প্রধানমন্ত্রীগী লোইশঙ
পি.এম.না ওরিশাগী সম্বলপুরদা লুপা করোর 68,000 হেনবা প্রোজেক্তশিং শঙ্গাখ্রে, জাতিদা কত্থোকখ্রে
লুপা করোর 28,980 রোম ওইবা তোঙান-তোঙানবা পাৱর প্রোজেক্তশিং জাতিদা কত্থোকখ্রে অমসুং উরেপ-উয়ুং তমখ্রে
লুপা করোর 2110 রোমগী অপুনবা শেনফমদা শেমখিবা নেস্নেল হায়ৱেজকী রোদ সেক্তর প্রোজেক্ত অহুম শঙ্গাখ্রে
লুপা করোর 2146 রোম ওইবা রেলৱে প্রোজেক্তশিং জাতিদা কত্থোকখ্রে অমসুং উরেপ-উয়ুং তমখ্রে
সম্বলপুর রেলৱে স্তেসন নৌনা শেমগৎনবা উরেপ-উয়ুং তমখ্রে
পুরী-সোনপুর-পুরী ৱীকলী এক্সপ্রেস লমথাখ্রে
IIM, সম্বলপুরগী পর্মিনেন্ত কেম্পস শঙ্গাখ্রে
“ঙসি লৈবাক অসিনা মাগী অথোইবা মপারিশিংগী মরক্তা অমা ওইরিবা হান্নগী দিপ্যুতী প্রাইম মিনিস্তর লাল কৃষ্ণ অদভানিজীদা ভারত রত্ন পীনবা ৱারেপ লৌখ্রে”
“সরকারনা ওরিশবু এজুকেসন অমসুং স্কিল দিবেলপমেন্তগী সেন্তর অমা ওইহন্না লেপ্পা লৈতনা হোৎন্দুনা লাকখি”
“করিগুম্বা রাজ্য পুম্নমক চাউখৎলবা খক্তদা ভিকসিৎ ভারত অমগী পান্দম ফংবা ঙমগনি”
“হৌখিবা চহি 10দা কেন্দ্র সরকারনা শেমখিবা পোলিসীশিংদগী ওরিশানা চাউনা কান্নবা ফংখি”
Posted On:
03 FEB 2024 3:34PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ওরিশাগী সম্বলপুরদা রোদ, রেলৱে অমসুং হায়র সেকেন্দরি সেক্তরগী মরু ওইবা প্রোজেক্তশিংগী মথক্তা নেচরেল গ্যাস, কোল অমসুং পাৱর জেনরেসন য়াওনা ইনর্জী সেক্তরদা শাহৌ পীনবা পান্দম থমখিবা লুপা করোর 68,000 হেনবগী প্রোজেক্ত শঙ্গাখ্রে, জাতিদা কত্থোকখ্রে অমসুং উরেপ-উয়ুং তমখ্রে। শ্রী মোদীনা থৌরম অসিদা উৎখিবা IIM সম্বলপুর মোদেল অমসুং ফোতো একজিবিসন চৎতুনা য়েংখি।
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ঙসি এজুকেসন, রেলৱেজ, রোদস, ইলেক্ত্রিসিতী অমসুং পেত্রোলিয়মগী সেক্তরশিংদা লুপা করোর 70,000 রোমগী চাউখৎ-থৌরাংগী প্রোজেক্তশিং হৌদোকখিবা অসিনা ওরিশাগী চাউখৎ-খোঙচৎকীদমক ঙসি অসি মরু ওইবা নুমিৎ অমা ওইরি। পি.এম. মোদীনা হায়খি মদুদি লায়রবা কাংলুপ, শিন্মী, ৱার্কিং ক্লাস, বিজিনেস মপুশিং অমসুং লৌমীশিং অমদি খুন্নাইগী অতৈ শরুকশিংগী মনুং চনবা ওরিশাগী মীয়াম্না ঙসিগী চাউখৎ-থৌরাংগী প্রোজেক্তশিংগী কান্নবশিং ফংলগনি। মহাক্না মখা তারদুনা হায়খি মদুদি মসিনা ওরিশাগী নহারোলশিংগীদমক অনৌবা থবক্কী খুদোংচাবা লিশিং কয়াসু ফংহল্লগনি।
প্রধান মন্ত্রীনা ভারতকী হান্নগী দিপ্যুতী প্রাইম মিনিস্তর, শ্রী লাল কৃষ্ণ অদভানিদা ভারত রত্ন পীনবা সরকারগী ৱারেপ লাউথোকখিবা অসিদা নুংঙাইবা ফোঙদোকখি। পি.এম. মোদীনা শ্রী অদভানিনা ভারতকী দিপ্যুতী প্রাইম মিনিস্তর, গৃহ মন্ত্রী অমসুং ইনফোর্মেসন এন্দ ব্রোদকাস্তিং মন্ত্রী ওইনা লোয়ননা দিকেদ কয়াগী মশক নাইবা অমসুং পুকচেল শেংবা মেম্বর ওফ পার্লিয়ামেন্ত অমগী এক্সপরিয়েন্স লৈদুনা চাউনা শরুক তমলমখিবা অদুবু থাগৎখি। “ভারত রত্ন পীদুনা অদভানিজীবু ইকাই খুম্নখিবা অসি জাতি অসিনা মখোয়গী পুন্সিশিংবু লৈবাক অসিগী শেবগীদমক কত্থোকখিবা মীওইশিংবু কৈদৌনুংদা কাওদে হায়বগী খুদম অমনি” হায়না পি.এম. মোদীনা ফোঙদোকখি। প্রধান মন্ত্রীনা মঙোন্দা শ্রী এল.কে. অদভানিনা উৎখিবা মীনুংশিং, থৌজাল অমদি লমজিংবীঝিবা অসি লাইবক ফবনি হায়না থাগৎপা ফোঙদোকখি অমসুং মহাক্না প্রজা পুম্নমক্কী মহুৎ শিন্দুনা নুংঙাইবা ফোঙদোকপদা পুন্সি শাংনা লৈনবগীদমক থৌনিখি।
প্রধান মন্ত্রীনা হায়খি মদুদি ওরিশা অসি এজুকেসন অমসুং স্কিল দিবেলপমেন্তগী হব ওইহন্নবা কেন্দ্র সরকারনা লেপ্পা লৈতনা খোঙথাংশিং লৌখৎলি। হৌখিবা দিকেদ অসিদা IISER বেরহমপুর অমসুং ভুবনেশ্বরগী ইন্সতিত্যুত ওফ কেমিকেল তেক্নোলোজীগুম্বা মোদর্ন এজুকেস্নেল ইন্সতিত্যুতশিং লিংখৎখিবগা লোয়ননা ওরিশাগী নহারোলগী লাইবক্তা অহোংবা পুরকখি। হৌজিক মেনেজমেন্তগী মোদর্ন ইন্সতিত্যুত অমা ওইনা IIM সম্বলপুর লিংখৎখিবগা লোয়ননা রাজ্য অসিগী থৌদাং হেন্না মপাঙ্গল কনখৎহল্লি। মহাক্না লাইচৎ মনুংদা IIM(ইন্দিয়ন ইন্সতিত্যুত ওফ মেনেজমেন্ত)গী উরেপ-উয়ুং তমখিবা অদু নীংশিংখি অমসুং অপনবা মরক্তা মসি মপুং ফানা লোইশিনবদা য়াওখিবা মীওইশিংবু থাগৎখি।
“ভিকসিৎ ভারত অমগী পান্দম অসি রাজ্য পুম্নমক চাউখৎলবা মতমদা খক্তা ফংবা ঙমগনি” হায়না পি.এম. মোদীনা সেক্তর খুদিংমক্তা ওরিশাদা মেক্সিমম সপ্পোর্ত পীরি পল্লদুনা ফোঙদোকখি। কেন্দ্র সরকারনা হৌখিবা চহি 10দা পাইখৎখিবা খোঙথাংশিংগী মতাংদা পল্লদুনা প্রধান মন্ত্রীনা ওরিশাগী পেত্রোলিয়ম অমসুং পেত্রোকেমিকেল্স সেক্তরদা লুপা করোর লাখ 1.25রোমগী ইনভেস্তমেন্ত লাকপা উবা ফংখি, রাজ্য অসিগী রেলৱে বজেৎনা শরুক 12দগী হেন্না শাহৌ ফংলি, পি.এম. গ্রাম সরক য়োজনাগী মখাদা ওরিশাগী খুঙ্গংগী মফমশিংদা লম্বী 50,000 kms শেমখি অমসুং নেস্নেল হায়ৱেজ 4,000 kms শেমখি। ঙসি হৌদোকখিবা নেস্নেল হায়ৱে প্রোজেক্ত অহুমগী মতাংদা পল্লদুনা প্রধান মন্ত্রীনা হায়খি মদুদি ওরিশা অমসুং ঝারখন্দগী মরক্তা ইন্তরস্তেৎ কন্নেক্তিবিতী লৈহনবা অসিনা চৎথোক চৎশিন তৌবগী মতম হন্থহল্লগনি। রিজন অসি মাইনিং, পাৱর অমসুং স্তীল ইন্দস্ত্রীদা মাগী পোতেন্সিএলগীদমক খঙনৈ হায়রদুনা পি.এম. মোদীনা হায়খি মদুদি অনৌবা কন্নেক্তিবিতী অসিনা অপুনবা রিজনদা অনৌবা ইন্দস্ত্রীশিংগী ওইথোকপা য়াবশিং লৈহল্লগনি, মসিনা অনৌবা থবক্কী খুদোংচাবা লিশিং কয়া পীরগনি। মহাক্না সম্বলপুর-তালচের রেল সেক্তর দব্লিং তৌখিবা অমসুং ঝার-তর্ভাদগী সোনপুর সেক্সনগী অনৌবা রেল লাইন শঙ্গাখিবগী মতাংদসু পনখি। “সবুরনাপুর জিলা অসি পুরী-সোনপুর এক্সপ্রেসকী খুত্থাংদা কন্নেক্ত তৌবনা মসিনা ভক্তাশিংগীদমক ভগৱান জগন্নাথ দর্শন তৌবদা খুদোংচাহল্লগনি” হায়না মহাক্না ফোঙদোকখি। শ্রী মোদীনা হায়খি মদুদি ঙসি শঙ্গাখিবা সুপরক্রিতিকেল অমসুং অলত্রা-সুপরক্রিতিকেল থর্মেল প্লান্তশিং অসিনা ওরিশাগী ইমুং খুদিংমক্তা মৈ মরাং কাইনা অমদি হোংনা ফংহনবা ঙমলগনি।
“ওরিশানা হৌখিবা চহি 10দা কেন্দ্র সরকারনা শেমখিবা পোলিসীশিংদগী চাউনা কান্নবা ফংখি” হায়না প্রধান মন্ত্রীনা ফোঙদোক্লদুনা মহাক্না ওরিশাগী ইনকম অসি মাইনিং পোলিসীদা অহোংবা পুরক্লবা মতুংদা শরুক 10 হেনগৎলকখি হায়খি। মমাংগী পোলিসীনা মাইনিং প্রদক্সনগী কান্নবশিং অসি মাইনিং তৌরিবা মফম অমদি রাজ্য অদুনা ফংলমখি হায়না ফোঙদোক্লদুনা প্রধান মন্ত্রীনা হায়খি মদুদি মাইনিংগী খুত্থাংদা ইনকম লাকপা চপ মান্নবা মফমদা দিবেলপমেন্ত তৌনবা ইনভেস্তমেন্তশিং ফংহন্নবা দিস্ত্রিক্ত মিনরেল ফাউন্দেসন শেমখিবগা লোয়ননা মসিগী সমস্যা অসি কোকহনখি। “ওরিশানা হৌজিক ফাওবদা লুপা করোর 25,000 হেন্না ফংখ্রে অমসুং শেনফম অসি মাইনিং তৌরিবা মফমগী মীয়ামগী য়াইফনবগীদমক শীজিন্নরি”। ৱারোল পীবা লোইশিনবদা প্রধান মন্ত্রীনা ওরিশাগী মীয়ামদা কেন্দ্র সরকারনা চপ মান্নবা কত্থোকপগী ৱাখল্লোনগা লোয়ননা রাজ্য অসিগী চাউখৎ-থৌরাংগীদমক মখা তানা থবক তৌখিগনি হায়না থাজবা পীখি।
ওরিশাগী রাজ্যপাল, শ্রী রাঘুবার দাস, ওরিশাগী মুখ্য মন্ত্রী, শ্রী নবীন পতনায়ক, কেন্দ্রগী এজুকেসন অমসুং স্কিল দিবেলপমেন্ত এন্দ ওন্তপ্রিনোর্শিপ মন্ত্রী, শ্রী ধর্মেন্দ্র প্রধান অমসুং রেলৱেজকী কেন্দ্র মন্ত্রী, শ্রী অশ্বিনি বৈশ্নোনা থৌরম অসিদা শরুক য়াখি।
বেকগ্রাউন্দ
প্রধান মন্ত্রীনা লৈবাক্কী ইনর্জী সেক্যুরিতী মপাঙ্গল কনখৎহন্নবা থম্মিবা বিজনগী পরিং মখাদা ওরিশাগী সম্বলপুরদা পাঙথোকপা মীয়ামগী ওইবা থৌরম অমদা ইনর্জী সেক্তরদা শাহৌ পীনবা পান্দম থমখিবা প্রোজেক্ত কয়ামরুম শঙ্গাখ্রে, জাতিদা কত্থোকখ্রে অমসুং উরেপ-উয়ুং তমখ্রে।
প্রধান মন্ত্রীনা ‘জগদিশপুর-হল্দিয়া আমসুং বোকারো-ধমরা পাইপলাইন প্রোজেক্ত’ (JHBDPL)গী ‘ধমরা-অঙ্গুল পাইপলাইন সেক্সন’ (412 Km) শঙ্গাখ্রে। ‘প্রধান মন্ত্রী উর্জা গঙ্গা’গী মখাদা লুপা করোর 2450 হেন্না চংনা শাগদবা প্রোজেক্ত অসিনা ওরিশাবু নেস্নেল গ্যাস গ্রিদকা কন্নেক্ত তৌরগনি। প্রধান মন্ত্রীনা মুম্বাই-নাগপুর-ঝারসুগুদা পাইপলাইনগী ‘নাগপুর ঝারসুগুদা নেচরেল গ্যাস পাইপলাইন সেক্সন’ (692km)গী উরেপ-উয়ুংসু তমখ্রে। প্রোজেক্ত অসি লুপা করোর 2660 হেনবগী শেনফমদা পাইখৎকনি, মসিনা ওরিশা, মহারাস্ত্র অমসুং ছত্তিসগরগুম্বা রাজ্যশিংদা নেচরেল গ্যাস ফংবা হেনগৎহনগনি।
থৌরম অসিদা প্রধান মন্ত্রীনা লুপা করোর 28,980রোমগী তোঙান-তোঙানবা পাৱর প্রোজেক্তশিং জাতিদা কত্থোকখ্রে অমসুং উরেপ-উয়ুং তমখ্রে। জাতিদা কত্থোক্কদবা প্রোজেক্তশিং অদুদা ওরিশাগী সুন্দরগর জিলাগী NTPC দরলিপালি সুপর থর্মেল পাৱর স্তেসন (2x800 MW) অমসুং NSPCL রৌকেলা PP-II এক্সপান্সন প্রোজেক্ত (1x250 MW) য়াওরি। মহাক্না ওরিশাগী অঙ্গুল জিলাদা NTPC তলচের থর্মেল পাৱর প্রোজেক্ত, স্তেজ-III (2x660 MW)গী উরেপ-উয়ুংসু তমখ্রে। পাৱর প্রোজেক্তশিং অসিনা ওরিশাদা লপয়ননা অতৈ রাজ্যশিংদা লো-কোস্ত পাৱর সপ্লাই তৌগনি।
প্রধান মন্ত্রীনা লুপা করোর 27000 হেনবা নেয়বেলি লিগনাইৎ কোর্পোরেসন (NLC) তালাবিরা থর্মেল পাৱর প্রোজেক্ত উরেপ-উয়ুং তমখ্রে। প্রধান মন্ত্রীগী আত্মনির্ভর ভারতকী বিজন মপাঙ্গল কনখৎহল্লদুনা মসিগী স্তেৎ-ওফ-দি-আর্ত প্রোজেক্ত অসিনা থাজবা য়াবা, অহোংবা অমসুং পুং কুনমরি মৈ ফংহন্দুনা লৈবাক্কী ইনর্জী সেক্যুরিতীদা চাউনা শরুক তমগনি অমসুং লৈবাক্কী ইকনোমিক গ্রোথ অমসুং চাউখৎ থৌরাংদা মরু ওইবা থৌদাং লৌগনি।
প্রধান মন্ত্রীনা ফার্স্ত মাইল কন্নেক্তিবিতী (FMC) প্রোজেক্তশিং য়াওনা – অঙ্গুল জিকাদা লৈবা তকচের কোলফিল্দশিংদা ভুবনেস্বারি ফেস-I অমসুং লাজকুরা রেপিদ লোদিং সিস্তেম (RLS) – মহানাদি কোলফিল্দস লিমিতেদকী কোল ইনফ্রাস্ত্রকচর প্রোজেক্তশিংসু হৌদোকখ্রে। লুপা করোর 2145গী শেনফম চংনা শাখিবা প্রোজেক্তশিং অসিনা ওরিশাগী দ্রাই ফ্যুলগী ক্বালিতী অমসুং সপ্লাইদা শাহৌ পীরগনি। প্রধান মন্ত্রীনা ওরিশাগী ঝারসুগুদা জিলাদা লুপা করোর 550গী শেনফম চংনা শাখিবা ইব ভেল্লী ৱাশরীসু শঙ্গাখ্রে। মসিনা ক্বালিতী লৈহন্নবা কোল প্রোসেসিংদা অচৌবা অহোংবা অমা ওইরগনি, মসিনা ইন্নোভেসন অমসুং সস্তেনেবিলিতী তাক্লি। প্রধান মন্ত্রীনা লুপা করোর 878কী ইনভেস্তমেন্তগা লোয়ননা মহানাদি কোলফিল্দস লিমিতেদনা শাখিবা ঝারসুগুদা-বরপলি-সর্দেগা রেল লাইন ফেস-1গী 50km শাংবা অনিশুবা ত্রেক জাতিদা কত্থোকখ্রে।
প্রধান মন্ত্রীনা লুপা করোর 2110গী অপুনবা শেনফমদা শাখিবা নেস্নেল হায়ৱেশিংগী রোদ সেক্তর প্রোজেক্ত অহুমসু শঙ্গাখ্রে। প্রোজেক্তশিং অসিদা NH 215 (অনৌবা NH নম্বর 520)গী রিমুলি-কোইদা সেক্সন লেন মরি ওনবা, NH 23 (অনৌবা NH নম্বর 143)গী বিরামিত্রপুর-ব্রহ্মনি বাইপাস এন্দ সেক্সন লেন মরি ওনবা অমসুং NH 23 (অনৌবা NH নম্বর 143)গী ব্রহ্মনি বাইপাস এন্দ-রাজামুন্দা সেক্সন লেন মরি ওইনবা য়াওরি। প্রোজেক্তশিং অসিনা কন্নেক্তিবিতী হেনগৎহনগনি অমসুং রিজন অসিগী ইকনোমিক দিবেলপমেন্তগী মাইকৈদসু শরুক তমখ্রে।
মখা তানা প্রধান মন্ত্রীনা লুপা করোর 2146 রোম ওইগদবা রেলৱে প্রোজেক্তশিং জাতিদা কত্থোকখ্রে অমসুং উরেপ-উয়ুং তমখ্রে। মহাক্না নৌনা শেমগৎলবা সম্বলপু রেলৱে স্তেসনগী উরেপ-উয়ুং তমখ্রে, মসিগী আর্কিতেকচর অসি সাইলাশ্রী পেলেসনা ইথিল পীখি। মহাক্না রিজন অসিদা রেল নেৎৱার্ক কাপাসিতী মপাঙ্গল কনখৎহল্লিবা সম্বলপুর তালচের দবলিং রেলৱে লাইন(168 Kms) অমসুং ঝারতর্ভাদগী সোনপুর ন্যু রেলৱে লাইন (21.7 Kms)সু জাতিদা কত্থোকখ্রে। মহাক্না রিজন অসিদা রেল পেসেঞ্জরগী কন্নেক্তিবিতী হেনগৎহনগদৌরিবা পুরি-সোনপুর ৱীকলী এক্সপ্রেসসু লমথাখ্রে।
প্রধান মন্ত্রীনা IIM সম্বলপুরগী পর্মিনেন্ত কেম্পসসু শঙ্গাখ্রে। মখা তানা মহাক্না জাতিদা ঝারসুগুদা হেদ পোস্ত ওফিস হেরিতেজ বিল্দিংসু কত্থোকখ্রে।
***
(Release ID: 2002357)
Visitor Counter : 55
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam