহাক্না খনবদা নুমিৎ অদুদা খার্গেজীনা সিনামে অমদগী ঈশৈ তারমগনি, মহাক্না মসিগী খুদোংচাবা অমুক হন্না কদাইদা ফংলুগনি। হৌজিক খার্গেজ অসি এম্পায়র অমা নত্তে, মহাক কম্মান্দো নত্তে, মহাক ফোর অমসুং সিক লৌবদা নুংঙাইরি। অদুবু নুংঙাইবা ৱাফম অমগা লৈ। মহাক্না NDAগীদমক সীত 400গী থৌজালশিং পীখি।

ইকাই খুম্নরবা চিয়রমেনজী,

ঐহাক্না মমাং চহিগী থৌদোক অমা ময়েক শেংনা নীংশিংলি, ঐনা হাউস অসিদা ফমখি অমসুং লৈবাক অসিগী প্রধান মন্ত্রীগী ভোইস নমথনবা কন্না হোৎনখি। ঐনা নখোয়গী ৱাহৈ খুদিংমক মুন্না অমদি ইকাই খুম্নবগা লোয়ননা তাখি। অমসুং ঙসিসু নখোয়না ঐনা ঙাংবা তাদনবা শেম শাদুনা লাক্লি অদুবু নখোয়না ঐগী ভোইস নমথবদি ঙমলোই। লৈবাক অসিগী মীয়াম্না ভোইস অসিদা মপাঙ্গল হাপখি। ভোইস অসি লৈবাক্কী মীয়ামগী থৌজালশিংগা লোয়ননা থোরকপনি অমসুং মরম অসিনা হন্দক্তা ঐহাক্না মপুং ফানা শেম শারগা লেক্লে। ঐহাক্না মতম অদুদা খনখি। করিগুম্বা নখোয়গুম্বা মীওইনা হাউস অসিদা লাকপা মতমদা দিকোরম ঙাক্না চৎকনি অদুবু নখোয়না ঐঙোন্দা পুং অমা মখাই ওৎখি। অমসুং অদুবু ঐহাক্না খাংদুনা ৱাহৈ অমা ফাওবা ফোঙদোকখিদে।

ইকাই খুম্নরবা চিয়রমেনজী,

ঐহাক্না প্রেয়র অমা তৌরি। ঐহাক্না থৌনিরি। ৱেস্ত বেঙ্গোলদগী নখোয়না থেংনরিবা শীংনবা অসি নখোয়না 40 লানবা ঙমলোই। নখোয়না 40 অদু লেংদনা লৈনবা থৌনিজরি।

ইকাই খুম্নরবা চিয়রমেনজী,

ঐঙোন্দা কয়া অমা হায়রকখি অমসুং ঐহাক্না তাখি। দেমোক্রেসীদা নখোয়না ফোঙদোকপগী হক লৈ অমসুং ঐখোয়না তাবগী থৌদাং লৌগদবনি। অমসুং ঙসি থোকখিবা খুদিংমক ঐহাক্না লৈবাক মমাংদা থম্বা তাই অমসুং ঐহাক্না হোৎনগনি।

ইকাই খুম্নরবা চিয়রমেনজী,

ঐহাক্না তারবা মতমদা ঐনা থাজবদা দল অসি খল্লুবগী ৱাংমদা মতমগা চুনবা ওইদ্রে অদু চুম্লে তাকখি। অমসুং ৱাখল্লোন অসি মতমগা চুনদ্রবা মতমদা মখোয়না থবকসু আউৎসোর্স তৌই। অসিগুম্বা অচৌবা দল, দিকেদ কয়া লৈবাক অসি লৈঙাক্লকপা দল অমা উবদা অসিসুম্না মরা চাইথরকপা অসি ঐখোয়না নুংঙাইতে, অৱাবা ফোঙদোকচরি। অদুবু দোক্তরনা করি তৌগনি, মশানা পেসেন্ত, মথংদা ঐহাক্না করিবু হায়রুনি?

ইকাই খুম্নরবা চিয়রমেনজী,

চুম্মি ঙসি অচৌবা ৱাফম কয়া থমখ্রে, ঐখোয়না তাবগী শক্তি লৈখিদ্রে অদুবু ঐহাক্না নখোয়দা লৈবাক মমাংদা ৱাফম খরা থম্নবা শোইদনা হায়গনি। কোংগ্রেসনা শক্তি করাম্বদগী দেমোক্রেসীবু ফোঙনা শীংনখি, মখোয়না নোংমদা দেমোক্রেতিক ওইনা কারবা সরকারশিংবু কয়ারক দিজোলব অমসুং দিসমিস তৌহনখি, মসি লৈবাক্কী সম্বিধান খোঙগোইনবনি। কোংগ্রেসনা থোং লোন্দুনা থমখি, পাউচে ফাওবা নমশিনগে হোৎনখি, মখোয় অসি হৌজিক লৈবাক অসিদা নরেতিবশিং শেম্বগী অনৌবা হৈনবী অমা লৈরে। অৱাং অমসুং খা থুগাইনবা অনৌবা স্তেৎমেন্তশিং পীরি? অমসুং কোংগ্রেসনা দেমোক্রেসী অমসুং ফেদরেলিজমগী মরমদা ঐখোয়দা পাউতাক পীরি? 

ইকাই খুম্নরবা চিয়রমেনজী,

কোংগ্রেসনা জাৎ-বিজাৎ অমসুং লোলদা য়ুম্ফম ওইরগা লৈবাক অসি থুগাইনবা কয়ারক হোৎনখি, কোংগ্রেসনা মখোয় মশাগী কান্নবগীদমক তেরোরিজম অমসুং সেপরেতিজম য়োকখৎখি, কোংগ্রেসন অৱাং নোংপোক্তা হিংশা থোকহনখি, তোখাই তাহনখি অমসুং শোত্থনা লৈহনখি, কোংগ্রেসনা পাল্লিঙৈদা লৈরমখিবা নেক্সলিজমনা লৈবাক অসিদা অচৌবা শীংনবা অমা থনমখি, কোংগ্রেসনা লৈবাক্কী অচৌবা শরুক অমা য়েক্নবদা পীথোকখি, কোংগ্রেসনা লৈবাক্কী আর্মীশিং মোদর্নাইজেসন তৌবা লেপহনখি হায়রিবা কোংগ্রেস অসিনা ঙসি ঐখোয়দা নেস্নেল সেক্যুরিতী অমসুং ইন্তর্নেল সেক্যুরিতীগী মরমদা ঙাংলি? ইন্দস্ত্রী মথৌ তাব্রা নত্ত্রগা ফার্মিং মথৌ তাব্রা হায়বগী চম্মনবগা লোয়ননা নীংতম্বা মতমদগী লৈরকখিবা কোংগ্রেস ঙসিসু চপ মান্নবা চম্মনবা অদু পোক্লি। নেস্নেলাইজেসন নত্ত্রগা প্রাইবেতাইজেসন তৌগ্রা লেপ্পা ঙমজদবা কোংগ্রেসনা অদুমক লেপ্পা ঙমদ্রি। চহি 10 দা ইকনোমিক সিস্তেম নম্বর 12 দগী 11দা পুখৎখিবা ঙমখিবা কোংগ্রেস অসিনা 12শুবদগী 11শুবদা পুখৎপদা কন্না হোৎনখি, ঐখোয়না চহি 10দা 5শুবদা কাখৎলকপা ঙমখি, হায়রিবা কোংগ্রেস অসিনা ঐখোয়দা ইকনোমিক পোলিসীশিংগী মতাংদা শাংলবা ভাশন পীরি।

​

ইকাই খুম্নরবা চিয়রমেনজী,

OBCশিংদা মপুং ফানা রিজর্বেসন পীরমখিদবা, জেনরেল কেতগোরীগী লায়রবশিংদা কৈদৌনুংদা রিজর্বেসন পীরমদবা, বাবা সাহেবপু ভারত রত্ন পীখিবা খনখিদা, বাবা সাহেবকী মহুৎ মখোয়গী ইমুং মনুংদা ভারত রত্ন পীখি কোংগ্রেসনি। কোংগ্রেসনা মশাগী ইমুং মনুংগী মীংদা লম্বী, চৌকশিংবু মমিং থোনখি। হায়রিবা অসিনা ঐখোয়দা সোসিএল জস্তিসকী পরা তম্বীরি।

ইকাই খুম্নরবা চিয়রমেনজী,

মাগী লুচিংবশিংগী গরেন্তী লৈতবা নত্ত্রগা মাগী পোলিসীশিংগী গরেন্তী লৈতবা কোংগ্রেসনা মোদীগী গরেন্তীগী মতাংদা ৱাহং হংলি।

ইকাই খুম্নরবা চিয়রমেনজী,

মসিদা কম্প্লেন্ত লাক্লি অমসুং মখোয়না খনখি ঐখোয়না মসি করিগী হায়রিবনো, করিগী মসি উরিবনো। লৈবাক অমদুং মালেমনা করিগীদমক মাগী চহি 10গী তেনর অসিদা অসিগুম্বা মীৎয়েং য়েংলিবনো, লৈবাক্কী অসিনা করিগী শাওরিবনো, মসি পুম্নমক ঐখোয়গী ৱাহৈশিংনা থোকহনবা নত্তে, ইশানা তৌজরুবা কর্মা অদুগী মহৈ মাংদা তাবনি।

ইকাই খুম্নরবা চিয়রমেনজী,

ঐখোয়না কনাদসু ফত্তবা ৱা ঙাংদে, করিগী ঐখোয়না ফত্তবা ৱা ঙাংগদৌরিবনো, চপ মান্নবা মীওইশিং ৱাফম কয়া থমখ্রবদা ঐহাক্না ঙাংলুবগী করিগী মথৌ তাগনি। ঐহাক্না হাউসকী মমাংদা ৱাফম অমা থমজনীংই। ঐনা অহানবা কোৎ পাথোকচরি – মেম্বরশিং খঙই মসি কোতেসন অমনি, মেম্বরসিংনা খঙই মদুদি ঐখোয়গূ গ্রোথ অসি তপথরক্লে অমসুং ফিস্কল দেফিসিৎ অসি হন্থরকখি, হৌখিবা চহি অনিদা ইনফ্লেসন রেৎ লেপ্পা লৈতনা হেনগৎলকখি। হৌজিক্কী একাউন্ত দেফিসিৎ অসি ঐখোয়গী এক্সপেক্তেসনশিংদগী হেনখি। ঐহাক্না মসিগী কোৎ অসি পাখ্রে। মসি BJPলুচিংবা অমগী কোৎ নত্তে, কোৎ অসি ঐহাক্কীনি।

ইকাই খুম্নরবা চিয়রমেনজী,

UPA সরকারগী চহি 10 ইকাই খুম্নরবা পি.এম. ওইনা মথৌ তৌরম্বা মতম অদুগী প্রধান মন্ত্রী শ্রী মনমোহন সিংহনা অসুম্না হায়খি অমসুং মসি মহাক্কী মশাগী তেনরগী মতমদা হায়খি। মহাক্না হায়রমখিবা অদু মসিনি।

ইকাই খুম্নরবা চিয়রমেনজী,

​ঐহাক অনিশুবা কোৎ অদু পাথোকচগে। ঐহাক্না অনিশুব কোৎ পাথোকচগে – লৈবাক শিনবা থুংবদা পাকশন্না শাওনখি, পব্লিক ওফিস লান্না শীজিন্নবগী, ইন্সতিত্যুসনশিং লান্না শীজিন্নবগী পাকশন্না অশাওবা পোক্নখি, মতম অদুদসু ঐনা মসি হায়খিদে, মসি লৈবাক্কী প্রধান মন্ত্রী, দা মনমোহন সিংহজীনা হায়খিবনি। মতম অদুদা লৈবাক পুম্বনা শেঞ্জা থুমগাগী মতাংদা লম্বীদা থোরক্নখি, লৈরক-খুলক খুদিংদা ইরাং হৌখি। হৌজিক ঐনা অহুমশুবা কোৎ পাথোক্লগনি – মসিদা অমেন্দমেন্তগী লাইন খরসু য়াওরি মসি তাবীয়ু – তেক্স কল্লেক্সন্দা শেঞ্জা-থুমজা তৌরি, রাসনগী স্কিমদা লীকেজ লৈবনা মসিগীদমক GST থম্বা তাই মসিনা মরম ওইদুনা লৈবাক্কী খ্বাইদগী লায়রশিংদগী লায়রবানা খ্বাইদগী অৱাবা নংলমখি। মসি লেপহন্নব সোল্যুসনশিং পুথোকপা তাই। সরকারগী কন্ত্রেক্তশিং পীবগী মতাংদসু চীংনবা লৈ। মসি মতম অদুগী প্রধান মন্ত্রীনা হায়খিবনি। অমসুং মসিগী মমাংদা প্রধান মন্ত্রীনা হায়খি মদুদি দিল্লীদগী লুপা অমা চৎখিবা মতমদা মদুগী পৈশা 15 খক্তা ফংলি। অনাবা অদু খঙখি, মসি ফগৎহন্নবা শেম শাবা তৌখিদে অমসুং ঙসি ৱাফম কয়া থম্মি। কোংগ্রেসকী চহি 10গী পুৱারী য়েংবীবু ফ্রেজাইল ফাইব ইকনোমীগী মনুং চল্লমখি, মসি ঐনা হায়বা নত্তে মালেম্না হায়বনি। পোলিসী পেরালাইসিস্না মখোয়গী আইদেন্তিতী ওইরকখি। অমসুং ঐখোয়গী চহি 10 অসিদা মকোক থংবা ইকনোমী মঙাগী মনুং চনখো। চহি 10 অসি ঐখোয়গী অচৌবা ৱারেপশিংগীদমক খঙনরি।

ইকাই খুম্নরবা চিয়রমেনজী,

ঐখোয়না কন্না হোৎনদুনা অমসুং ৱাখল নীংথিনা খন্থদুনা লৈবাক অসিবু অৱাবা মতমদগী কোকহনবা ঙমখি। লৈবাক অসিনা থৌজাল ইরাই লাইনা পীরকপা নত্তে।

ইকাই খুম্নরবা চিয়রমেনজী,

হাউস অসিদা ব্রিতিশপু নীংশিংলমখি। মতম অদুগী ব্রিতিশকা লোয়ননা হৌজিক্কী নীংথৌশিংগা অচেৎপা মরী লৈনরমখি অদুনা হৌজিক ঐহাক্না হংনীংলিবা অসি কনাবু ব্রিতিশন ইথিল পীখিবগে। ঐহাক্না কোংগ্রেস পার্তী কনানা শেমলমখি ফাওবা হংলোই। নীংতম্বা ফংলবা মতুংদা ফাওবা লৈবাক অসিদা মীখা পোনবগী ৱাখল্লোন কনানা প্রমোৎ তৌরম্বগে? করিগুম্বা নখোয়বু ব্রিতিশনা ইথিল পীদবা তারবদি নখোয়না ব্রিতিশনা শেমলমখিবা পেনাল কোদ করিগীদমক শেমদোক্ত্রিবনো?

ইকাই খুম্নরবা চিয়রমেনজী,

করিগুম্বা নখোয় অসি ব্রিতিশনা ইথিল পীদবা তারবদি নখোয়না ব্রিতিশকী মতমগা লো কয়া মখা তানা অদুমক করিগী ওপরেৎ তৌরিবনো? ব্রিতিশনা ইথিল পীদবা তারবদি দিকেদ কয়াগী মতুংদা ফাওবা রেদ লাইৎ কলচর অদুমক মখা চত্থরিবনো? করিগুম্বা ব্রিতিশনা ইথিল পীদবা তারবদি ব্রিতিশকী অয়ুক অসি পুং 5দা হৌবনা মরম ওইরগা ভারতকী বজেৎ অসি পুং 5দা পুথোক্লিবনো? ব্রিতিশ পার্লিয়ামেন্তগা চুনবা মওংদা করিগীদমক বজেৎ পুং 5দা পুথোকপগী চৎনবী মখা চত্থরমবনো? কনাবু ব্রিতিশনা ইথিল পীখিবগে? করিগুম্বা নখোয় ব্রিতিশনা ইথিল পীদবা তারবদি ঐখোয়গী আর্মীগী ফিরালদা মীখা পোনবগী খুদমশিং অদুম ময়েক শেংনা থনম্বনো? ঐখোয়না অমগী মতুং অমা মথং-মথং লৌথোক্লি। করিগুম্বা ব্রিতিশনা ইথিল পীদবা তারবদি রাজপথ অসি কর্তব্য পথ ওন্থোক্নবা করিগীদমক মোদীবু ঙাইরম্বনো?

ইকাই খুম্নরবা চিয়রমেনজী,

করিগুম্বা নখোয় ব্রিতিশনা ইথিল পীদবা তারবদি অন্দামান অমসুং নিকোবর ঈথৎ কাংলুপশিং অসিদা ব্রিতিশ লৈঙাক্কী খুদমশিং থম্লিবনো?

ইকাই খুম্নরবা চিয়রমেনজী,

করিগুম্বা ব্রিতিশনা ইথিল পীদবা তারবদি লৈবাক অসিগীদমক লৈবাক্কী লান্মীশিংনা থৱায় থারিবা অসিবু ইকাই খুম্নবা ওইনা ৱার মেমোরিএল অমা ফাওবা শারমদ্রিবা করিগীনো? করিগুম্বা ব্রিতিশনা ইথিল পীদবা তারবদি ভারতলী লোলশিং করিগীদমক হন্থনা খল্লিবনো? মশাগী মমালোলদা মহৈ তম্লিবশিংবু করিগী হন্থনা য়েংলিবনো?

ইকাই খুম্নরবা চিয়রমেনজী,

করিগুম্বা ব্রিতিশনা ইথিল পীদবা তারবদি ভারত অসি দেমোক্রেসীগী মমানি হায়বদা নখোয়বু কনানা থীংবগে? মদু নখোয়না করিগীদমক খঙদ্রিবনো, ইকাই খুম্নরবা চিয়রমেন, ঐহাক্না খুদম কয়া পীবা য়াই অমসুং মসি তাবগা লোয়ননা লৈবক অসিনা পুম্নমক নীংশিংলমগনি।

ইকাই খুম্নরবা চিয়রমেনজী,

ঐহাক্না অতোপ্পা খুদম অমগা পীজগে। কোংগ্রেসনা নরেতিব শন্দোকখি অমসুং নরেতিব অদুগী ফল ওইসি ভারতকী কলচর অমসুং ভেল্যুশিংদা  থাজবা থম্মিবা মীওইশিং অসিবু হন্থনা য়েংবীখি অমসুং কনজর্বেতিব ওই হায়না লৌখি। অমসুং ঐখোয়গী হৌখ্রবা মতমদা ইনজস্তিস তৌখিবগী ফীভম অমা ওইরকখি। করিগুম্বা নহাক্কী থাজবা অদু এব্যুজ তৌরবদি, নহাক্কী চৎনবীশিং এব্যুজ তৌরবদি নখোয়না খুমাং চাউশিনবা ঙমগনি অসিগুম্বা মখলগী নরেতবিব অসি লৈবাক অসিদা শন্দোকপা হৌখি। অমসুং মালেমনা মখোয়গী লীদরশিপ কদোমদা লৈ মুন্না খঙখি। অতৈ লৈবাকশিংদগী ইম্পোর্ত তৌনবা ফীভম শেমখি, মখোয়বু চাউথোকচবা পোকহনখি অমসুং করিগুম্বা ভারত্তগী করিগুম্বা অমা পুথোক্লবদি মদু সেকেন্দ ক্লাস ওইখি। স্তেতস সিম্বল অসি মপালদগী লাকখি, মীরমদা শাখি, স্তেতস শেমখি। ঙসিসু মীওইশিং অসিনা ‘ভোকেল ফোর লোকেল’, ঐগী লৈবাক্কী লায়রবশিংগী য়াইফনবা তৌরি হায়নীংদ্রি। আত্মনির্ভর ভারতকী মরমদা মহাক্কী মচিলদগী থোরক্তে। ঙসি কনাগুম্বনা মেক ইন ইন্দিয়াগী মরমদা ঙাংলদবি মহাক্না

ইকাই খুম্নরবা চিয়রমেনজী,

লৈবাক অসিনা পুম্নমক উরে অমসুং হৌজিক খঙলে নখোয়না মসিগী মহৈ অদুসু ফংলি।

ইকাই খুম্নরবা চিয়রমেনজী,

মহাক্কী ৱারোলদা রাস্ত্রপতিনা খ্বাইদগী চাউবা কাস্ত মরিগী মরমদা ঐখোয়া পুম্নমক্তা কুপ্না হায়খি, নহারোল, নুপী, লায়রবা অমসুং অন্নদাতা। ঐখোয়না খঙই মদুদি মখোয়গী সমস্যাশিং অসি অয়াম্বনা মান্নৈ, মখোয়গী মঙলানশিং অসি মান্নৈ অমসুং করিগুম্বা সোল্যুসনশিং পুথোকপা তারবদি মদুদা খেন্নগদৌরিবা অসি শুপ্নগী 19-20% খক্তনি অদুবু কাস্ত মরি অসিগী সোল্যুসনশিং অসিসু মান্নৈ। মরম অসিনা ঐহাক্না য়ুম্বী মরী অসি মপাঙ্গল কনখৎহন্নবা জাতিবু লমজিংলি, লৈবাক অসিনা চাউখৎপা ভারত অমা ওইনবা মাইকৈদা খোঙজেল য়াংনা খুমাং চাউশিনগনি।

ইকাই খুম্নরবা চিয়রমেনজী,

করিগুম্বা ঐখোয়না 21শুবা চহিচাদা লৈরবদি আমসুং ঐখোয়না 2047 ফাওবদা চাউখৎপা  ভারত অমগী মঙলান থুংহনবা পাম্লবদি ঐখোয়না 20শুবা চহিচাগী মওংদা থবক তৌবা য়ারোই। 20শুবা চহিচাগী পুকচেল পীকপা এজেন্সা , ঐগী মাগী হায়বগী গেমদুনা লৈবাক অসিবু 21শুবা চহিচাদা চাউখৎপা ভারত অমা ওইহনব ঙমলোই। কোংগ্রেস, হৌজিক মতম অসিদা ৱা য়াম্না ঙাংলি, অমুক হন্না কাস্তকী করিগীদমক মথৌ তারক্লিবনো খঙদে। অদুবু করিগুম্বা মখোয়না মথৌ তারবদি মখোয় মশাগী থমোয়দা হান্না য়েংবীয়ু, মখোয়না করি তৌখিগে হায়বা উবা ফংগনি। দলিত, শোত্থরবা, অমসুং ত্রাইবেল অসি কোংগ্রেসকী খ্বাইদগী চাউবা ওপ্পোনেন্ত ওইদুনা লাকখি অমসুং করিগুম্বা বাবা সাহেব লৈরমদবা তারবদি মখোয়না SC/ST গী রিজর্বেসন অসিসু ফংলমলোই, ৱাহং অসিসু ঐগী ৱাখলদা থোরক্লি।

ইকাই খুম্নরবা চিয়রমেনজী,

অমসুং ঐহাক্না হায়রিবা অসিগী খুদমসু ঐঙোন্দা লৈ। মখোয়গী ৱাখল্লোন অসি ঙসি খক্তগী নত্তে মসি মতম অদুদগী লৈক্লবনি, মদুগী খুদম লৈ। অমসুং ঐহাক্না মফম অসিদা খুদম পীবা নত্তনা ঙাংনবা লাকপা নত্তে, ইকাই খুম্নরবা চিয়রমেন। অমসুং মসিগী মতাংদা লাক্লবনিনা শেম শাদুনা লৈবীরো, চহি তরাদি ফাখ্রে। ইকাই খুম্নবগা লোয়ননা ঐহাক্না নেহরুজীবু নীংশিংজরি, মরমদি ঐগী মরুপশিংগী এক্সপেক্তেসন অমা লৈ, ঐখোয়না ফোঙদোক্কদবনি। য়েংবীয়ু, মতম অমদা নেহরুজীনা চিথী অমা ইখি। মসিগী চিথী অসি মুখ্য মন্ত্রীশিংদা ইখিবনি, মদুগী ৱাহন্থোক ঐহাক পাজররক্কে, চিথী অসি মতম অদুগী লৈবাক অসিগী মুখ্য মন্ত্রীশিংদা মতম অদুগী প্রধান মন্ত্রী পন্দিৎ নেহরুজীনা ইখিবনি, মসি ওন রেকোর্দতা লৈ, ঐহাক পাথোকচরক্কে – ঐহাক্না রিজর্বেসন থম্বা পামদে মরু ওইনা থবকশিংদা রিজর্বেসন থম্বা পামদে, ঐহাক্তি ইনইফিসিএন্সী প্রমোৎ তৌদুনা সেকেন্দ ক্লাস পুথোকপা খোঙথাং খুদিংমক্কী মায়োক্তা লৈ। মসি পন্দিৎ নেহরুনা মুখ্য মন্ত্রীশিংদা ইখিবা চিথী অমনি। অমসুং ঐহাক্না হায়জগে মদুদি মখোয় অসি মসিগী মায়োক্তা লৈবা মীওইশিংনি। নেহরুজীনা হায়রমখি করিগুম্বা SC, ST, OBCনা থবকশিংদা রিজর্বেসন ফংলবদি সরকারনা থবক তৌবগী স্তেন্দর্দ অসি হন্থরক্কনি। অমসুং ঙসি কাউন্ত তৌরিবা স্তেতিস্তিক্স অসি, মফম অসিদা কয়া অমা লৈরি মখোয়না মদুদগী হৌরকখি। মরম অসিনা মতম অদুদা মখোয়না রিক্রুৎমেন্ত তৌবা লেপহনখি। করিগুম্বা মহাক অদু মতম অদুদা থবক ফংলম্লবা অমসুং হোৎনদুনা প্রমোসন কারম্লবদি মহাক অদু ঙসি মসিগী থাক অসি য়ৌরম্লগনি।

চিয়রমেনজী,

ঐহাক্না কোৎ অমা পাজরি, অদোম্না ভেরিফাই তৌবীয়ু। ঐহাক্না পারিবা অসি পন্দিৎ নেহরুগী কোৎনি।

ইকাই খুম্নরবা চিয়রমেনজী,

নখোয় খঙব্রা নেহরুজীনা হায়রমখিবা অসি কোংগ্রেসকীদমক্তা মতম চুপ্পদা নুং খিন্নবনি। নেহরুজীনা হায়রমখিবা অসি মহাক্কীদমক নুং পরিং য়ুংবনি। নখোয়না উৎথোক্নবা কয়া হায়রবসু নহাক্কী ৱাখল্লোন অদুদি খুদমশিংনা উৎলি। ঐহাক্না মশিং লাকঙমদ্রবা খুদম কয়া থেংনজৈ অদুবু ঐহাক্না খুদম অমগদি পীজনীংই মদুদি জম্মু অমসুং কাশ্মিরগী মতাংদনি। কোংগ্রেসনা জম্মু অমসুং কাশ্মিরগী SC, ST, OBC অসিবু দিকেৎ তরেৎ হকশিং ফংহনদনা থনমখি। হৌজিক ঐখোয়না কয়াম কাগনি হায়বগী ৱা নত্তে আর্তিকল 370 অসি রিপীল তৌখ্রবা মতুং দিকেদ কয়াগী মতুংদা SC, ST, OBCন মখোয়গী হকশিং ফংলি। মখোয়না জম্মু অমসুং কাশ্মিরদা ফোরেস্ত রাইৎস এক্ত ফংলমখিদে। জম্মু অমসুং কাশ্মিরদা প্রিবেন্সন ওফ এত্রোসিতীজ এক্ত অমত্তা লৈরমখিদে। ঐখোয়না 370 লৌথোক্তুনা হকশিং মখোয়দা ফংহনখি। ঐখোয়গী SC কাংলুপতা ফাওবা করিগুম্বা শোত্থনা লৈবা মীরোল অমা লৈরবদি মদু বাল্মিকী সমাজনি অদুবু দিকেদ তরেৎকী মতুং ফাওবা ঐখোয়গী বাল্মিকী ইমুংশিংনা জম্মু অমসুং কাশ্মিরদা লৈদুনা মীয়ামগী শেবা তৌরি অদুবু দোমিসাইলগী হকশিং ফংহনখিদে। লৈবাক অসিদা ঙসি ঐহাক্না হায়জনীংবদি লোকেল সেল্ফ গভর্নমেন্তশিংদা OBCগী রিজর্বেসনগী বিল ঙরাং ফেব্রুৱারী 6তা লোক সভাদা পাস তৌখ্রে।

ইকাই খুম্নরবা চিয়রমেনজী,

কোংগ্রেস অমসুং মখোয়গী এল্লীশিংনা মতম চুপ্পদা SC, ST, OBCনা চাউনা শরুক য়ারকপনা অৱাবা মায়োক্নরি। বাবা সাহেবকী রাজনিতী অমসুং বাবা সাহেবকী ৱাখল্লোনশিং মাংহন্নবা মখোয়না হোৎনবা য়াবা হোৎনখি। স্তেৎমেন্ত অদু লৈ, মীখলশিংদা হায়খিবা স্তেৎমেন্তশিং অদুসু লৈ। মহাকপু ভারত রত্ন পীনবগীদমক শেম শাবা ফাওবা তৌবীখিদে। BJPগী মতেংগা লোয়ননা সরকার শেম্লবা  মতমদা মহাকপু ভারত রত্ন পীখি। মসি খক্তা নত্তনা খ্বাইদগী শোত্থরবা কাস্ততগী হৌরকখিবা কোংগ্রেস দলগী প্রসিদেন্ত, সিতারাম কেসরী ফাওবা লম্বীদা হুন্দোকখি। ভিদিও অদু লৈরি, ইরৈবাকচাশিংনা উহৌখি। সিতারাম কেসরিদা করি থোকখি।

অমসুং ইকাই খুম্নরবা চিয়রমেনজী,

মখোয়গী গাইদশিংগী মনুংদা অমনা অমেরিকাদা ফম্মি, মহাক্না মমাং মীখলশিংদা হুৱা তপ হুৱাগীদমক মমিং চৎখি। অমসুং কোংগ্রেস অসি ইমুং অসিগা য়াম্না নক্নৈ। মখোয়না সম্বিধান শেমলমখিবা বাবা সাহেব অম্বেদকরনা শরুক তমখিবা অসিবু হন্থহনা য়েংনবা মখোয়গী  অঙম্বা থাক্তা হোৎনখি।

অমসুং ইকাই খুম্নরবা চিয়রমেনজী,

অহানবা ওইনা লৈবাক অসিদা NDAনা ত্রাইবেল নুপীবু রাস্ত্রপতি ওইহন্নবা প্রপোজ তৌখি অমসুং মহাকপু মিরেপ ওইহনখি। করিগুম্বা নখোয়দা ঐখোয়দা আইদিওলোজিকেল ওপ্পোজিসন লৈরবদি মসি ৱাফম অমা ওইরি। করিগুম্বা ঐখোয় অমসুং নখোয়গী মরক্তা আইদিওলোজিজেল ওপ্পোজিসন লৈরবদি নখোয়না কেন্দিদেৎ অমা পুথোক্কনি, ঐহাক্না ভাপ তারমগনি। অদুবু আইদিওলোজিকেল ওপ্পোজিসন লৈখিদে। নখোয়গা সংমাজীগা মীখল লম্বা তৌনবা মতমদা মহাকসু ত্রাইবেল ওইখি, চপ মান্নবা অদু মঙোন্দসু থোকখি।  ঙসি ফাওবদা চিয়রমেন অমসুং রাস্ত্রপতিবু হন্থনা খনবগী থৌদোক লেপত্রি। মসি লৈবাক অসিদা অহানবা ওইনা থোকপনি। মসিগীদমক মখোয়না মকোক অদু ইকাই ফিরুক খুমগদবনি। রাস্ত্রপতিগী মরমদা অসিগুম্বা লোল শীজিন্নবা, ৱাখলদা লৈবা নুংঙাইতবদা অদু চিন্দা থোরকপনি। ঐখোয়না চহি 10 NDAদা থবক তৌবগী খুদোংচাবা ফংখি। অহানবদা দলিতশিং অমসুং হৌজিক্না ত্রাইবেলশিং অসি ঐখোয়না মরু ওইনা লৌই উৎখ্রে।

ইকাই খুম্নরবা চিয়রমেনজী,

ঐহাক্না ঐখোয়গী সরকারগী পরফোর্মেন্সকী মতমদা ঙাংবা মতমদা, ঐহাক্না NDAগী লায়রবশিং য়াইফনবা পোলিসীশিংগী মরমদা ঙাংই। করিগুম্বা নখোয়না খুন্নাই অসি নকশিন্না য়েংলবদি, করম্বা খুন্নাইনা মাগী বেনিফিসরীশিংনো, কনানা মীয়ামনো? কনানা স্লমশিংদা লৈগনি? মীওইশিং অসি করম্বা খুন্নাইদগী লাকপনো? অৱাবা কয়া মায়োক্নখিবা, সিস্তেমদগী শোত্থনা থমখিবা, করম্বা খুন্নাইনো? ঐখোয়না তৌখিবা থবক খুদিংমক SC, ST, OBC অমসুং ত্রাইবেল ফুরুপশিংগীদমক্তনি। স্লমশিংদা লৈরম্বা মীওইশিংনা মশাগী য়ুম ফংজরে। লুনানবা ৱাৎপনা মরম ওইরগা মখোয়না অনাবা কয়া নাবা তারমখি। মখোয়না ঐখোয়গী স্কিম স্বচ্ছ ভারত অভিয়ানগী মখাদা কান্নবশিং ফংহন্দুনা মখোয়বু অফবা পুন্সি মহিং অমা হিংহনবা ঙমখি। ইমুংশিং অসিগী ইমা-ইবেন অমসুং ইচে-ইচলশিংনা মৈখু চেল্লগা চাক থোংবনা হকচাংদা অকাইব কয়া থোকপগী চৈথেং নংলমখি, মখোয়দা ঐখোয়না উজ্জ্বলা কন্নেক্সন পীখি, মসিসু কাংলুপশিং অসিদনি। লেম্না রাসন ফংলিবা, লেম্না লায়েং ফংলি, বেনিফিসরীশিং অসি ফুরুপশিং অসিদগীনি। খুন্নাইগী শরুক অসিগী ঐগী ইমুং মনুংগী মীওইশিং অসিগীদমক সরকারগী স্কিমশিং পাইখৎলি।

ইকাই খুম্নরবা চিয়রমেনজী,

মফম অসিদা অদুগুম্বা মখলগী নরেতিব অমা থমখি, অচুম্বা ৱাফমশিং অদু য়াজনীংদবগী কান্নবা অসি করিনো? মসি তৌরগা নখোয় নশাগী ক্রেদিবিলিতী খক্তা হন্থজহনবনি, নখোয়গী ইকাই খুম্নবা মাংজবনি।

ইকাই খুম্নরবা চিয়রমেনজী,

এজুকেসনগী অরানবা স্তেতিস্তিক্স মফম অসিদা পুথোকখি। লান্না উহন্নবা হোৎনখি। হৌখিবা চহি 10 অসিদা SC, ST মহৈরোয়শিংদা পীবা স্কোলরশিপ অসি হেনগৎহনখি, চহি 10 অসিদা স্কুল অমসুং হায়র এজুকেসনশিংদা তৌরকপা এনরোলমেন্তশিংগী মশিং অসিসু চাউনা হেনগৎলকখি অমসুং দ্রোপ আউৎকী চাংসু য়াম্না হন্থরকখি।

ইকাই খুম্নরবা চিয়রমেনজী,

চহি 10গী মমাংদা একলব্য মোদেল স্কুল 120 লৈরমখি, ইকাই খুম্নরবা চিয়রমেন, ঙসি একলব্য মোদেল স্কুল 400 লৈরে। মসিগী ৱাফমশিং অসি য়াজনীংদ্রিবা করিগীনো, মসি তৌরিবা করিগীনো? মসি ঐহাক্না খঙবা ঙমদে।

চিয়রমেনজী,

মমাংদা সেন্ত্রেল ত্রাইবেল য়ুনিভর্সিতী 1 লৈরমখি, ঙসি সেন্ত্রেল ত্রাইবেল য়ুনিভর্সিতী 2 লৈরে। ইকাই খুম্নরবা চিয়রমেনজী, মসি অচুম্বনি মদুদি দলিত, শোত্থরবা অমসুং ত্রাইবেলশিংগী মচাশিংনা মতম শাংনা কোলেজশিংগী থোংশিং ফাওবা উবা ফংলমখি। ঐহাক্না নীংশিংলি ঐহাক্না গুজরাতকী সি.এম. ওইবা মতমদা ঐহাক্না য়াম্না অঙকপা এনালাইসিস অমা থেংনখি। উমরগাওদগী গুজরাতকী অম্বাজী ফাওবগী অপুনবা বেল্ত অসি ত্রাইবেলনা নম্না খুনদবা মফমশিংনি। ঐখোয়গী দিগবিজয় সিংহগী ময়ানুপাসু মফম অসিদগীনি। মফম অসিদা সাইন্স স্ত্রীম স্কুল অমা ফাওবা লৈরমখি, ঐহাক্না মফম অদুদা চৎপা মতমদা মফম অদুগী ত্রাইবেল অঙাংশিংগীদমক সাইন্স স্ত্রীম স্কুল অমা ফাওবা লৈরমখিদে। অসুম তৌরবদি ইঞ্জিনীয়রিং অমসুং মেদিসিন করম্না থোরক্কনি?

ইকাই খুম্নরবা চিয়রমেনজী,​

অমসুং ঐহাক্না হায়জনীংবদি হাউস অসিনা চাউথোকচবা পোক্কনি, নখোয়না অদুগুম্বা হাউস অমদা ফম্মি, মদুগী সরকার অদুনা অচৌবা অহোংবা পুরক্তুনা লমজিংলি। নখোয়না খুন্নাইগী থাজবা হেনগৎহনখি অমসুং মখোয়পু পুক্নিং থৌগৎপীরি। ঐখোয়না কৈবাক অসিগী মেনস্ত্রীমদা খোঙজেল য়াংনা খুমাং চাউশিন্নবা খোঙথাংশিং লৌখৎলসি অমসুং পুন্না চংশিল্লসি। নখোয়না উবা ফংলি মদুদ ত্রাইবেল অমদি ঐখোয়গী SC, ST মহৈরোয়শিংনা এনরোলমেন্ত তীবা অসগী ফিগরশিং অদু ঐহাক্না হায়জনীংই, হায়র এজুকেসনদা SC মহৈরোয়শিংনা এনরোলমেন্ত তৌবা অসি 44% হেনগৎলকখি। হায়র এজুকেসনদা ST মহৈরোয়শিংনা এনরোলমেন্ত তৌবা অসি 65% হেনগৎলকখি। OBC কাংলুপ্তগী হায়র এজুকেসনগীদমক এনরোলমেন্ত তৌরকখিবা অসি 45% হেনগৎলকখি। অমসুং ঐগী লায়রবা, দলিত, শোত্থরবা, ত্রাইবেল, খুদোংচাবা ফংদ্রবা ইমুংশিংগী অঙাংশিংনা হায়র এজুকেসন তম্বা ফংলবা মতমদা দোক্তরশিং, ইঞ্জিনীয়রশিং ওইবা ঙমগনি, খুন্নাই অসিদা অনৌবা এনভাইর্নমেন্ত অমা শাগৎলক্কনি অমসুং মসিকৈ  অসিদা ঐখোয়না তঙাই ফদবা খুদোংচাবশিং ফংহন্নবা খোঙথাংশিং লৌখৎলি। মসিদা মতম খরা চংবা য়াই অদুবু মসি তৌদবদি য়াদে মরম আসিনা ঐখোয়না এজুকেসন্দা মীৎয়েং চংবগা লোয়ননা  থবক পাইখৎলি। করিগুম্বা ই-পাউ ফংবা ৱাৎলবদি ঐখোয়দা খঙহনবীরকউ অমসুং ঐখোয়না ই-পাউ অদু পীজগনি। অদুবু নখোয়গী রিপ্যুতেসন থীহনগদবা অদুগুম্বা নরেতিবশিং শেমজিনগনু।

ইকাই খুম্নরবা চিয়রমেনজী,

মীপুম খুদিংমকআ মতেং পাংনরবদি মীপুম খুদিংমক্কী গ্রোথ লৈবদা মতেং ওইগনি! মসি স্লোগান নত্তে, মসি মোদীগী গরেন্তীনি। অমসুং নখোয়না থবক কয়া তৌবা মতমদা কনাগুম্বা অমনা শৈরেং অমা ইরগা থারক্লবা, শৈরেং অদু য়াম্না শাংগনি মরমদি মদুদা ৱাহৈ পরেং অমা য়াওগনি -

মসি মোদীগী গরেন্তীগী চহিচানি,

অনৌবা ভারতকী অয়ুক

আউৎ ওফ ৱরেন্তীনা দুকানশিং চল্লাইরি,

আউৎ ওফ ৱরেন্তীনা দুকানশিং চল্লাইরি

ইশাগী মফম থীহৌ

ইকাই খুম্নরবা চিয়রমেনজী,

লৈবাক অসিদা অৱাবা শন্দোক্নবা মখল কয়াগী খোঙথাংশিং পাইখৎখি, ঐহাক্না অৱাবা কয়াগী কোমদা তারবা মীওইশিং খঙই। অদুম ওইনক মহাক্না অৱাবা শন্দোক্নবা তৌখিবা অদুসু হীংবা ঙমখিদে। মদুগী শক্তিসু লৈহৌদ্রে, মদুদা আশা অমত্তা পীবা ঙমলোই। অৱাবা তারবা মশাদগী আশা লৈবা য়াই অদুবু মখোয়না লৈবাক পাইরবা, অৱাবা শন্দোকপগী গেম অসি চত্থরি অমসুং অচুম্বা অদু মাংহল্লি। মখোয়না মশাগীদমক অফবা তৌবা ঙমলোই অমসুং লৈবাক্কীদমক্তসু ঙমলোই।

ইকাই খুম্নরবা চিয়রমেনজী,

চপ মান্নবা ঈশৈ অদু মতম খুদিংমক্তা শকই। খুন্নাইগী শরুক খরা প্রভোক তীনবা য়ুম্ফম য়াওদনা অদুগুম্বা ৱাহৈশিং ফোঙদোকখি। লৈবাক্কী মমাংদা ঐহাক্না অচুম্বা খরা ফোঙদোকচনীংই অমসুং ঐহাক্না থাজৈ মদুদি মেদিয়ানা অসিগুম্বা তোপিকশিংদা দিবেৎ তৌদুনা মসি খঙহনগদবনি।

ইকাই খুম্নরবা চিয়রমেনজী,

সরকারগী কেম্পেনশিংগী মতাংদা ঐখোয়গী ইথক্তা মরাল মখল কয়া শীখি। করম্বা মখলগী মরালশিং শীঝি? মকোক, মখোঙ, মরাইবক হায়বা লৈতে পংহাপ্তা হাপচিনখি। হৌজিক য়েংঙু লৈবাক অসিনা মারুতিগী শিয়রশিংগী মতাংদা করি গেম শান্নখি নীংশিংলি। মতম অদুদা হেদলাইনশিং ওইখি। মারুতিগী শিয়রশিংগী মতাংদা করি তৌখি? ঐনা কুপ্না মসিদা হায়নীংদে নত্রবদি মফম অদুদা ঈশিং লাক্তুনা মখোয় মৈনা চীংবা ফাওবা য়াই। মরম অসিনা ঐহাক্না য়াম্না হায়বা পামদ্রে।

ইকাই খুম্নরবা চিয়রমেনজী,

লৈবাক অসিনা খঙবা মরু ওই।

ইকাই খুম্নরবা চিয়রমেনজী,

ঐহাক নীংতম্বা ফংলবা মতমদা পোকখি। ঐগী ৱাখল্লোন অসি নীংতম্মি অমসুং ঐগী মঙলানশিংসু নীংতম্মি। মীখা পোনবগী ৱাখল্লোনগা লোয়ননা হিংলিবশিংনা করিগুম্বা অমত্তা তৌখিদে। মখোয়না চপ মান্নবা অরিবা চে-চাংশিং অদুগা কোইনা চৎতুনা লৈ।

ইকাই খুম্নরবা চিয়রমেনজী,

কোংগ্রেসনা হায়খি ঐখোয়না PSUশিং য়োন্থোকখি, PSUশিং মুৎহল্লি, মফম অসিদা থৌদোক কয়া থোকখি অমসুং অহল ওইরবা মীয়ামদগী তাখি। কনানা BSNL অমসুং MTNL মুত্থৎখিবগে নীংশিংলিব্রা? করম্বা মতমদা মদু থোকখি, করম্বা মতমদা BSNL অমসুং MTNL মাং তাকহনখি? নীংশিংবু  HALগী ফীভম, করম্বা ফীভমদা লৈরমখি?  গেৎতা ভাশন পীদুনা HALগী মিংদা 2019গী মীখলশিং থেংননবা এজেন্দা শেমখি। HALগী গেৎতা HAL মুত্থৎখিবশিংনা ৱা ঙাংখি।

ইকাই খুম্নরবা চিয়রমেনজী,

কনানা এয়র ইন্দিয়া মুত্থৎখি, ফীভম  অসি কনানা ওইহনখি। কোংগ্রেস পার্তী অমসুং UPAনা চহি তরা অসিদা মাংহন তাকহনখিবা অদু খঙজন উশিন্নদনা লৈবা য়ারোই। লৈবাক অসিনা য়াম্না মুন্না খঙই অমসুং ঐহাক্না ঐখোয়গী তেনরদা মাইপাকখিবা খরা হায়জনীংই।

ইকাই খুম্নরবা চিয়রমেনজী,

ঙসি নখোয়না মাংহন তাকহন্দুনা থনমখিবা BSNL অদু মেদ ইন ইন্দিয়া 4G, 5Gগা লোয়ননা মাংদা চংশিল্লি অমসুং মালেমগী পুক্নিং চীংশিল্লি।

ইকাই খুম্নরবা চিয়রমেনজী,

HALগী মরমদা চম্মনবা কয়া শন্দোকখিবা অদু ঙসি HALনা রেকোর্দ ওইনা মেন্যুফেকচরিং তৌরি। HALনা রেকোর্দ ওইবা মওংদা রিভেন্যু লাকহল্লি। মসিনা মরম ওইরগা মীয়াম্না থাগৎনরি অমসুং শীংথানিরি অমসুং কর্নাতকাদা লৈবা HAL অসি এসিয়াগী খ্বাইদগী চাউবা হেলিকোপ্তর মেন্যুফেকচরিং কম্পনী অমা ওইরি। নখোয়না ঐখোয়বু করম্বা মওংদা হুন্দোকলমখি, ঐখোয়না করম্বা পনখৈ তম্না পুখৎলি।

ইকাই খুম্নরবা চিয়রমেনজী,

মফম অসিদা য়াওদনা কম্মান্দো অমনা LICগী মতাংদা য়াম্না স্কোলরগুম্বা ৱারোলশিং ফোঙদোকখি। LICদা অদু তৌখ্রে, মসি থোকখ্রে হায়খি। অরান কয়া হেন্না হায়রিবা মখৈ LICগী মতাংদা, কনাগুম্বা অমবু মাংহনগে হায়না পাম্বৈ কয়া হোৎনরবা, তোকঙা শন্দোক্লবা, ওইদবা ঙাংলবা, চম্মনবা পোকহল্লবা অমসুং মসি চপ মান্ননা অদুমক চত্থৈ। খুঙ্গংদা অচৌবা বঙ্গলো অমদা কনাগুম্বগী লৈরবদি নখোয়না মদুসু হেক লৈনীংই অদুবু লৈবদি ঙমদে। অদুনা বঙ্গলো অদু ভুৎ তম্নৈ হায়বা ৱাহৈ অদু শন্দোকই, মফম অদুদা লাকপা মীওইশিংদা মখোয়না শন্দোকই। মী লাক্ত্রবা মতমদা মখোয়না চৎতুনা মদু লৌশিল্লি। LIC করম্না চল্লাইরি?

ইকাই খুম্নরবা চিয়রমেনজী,

ঐহাক্না য়াম্না চাউথোকচনা হায়জরি। ঙসিদি, LICনা রেকোর্দ ওইরবা থাক্তা ত্রেদিং তৌরি, করিগীনো?

ইকাই খুম্নরবা চিয়রমেনজী,

PSUশিং অসি থিংজিনখ্রে হায়বা অরানবা পাউ অমা শন্দোক্লি। করি থোকখিবনো হায়বা মখোয়না খঙদ্রে। কনাগুম্বা অমনা হাইয়ু হায়বগী পংহাইদা হায়রি। লৈবাক অসিদা ইং 2014দা PSU 234 লৈরম্মি। য়ু.পি.এ.না চহি তরা পানবা মতমগী 2014দনি। মখোয়না ইং 2014দগী হেক তোকখিবদগী, ঙসিদি মশিং অসি 254 য়ৌরে। ঙসি 254 লৈরবনি। করম্বা অঙ্কনো মখোয়না হৈরিবা, মখোয়না য়োনথোকখ্রে, মদুগী মতুংদা 254 ওইরে। অদোম্না তৌরম্লিবা অসিবু করিনো?

ইকাই খুম্নরবা চিয়রমেনজী,

হৌজিক্তি, PSU অয়াম্বনা রেকোর্দ রিতর্ন পীরি। ইনভেস্তরশিংনা PSUদা থাজবা থম্বসু হেনগৎলি। শেয়র মার্কেত খজিক্তং খঙবা মীওই ফাওবনা মসি ভাব তাগনি। খঙদ্রবদি, অখঙবদা হংবীয়ু। চেয়রমেঞ্জী অমুক্তা য়েংবীয়ু, BSE PSU ইন্দেক্সতা হৌখিবা চহি অমদা মখোয়না শরুক অনি থোক্না শাহৌ লৌখ্রবনি।

ইকাই খুম্নরবা চিয়রমেনজী,

চহি 10গী মমাংদা, হায়বদি ইং 2014দা, ইং 2004দগী 2014 ফাওবগী মরক্কী ৱারী শাগে। PSUশিংগী অপুনবা শেন্দোংনা চাউরাক্না লুপা করোর লাক্ষ 1.25 ওইখিবনি। অদুগা হৌখিবা চহি 10গী মনুংদা মখোয়গী শেন্দোংনা লুপা করোর লাক্ষ 2.5 ওইখ্রবনি। মসিগী চহি 10 অসিদা, ঐখোয়গী চহি 10 অসিদা, PSUগী অপুনবা ভেল্যু অসি লুপা করোর লাক্ষ 9.5তগী হেন্দুনা লুপা করোর লাক্ষ 17 য়ৌখ্রবনি।

ইকাই খুম্নরবা চিয়রমেনজী,

মখোয়না খুৎ থিংজিল্লুবা মফম খুদিংনা লুপ্পা হায়বসি শোইদ্রবনি। মখোয়না মসিদসু ফিভম অসিমক তাহনখিবনি। ঐখোয়না শিংনবা কয়া মাইয়োক্নদুনা, কন্না হোৎনদুনা PSUশিংবু কনখিবনি। মসিদা অদোম্না নুংঙাইফম থোক্লিবনি। অরানবা পাউ শন্দোকপীগনু, লৈবাক্কী মীয়ামদা নম্থাক তৌবীগনি। মসিগুম্বা থবক অসি কৈদৌনুংদা তৌরোইদবনি।

ইকাই খুম্নরবা চিয়রমেনজী,

মখোয়গী চৎনবী অমা লৈ, মখোয়গী নিংথৌমচাবুসু মখোয়না স্তার্তঅপ ওইহনখ্রে। হৌজিক্তি মহাক অসি নন-স্তার্তর ওইরবনি, মহাক্না করিগুম্বা অমা হৌদোকপা লৈতে, করিগুম্বা অমবু থাক ৱাংনা পুখৎপা লৈতে।

ইকাই খুম্নরবা চিয়রমেনজী,

অদোম্না মমাংগী মতমদসু তুমিন্না লৈরম্লবদি, কয়াদা নুংঙাইরমগনি।

ইকাই খুম্নরবা চিয়রমেনজী,

থাগৎচরি, থাগৎচরি। পুম্নমকপু থাগৎচরি।

ইকাই খুম্নরবা চিয়রমেনজী,

রাজ্য অমগী মুখ্য মন্ত্রী মতম শাংনা ওইজদুনা লৈবাক অমসুং মীয়ামগী সেবা তৌবা ফংজবসি ঐহাক্কী লাইবক ফবনি। অদুনা ঐহাক রিজনেল এস্পিরেসন করিনো হায়বা মমুৎ তানা খঙই। ঐহাক অদুগী কাঙলোন অদুদগী থোক্লকপনি। রাজ্য অমগীদমক্তা করি মথৌ তাবগে হায়বা ঐখোয়গী দিগবিজয়জীসু মমুৎ তানা খঙলিবনি। ঐখোয়দি মদুগুম্বা মালেমদগী লাকপনি। অদুনা মসিগী এক্সপেরিএন্স ঐখোয়দা লৈ, ঐখোয়না খঙই, শরদ রাওজীনসু মসি খঙই, মসিগুম্বা ৱাফম খঙবা মীওই খরা ঐখোয়গী মরক্তা য়াওরি। দেবগৌরাজী য়াওরি। ঐখোয়না মসিগী মরু ওইবা করিনো খঙই। মসি খঙনবা ঐখোয়না লাইরিক পারুবগী মথৌ তাদে। মসি অচুম্বনি। য়ু.পি.এ.গী চহি 10গী লৈঙাক্না গুজরাত্তা করিগুম্বা অমা তৌনবা অদুম লৈখিবনি। অদুবু ঐদি পীরাং শিন্থবা মীওই নত্তে। ঐঙোন্দা কপ্পগী হৈনবী লৈতে। অদুবু, মসিগুম্বা পামদবা থবক কয়া অমসুং মীওৎ-মীনৈ কয়া খাঙলবা ফাওবদা ঐহাক্না কেন্দ্রগী মন্ত্রী অমত্তগা উন্নবগী অয়াবা ফংলমদে। করিসু ৱাগনু, ঐহাক্কী খঙনবা মীওই লৈ, ঐ ফোন্দা ৱারী শাগে হায়না হায়বী, অদুবু, ফোতো লিক ওইগনি হায়বগী অকীবা অমদি লৈ। মন্ত্রীশিংসে য়াম্না কীবনি। হৌজিক্তি, ঐহাক্না মখোয়গী অৱাবা খঙলে। মহৌশাগী ওইবা চাউরবা অমাঙ অতা অমা ঐখোয়গী লমদমদা থোকখি। মফমসিদা অমুক্তা লাকপীনবা ঐহাক্না মতমদুগী প্রধান মন্ত্রীগী মফমদা হায়জখি। মহাক লাক্নবা প্রোগ্রাম শেমখি। অদুদগীদি, এদভাইজরী কম্মিতী অমা শেম্লে, মথক্তগী লাকপা ওর্দর ওইরম্বসু য়াই। হেলিকোপ্তর তোংদুনা মথক্তগী য়েংশিনবা হায়বসি ঐহাক ভাব তাই। অদুবু, প্রোগ্রাম শেমদোক্লগা সাউথকী মফম অমদা ওইনা চৎখ্রে। করম্বা রাজ্যনো হায়বদি ঐ কাওরে। ঐখোয় গুজরাত্তা লাক্লরোই, প্লেন্দগী মথক্তগী অদুম য়েংলগে হায়রকখি। মহাক লাক্কনি হায়বগী ঐহাক্তি সুরত্তা য়ৌখ্রবনি। অরোইবদা করি তৌবদগী হায়রিবা ফিভম অসি লাকখিবনো ঐহাক খঙবা ঙম্মি। অদুনা, মহৌশাগী অমাঙ অতা থোকপা মতমদফাওবা ঐহাক্না মসিগুম্বা খুদোংচাদবা থেংনখিবনি। অদু ওইরবসু মতমদুদা ঐহাক্কী মন্ত্রদি লৈবাক্কী চাউখৎ থৌরাং, রাজ্যগী চাউখৎ থৌরাং হায়বসিনি। হৌজিকসু মসিমক ঐহাক্কী মন্ত্রা ওইরি। ভারত চাউখৎনবা গুজরাত চাউখৎপা। ঐখোয় পুম্নমকসু লম্বী অসিদা চৎফম থোকই। রাজ্য চাউখৎহল্লবা মতুংদা লৈবাক চাউখৎহনবা ঙমগদৌরিবনি। মসিদা খন্ননীংঙাই অমত্তা লৈতে। রাজ্যনা খোঙ্কাপ অমা থাংবা মতমদা ঐহাক্না খোঙ্কাপ অনি থাংদুনা মতেং পাংগনি হায়বগী ঐহাক্না চেয়রমেনজীগী মফমদা থাজবা পীজরি। কোওপরেতিব ফেদেরেলিজম হায়বসি করিনো? অদুগা, ঐদি কোওপরেতিব কম্পতিতিব ফেদেরেলিজম হায়না য়াম্না তোয়না হায়বনি। মসিমক লৈবাক্না ঙসি মথৌ তারিবনি। লৈবাক্না চাউখৎনবা রাজ্যশিংদা হেলদী কম্পিতিসন লৈগদবনি। ঐখোয়না পোজিতিব থিঙ্কিংগা লোয়ননা তুংলমচত্তা চঙশিনফম থোকই। ঐহাক্না রাজ্যদা লৈরিঙৈদসু মসিগী ৱাখল্লোন অসিমক পুদুনা চৎলম্মি। অদুনা তুমিন্না অদুম লৈশিনখিবনি।

ইকাই খুম্নরবা চিয়রমেনজী,

কোবিদ অসি খুদম অমনি। মালেম্না অসুক য়াম্না চাউবা শিংনবা অমা মাইয়োক্নখি। মতম অসিগী মনুংদা ঐহাক্না লুচিংদুনা রাজ্যশিংগী মুখ্য মন্ত্রীশিংগা মীফম 20 ফমখি। পুম্নমক্কী ৱাখল্লোন তারবা মতুংদা রাজ্য খুদিংমক্কা তেংবাংনদুনা চৎখিবনি, কেন্দ্র অমসুং রাজ্যনা তীম অমা শেমদুনা চৎমিন্নখিবনি। রাজ্য অমখক্তদা ক্রেদিতসু পীরোই, পুম্নমক্না অমত্তা ওইদুনা লৈবাকপু কনবগী পাংথোকফম থোকপা থবক পাংথোকখিবনি। রাজ্যশিংনা মসিগী ক্রেদিত লৌবগী অচৌবা হক লৈ, মসিগুম্বা ৱাখল্লোনগা লোয়ননা ঐখোয়না থবক তৌখিবনি।

ইকাই খুম্নরবা চিয়রমেনজী,

জি-20 অসি ঐখোয়না দিল্লীখক্তদা পাংথোকপা য়াবনি। চাউর-চাউরবা নেতা কয়ানা দিল্লীদা তাশিন্দুনা পুম্নমক পাংথোক্লম্বনি। ঐখোয়না মসি পাংথোকখিদে। ঐখোয়না লৈবাক্কী রাজ্য খুদিংবু জি-20গী শরুক ওইহনখি। দিল্লীদা মীফম অমা পাংথোকখি, রাজ্যশিংদা মীফম 200 পাংথোকখি, রাজ্য খুদিংনা মালেমগী এক্সপোজর ফংনখি। মসিদি শোইবদগী ওইখিবা নত্তে, নীংথিনা থৌরাং য়াৎলবা মতুংদা ওইহনখিবনি। রাজ্যদা কনাগী সরকার পানবগে য়েংলগা ঐহাক্তি লৈবাক চলায়দে, ঐখোয়না অমত্তা ওইনা হোৎনমিন্নদুনা লৈবাক চাউখৎহনগদবনি। ৱাখল্লোন অসিগা লোয়ননা ঐহাক্না থবক তৌই।

ইকাই খুম্নরবা চিয়রমেনজী,

ঐখোয়গী লৈবাক্তা মীরমদগী মীথুংলেন কয়া লাকই, ঐহাক লাক্লবা মতুংদা মখোয় লাকপনি হায়বগী ৱাফম অমত্তা লৈতে। মমাংদসু লাক্লম্মি। হৌজিক্তি, মীরমদগী গেস্ত লাকপা মতমদা ঐহাক্না অতোপ্পা রাজ্যদসু নোংমা ওইরবসু চৎনবা হায়রিবনি। ঐহাক্কী লৈবাক অসি দিল্লীখক নত্তে খঙহন্নবা ঐদি মখোয়বু অতোপ্পা রাজ্যশিংদা পুদুনা চৎলি। ঐহাক্কী লৈবাক অসি চেন্নৈদসু লৈ, বেঙ্গালুরুদসু লৈ, হাইদ্রবাদতসু লৈ, পুরী, ভুবনেশ্বর, কোলকাতা, গৌহাতীদসু লৈ হায়না খঙহল্লিবনি। ঐহাক্কী লৈবাক্কী মফম খুদিংনা মালেমগী এক্সপোজর ফংহন্নবা ঐখোয়না কন্না হোৎনরিবনি। মফমদুগী সরকারনা তেংবাংই তেংবাংদে হায়বদা ঐখোয়না খঞ্জিন্দে। লৈবাক্কী তুংগী মতম্বু নুংঙাইহন্নবা থম্মোই শেংনা হোৎনরি। জনুৱারী 26তা ঐহাক্কী থবক য়াম্না লৈ, অদু ফাওবদা, ঐহাক্না ফ্রান্সকী রাস্ত্রপতিবু জনুৱারী 25তা রাজস্থানগী লৈরক খুল্লক্তা পুদুনা কোইহনখিবনি। মালেম্না রাজস্থান অসি করিনো খঙহনখিবনি।

ইকাই খুম্নরবা চিয়রমেনজী,

ঐখোয়না য়াম্না চাউবা খোঙথাং অমা পায়খৎখি, মালেম পুম্বনা মসিবু মোদেল অমা ওইনা থাগৎনরি – এস্পিরেস্নেল দিস্ত্রিক্ত। খোঙথাং অসিগী মায় পাকপদা ঐহাক্কী রাজ্যশিংনা চাদা 80গী থৌদাং য়াখিবনি। মসিদা তেংবাংলকপা রাজ্য খুদিংনা মসিগী মরু ওইবা খঙনখিবনি। ঙসিদি, প্রোগ্রাম অসিবু মায় পাকহনবদা রাজ্যশিংনা 80%গী মতেং পাংলক্লি। জিলাগী থাক্কী ওফিসরশিংগা উন্নরি। রাজ্যশিংগী চাংচত্তা খ্বাইদগী মনিংদা লৈরম্বা রাজ্যশিংনা ঙসিদি লৈবাক্কী চাংচত্তা চাংদম্নবা ঙম্লবনি। পুম্নমক অসি তেংবাংনবদগী ওইথোক্লিবনি। অদুনা, ঐখোয়গী প্রোগ্রাম খুদিংমক্তা পুম্নমকপু শরুক য়াহনবা অমসুং লৈবাক্কী তুংগী মতম অমা পুন্না শেম্মিন্নবগী থৌওং হাপ্লিবনি। ঙসিদি, লৈবাক্কী মফম খুদিং, ইমুং খুদিংনা মসিগী কান্নবা ফংলি। মসিগুম্বা মাইকৈ অসিদা পুন্না চৎমিন্নবা হায়বসি ঐখোয় পুম্নমক্কী থৌদাংনি। ঐখোয়না রাজ্য খুদিংদা মখোয়গী ফংফম থোকপা হক ফংহনবা পাম্মি। অদুবু ঙসিদি, ঐহাক্না য়াম্না মরু ওইবা ৱাফম অমগী মতাংদা ঐহাক্না থেংনখিবা অৱাবা অমা থমজনীংই।

ইকায়খুম্ননীংঙাই ওইরবা চেয়রমেনজী,,

লৈবাক হায়বসি ঐখোয়গীদি শুপ্নগী লম মচেৎ অমা নত্তে। মসিদা ঐখোয় খুদিংগী ইথিল পীনিংঙাই ওইবা য়ুনিৎ অমমম য়াওরিবনি। মসিমক ঐখোয়গী হকচাংগা মান্নৈ। খোঙদা তিংখং য়ুবা মতমদা, অতৈ কয়াৎশিংনা মসিদি খোঙদা য়ুবনি, খোঙনা অদুম থেংনজগনি হায়না খন্দুনা লৈথোক্তে। খুৎনা তিংখং অদুবু লৌথোকই। অদুগা খোঙদা তিংখং য়ুবা মতমদা মিত্তগী পী তাই। অদুনা, লৈবাক্কী মফম অমদা নুংঙাইতবা থৌদোক থোকপা মতমদা লৈবাক পুম্বনা কপ্পি। নুংঙাইতবা ফাওই। হকচাং কয়াৎ অমা মথৌ তৌরক্তবা মতমদা হকচাং পুম্বদা নুংঙাইতবা ফাওই। মসিমক লৈবাক অমগা চপ মান্নৈ। লৈবাক অমগী মফম অমনা চাউখত্তবা মতমদা, লৈবাক পুম্বগী চাউখৎ থৌরাংদা থিন্থরিবনি। অদুনা, ঐখোয়না ভারত অসিবু মপুং অমা ওইনা লৌগদবনি। মচেৎ ওইনা লৌগদবা নত্তে। হৌজিক মতমসিদা ঙাংনলিবা লোন্দা অসিনা রাজনীতিগী মশাগীতা খনবগী ৱাফম ফোংদোকপগী চৎনবী অমা লৈবাক অসিদা লাক্লে। সরকার অপুনবনা মসিদা হৈনবীগী মতৌ অমা লৈরে। মসিদগী হেন্না লাইবক থিববু করি ওইগনি? অমুক্তা হায়বীয়ু।

ঝার্খন্দদদী ত্রাইবেল অঙাং অমনা ওলিম্পিক গেম্সতা মেদল অমা লৌরকপা মতমদা মহাক অসি ঝার্খন্দদগীনি হায়নদে, মহাক অসি ভারত্তগীনি হায়নৈ। ঝার্খন্দদগী লাকপা অঙাং অমদা তেলেন্ত য়াম্না লৈবা উবা মতমদা, লৈবাক্না মহাক্কীদমক্তা লুপা লাক্ষ কয়া থাদৈ অমসুং মহাক্না অফবা কোচিং ফংনবা মালেমগী লৈবাক কয়াদা থাবী। মসিদসু চাদিং অসি ঝার্খন্দগীদমক্তা তৌরিবনি খন্নৈ, মসি লৈবাক্কীদমক্তা তৌবা নত্তবরা? ঐখোয়না খল্লিবসি করিনো? ঐখোয়না ঙাংলিবা লোন্দা অসিবু করিনো? মসিনা লৈবাক্কী মিংচৎ পুরক্লিবনি। মফম অমদা ভেক্সিন শাদুনা লৈবাক্কী মীওই করোর কয়াদা ফংহনবা মতমদা, মসিদি লৈবাক্কী থবক্নি হায়বা য়াদবরা? ভেক্সিন শাবা মফমদুখক্তবু থাগৎফম থোকপরা? ভেক্সিন শাফম খক্তনা ভেক্সিনগী কান্নবা ফংফম থোকপরা? ঐখোয়না অসুম্না খনফম থোকপরা? হৌজিক্কানগী ৱাখল্লোন অসি করি ওইরবনো খঙদ্রে। মসিগুম্বা ৱাখল্লোন অসি রাজনীতিগী দল অমদগী লাকপসিনা হেন্না লাইবক থীবনি।

ঐহাক্না ইকায়খুম্ননীংঙাই ওইরবা চেয়রমেনজীদা হংজনীংই,

হিমালয়না ৱা ঙাঙবা হৌরক্লবদি কমদৌবা? তুরেল খুদিংমক ঐঙোন্দগী হৌখিবনি, নহাক্কী মফমদা ঈশিং পীরোই, ঈশিংদা ঐগী হক লৈ, লৈবাক্কী হক অমত্তা লৈতে হায়রবদি কমদৌবা? কোয়লা থোকপা রাজ্যশিংনা অতোপ্পদা কোয়লা পীররোই, নখোয়না থোকপা তৌরগা শিন্নরো হায়রক্লবদি কমদৌবা? লৈবাক করম্না চলায়গনি?

ইকাই খুম্নরবা চিয়রমেনজী,

কোবিদকী মতমদা ওক্সিজেনগী ফিভম করি ওইখি? লৈবাক পুম্বনা ওক্সিজেনগী মথৌ তাখি। লৈবাক্কী নোংপোকথংবা মফমগী ইন্দস্ত্রীশিংনা মতমদুদা ওক্সিজেন পুথোকখি। মতমদুদা, নোংপোক্কী মীওইশিংনা লৈবাক্কী অতোপ্পা মফমদা ওক্সিজেন পীবা ঙম্লোই হায়্রম্লবদি করি ওইরমগনি? লৈবাক অসিনা করম্বা ফিভম মাইয়োক্নরমগনি? শিংনবা কয়া মাইয়োক্নরবসু, লৈবাক শিনবা থুংবদা ওক্সিজেন ফংহনখিবনি। মসিগুম্বা ৱাখল্লোন অসিবু লৌথোক্নবা করি করম্বা থৌওং চত্থখি? লৈবাক্কী শেল অমসুং তেক্সশিংনা মসিগুম্বা ৱা ঙাঙবা য়াবরা? মসিনা লৈবাক্কী তুংগী মতমদা অচৌবা শিংনবা অমা পুরক্কনি। লৈবাক থুগাইনবা অনৌবা ৱাঙাং ঙাঙবা তোকপীরো। লৈবাক অসিনা তুংলমচত্তা চঙশিনফম থোকই, লৈবাকপু অমত্তা ওইনা পুদুনা তুংলমচত্তা চঙশিন্নবা হোৎনবীয়ু।

ইকাই খুম্নরবা চিয়রমেনজী,

হৌখিবা চহি 10দা শেমখিবা পোলিসী অমসুং চাউখৎ থৌরাংশিং অসিদি অনৌবা ভারতকী মাইকৈ তাক্নবনি। ঐখোয়না লৌখিবা ৱারেপ, ঐখোয়না হৌখিবা দিকেদতা শেমগৎ শাগৎখিবশিং অসিগী অপুনবা মিৎয়েংদি তঙাই ফদবা খুদোংচাবশিং ফংহনবদনি।

ইকাই খুম্নরবা চিয়রমেনজী,

ইমুং খুদিংগী পুন্সি মহিংগী থাক ৱাংখৎহনগদবনি অমসুং ইজ ওফ লিবিংসু হেন্না ফগৎহনগদবনি। ঐখোয়না হৌজিক খ্বাইদগী মথৌ তারিবা অসিদি – ঐখোয়না পুন্সিগী মগুন করম্না ফগৎহনগদগে? লাক্কদৌরিবা মতমশিংদা, ঐখোয়না অপুনবা পাঙ্গল অমসুং তৌবা ঙম্বগী মতিক্কা লোয়ননা ইজ ওফ লিবিংদগী ক্বালিতী ওফ লিবিংগী মাইকৈদা অহেনবা খোঙ্কাপ কানবা তাবনি। মসিমক ঐখোয়না পাংথোক্কনি।

ইকাই খুম্নরবা চিয়রমেনজী,

মথংগী চহি 5 অসিদা, ঐখোয়না লাইরবগী খয়াত্তগী মপান থোক্লকখ্রবা অনৌবা মিদ্দল ক্লাসশিংগী মফমদা পাঙ্গল হাপ্নবা পাংথোকপা থোকপা থবক খুদিংমক পাংথোক্কনি। মসিনা মরম ওইরগা, মোদীনা পীরিবা সোসিএল জস্তিসকী চুংগোইগী মপাঙ্গল হাপকদৌরিবনি।

ইকাই খুম্নরবা চিয়রমেনজী,

ঐখোয়না হৌজিক্কান অসিদা মীওই করোর 25না লাইরবগী খয়াত্তগী থোকলকখ্রে হায়রি, মসিদা মীওই করোর 80দা হৱাই চেংৱাই লেম্না করিগী পীরিবনো হংনবসু য়াওরিবনি।

ইকাই খুম্নরবা চিয়রমেনজী,

মীওই অমনা হোস্পিতালদগী ময়ুমদা হল্লক্লবা মতমদা ফাওবা দাক্তরশিংনা মশা চেকশিন্না লৈনবা, চাবা থকপদা চেকশিন্নবা অমসুং হকচাং শাজেল তৌনবা অমসুং অতোপ্পা পাউতাক কয়া লেপ্তনা পী। করিগীনো? মহাক অদু অমুক হন্না নারক্তনবা। লাইরবগী খয়াত্তগী থোক্লকপা কাঙলুপ্তসু অসুম্না শেন্নবীগদবনি, খুদোংচাদবা অমা মাইয়োনবদা লাইবগী খয়াত্তা অমুক্কা হন্না তাহনখিদনবা শীনবীগদবনি। মহাক্কী মপাঙ্গল হাপ্নবা মতম পীগদবনি। ঐখোয়না লাইরবা কয়াবু মপাঙ্গল হাপ্পীদুনা লাইরবগী খয়াত্তা অমুক হন্না তাহন্দনবা হোৎনরি। ঐখোয়না আয়ুশমানগীদমক্তা লুপা লাক্ষ 5কী তেংবাং পীরিবসু মসিগীদমক্তনি। ইমুং অদুদা অনাবা অমা লাকপদা লাইরবগী খয়াত্তা তাবগী চাং য়াম্না ৱাংই। লাইরগী খয়াত্তগী পুথোকপনা মরু ওইরিবগুম্না লাইরবগী খয়াত্তা অমুক্কা হন্না তাহন্দনবা হোৎনবসু য়াম্না মরু ওই। মসিনা মরম ওইরগা ঐখোয়না হৱাই চেংৱাই লেম্না পীরিবনি। মীয়াম্না নুংঙাইবা নত্ত্রগা নুংঙাইতবা ফাওবা ওইরো, মীওই করোর 25তি ঐখোয়না লাইরবদগী মনিং তমহনখ্রবনি। ঐহাকসু অনৌবা মিদ্দল ক্লাসকী মীওইনি। মখোয়না করম্বা ফিভমদা হিংলম্বগে ঐহাক খঙই। মখোয়বু য়েংশিনবনা তঙাই ফদবা হেল্লি অমসুং ঐখোয়গী থৌরাংসু মখা চত্থখিগনি।

ইকাই খুম্নরবা চিয়রমেনজী,

লৈবাক্না মসি খঙই, মরম অদুনা ঐহাক্না গেরেন্তী অমা পীরিবনি। লাইরবশিংনা লুপা লাক্ষ 5 ফাওবগী লেম্না লাইয়েংবগী খুদোংচাবা পীগনি হায়না ঐহাক্না গেরেন্তী পীরিবনি। মসিনি মোদীগী গেরেন্তী। হিদাকশিংগী মমলদা চাদা 80 তাথদুনা পীরি। মসিগী খুদোংচাবা অসি মিদ্দল ক্লাসশিংনা ফংলি অমসুং মখা তানা ফংখিগনি।

ইকাই খুম্নরবা চিয়রমেনজী,

ঐহাক্কী কেম্পেন অসিদি লাইরবশিংদা পক্কা য়ুম ফংহনবনি। ইমুং অমনা চাওখৎলকপা মতমদা অনৌবা ইমুং অমসু শেম্লকই। পর্মানেন্ত য়ুম পীবগী ঐহাক্কী প্রোগ্রাম মখা চত্থখিগনি। তোতি ঈশিং পীবগী স্কিমগীদমক্তা ঐহাক্না খোঙফম চেৎনা লেপ্লি, অদুগা য়ুম্থোং খুদিংদা তোতি ঈশিং য়ৌহনগনি হায়বসি ঐহাক্কী গেরেন্তীনি। ঐখোয়না অনৌবা অমাংশঙ কয়া শাবগী মথৌ তাই খল্লবদি ঐখোয়না শোইদনা শাগনি। থবকশিং অসি খোঙজেল য়াঙনা পায়খৎকনি, মরমদি, চাউখৎ থৌরাংগী লম্বী অমসুং মাইকৈ অসি ফিভম অমত্তদা মমি শামহল্লোই।

ইকাই খুম্নরবা চিয়রমেনজী,

ঐখোয়গী সরকারগী অহুমশুবা তর্ম মতম ৱাত্ত্রে। মীওই খরনা মসিবু মোদী 3.0 কৌনরি। মোদী 3.0না মশাগী পাঙ্গল থাদদুনা চাউখৎপা ভারতকী ফম্বাক্কী মপাঙ্গল কনখৎহনগনি।

ইকাই খুম্নরবা চিয়রমেনজী,

মথংগী চহি মঙাদা ভারতকী দাক্তর মশিং য়াম্না হেনগৎলগনি। মেদিকেল কোলেজ মশিংসু হেনগৎলগনি। লাইয়েংবা লাইরগনি অমসুং হোঙনা লাইয়েংবসু য়ারগনি।

ইকাই খুম্নরবা চিয়রমেনজী,

মথংগী চহি মঙাদা লাইবগী য়ুম্থোং খুদিংদা তোতি ঈশিং য়ৌরগনি।

ইকাই খুম্নরবা চিয়রমেনজী,

মথংগী চহি মঙাদা লাইরবদা পক্কা য়ুম পীবগী পি.এম. অৱস য়োজনাদা কনা অমত্তা চিত্থহল্লোই। মথংগী চহি মঙাদা সোলর পাৱর শিজিন্নবদগী মৈ শিজিন্নবগী বিল জিরো তাহল্লগনি। নীংথিনা থৌরাংবু য়াৎলবদি, মীওই কয়াগী ইলেক্ত্রিসিতী বিলনা জিরো ওইগনি, মশাগী য়ুমদা ইলেক্ত্রিসিতী পুথোকচদুনা য়োনবা ফাওবা ঙমগনি। মসিমক মথংগী চহি মঙাগী প্রোগ্রাম অমনি।

ইকাই খুম্নরবা চিয়রমেনজী,

মথংগী চহি মঙাদা য়ুম্থোং খুদিংদা পাইপ গ্যাস কন্নেক্সন ফংহনগনি। লৈবাক শিনবা থুংবদা পাইপ গ্যাস কন্নেক্সন অমসুং নেতৱর্ক লৈরগনি।

শ্রীমান চেয়রমেন,

মথংগী চহি মঙাদা মালেম্না ভারতকী নহাশিংগী মতিক-মপাঙ্গল উবা ফংলগনি। ইকায়খুম্ননীংঙাই ওইরবা চেয়রমেনজীনা অমুক্তা য়েংবীয়ু, ঐখোয়গী নহা ওইরিবা স্তার্তঅপ, নহাশিংগী য়ুনিকোর্নগী মশিংনা লাক্ষ য়ৌরক্লগনি। মসিদা নত্তনা, তাইয়র 2 অমসুং 3গী শহরশিংনা অনৌবা স্তার্তঅপ কয়াগা লোয়ননা মশাগী অনৌবা শক্তাক অমসু লৈরক্লগনি। ঐহাক্না ঙসিদগী চহি মঙাগী মনুংদা ফিভম অসিমক মাঙদা উবা ফংলে।

ইকাই খুম্নরবা চিয়রমেনজী,

মসিগুম্না মশিং হেনগৎলকপনা ঐখোয়গী রিজর্ব ফন্দিংদা হেনগৎলক্কদবা অদু উবা ঙমগনি, মথংগী চহি মঙাদা পেতেন্ত ফাইল তৌবগী রেকোর্দ ওইবা মশিং য়ৌরকপগী শক্তম ঐহাক্না ঙসি উরে। মসিনা মমাংগী দিকেদ তরেৎকী অপুনবা মশিংদগী ফাওবা হেল্লগনি।

ইকাই খুম্নরবা চিয়রমেনজী,

ঙসিদি ঐহাক্কী মিদ্দল ক্লাস অঙাং কয়ানা মীরমদা মহৈ তম্বা চৎনরে। ঐহাক্কী অঙাংশিংগী লুপা লাক্ষ কয়া কনবা ঐনা পাম্মি। লৈবাক্কী মিদ্দল ক্লাস অঙাংশিংগী মঙলান খুদিংমক মঙফাওনবা ওইসনু। খ্বাইদগী ফবা য়ুনিভর্সিতীশিং লৈবাক অসিদা লৈবা ওইসনু। ঐহাক্না হায়রিবসিদি মখোয়না লৈবাক অসিগী মনুংদা খ্বাইদগী ফবা মহৈ-মশিং তম্বা ফংগদবনি অমসুং মখোয়গী ইমুংগী শেলসু কনগদবনি হায়বনি।

ইকাই খুম্নরবা চিয়রমেনজী,

মথংগী চহি মঙাসিদা ভারতকী ফিরালনা হাইরোইদবা মালেমগী শান্ন-খোৎনবগী কম্পিতিসন অমত্তা লৈররোই। মালেমগী শান্ন-খোৎনবগী ফম্বাক্তা ভারতকী নহাশিংগী পাঙ্গলবু শকখঙবগী মতম অদু ঐহাক্না শোইদনা উবা ফংলগনি।

ইকাই খুম্নরবা চিয়রমেনজী,

ভারতকী পব্লিক ত্রান্সপোর্ত অসিসু মথংগী চহি মঙাদা মপুং ফানা হোংলগনি। লাইরবা অমসুং মিদ্দল ক্লাসকী মীওইশিংনা নুংঙাইবা অমসুং তেক্ত কায়দবা ত্রাভেল ফেসিলিতী ফংলগনি। অদোম্না খোঙজেল, পাঙ্গল লোইনমক ফংলগনি। লৈবাক অসিদা মথংগী চহি মঙাদা বুলেট ত্রেন চেল্লগনি অমসুং বন্দে ভারত ত্রেনসু পাকথোক চাউথোক্লগনি।

ইকাই খুম্নরবা চিয়রমেনজী,

আত্মানির্ভর ভারত কেম্পেন্না মথংগী চহি মঙাদা অনৌবা অৱাংবা থাক্তা য়ৌরগনি। লৈবাক অসিনা হৌজিক হীরম খুদিংদা মরোমদোম লেপচবা ঙম্বগী মতৌ উরগনি।

ইকাই খুম্নরবা চিয়রমেনজী,

মথংগী চই মঙাদা, মেদ ইন ইন্দিয়া হায়বসিনা সেমিকন্দক্তর মালেমগী খোল্লাও ওইরগনি। ইলেক্ত্রোনিক্কী পোত্থোক খুদিংদা ভারতকী হুমাংগী মনম চেনবা চিপ য়াওরগনি।

ইকাই খুম্নরবা চিয়রমেনজী,

মালেমগী ইলেক্ত্রিক মার্কেত অসিদা, লৈবাক অসিনা মথংগী চহি মঙাদা মতিক মপাঙ্গল কয়া উৎলক্লগনি।

ইকাই খুম্নরবা চিয়রমেনজী,

লৈবাক অসিনা ঙসি লুপা করোর কয়াগী থাউ মীরমদগী লৈরি। ঐখোয়গী ইনর্জীগী তঙাই ফদবগী হীরমদা ঐখোয়না মরোমদোম লেপচবা ঙম্নবা কন্না হোৎনরি অমসুং হীরম অসিদা অতোপ্পা লৈবাক্তা মীখা পোনবগী মতৌ অসি হন্থহনবদা ঐখোয়না শোইদনা মায় পাক্কনি হায়না ঐহাক্না থাজৈ। মসিদা নত্তনা ইকাই খুম্নরবা চিয়রমেনজী,ঐখোয়না গ্রীন হাইদ্রোজেন কেম্পেনগা লোয়ননা মালেমগী কৈথেলগী পুক্নিং চীংশিন্নবা কন্না হোৎনরি। ঐখোয়গী গ্রীন হাইদ্রোজেন খোঙথাংদা ইশাগী ইনর্জীগী তঙাই ফদবা খুদিংমক থেংনবা ঙম্বগী মতিক লৈজৈ। ঐখোয়না ইথানোলগী মালেমগী মাইকৈদা চঙশিল্লি। চাদা 20গী পান্দম ফংদুনা, ঐখোয়না লৈবাক মীয়াম্না ত্রান্সপোর্তেসন তৌবদা শেল চঙবা হন্থহন্নবা থৌরাং খুদিংমক য়াৎপা লোইরে।

ইকাই খুম্নরবা চিয়রমেনজী,

ঐহাক্না চাদা 20গী ইথানোলগী মতাংদা পাউদম্বা মতমদা, মসিনা লৈবাক্কী লৌমীশিংদা হকথেংননা কান্নবা পীগনি, লৌমীশিংনা অনৌবা চাউখৎ থৌরাং অমা ফংলগনি। ঐখোয়না ইশাবু লৌউ-শিংউগী লৈবাক্নি হায়জরি, অদুবু চানবা থাউগীদমক্তা মীরমদা লুপা করোর কয়া পীদুনা লৈরি। মথংগী চহি মঙাদা ঐখোয়বু হীরম অসিদা মরোমদোম লেপচবা ঐখোয়গী লৌমীশিংনা শোইদনা ওইহনগনি হায়না ঐহাক্না থাজৈ। মসিদগী কনবা শেল অদুনা লৌমীশিংদা চৎকনি। মসি হৌজিক মীরমগী কৈথেলদা চৎলিবনি।

ইকাই খুম্নরবা চিয়রমেনজী,

লৌউবদা কেমিকেল শিজিন্নবদগী ঐখোয়গী লৈহাও ইমাদা অকায়বা কয়া পীরি। মথংগী চহি মঙাদা নেচরেল ফার্মিংগী মাইকৈদা ঐখোয়না লৌমীশিংবু মায় পাক্না পুবা ঙমগনি। পুম্নমক্না মিৎকপ থোক্নরক্তুনা লৈহাও ইমাসু য়াইফরগনি।

ইকাই খুম্নরবা চিয়রমেনজী,

নেচরেল ফার্মিং চাউখৎপদগী মালেমগী কৈথেলদা ঐখোয়গী পোত্থোক কয়ানা থল্লক্কনি।

ইকাই খুম্নরবা চিয়রমেনজী,

ঐহাক্না য়ু.এন.গী মতেংদগী মিল্লেতকী চাউরবা খোঙজং অমা চঙশিনহনখি। ঐখোয়না মসিদা শ্রী অন্না হায়বা শক্তাক অমা পীরি। ঐখোয়গী খুঙ্গংগী অপীকপা য়ুমশিংদা থাজবা মিল্লেতশিংনা মালেমগী কৈথেলদা শ্রী অন্নাগী শক্তাক্তা লোয়ননা সুপরফুদ ওইনা থনগদবা মতম অদু কুইদ্রবনি।

ইকাই খুম্নরবা চিয়রমেনজী,

দ্রোন্না লৌমীশিংগী অনৌবা পাঙ্গল অমা ওইরক্লগনি। দ্রোন দিদি লিশিং 15গী প্রোগ্রাম অমা ঐখোয়না হান্ননা চলায়বা হৌখ্রে। মসিদি হৌবতা ঙাইরিবনি। তুংদা মায় পাকপা কয়া লাক্কদৌবা ৱাৎলি।

ইকাই খুম্নরবা চিয়রমেনজী,

ঐখোয়না এগ্রিকলচরদা নেনো তেক্নোলোজী পুরক্নবা হোৎনবদা হৌজিক ফাওবদা মায় পাক্লি। ঐখোয়না নেনো য়ুরিয়াগী হীরমদা মায় পাকপা য়াম্না ফংলে। নেনো দি.এ.পি.গী মাইকৈদসু মায় পাক্লে। হার বোরা অমা পুদুনা চৎলম্বা লৌমীনা ঙসি শুপ্নগী বোত্তল অমগী হারনা কোন্নগদবা মতমদু লাপ্ত্রবনি।

ইকায়খুম্ননীংঙাই ওইরবা চেয়রমেনজী,

ঐখোয়না কোওপরেতিব সেক্তরগী অনৌবা মন্ত্রালয় অমা শেমখ্রে। মসিগী পান্দমদি কোওপরেসনগী অপুনবা মীয়ামগী ইহৌবু অনৌবা মপাঙ্গলগা লোয়ননা চাউখৎহনবা অমসুং 21শুবা চহি চাগী তঙাই ফদবগী মতুং ইন্না চাউখৎলকহনবনি। অমসুং ঐখোয়না স্তোরেজ লাক্ষ অনি শারিবা অসিদা মসিনা কান্নবা য়াম্না পীগনি। চহি 5কী মতুংদা মসিনা লোইশিল্লকপা মতমদা, লৌমী মচাশিং ফাওবনা মখোয়গী পোত্থোক থম্বা য়ারগনি। লৌমীশিংনা করম্বা মতমদা অমসুং মমল কয়াদা মখোয়গী পোত্থোক য়োনগদগে হায়বা লেপচবা ঙম্লগনি। পোত্থোকশিং পত্তুনা মাঙখ্রগনি হায়বগী পাখৎপা লৈররোই অমসুং মখোয়গী শেন্মিৎলোনগী পাঙ্গলসু হেনগৎলগনি। এনিমেল হসবেন্দরী, ফিশরীজকী মতাংদা লৌমীশিংনা অনৌবা রেকোর্দ থম্বা ঙমলগনি হায়না ঐহাক্না থাজৈ। ঐখোয়গী নাক্তা ঙসি শা-শন মশিং য়াম্না লৈ, অদুবু শঙ্গোম পুথোকপগী চাংদি নেম্লি। ঐখোয়না চৎনবী অসিবু হোংদোক্লগনি। ঐখোয়না ঙা এক্সপোর্ত তৌবগী লমদা মশক থোক্না চাউখৎপা ঙমগনি হায়বা অসিসু ঐহাক্কী থাজবা অমা ওইরি। ঐখোয়না FPO শেম্বগী প্রোগ্রাম হৌদোকখ্রে। ঐহাক্কী লৈবাক্কী লৌমীশিংনা মথংগী চহি 5তা লৌমীশিংগী অনৌবা লুপ অসিগী মপাঙ্গলদগী কান্নবা লৌবতা নত্তনা এগ্রিকলচরেল প্রদক্সনগী ভেল্যুসু হেনগৎলগনি।

ইকাই খুম্নরবা চিয়রমেনজী,

জি-20গী মায় পাকপনা পুম্নমক অসিবু ময়েক শেংহনখ্রে। কোবিদকী মতুংদা লাকখিবা ৱাখল চাউথোকপগী কান্নবা অসিদি মালেম্না ভারত্তা অনৌবা থাজবা অমগা লোয়ননা য়েংবা হৌরকখিবা অসিনি। মসিনা মরম ওইরগা ঐখোয়গী তুরিজম সেক্তরসু লাক্কদৌরিবা মতমশিংদা চাউখৎলগনি অমসুং থবক কয়া অমসু পীবা ঙম্লগনি। ঙসিদি, তুরিজমগী মখা পোনবা অচৌবা শেন্মিৎলোন কয়া অমা ঐখোয়না মালেমগী মফম কয়াদা উরি। তুরিজম্না শেন্মিৎলোনগী অচৌবা শরুক কনবা রাজ্য কয়া অমা ভারতকীসু লৈরক্লগনি, অদুগা মালেমগী তুরিজমগী খ্বাইদগী চাউবা পন্থুংফম অমা ভারতনা ওইরক্কদবা মতম অসি য়াম্না লাপ্ত্রবনি।

ইকাই খুম্নরবা চিয়রমেনজী,

মতম অমদা একাউন্ত বুক য়াম্না পীক্লম্বা ঐখোয়না ৱা ঙাঙবা তাবদা করেম কথাইনরম্লিবনি। ঐহাক্না দিজিতেল ইন্দিয়া, ফিন্তেক অমসুং আউত ওফ দি বোক্স থিঙ্কিংগী ৱারী শাবা মতমদা ঐখোয়না ফাগী তৌরিবনি হায়না অতোপ্পনা খন্নরম্বনি। আউত দেতা থিঙ্কশিংগী মতিক লৈরমদে। অদুবু ঐহাক্না থাজবগা লোয়ননা হায়রি, ইকাই খুম্নরবা চিয়রমেনজী,ভারতনা দিজিতেল ইকোনোমীগী মালেমগী লুচিংবা অমা মথংগী চহি মঙাদা ওইরগনি। ভারতনা অনৌবা শক্তি অমা ওইরগনি। ঙসিদি, দিজিতেল সীস্তেমশিংনা ভারতকী মতিক মগুন হেনগৎহল্লি। AIগী মতিক মগুনগী খ্বাইদগী হেনবা কান্নবা লৌবা ঙম্বা লৈবাক্তি ভারতনা ওইগনি হায়না মালেম্না থাজনরি। ঐহাক্কী লৈবাক্না খ্বাইদগী নৌবা তেক্নোলোজীশিং শিজিন্নগনি।

ইকাই খুম্নরবা চিয়রমেনজী,

ভারতকী মিং অসিসু স্পেসকী মালেমদা পাঙ্গল য়াম্না লৈরক্লবনি। ঐখোয়গী সাইন্তিস্তশিংগী মতিকসু মালেম্না উরগনি। মথংগী চহি মঙাগী থৌরাংশিং ঙসি ঐহাক্না ৱাহৈনা পাউদম্বা পামদ্রে। ঐখোয়গী সাইন্তিস্তশিংনা ভারতপু স্পেসকী মালেমদা মাঙজিল থানা পুদুনা পুম্নমক্কী মফমদা অঙকপা ফাওহনবা ঙমগনি হায়বসি ঐহাক্কী থাজবনি।

ইকাই খুম্নরবা চিয়রমেনজী,

শেন্মিৎলোনগী গ্রাস রুত লেভেলদা লাকপা অচৌবা অহোংবা অমা ওইনা, ঐখোয়গী ইমা অমসুং ইচে-ইচল করোর 10না সেল্ফ হেল্প গ্রুপকী ইহৌদা শরুক য়ারি। ঐখোয়গী লাক্ষপতি দিদি করোর অহুম্না ঐখোয়গী নুপীমচাশিংগী মায় পাকপগী ৱারী ইরি।

ইকাই খুম্নরবা চিয়রমেনজী,

মথংগী চহি মঙাদা অচৌবা অহোংবা লাক্কদবা মখল কয়াগী হীরমশিং ঐহাক্না উবা ফংলি। হায়রিবশিং অসি ভারতনা মমাংদা অমুক্তা তাখিদ্রিবা থৌওংসু ওইগনি। ঐখোয়না ইং 2047দা চাউখৎপা লৈবাক অমা ওইদুনা সনাগী য়ুগতা খোঙদাবগী মতমসু কুইদ্রবনি। মসিগী ফম্বাক হৌজিক শেম্লিবনি। ঐখোয়না সনাগী য়ুগতা অমুক খোঙদারগনি। ঐখোয়না চাউখৎপা ভারত অমগীদমক্তা খোঙফম চেৎলি। ঐখোয়না তুনলমচত্তা চঙশিন্দুনা লাক্লি, হৌজিকসু চঙশিল্লি অমসুং তুংদসু চঙশিনখিগনি। মথংগী চহি চাশিংনা ঐখোয়গী সনাগী য়ুগকী মতমবু পুৱারীদা হক্তুনা থম্লগনি। লৈবাক অসিনা চহি 10দা অহোংবা কয়া থেংনদুনা লাকখ্রে। অহোংবা অসি হীরম অমখক্তদা লৈখিবা নত্তে, হীরম কয়াদা লৈখিবনি। অদুগা, ঐখোয়গী ৱারেপ কয়াবু মঙফাওনহন্নবা হোৎনবা অসিনা ঐখোয়গী পুন্সি মহিংগী শরুক অমসু ওইরবনি।

ইকাই খুম্নরবা চিয়রমেনজী,

অদোম খুদিংনা হাউস্তা ফোংদোকখিবা ৱাফম কয়ানা মরম ওইরগা, ঐহাক্না লৈবাক মীয়াম মাঙদা হাউস অসিগী খুত্থাংদা ৱাফম কয়া থম্বগী খুদোংচাবা ফংজখিবনি। ৱেরেন্তী লোইখ্রবা মীওইশিংগী মপাও কনামত্তনা তাবীদে হায়বসি অচুম্বনি। অদুবু গেরেন্তী পীখিবশিংগী পাঙ্গল উরুরবদি, মদুগী ৱাখল্লোন্দা লৈবাক্না থাজবা থমগনি।

ঐহাক্না ইকায়খুম্ননীংঙাই ওইরবা চেয়রমেনজীবু অমুক্কা হন্না থাগৎচরি। লোয়ননা, ঐহাক্না রাস্ত্রপতিজীগী মফমদা মহাক্কী ৱারোলবু থাগৎপগা লোয়ননা ঐহাক্কী ৱারোল লোইশিঞ্জরি। থাগৎচরি।

*****