দিজিতেল ইন্দিয়াগী খোঙথাং অমা ওইনা, হিমাচল প্রদেশকী উনা অমসুং হমিরপুর জিলাগী ফেয়র প্রাইস শোপশিংবু ওপন নেতৱর্ক দিজিতেল কম্মর্স (ONDC)তা হাপ্নবা খ্বাইদগী অহানবা থৌওং অমা ভারত সরকারগী ফুদ অমসুং পব্লিক দিস্ত্রিব্যুসন বিভাগকী সেক্রেতরী, শ্রী সঞ্জীব চোপ্রানা হৌদোকখ্রে। পাইলোত অসি উনা জিলাদা FPS 5 অমসুং হমিরপুর জিলাদা FPS 6 ওইদুনা অপুনবা FPS 11দা ভর্চুএলগী খুত্থাংদা হৌদোকপনি। ফেয়র প্রাইস শোপশিংবু ONDC হাপ্পা অসি মসিনা অহানবনি।

ঙসিগী থৌরমদা ৱা ঙাঙবদা, শ্রী চোপ্রানা মসিগী মশক নাইবা মায় পাকপা অসিনা বিভাগ অসিনা ফেয়র প্রাইস শোপশিংদা অওনবা পুরক্নবা হোৎনরিবা অসিদা অহেনবা ইনোৎ হাপ্লি হায়খি। খোঙথাং অসিনা ফেয়র প্রাইস শোপকী দীলরশিংনা চাগা তানবগী অহেনবা পাম্বৈ অমা ওইহন্নবা অমসুং বেনিফিশরীশিংদা হেন্না নুংঙাইবসু পীবগী পান্দম থম্লি।

মখা তারকপা ওইনা, খোঙথাং অসিনা FPS দীলরশিংদা মখোয়গী দুকানশিংবু দিজিতেল মার্কেতপ্লেস্তা উহনবা, NFSA বেনেফিশরীশিংদগী হেন্দোক্তুনা কস্তমর মশিং য়ামখৎহনবা, অচৌবা রিতেলর অমসুং ই-কম্মর্স প্লেতফোর্মশিংগা চপ মান্নবা থাক্তা চাংয়েংনবা ঙমহনবগুম্বা মশিং য়াম্লবা কান্নবা কয়া পীগনি হায়না মহাক্না হায়খি। লোয়ননা, ওনলাইন্দা পোৎ লৈবদা খুদোংচাদবা মাইয়োক্নবা বেনেফিশরীশিংনা FPS দীলরশিংদা চত্তুনা মখোয়গী মহুৎ শিন্দুনা ওনলাইন্দগী পোৎ লৈবদা তেংবাংহনবসু য়াগনি।

হিমাচল প্রদেশতা থবক ওইনা মায় পাক্না পাংথোক্লিবা পাইলোত অসিনা পথাপ অসিবু রাজ্য অমসুং লৈবাক শিনবা থুংবদা তুংগী মতমদা চৎনহনবদা মোদেল অমা ওইনা তেংবাংগনি হায়না মহাক্না পাউদমখি। মহাক্না পাইলোত প্রোগ্রাম অসিবু থবক্তা ওন্থোকপদা তেংবাংবগীদমক্তা মাইক্রোসেব কন্সলতিং (MSC)বু থাগৎখি।

থৌরম অসি হৌদোকখ্রবা মতুংদা, উনা অমসুং হমিরপুর জিলাগী FPS দীলরশিংগীদমক্তা ৱর্কশোপ অমসু হকথেংননা পাংথোকখি। ৱর্কশোপ অসিনা পোত্থোক, সর্ভিস ওর্দর অমসুং কম্মিসন স্ত্রকচরবু ONDCদা মতৌ করম্না কাঙলুপ খাইগদগে হায়বা তাকখি।

জোইন্ত সেক্রেতরী (PD), শুকুমারী অনিতা কারন; দাইরেক্তর (PD), শ্রী রবি শঙ্কর; MSCগী পার্ত্নর, শ্রী মিতুল থপ্লিয়ল অমসুং ONDCগী শ্রী সরান্স অগ্রাৱালসু ঙসিগী হৌদোকপগী থৌরম অসিদা শরুক য়াখি।

***