কেন্দ্রগী মন্ত্রী মন্দলগী ঐগী মরুপ শ্রী নিতিন গদকরীজী, নারায়ন রানেজী, পীয়ুশ গোয়লজী, হরদীপ সিংহ পুরীজী, মহেন্দ্র নাথ পানদেয়জী, ইন্দস্ত্রীগী মশক নাইবাম মীওই পুম্নমক, নুপী অমদি নপাশিং!

হৌজিক্তা ঐহাক্না পীয়ুশজীনা ঙাংবা তাখ্রে, মহাক্না হায় মদুদি করিগুম্বা অদোম লাক্লবদি ঐখোয়গী মোরেল হেনগৎলি। অদুবু মফম অসিদা ফম্মিবা মীওইশিং অসিদি হোর্স পাৱর ঙাক্তন। মসিনা কনানা কদাইদগী থৌনা ফংগনি হায়বা লেপ্পী। আহানবদা ঐহাক্না ফজরবা থৌরম অসি শিনবগীদমক ওতোমোতিব ইন্দস্ত্রীবু নুংঙাইবা ফোঙদোকচনীংই। ঙসি স্তোল খুদিংমক চংদুনা য়েংবা ঐনা ফংখিদে অদু স্তোল পুম্নমক য়াম্না ফজৈ। পুম্নমক অসি ঐখোয়গী লৈবাক্তা থোক্লি, মসি উবা মতমদা ঐখোয়না হেন্না নুংঙাই। ঐহাক্না কার অমুক্তা লৈদ্রি অদুনা মসিগী এক্সপরিয়েন্স লৈতে মরমদি ঐনা সাইকল অমা ফাওবা লৈদ্রি। থৌরম অসিনা মোবিলিতী কম্ম্যুনিতীবু অমত্তা ওইনা পুনশিল্লি অমসুং অপুনবা সপ্লাই চেন অসি ফম্পাক অমদা পুরক্লি। ঐহাক্না পুম্নমকপু ভারত মোবিলিতী গ্লোবেল এক্সপোদা তরাম্নদ ওকচরি অমসুং য়াইফ পাউজেল পীজরি। নখোয়না খরনা নীংশিংলমগনি মদুদি ঐগী অহানবা তর্মদা ঐহাক্না মালেমগী থাক্কী মোবিলিতী কনফরেন্স অমা শিনখি। অমসুং করিগুম্বা মতম অদুদা ওইখিবা মওং অদু য়েংলবদু করিগীদমক বেত্তরীশিংদা মীৎয়েং থমগনি, ইলেক্ত্রিক ভেহিকলশিংগী মাইকৈদা করম্না থুনা চংশিনগনি, হায়বা তোপিক পুম্নমক্তা কুন্না নৈনদুনা সম্মিৎ পাঙথোকখি, মালেমগী অখঙ অহৈশিংসু লাকখি। অমসুং ঙসি ঐগী অনিশুবা তর্ম অসিদা চাউনা খুমাং চাউশিনবা উবা ফংলি। অমসুং ঐহাক্না থাজৈ ঐগী  অহুমশুবা তর্মসু অসুম্না ওইগনি। অমসুং নখোয়না মোবিলিতীগী লমদা লৈরি মরম অসিনা মসিনা লৈবাক্তা থুনা য়ৌহনবা ঙমগনি।

মরুপশিং,

ঙসি ভারতনা 2047 ফাওবদা চাউখৎপা ভারত অমা ওইহন্নবা পান্দমগা লোয়ননা মাংদা চংশিল্লি। মোবিলিতী সেক্তরনা পান্দম অসি ফংনবা হোৎনবদা অচৌবা থৌদাং অমা লৌরি। অমসুং ঐহাক্না লাল কিলাদগী হায়খি – ঙসি অমুক হন্না ঐহাক্না নীংশিংলি। ঐহাক্না মসিদা বিজন অমা লৈ, ঐহাক্না মসিদা থাজবা অমা লৈ অমসুং থাজবা অসি ইশাগী খক্তা নত্তে। থাজবা অসি ইরৈবাকচা করোর 140গী শক্তিনা মরম ওইরগা ৱাহৈদা ফোঙদোকখি। অমসুং নুমিৎ অদুদা লাল কিলাদগী ঐনা হায়খি – মসি মতম অদুনি, চপ চারবা মতমনি। মন্ত্র অসিনা নখোয়গী সেক্তরগা চুনরি। অমরোমদা ভারত অসি খুমাং চাউশিল্লি। অমরোমদা মসি ভারতকী মোবিলিতী সেক্তরগীদমক গোল্দন পেরিয়দ অমগী অহৌবনি।  ঙসি ভারতকী ইকনোমী অসি খোঙজেল য়াংনা পাকথোক চাউথোক্লি। অমসুং মমাংদা ঐহাক্না হায়খ্রে, ভারত অসি ঐখোয়গী সরকারগী অহুমশুবা তর্মদা মালেমগী ওইনা খ্বাইদগী চাউবা অহুমশুবা ইকনোমী শোইদনা ওইগনি। ঐখোয়গী সরকারগী খোঙথাংশিংনা মরম ওইরগা হৌখিবা চহি 10 অসিদা মীওই করোর 25রোমনা লায়রবদগী থোরকপা ঙমখি। অমসুং লায়রবদগী থোরক্লবা মতমদা মহাক্কী মঙলানশিংদা শাগৎপা অহানবা হীরম মঙা অদু করিনো? অহানবা অসি  অদোম্নি। মহাক্না সাইকল, স্কুতী, স্কুতর অমা ওইথোক্লবদি ফোর হ্বীলর অমা লৈবা পাম্লবা! মহাক্কী অহানবা মীৎয়েংফম অসি অদোম্না ওইরি। ঙসি নিও মিদ্দল ক্লাস ভারত্তা মশিং য়াম্না লৈরে, মখোয় মশাগী ওইবা আশা অমসুং অনীংবশিং লৈজৈ। তশেংবদি অনীংবা অপাম্বগী থাক অসি খুন্নাইদা, ইকনোমিক স্তার্তঅপশিংদা লৈ, মসি অতোপ্পা মফমদা তাংনা থেংনৈ। মীওই অমগী পুন্সিগী চহি 14 দগী 20গী মতম অসি খেন্নবা অদুম্না মখোয়গী পুন্সিদসু থোক্লি। অমসুং করিগুম্বা ঐখোয়না মসি কোকহল্লবদি ঐখোয়না করম্বা মফমদা লৈগদগে খনবা ঙমগনি। মসি মাগী এস্পিরেসনশিং লৈজবা নিও মিদ্দল ক্লাস অদুনি অমসুং নাকল অমরোমদা ঙসি ভারত্তা লৈরিবা মিদ্দল ক্লাসকী স্কোপ অসি য়াম্না খোঙলৈ থুনা হেনগৎলক্লি, মিদ্দল ক্লাসকী ইনকমসু হেনগৎলক্লি। ফেক্তর পুম্নমক অসিনা ভারতকী মোবিলিতী সেক্তরদা অনৌবা পনখৈ অমা য়ৌহল্লি। চাউখৎলক্লিবা ইকনোমী অমসুং হেনগৎলক্লিবা ইনকমগী মরক্তা মশক নাইবা মীওই খরনা নখোয়গী সেক্তরগী মোরেল হেনগৎনগনি, মীশকশিং অদু মোদী নত্তে। 2014গী মমাং চহি তরা অসিদা ভারত্তা গারী করোর 12 রোম য়োনখি। অমরোমদা 2014দগী লৈবাক অসিদা গারী করোর 21 হেন্না য়োনবা ঙমখি। চহি তরাগী মমাংদা ভারত্তা চহি খুদিং ইলেক্ত্রিক ভেহিকল লিশিং অনি ফাওবা শিৎলমখি। হৌজিক চহি খুদিং ভারত্তা ইলেক্ত্রিক গারী লাখ 12 রোম য়োল্লি।পেসেঞ্জর ভেহিকলগী সেল্স অসি হৌখিবা চহি 10দা চাদা 60 হেনগৎলকখি। ভারত্তা তু-হ্বীলর সেল্স অসি চাদা 70 হেন্না হেনগৎলকখি। ঙরাং খক্তা লাকপা ফিগরশিং অসিনা জনুৱারী থাদা য়োনখিবা কারশিংনা মমাংগী রেকোর্দ পুম্নমক থুংগাইখ্রে উৎখি। মসিনা তাকপদি ঙসি মোবিলিতী সেক্তরদা অমুক্তা ওইখিদ্রিবা পোজিতিব এনভাইর্নমেন্ত অমা উবা ফংলি। নখোয়না মাংদা চংশিন্দুনা কান্নবা লৌহৌগদবনি।

মরুপশিং,

ঙসিগী ভারতনা তুংলমচৎকী মথৌ তাবশিং খঙনা অনৌবা পোলিসীশিং শেম্মি। অমসুং মসিদা মোবিলিতী সেক্তরগীদমক অখন্নবা মফম অমা শোইদনা লৈগনি। ঙরাং পুথোকখিবা বজেৎ অদুদ অদোম্না বিজন অসি উবা ফংলগনি, মসি ইন্তেরিম বজেৎনি, মপুং ফাবা বজেৎ অদু ঐখোয়না অহুমরক শুবা ওইনা লাক্লবা মতমদা খক্তা পুথোক্কনি। 2014দা ভারতকী কেপিতেল এক্সপেন্দিচর অসি লুপা করোর লাখ 2গী মখাদা লৈরমখি, ঙসি মসি লুপা করোর লাখ 11 হেল্লি।  কেপিতেল এক্সপেন্দিচরদা লুপা করোর লাখ 11 চাদিং তৌনবা লাউথোকখিবা অসিনা ভারতকী মোবিলিতী সেক্তরদা খুদোংচাবা কয়ামরুম পুরককি। মসিনা ইকনোমী মপাঙ্গল কনখৎহনবা খক্তা নত্তনা থবক্কী অনৌবা খুদোংচাবশিংসু পীরগনি। অমুক্তা তৌখিদ্রিবা ইনভেস্তমেন্ত অসিনা মরম ওইরগা ঙসি রেল-রোদ-এয়রৱে-ৱাতরৱে ত্রান্সপোর্তকী সেক্তর খুদিংমক্তা অওনবা পুরকখি। ঐখোয়না সমুদ্র অমসুং চীংজাওবু শীংনবদুনা ইঞ্জিনীয়রিং মর্বেল অমগী মথং অমা পুথোকখি। অতল তনেলদগী অতল সেতু ফাওবা ভারতকী ইনফ্রাস্ত্রকচর দিবেলপমেন্তনা অনৌবা রেকোর্দশিং থম্মি। হৌখিবা চহি 10দা ভারত্তা অনৌবা এয়রপোর্ত 75 শাখি। খুঙ্গংগী লম্বী কিলোমিতর লাখ মরি শেমখি। নেস্নেল হায়ৱে 90,000km শেমখি। 3500kmগী হায় স্পীদ কোরিদোর শেমখি। মেত্রো রেল অমসুং রেল রুৎ 25,000km অনৌবা সহর 15দা শাখি। হন্দক্কী বজেৎ অদিদা ভন্দে ভারত ত্রেনগী কোচশিংগুম্না রেলৱে কোচ লিশিং 40 মোদর্নাইজ তৌনবা লাউথোকখি।

মরুপশিং,

ঐখোয়গী সরকারগী মসিগী স্পীদ অমসুং স্কেল অসিনা ভারত্তা মোবিলিতীগী ৱাহন্থোক্তা অহোংবসু লাকখি। ঐখোয়গী সরকারনা প্রোজেক্তশিং অসি মতম চানা লোইশিনবা, পন্দুনা লৈহনদবা, দেভিএৎ তৌদবা হায়বদা মীৎয়েং থম্মি। ত্রান্সপোর্তেসন অসি লাইথোকহন্নবা অমসুং লোজিস্তিক্সকা মরী লৈনবা শীংনবশিং হন্থহন্নবা ঐখোয়গী সরকারনা পুরৱারী ওইরবা অহোংবশিংসু পুরকখি। ঙসি পি.এম. গতিশক্তি নেস্নেল মাস্তর প্লানগী মখাদা লৈবাক অসিদা ইন্তিগ্রেতেদ ত্রান্সপোর্ত প্রমোৎ তৌরি। এয়রক্রাফ অমসুং শিপ লীজিংগীদমক গিফ সিতীদা রিগ্যুলেতরী ফ্রেমৱার্ক শেমখি। লোজিস্তিক্স চেন মোদর্নাইজ তৌনবা সরকারনা নেস্নেল লোজিস্তিক্স পোলিসী শেমখি। পোৎচৈ পুথোক পুশিন তৌবদা চংবা মতম অমসুং শেল হন্থহন্নবা দেদিকেতেদ ফ্রৈত কোরিদোরশিং দিবেলপ তৌখি। ঙরাং লাউথোকখিবা রেলৱে ইকনোমিক কোরিদোর অহুমনা ভারত্ত ইজ ওফ ত্রান্সপোর্তেসন হেনগৎহনবদা মতেং পাংলগনি।

মরুপশিং,

ঙসি ভারত্তা নেস্নেল হায়ৱেশিং অমসুং মোদর্ন এক্সপ্রেসৱেশিং শেমগৎতুনা কন্নেক্তিবিতী অসি লেপ্তনা মপাঙ্গল কনখৎহল্লি। GSTনা গুদশংগী মুফমেন্ত খোঙজেল লৈহনবা খক্তা নত্তনা রাজ্যশিংগী ঙমখৈশিংদা চেক পোস্তশিং মুত্থৎখি, ফাস্ত-তেগ তেক্নোলোজীনা থাও অমসুং ইন্দস্ত্রীগী মতম অনিমক সেব তৌবা ঙমহল্লি। স্তদী অমগী মতুং ইন্না ফাস্ততেগতগী চহি খদিংগী ইকনোমীনা লুপা করোর লিশিং 40গী কান্নবা ফংলি।

মরুপশিং,

ঙসি ভারতনা মালেমগী ইকনোমিক পাৱরহাউস অমা ওইরক্কদৌরি। ওতো অমসুং ওতোমোতিব কম্পোনেন্ত ইন্দস্ত্রীনা মসিদা অচৌবা থৌদাং লৌগনি। নখোয়গী ইন্দস্ত্রীনা লৈবাক্কী অপুনবা এক্সপোর্তশিংদা চাউনা শরুক তম্মি। ঙসি ভারত অসি পেসেঞ্জর ভেহিলশিংদা মালেমগী খ্বাইদগী চাউবা অহুমশুবা কৈথেল ওইরি। মালেমগী কম্মর্সিএল ভেহিকলশিংগী খ্বাইদগী চাউবা অহুমশুবা মেন্যুফেকচর্র ওইরি। ঐখোয়গী কম্পোনেন্ত ইন্দস্ত্রীনা গ্লোবেল্লী কম্পিতিতিব ওইরক্লি। হৌজিক অমৃত কাল অসিদা ঐখোয়না লম পুম্নমক্তা মালেমগী মকোক্তা লৈরি। ঐখোয়গী সরকারনা নখোয়গী খোঙথাং খুদিংদা নখোয়গীদমক লেপ্পি। মসি নখোয়গীদমক ঐহাক্না হায়বনি। সরকারনা নখোয়গী ইন্দস্ত্রীগী লুপা করোর লিশিং 25গী প্রদক্সন লিঙ্ক ইনসেন্তিব স্কিম অমা শেমখি। মদিনা ঐখোয়গী অপুনবা ভেল্যু চেন মীপাল তাংদবা অমসুং MSMEশিং শক্তি পীবদা অচৌবা থৌদাং অমা লৌরি। সরকারনা বেত্তরী স্তোরেজকীদমক লুপা করোর লিশিং 18গী PLI স্কিম পীখি। অমসুং বেত্তরী স্তোরেজকী মতাংদা ঐনা ফাওবা অদু থমজগে করিগুম্বা ঐহাক্না ক্লীন কুকিং মুফমেন্ত থৌগৎলবা, খুদম ওইনা লৈবাক অসিদা য়ুম করোর 25 লৈ অমসুং রুফতোপ সোলর অমসুং বেত্তরী স্তোরেজ সিস্তেম লৈরবা অমসুং মসিগী খুত্থাংদা কুকিং সিস্তেম লৈরবদি ক্লিন কুকিং সিস্তে অসিনা বেত্তরী করোর 25 মথৌ তাগনি। নখোয়গী গারীগী মথৌ তাবা বেত্তরীগী শরুক চাআ হে্লি, মসিনা গারীগী বেত্তরী য়াম্না হোংহনগনি। সরকারনা বজেৎ অসিদা অহানবা শরুক্কী ওইনা ইমুং করোর অদা রুফতোপ সোলরগী খুত্থাংদা লেম্না ইলেক্ত্রিসিতী য়ামদ্রবদা য়ুনিৎ 300 ফংহল্লগনি অমসুং ঐগী প্লান্দি মশাগী য়ুমদা মাগী EVগীদমক রুফতোপ চার্জিং সিস্তেমসু লৈহনগদবনি। নুমিদাংদা চার্জ তৌরগা অয়ুক্তা থৌবা য়ারগনি। অসুম্না রুফতোপ সোলর সিস্তেমগা লোয়ননা দিসেন্ত্রেলাইজ সিস্তেমগা মপুং ফানা কন্নেক্ত তৌনবা আইদিয়া অমা থমখি। রিসর্চ অমসুং তেস্তিং হেনগৎহন্নবা লুপা করোর 3200 নেস্নেল প্রোজেক্ততা পীথখি। নেস্নেল ইলেক্ত্রিক মোবিলিতী মিসনগী মতেংগা লোয়ননা ভারত্তা ইলেক্ত্রিক ভেহিকলশিং মেন্যুফেকচরিং অসিদা অনৌবা শাহৌ ফংখি। EVগী দিমান্দ হেনগৎহন্নবা সরকারনা লুপা করোর লিশিং 10 ইনভেস্ত তৌখি। ঐখোয়গী সরকারগী ফেম স্কিম অসি য়াম্না মাইপাকপা অমা ওইখি। স্কিম অসিগী মখাদা কেপিতেল দিল্লী য়াওনা সহর কয়াদা ইলেক্ত্রিক বস লিশিং কয়া চেনবা হৌখ্রে। সরকারনা EV চার্জিং স্তেসনশিং শাবদা সবসিদী পীরি।

মরুপশিং,

ঐহাক্না ঙরাংগী বজেত্তা হায়খিবগুম্না রিসর্চ অমসুং ইন্নোবেসন পুক্নিং থৌগৎনবা লুপা কোতি লাখ অমগী ফন্দ অমা লাউথোকখ্রে। স্তার্তঅপশিংদা ফংলিবা তেক্স এক্সেম্পসন অসি মখা তানা পাকথোক-চাউথোকহন্নবা ৱারেপ লৌখ্রে। মসিগী ৱারেপশিং অসিনা মোবিলিতি সেক্তরদসু অনৌবা ওইথোকপা য়াবশিং শেমগৎগনি। ঙসি EV শিংনা থেংনরিবা খ্বাইদগী চাউবা শীংনবা অসি মখোয়গী মমল অমসুং বেত্তরীশিংনি। মসিগী ফন্দ অসি হিরম অসিদা রিসর্চ তৌবদা শীজিন্নবা য়াগনি। ঐখোয়গী রুফতোপ সোলর স্কিম অসিদা EV মেন্যুফেকচরিংগা মরি লৈনবা কম্পোনেন্ত অমসু লৈরি, মসিনা ওতো সেক্তরদসু মতেং পাঙ্গনি। সোলার রুফ তোপকী মশিং হেনগৎলকপা মতমদা বেত্তরী মশিং য়াম্না মথৌ তাবসু মহৌশানি। সেক্তর অসিদসু অদোমগীদমক গ্রোথকী অচৌবা স্কোপ লৈরি। অদুগা ঐহাক্না অমুক হন্না ৱাফম অমা হায়জগে। ভারত্তা ফংলিবা রো মেতরিয়েলশিংদগী অনৌবা মখলগী বেত্তরীশিং শাবা ঙম্নবা ঐখোয়গী ইন্দস্ত্রিনা করিগীদমক অসিগুম্বা রিসর্চ তৌদ্রিবনো? মরমদি মসিগী রো মেতরিয়েল অসি কয়া কুইনা চত্কনি অমসুং মদুগি মতুংদা করি ওইগনি হায়বসিদা মালেম অসিনা ৱাখল ৱানরি। হৌজিক্তগী ঐখোয়না করিগীদমক অলতর্নেৎ লৌদরিবনো? ঐখোয়গী স্তার্তঅপশিংনা ভারত্তা দ্রোন সেক্তরদা অনৌবা শাহৌ অমা পীখি। মসিগি ফন্দ অসি দ্রোনশিংগা মরি লৈনবা রিসর্স তৌবদসু শীজিন্নবা য়াগনি। ঙসি ঐখোয়গী ইশিং লম্বিশিং অসি য়াম্না মমল হোংবা ত্রান্সপোর্তকি পাম্বৈ অমা ওইনা থোরক্লে। ভারতকী শিপ্পিং মন্ত্রালয়না হৌজিক ইন্দিজেনস তেক্নোলোজি শীজিন্নদুনা হাইব্রিদ ভেসেলশিং শাবগী মায়কৈদা চংশিল্লক্লি। অদোমসু মায়কৈ অসিদা মাংলোমদা চংশিনগদবনি।

মরুপশিং,

ঙসি অদোম ইন্দস্ত্রিগী থৌনা ফবা পুম্নমক্কি মরক্তা, মার্কেৎকী মতাংদা খন্ন-নৈনবা কয়াগী মরক্তা, ঐহাক্না অদোমগী পুক্নিং অসি মীওইবগী মশক অমদসু পুক্নিং চিংশিনবা পাম্মি। ঐখোয়গী দ্রাইভর লাখ কয়া অসি মোবিলিতি সেক্তর অসিসী অচৌবা শরুক অমনি। ত্রক অমসুং তেক্সি থৌবা দ্রাইভরশিং অসি ঐখোয়গী সোসিয়েল অমসুং ইকোনোমিক সিস্তেমগী মরুওইবা শরুক অমনি। অয়াম্বা মতমদা দ্রাইভরশিং অসিনা ত্রক অদু পুং কয়া অমসুং পুং কয়া লেপ্তনা চেল্লি, অমসুং করিগিদমক্তা মপু অদু মতম চানা লাকখিদ্রিবনো, মখোয়না থমখিবা মফম অদুদগি হৌরকই, মখোয়না নুঙ্ঙাইনা লৈনবা মতম ফংদে। অসিগুম্বা অরুবা ফিভমশিং অসিদা মীওইশিং অসিবু লম্বিগি খুদোংথিবা থোকহল্লি। ত্রক থৌবা মীওইশিং অমসুং ঐখোয়গী ইমুং মনুংগী অৱাবশিং অসি ঐখোয়গি সরকারনা য়াম্না নীংথিনা খঙই। ঐহাক্না অদোমদা হায়জবদা নুংঙাইবা ফাওই মদুদি কেন্দ্র সরকারনা খোঙচৎ মনুংদা দ্রাইবরশিংদা নুংঙাইবা ফংহন্নবা অনৌবা স্কিম অমগি থবক্ হৌখ্রে। স্কিম অসিগি মখাদা নেস্নেল হাইৱে পুম্নমক্তা দ্রাইভরশিংগী অনৌবা খুদোংচাবশিং লৈবা মোদর্ন বিল্দিংশিং শাগনি। বিল্দিংশিং অসিদা চানবা, অশেংবা, থক্নবা ইশিং, তোইলেত, পার্কিং অমসুং দ্রাইভরশিংগী নুংঙাইবগী মপুং ফাবা থৌরাং লৈগনি। স্কিম অসিগি অহানবা তাঙকক্তা লৈবাক শিনবা থুংনা অসিগুম্বা বিল্দিং লিশিং অমা শাদুনা হৌদোক্নবা সরকারনা শেম-শারি। ত্রক অমসুং তেক্সি থৌবা মীওইশীংগীদমক শাবা বিল্দিংশিং অসিনা দ্রাইভরশিংগী হিংবদা লাইবা অমসুং চত্থোক-চৎশিন তৌবদা লাইবা অনিমক হেনগত্হনগনি। মসিনা মখোয়গী হকশেল ফগত্হনগনি অমসুং খুদোংথিবা থোকহন্দবদসু মতেং পাংগনি।

মরুপশিং,

মথংগী চহি 25 অসিদা মোবিলিতী সেক্তরদা ওইথোকপা য়াবা কয়া লৈরি। অদুবু ওইথোকপা য়াবশিং মপুং ফানা শীজিন্নবা ঙমহন্নবা ইন্দস্ত্রীনা খোঙজেল য়াংনা অওনবা পুরকপা অসি মখোয়গী থৌদাং ওইরি। মোবিলিতী সেক্তরননা তেক্নিকেল ৱার্কফোর্স অমসুং ত্রেন তৌরবা দ্রাইভরশিং থৌ তাগনি। ঙসি লৈবাক অসিনা ইন্দস্ত্রী অসিদা মেনপাৱর পীনবা ITI লিশিং 15 হেন্না লৈহল্লি। কোর্সশিং হেন্না কান্নবা ফংনবা ITIশিংগা ইন্দস্ত্রীগী মীওইশিংগা চুংশীন্নবা য়াদব্রা?

মরুপশিং,

নখোয়না মসিগী এক্সপো অসিগী তেগলাইন অসি বিয়োন্দ বাউন্দরিজ… হায়না পীরি, মসিগী ৱাহৈশিং অসিনা ভারতকী থৌনা অদু উৎলি। ঙসিদি ঐখোয়না অরিবা পনশিং অদু থুগাইবা পাম্মি অমসুং মালেম পুম্বা অমত্তা ওইনা পুনশিনবা পাম্মি। ভারত অসি লৌউ-শিংউ তৌবা লৈবাক অমনি হায়বসি হৌজিক ফাওবা খঙবা ঙমদ্রি। করিগিদমক মসিনা রব্বর মপান্দগী পুসিল্লকপা মথৌ তারিবনো? তয়ার ইন্দস্ত্রিগী এসোসিএসন অসিনা লৌমিশিং পুন্না ফমদুনা মখোয়না পীগদবা তেক্নোলোজিগী ইন্তরভেন্সনশিং, মখোয়না পীগদবা গাইদলাইনশিং অমসুং মখোয়দা কৈথেলগী থাজবা পিবরা? ঐহাক্না চেৎনা থাজৈ মদুদি ভারতকী লৌমিশিংনা অদোমগি রব্বরগী মথৌ তাবশিং অদু মপুং ফাহনবা ঙমগনি। ঙসিদি জিনেতিক ওইনা মোদিফাইদ তৌরবা রব্বর ‌উশিংগী মতাংদা রিসর্চ কয়া অমা তৌখ্রে। মসি হৌজিক ভারত্তা শীজিন্নদ্রি। ঐহাক্না তয়ার মেকরশিং অমসুং রব্বর ইন্দস্ত্রিগা মরি লৈনবা ইন্দসত্রিশিংদা লৌমিশিংগা শম্নহন্নবা হায়জরি। ইন্তিগ্রেতেদ কম্প্রেহেন্সিব হোলিসতিক এপ্রোচ অমগা লোয়ননা মাংলোমদা চংসিনসি। রব্বর অসি মপান্দগী ফংই, লাকউ ইরৈবাকচা, ঐখোয় ইশাগী পুথোক্লসি। ঐহাক্না হায়জনীংবদি ইচিল-ইনাওশিং, অদোম্না অহানবা ওইনা মশিং য়াম্না পুনশিল্লকপা মতমদা, অনৌবা ৱাখল্লোনগা লোয়ননা অমুক হন্না ৱাখল খনবা ঙমগনি, অমনা অমগী মতেং পাংদুনা মাংলোনদা চংশীনগনি। অমসুং ঙসি ঐখোয় অসিগুম্বা তাঙক্ক অসিদা লৈরি, ঐখোয়না পুন্না থবক তৌমিন্নরকপা মতমদা ঐখোয়গী পাঙ্গল য়াম্না হেনগৎলক্কনি অমসুং মালেম অসিবু লুচিংবগী খুদোংচাবা অদু ঐখোয়না থাদোক্লোই।

মরুপশিং!

দিজাইনগী লমদসু মালেমদা ঙসি লৈরিবা অচৌবা ফিল্দশিংগী ভারত্তা রিসর্চ লেব লৈতবা লৈরম্মোই। ভারতকী দিজাইনিংগী তেলেন্ত অমা লৈজৈ। হৌজিক ঐখোয়গী মীয়ামগী ৱাখল্লোন্দা লৈরিবা দিজাইনশিং অসি পুথোরক্তুনা মালেম্না ভেহিকল অসি ভারত্তগীনি হায়বা খংহনগদবনি, হায়রিবা খোলাউ অসি লাউগদবনি। লম্বীদা চৎলিবা মীপুম খুদিংমক্না কার অসি য়েংউ মসি ঐখোয়গী মেদ ইন ইন্দিয়ানি হায়না চাউথোকচনা হায়গদৌরিবনি। মসিগী ৱাখল্লোন অসি শাগৎকদবনি। করিগুম্বা অদোম ইশামক্তা থাজবা থম্লবদি মালেম অসিনা নঙোন্দসু থাজবা থমগনি। ঐহাক্না য়োগকী মরমদা মালেমদা খংহন্নবা চৎখিবা খোঙচৎ অদুদা UNদা ঐহাক্না য়োগকী মরমদা ৱা ঙাংখি, অদুগা ঐহাক্না ভারত্তা হল্লক্লবা মতুংদা মীওই কয়ামরুম্না মোদীজীনা UNদা চৎখিবা অদু অহানবা ৱা ঙাংবা চৎখিবা খোঙচৎলা অদুবু ঙসিদি মালেম পুম্বনা ঙসিদি নাতোন পাইদুনা ফম্লি। নশানা নশাবু থাজবা থম্লবা, থৌনা অমগা লোয়ননা লেপ্লবা মরুপশিং নখোয়না চৎপা ঙম্লোইবা লম্বেল অমত্তা মালেমদা লৈতে। নখোয়না চৎলুবা য়েংলুবা মফম খুদিংমক্তা অদোমগী কার অদু উবা ফংগনি। নখোয় পুম্নমকপু য়াইফ-মঙ্গোল পীজরি! থাগৎচরি।

***