কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা কেন্দ্রগী বজেৎ অসিবু 2047 ফাওবদা চাউখৎপা ভারত অমা ওইনবগী প্রধান মন্ত্রী শ্রী নরেন্দ্র মোদীজীগী বিজন অদু ফংনবা রোদমেপ শেম্মিবা অমনি হায়না থাগৎখ্রে।

Xতা মথং-মথং পোস্ত তৌরদুনা, শ্রী অমিত শাহনা হায়খি মদুদি কেন্দ্রগী বজেৎ অসিনা 2047 ফাওবদা চাউখৎপা ভারত অমা ওইনবগী প্রধান মন্ত্রী শ্রী নরেন্দ্র মোদীজীগী বিজন অদু ফংনবা রোদমেপ শেম্মি। বজেৎকী স্পীচ অসিনা মোদী সরকারনা ভারতপু অমৃত কাল মনুংদা সেক্তর খুদিংমক্তা মাংজিল থারিবা লৈবাক অমা ওইহন্নবা মাগী খোঙচৎ অসিদা হৌখিবা চহি 10দা ফংবা ঙমখিবা মাইলস্তনশিংগী মতাংদা ফোঙদোক্লি। মাইপাকপশিং অসিনা য়ুম্ফম ওইরগা ভিকসিৎ ভারতকী অচৌবা য়ুম্ব অসি শেমগৎলি। ঐহাক্না প্রধান মন্ত্রী শ্রী নরেন্দ্র মোদীজীবু মাইপাকপগী খোঙচৎ অসিদা জাতিবু লমজিংবীবা অমসুং শেল-থুম মন্ত্রী শ্রীমতি নির্মলা সিতারামনজীবুনা মহাক্কী ফজরবা বজেৎ স্পীচকীদমক থাগৎচরি।

শ্রী শাহনা মখা তারদুনা হায়খি লৌমীশিংদা কত্থোকখিবা মোদী সরকারগী ভিকসিৎ ভারত বজেৎ অসিনা লৈবাক্কী লৌমীশিংগী য়াইফনবা অনৌবা খুদোংচাবশিং পুরক্লি। মহাক্না হায়খি মোদীজীগী আত্মনির্ভর ভারতকী বিজন অসিনা ইথিল পীদুনা বজেৎ অসিনা নাকল অমদা ওইলসীদশিংদা আত্মনির্ভর ওইনবা পুক্নিং থৌগৎখি অমরোমদনা দাইরী সেক্তর চাউখৎহনবা অমসুং নেনো-দেপ শিজিন্নবদা মীৎয়েং চংখি। মহাক্না হায়খি মদুদি মোদী সরকারনা লৌমী করোর 11.8দা শেলগী তেংবাং পীরি অমসুং ক্রোপ ইন্সুরেন্সকী খুত্থাংদা লৌমী করোর 4দা প্রোতেক্সন পীরি। মহাক্না মখা তারদুনা হায়খি মোদর্ন স্তোরেজ অমসুং অফবা সপ্লাই চেন লৈহন্নবা বজেৎতা লৌখিবা মরু ওইবা ৱারেপশিংনা ঐখোয়গী লৌমীশিং অসি শেল-থুমদা মপাঙ্গল কল্লে অমসুং চাউখৎপা ঙম্লে। শ্রী শাহনা হায়, ঐনা মোদীজীবু লাখপতি দিদি করোর 3 শেমগৎনবগী পান্দম হেনগৎহল্লিবা অসিগীদমক থাগৎচরি।

কেন্দ্রগী গৃহ মন্ত্রীনা হায়খি মদুদি মোদী সরকারগী বজেৎ অসিনা তুরিজম সেক্তরদা অনৌবা শাহৌ অমা পীরগনি। মহাক্না হায়খি বজেৎ অসিদা তুরিজ সেক্তরগী ইকনোমী মপাঙ্গল কনখৎহন্নবা অমসুং অনৌবা থবক্কী খুদোংচাবশিং পীনবা তুরিজম প্রমোৎ তৌনবা পুৱারী ওইরবা অমসুং কলচরেল সাইৎশিং শেমগৎনবগীদমক রাজ্যশিংদা ইনসেন্তিবশিং অমসুং লোং-তর্ম ইন্তরেস্ত-ফ্রী লোনশিং পীরগনি। শ্রী শাহনা পি.এম. মোদীবু লাক্ষদ্বীপ অমসুং অতৈ ঈথৎশিংদা এয়র কন্নেক্তিবিতী হৌনবা অমসুং মখোয়বু মেনস্ত্রীমগা কন্নেক্ত তৌনবা পুৱারী ওইরবা ৱারেপশিং লৌখিবগীদমক থাগৎখি।

শ্রী অমিত শাহনা হায়খি য়ুনিয়ন ইন্তেরিম বজেৎ 2024গা লোয়ননা প্রধান মন্ত্রী শ্রী নরেন্দ্র মোদীজীনা ঐখোয়গী লৈবাক অসিদা হৌজিক পুরক্লিবা তেক্নোলোজিকেল রিভোল্যুসন অসিদা অচৌবা অহোংব অমা পুরক্নবা হোৎনখি। তেক্নোলোজীগীদমক লুপা করোর লাখ অমগী কোর্পস ফন্দগী প্রোবিজন অসিনা ঐখোয়গী রিসর্চ অমসুং দিবেলপমেন্তগী মতিক ময়াই হেনগৎহনবা খক্তা নত্তনা অচম্বা ইমুংদগী হৌরকপা নহারোলশিংবু তেক্নোলোজী অসি পাম্বৈ অমা ওইনা শিজিন্নদুনা খুন্নাইদা কান্নরবা অহোংবা পুরক্নবা শিংনবশিং মায়োক্নবা ঙমহনগনি।

গৃহ মন্ত্রীনা মখা তারদুনা হায়খি য়ুনিয়ন বজেৎ 2024 অসি চাউখৎপগী লম্বেলদা লৈবাক অসিবু লমজিংলিবা অমরোমদনা কোওপরেতিব ফেদরেলিজমগী ভেল্যুশিং হেনগৎহল্লিবা অথোইবা লৈঙাকপা অমা ওইনা পি.এম. শ্রী নরেন্দ্র মোদীজীনা লৌরিবা থৌদাং অসি মাংদা পুথোক্নবা দোক্যুমেন্ত অমনি। মথংগী দিকেদ মঙাগীদমক রাজ্যশিংদা পুন্না লুপা করোর 75,000গী ইন্তরেস্ত-ফ্রী লোনশিং পীনবা ৱারেপ অসিনা কেন্দ্র-রাজ্যগী মরীশিং মপাঙ্গল কনখৎহনবদা গেম চেঞ্জর অমা ওইরগনি। মসিনা মোদীজীনা পামজরিবা অথোইবা ভারত অসিদা রিজন অমত্তা নাথৈবা তৌহল্লোই।

শ্রী অমিত শাহনা হায়খি মদুদি মোদী সরকারনা লৈবাক্কী ইনফ্রাস্ত্রকচরবু মালেমগী থাক য়ৌহন্নবা বজেৎ অসি 11.1% হেনগৎহন্দুনা রেকোর্দ ওইনা লুপা করোর লাখ 11.11 য়ৌখি,  লোজিস্তিক্স ইফিসিএন্সী হেনগৎহন্নবা অমসুং শেল চংবা হন্থহন্নবা পি.এম. গতি শক্তিগী মখাদা অচৌবা রেলৱেজ কোরিদোর অহুমসু লাউথোকখি। ইরৈবাকচাশিংগী মমাংদা তুংলমচৎকী ভারতকী অনৌবা শক্তম অমা পুথোকখি। মহাক্না মখা তারদুনা হায় ঙসি মোদীজীগী লুচিং মখাদা লৈবাক অসিদা হায়ৱে শেম্বগী খোঙজেল অসি শরুক অহুম হেনগৎহনখি অমসুং এয়রপোর্তশিংগী মশিং অসি শরুক অনি হেন্না হেনগৎহনখি। ঙসি মোদর্ন ভন্দে ভারত অমসুং নমো ভারত ত্রেনশিংনা অনৌবা ভারতকী চাউথোকচবা ওইরি।

কেন্দ্র গৃহ মন্ত্রীনা হায়খি মদুদি প্রধান মন্ত্রীগী বিজনগী মমি তারিবা ‘সুর্য়োদয় য়োজনা’ অসিনা ইমুং করোর অমবু মখোয়গী য়ুমশিংদা সোলর ইনর্জী সিস্তেমশিং ইনস্তোল তৌদুনা ইলেক্ত্রিসিতী জেনরেৎ তৌবা ঙমহনগনি। মখোয়না থা খুদিংগী লেম্না ইলেক্ত্রিসিতী য়ুনিৎ 300 ফংগনি অমসুং মসিদগী মখোয়না চহিদা লুপা 15,000 দগী 18,000 তুংশিনবা ঙমহনগনি।

শ্রী অমিত শাহনা হায়খি মোদীজীনা হৌজিক ফাওবদা আয়ুশ্মান ভারত স্কিমগী মখাদা মীওই করোর  30 হেনবদা লুপা লাখ 5 ফাওবগী লেম্না লায়েং ফংহনখ্রে। মহাক্না হায়খি ঙসি বজেৎ অসিদা আশা অমসুং অঙ্গনৱাদী ৱার্করশিং অমসুং এসিস্তেন্তশিংবু আয়ুশ্মান য়োজনাগা লিঙ্ক তৌদুনা মীওইশিং অসিদা লেম্না লায়েংবগী কান্নবা ফংহন্নবা মরু ওইবা ৱারেপ অমা লৌখি। মসিগী মথক্তা বজেৎ অসিদা ‘সর্ভাইকেল কেন্সর’  ঙাকথোক্নবা চহি 9দগী 14 ফাওবগী নুপীমচাশিং ভেক্সিনেসন তৌবা প্রমোৎ তৌনবা মরু ওইবা ৱারেপসু লৌখি।

গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীনা হৌখিবা চহি 10 অসিদা 2013-14দা ইনকম তেক্স একজেম্পসনগী লিমিৎ লাখ 2.2  ওইরম্বদগী লাখ 7তা হেনগৎহনখি। মহাক্না হায়খি মদুদি ৱারেপ অসিনা সরকারদা ইনকম তেক্স পেয়রশিংগী থাজবা হেনগৎহনখি অমসুং মখোয়গী মশিংসু শরুক 2.4 হেনগৎলকখি। মসিগী মথক্তা দাইরেক্ত তেক্সশিং খোমগৎপা অসি শরুক অহুম হেনগৎলকখি।

*****